الشيخ محمد حسان: الاجتماع الأول لمبادرة لم الشمل جاء فى جو من الود.. وأبشر المصريين

[herohero]

أكد فضيلة الشيخ محمد حسان، فى بيان، عن نتائج مبادرة لم الشمل، التى يقودها، أنه اجتمع مع كل من عمرو موسى، وحمدين صباحى، والسيد البدوى، ومحمد سامى أحمد، والشيخ محمد حسين يعقوب، والشيخ سعيد عبد العظيم، والدكتور محمد يسرى، جمال المراكبىوأكد الشيخ حسان أن هذا اللقاء تم فى جو من الود والحب والتفاهم والإيجابية الكبيرة، حيث اتفق الجميع أن مصر القامة والقيمة وطن للجميع، وسفينة يركبها المصريون جميعًا، وقال: أجمع على أنهم لن يتركوا هذه السفينة تغرق أو تتعرض للغرق، لافتًا : وأضاف أرى أن الجو الذى تم فيه هذا الحوار تحتاج إليه أهل مصر الآن، ونبشر أهل مصر ونطمئن الجميع بأن هذه الإيجابية الكبيرة، التى تمت فى هذا اللقاء وننتظر مجلسا آخر لنضع بعض النقاط على الحروف لنفعل هذه المبادرة تفعيًلا عملياً على أرض الواقع.

http://www1.youm7.co...912331&SecID=12

تم تعديل 17 يناير 2013 بواسطة herohero

[tarek hassan]

يا هيرو .... كبر خطك شوية الله يكرمك ..... الواحد دخل في الشاشة ومش شايف برضه .... عموما ربنا يوفق الشيخ الدكتور : حسان .. ويجازيه خيرا

فكره الحوار خطوه كويسه جدا

تم تعديل 17 يناير 2013 بواسطة tarek hassan

[أبوأحمدإبراهيم]

ربنا يهدى الجميع لما فيه الخير لبلدنا وفعلا كلنا فى سفينه واحدة

ربنا يجزى الشيخ محمد حسان خير الجزاء........................

[متعب]

لم الشمل مع مين ؟ !!!!!!!!!!!!!!

مع الخونه والعملاء ومع حمضين صباحى وابو حمالات . هو مش حمضين ده مش كان واحد خمنا !!!!!

لم الشمل مع مين اصلا .

مهو يا اما الناس دى مطبلطيه واعلام فيه العبر يا أما احنا قدام كذابين ومنافقين وان شاء الله فى الدرك الاسفل من النار

طيب لم الشمل ده على اى اساس . على اساس عدم نقدهم مثلا ويمشوا الدنيا على هواهم وخلاص وكل واحد يخدله جوز جنهات

طيب هما دول الشعب بقى ولا دول ال بيحركوا الشعب ؟

طيب هل الشعب هيقبل اذا هما قبلوا بمبادره لم الشمل دى بده اننا نخرص وخلاص طالما دول عملوا معاهم عهد بلم الشمل

ولم الشمل مع مين اصلا . ده تيار مسمى اسلامى منفرد لوحده وبين شعب كامل بكل طوائفه طلعوه كافر بمعنى الكلمه . ولا خلاص اكتشفوا ان الشعب ده مسلم وهيدخل الجنه هيسكن الفردوس الاعلى

لم الشمل ده لما يكون فى انقسامات حقيقيه يعنى نص الشعب منقسم على نصفه الاخر . وده مش موجود اصلا

يبقى لم ايه وبحطرت ايه . وليه فى التوقيت ده بالذات ؟ هل لانهم فقدوا مصداقيتهم فى الشارع وشعبيه المعارضه اصبحت اقوى منهم ولذالك بيقدموا تنازلات تحت مسمى لم الشمل . مش كان ال هيفتح بقه هينضرب بالجزمه ويتعلق على باب المسجد ؟ !!!!!!!!

كوكتيل قرف قرف بجد

ما بدل الكلام الفارغ ده متنهض بالبلاد وحطها على الطريق الصحيح ليها وخلى المستثمرين يجوا مصر يستثمروا اموالهم بدل ما بتهربهم منها ويبقى ده ال هيلملك الشمل بالفعل

يعنى افعال مش اقوال . اعمل مشروع واحد ينفع الشعب . بدل ما هنقضيها خطب رنانه ونتحالف مع المخالفين وخلاص وبكده يبقى قضينا على الشعب او ده التصور

مفيش اى انجاز تم على ارض الواقع

احنا كمصريين منتخبينهم على اساس انهم يعملوا معاهدات صلح مع المعارضه ولا معاهدات صلح البلاد ؟ !!!!!!

طيب هل المعارضه وقفه حائل بينك وبين تصليح البلاح واصلاحها . الدليل فين وهل تملك المعارضه ده اصلا

اعتقد بدل ماتشوف المعارضه عاوزة ايه من الاولى ان انك تشوف البلد عاوزة ايه

البلد فى ازمات مستمرة وبتزيد يوم عن يوم وممنهجه لده . هل صنعت ده المعارضه وهل المعارضه هى الحاكمه . وهل تملك فى الامر شىء

يبقى حاكم المعارضه بالمرة على عدم اصلاح البلاد

طيب ليه المبادره دى اتأخرت اصلا وتركها مولاهم للتفحل بالشكل ده ولا كان فاهم انهم هيتعلقوا على ابواب المساجد وخلاص

ولما لقى التيار شديد اقدم عليها واستيراد شيوخ من الخارج لدعمه بعد ما انحرق ووجهم الحقيقى ظهر للناس بصورة قبيحه بالشكل ده

ربط غريب جدا الحقيقه

مبادرة استيراد علماء السعوديه للتغزل فى الشعب المصرى وعنيه المكحله والبرفان ال حطه ومبادرة لم الشمل ال اتت بعدها على طول

ياترى ايه القرف ده

[herohero]

وجه الكلام ده يا استاذ متعب للي قبلوا الدعوة وفعلا حمدين صباحي وعمرو موسى غلطوا غلطة كبيرة جدااااااااااااااااا

لم شمل ايه ؟؟ده تضييع وقت

فعلا حاجه غلط لازم نقعد نهاجم بعض ونغلط ف بعض

[متعب]

فعلا حاجه غلط لازم نقعد نهاجم بعض ونغلط ف بعض

يعنى ايه نهاجم بعض ونغلط فى بعض

يعنى فى شىء صح ممكن يتم مهاجمته ولا احنا بنعمل شىء غلط ويستحق المهاجمه

ياترى عملنا مشروع واحد يفيد البلاد وتم مهاجمته من اى فصيل ايا ان كان

يعنى القرض ال هيتحكم فى مصر وال كان حرام على ايام المخلوع واصبح فى عصر يوسف مصر الجديد حلال . هنا المهاجمه له جريمه ومطلوب من الشعب تغيير الرسالات السماويه وقلب ما حلل الله الى ما حرم الله

هو تم قفل محلات الخمور وصالات القمار وبيوت الدعارة الممثله فى فنادق الخمس نجوم وتم مهاجمته على قفلهم ولا تم مهاجمته على قفل قنوات ومصادرة صحف واقلام ؟ !!!!

وهو حمدين ولا عمر موسى هما دول الشعب المصرى وهما دول الثورة ولا هى ممثله فيهم ولا دى ثورة شعب لازم تحترم ؟

لما تقبل بوجود مجلس تشريعي مؤقت، تم انتخابه من اقل من 5% ويشرع فى البلاد على طريقه اختياره لتسعين فى الميه منه على هواه ولو تم مهاجمته هنا يبقى كده مصر ماشيه على الطريق الغير صحيح

هى دى المهاجمه ويا اما نمنعها يا اما نستمر وخلاص

وياترى لو قبل حمدين او غيره باى شىء وطلع ناس تانيه تعارض هنا هنعد نعمل معاهدات صلح وتهدئه جديده وهى دى بقى مصر وده اصلاحها اننا بنصلح العلاقات مع ناس وخلاص ومش مهم البلد تروح فى ستين داهيه

على فكرة هو اختفى ليه الراجل ال كان بيفجر الغاز ولا ملوش مزاج دلوقتى لانه اتحالف مع البيريزين العظماء

[متعب]

على رأى واحد صديقى

لسماع نغمة "هو مرسي اللي كان سايق القطر؟" اضغط 1

لسماع نغمة "ادوله فرصه" اضغط 2

لسماع نغمة "مهو واخد بلد خربانه" اضغط 3

لسماع نغمة "هنصرفلهم تعويضات" اضغط 4

لسماع نغمة "هنعمل لجنه تقصي حقائق" اضغط 5

لسماع نغمة "المؤامرة" اضغط رقم 6

لسماع نغمة "ماهى المعارضة السبب" اضغط رقم 7

لسماع نغمة "ماهو مينفعش معاكم الراجل المحترم مرسى وانتم تستاهلوا مبارك" اضغط رقم 8

لسماع نغمة "هو كل حاجه الرئيس الرئيس؟؟" اضغط رقم 9

لسماع نغمة "أصل الفلول هم السبب" اضغط رقم 10

لسماع نغمة "أصل الإعلام هو اللى بيهوّل ولازم يتطهر" اضغط رقم 11

لسماع نغمة "هو انت كنت تقدر تتكلم كده أيام مبارك؟" اضغط رقم !!