أجازة العيد في مصر 3 أيام فقط ؟!!!!!!

[se_ Elsyed]

إجازة عيد الأضحي المبارك ثلاثة أيام للقطاع الخاص

قرر السيد أحمد العماوي وزير القوي العاملة والهجرة أن تكون إجازة عيد الأضحي المبارك‏,‏ بالنسبة للعاملين بالقطاعين الخاص والاستثماري‏,‏ مدتها ثلاثة أيام هي‏:‏ التاسع‏,‏ والعاشر‏,‏ والحادي عشر من ذي الحجة‏,‏ والتي توافق الوقوف بعرفة‏,‏ وأول وثاني أيام العيد بأجر كامل‏.‏ ويمنح العاملون‏,‏ الذين يحصلون علي راحة أسبوعية يوما واحدا في الأسبوع يوما عوضا عنه‏,‏ وكذلك العاملون‏,‏ الذين يحصلون علي راحة أسبوعية يومين في الأسبوع‏,‏ يومين عوضا عنهما‏,‏ إذا تصادف وقوع أيام الراحة الأسبوعية ضمن إجازة عيد الأضحي المبارك‏.‏

الناس دي بتستهبل ولا شكلها عبيط ولا إيه بالظبط ؟

يعني العيد هايبدأ يوم الجمعه اللى هو أساساً إجازة لغاية يوم الأثنين ... يقوموا يخلوا العيد من الخميس للسبت ؟!!!!

يعني هو الشغل مقطع بعضه والمُنتجين واقفين طوابير ؟

طب ما انتوا بتخترعوا أعياد ما أنزل الله بها من سلطان وبتاخدوها اجازات زي عيد الأم وعيد العمال وعيد إستقلال ليبيريا !!!!!!!!

[bibo]

???????????????? فى ايه يا عم سيد

الكلام واضح يعنى الاجازة الخميس(الوقفة)ويومى الجمعه والسبت

اللى بياخد اصلا الجمعه اجازه هياخد بداله الاحد

يبقى : خميس -جمعه- سبت- احد

اللى بياخد الخميس والجمعه(الحكومة)او الجمعه والسبت(بنك مثلا

هياخد بدالهم الاحد والاثنين

يبقى: خميس -جمعه- سبت- احد- اثنين

ايه بقى؟؟؟؟؟؟؟؟؟؟

مش نصحصح كده ولا ايه؟؟؟؟؟؟؟ rs:

rs:

[yasovinas]

معلش يا بيبو اصلها عامله زي موضوع مين بيربي السمك بتاعة اينشتاين

ابو السيد لسه ما فطرش

كل سنة وانتم طيبين

[se_ Elsyed]

أصل أنا عشت في الدور وكنت بأفتكر إن مصر هاتبقى زي السعودية

تصوروا الحكومة أخر يوم عمل لهم النهاردة وهايرجعوا يوم 29 يناير ( 17 يوم متواصلة ) rs:

ومعظم القطاع الخاص هاياخد 9 أيام اجازة من الوقفة لحد يوم 28 برضوا rs:

وكل سنة وإنت طبيبين

بس في سؤال هنا .. يعني اللي لا بياخدوا الخميس ولا السبت اجازة .. يعملوا إيه ؟.. ياخدوا على دماغهم ؟