ثورة 25 يناير 2013 . سجل ياتاريخ . يا أما للمزبله يا أما للمجد

[tarek hassan]

أتمنى أن تستجيب مرسي لنداءات شعبه السلمية بالرحيل والاختفاء والانزواء والبعد عن المشهد السياسي إلى غير رجعة غير مأسوف له أو عليه ....

وأحمله مسئولية كل مشهد اليوم من قتل أو حرق أو تدمير أو اقتحام

وكان عليه أن يتفادى ذلك لولا أن المشهد ليس غريبا عليه وأن المخربون زملاؤه هم من أخرجوه من السجن وهو الذي أخرجهم منه وحماهم وهو من كافأهم وسماهم ثوار وشهداء

وبعيدا عن العنف على مرسي أن يرحل فلا ينبغي أن يحكم شعبا أغلبيته أصبحت كارهة له وناقمة عليه

وبعد أن استنفذ كل وسائل الغش والكذب والخداع والمراوغة وأصبح مفلسا سياسيا

أرحل يا مرسي فأنت فاشل فاشل

عار كل العار أن يحكم مصر شخص مثلك

ارحل يعني إمشي ياللي مبتفهمشي

السلام عليكم ورحمة الله وبركاته

الاخوة الافاضل

استاذ طارق

مين اللى بينادى على الريس انه يرحل

هو حضرتك ناسى نسبة التصويت على دستور مرسى لامواخذة دستور مصر اللى جبهة الخراب المستعجل كانت مساميه دستور الاخوان

حضرتك ممكن تحمله اعمال القتل اذا تم مهاجمة ثوار التحرير داخل الميدان اما لو تحرك احدهم الى الداخلية والشورى والشعب وماسبيرو ومحطات الطاقة وووووو

لمحاولة اسقاط مؤسسات الدولة وجب عليه الضرب فى المليان --- عارف ليه يااستاذ طارق علشان ده حقى وحقك ملكى وملك وسيرحل الاخوان وسيرحل اخرون ولن تبقى الاهذه الموسسات التى مللك الشعب

فسيرحل الحكام ويبقى الشعب وممتلكاته

كذلك اذا تعرض هولاء على الممتلكات الخاصة مثل مقرات الاحزاب وجب على هولاء الزود عن ممتلكاتهم وهذا ماكفله الشرع قبل القانون

اغلبية الشعب كارهة فيها نظر ودى وجهة نظرك وننظر الى اخر اليوم لنرى كمية الحشد هل سينزل الاغلبية الى الشوارع مثلما حدث مع مبارك ام لالالا؟؟؟

عار عار عار نجيب مين ياباشا يحكمنا من جبهة الافلاس ولا نجيب حكم من بره زى ماتشات الاهلى والزمالك ولا نرجع حسنى او المشير ؟؟

تحياتى

إزيك يا أبا فاطمة ... وحمدا لله على السلامة ..... لعلك لم تقرأ مشاركاتي السابقة ..... وأنا اعتبر كما كنت دائما كل من يخرب بلطجي وكل من يحرق مصر من أجل مصلحته بلطجي مجرم .... نحن يا سيدي أمام فئة من البلطجية أنتجها حكم مرسي بتصرفاته ودافع عنهم بقراراته واستفاد من حرائقهم وتخريبهم واستخدمهم .... بلطجية اليوم والأمس شركاء في إحراق مصر وسرقتها ولعلك تعلم المثل

مشافهمش وهما بيسرقوا شافوهم وهما بيتقاسموا

ياريت كلهم يغوروا في ستين داهية علشان تسلم البلد ... ولا تحاول أن تقنعني إنك بتدافع عن مصر لما بتدافع عن مرسي لو بتحب مصر قول لمرسي

ارحل ارحل أيها الفاشل

تم تعديل 25 يناير 2013 بواسطة tarek hassan

[egyptawy]

قام المئات من المتظاهرين المحتشدون بشارع قصرالعينى بحرق علم جماعة الإخوان المسلمين، اعتراضًا منهم على سياسات الرئيس محمد مرسى وإدارته لشئون البلاد.

وردد المتظاهرون هتافات "الشعب يريد إسقاط النظام" "ويسقط يسقط حكم المرشد".

ويقوم المتظاهرون بمحاولات بتسلق الحاجز الأسمنتى المقام بالشارع، والذي يمنع وصول المتظاهرين الي مجلس الشعب ومجلس الوزراء ووزارة الداخلية ومحاولة هدم الجدار وفتح الطريق مرة اخري.

اقرأ المقال الأصلي علي بوابة الوفد الاليكترونية

[egyptawy]

بتحب مصر قول لمرسي

ارحل ارحل أيها الفاشل

اضافة لكده ياريت كل مويد يفكر ويقولى ماذا رايت من مرسى حتى تستميت فى تاييده

قرارات فاشلة وسياسات فاشلة

طيب عايز ايه بقى قولنا هى مشكلتك ان مبارك كان ديكتاتور ولا مشكلتك انى الديكتاتتور ما كانش اخوانى

[herohero]

القصة مش قصة تأييد يا استاذ ايجابتاوي القصة قصة انا معارض الاسلوب الي أتبعه ف المعارضة

هل اللي بيحصل دلوقت هيوصل لحياة ديموقراطية دلوقت العنف هيقابل بعنف والشحن هيقابل بشحن مش عارف ليه الناس بكل بساطة متصورة ان لو مرسي مشي الرئيس اللي هيجي هيحترم وهنلتزم معاه بالشرعية كدة احنا كشعب هيكون لسان حالنا كل سنة رئيس واكيد كل رئيس له معارضيه من اول يوم لانهم مختلفين معاه فكريا يعني لو جاء حمدين صباحي مثلا هل هتتوقع ان اصحاب الفكر ف الاقتصاد الراسمالي ولا اللي ضد الناصرية هيكونوا راضيين عنه ؟؟يبقى ينزلوا ويشيلوه وهكذا بقت القصة عارف ان ناس هترد وتقول ما مبارك كان رئيس منتخب واتشال ؟؟

ومين قال ان مكنش الافضل ان التغيير يكون وفق آليات كل ما اخشاه ان تكون الالية المتبعة ف تبادل السلطة هي العنف والفوضى فمن يعارض يعارض بالفوضى ومن يدافع فهو يلجأ للعنف ايضا وندخل ف دوامة الصراع والعنف اللي هيبقى مسلح

[egyptawy]

القصة مش قصة تأييد يا استاذ ايجابتاوي القصة قصة انا معارض الاسلوب الي أتبعه ف المعارضة

هل اللي بيحصل دلوقت هيوصل لحياة ديموقراطية دلوقت العنف هيقابل بعنف والشحن هيقابل بشحن مش عارف ليه الناس بكل بساطة متصورة ان لو مرسي مشي الرئيس اللي هيجي هيحترم وهنلتزم معاه بالشرعية كدة احنا كشعب هيكون لسان حالنا كل سنة رئيس واكيد كل رئيس له معارضيه من اول يوم لانهم مختلفين معاه فكريا يعني لو جاء حمدين صباحي مثلا هل هتتوقع ان اصحاب الفكر ف الاقتصاد الراسمالي ولا اللي ضد الناصرية هيكونوا راضيين عنه ؟؟يبقى ينزلوا ويشيلوه وهكذا بقت القصة عارف ان ناس هترد وتقول ما مبارك كان رئيس منتخب واتشال ؟؟

ومين قال ان مكنش الافضل ان التغيير يكون وفق آليات كل ما اخشاه ان تكون الالية المتبعة ف تبادل السلطة هي العنف والفوضى فمن يعارض يعارض بالفوضى ومن يدافع فهو يلجأ للعنف ايضا وندخل ف دوامة الصراع والعنف اللي هيبقى مسلح

ياساتاذ هيرو انت لو عينت موظف فاشل وشايفه من اول يوم عمال ياخد قررات مشبوهة منها تعيين كب اقربائه فى المناصب الحساسة وتثبيت اقدامهم

وعشان قلة خبرته وغبائه الموظفين ابتدوا يتخنقوا والشركة ابتدت تخسر والمساهمين الكبار ابتدوا ينسحبوا

ياترى هتسيبوا لما عقده يخلص ولا هتاخد قرار فورى

ياستاذ هيرو الناس بيقولوا مرسى مستلمنا 90 مليون وبعد 3 شهور بقينا 60 بس هل رايت الكوميديا الضاحكة

[herohero]

ياعزيزي انا مؤيد للاعتراض لكن كل ما اخشاه هو العنف المتبادل وانت عارف ان فيه ناس معترضة من أول يوم يعني انا قولت لك مثلا انا كشخص مقتنع بالرأسمالية وضد الناصرية مثلا جاء حمدين صباحي هل تتوقع ان بسهولة هكون راضي عن سياساته ؟؟مشكلتنا اننا ف مصر كل واحد مننا عاوز رئيس تفصيل يعني اوباما هل نجح ف تحقيق وعوده الانتخابية ؟لكن الية التغيير الانتخابات هل معارضي اوباما بيولعوا ف المباني الحكومية

هل حضرتك عندك برنامج لجبهة الانقاذ يعني قالوا المشكلة بتاعت النقل تتمثل ف النقاط الاتية وهنحلها بكذا

عزيزي انا عاوز البديل ابقى عارفه انما البديل يكون بس مجرد بديل طب عرفني السلبيات ف حكم مرسي هتحلها انت ازاي واظن كان من الافضل بدل تضييع الوقت ف مؤتمرات للشحن والتهييج عرض حلول عشان لا نفاجأ ان مرسي مشي وجه غيره ولقينا نفس المشاكل بتحل بنفس الاسلوب

عزيزي انا عاوز المعارضة تعرفني بنفسها عاوز حلول للمشاكل عشان اشجعها واقول هي ده بالبلدي انا عاوز بيزنس بلان

انا عاوز راااااااااااااااااااجل

بجد هاتولي راااااااااااااااااااااجل ببيزنس بلان واضحه عشان تبقى معارضتنا موضوعية

------------------------------------

الثورة هتنجح لما المعارضة تحدد الخطوة القادمة ايه وتشتغل عليها

مش تستناها تحصل وتفكر ترد عليها ازاي

مخططناش للي بعد مبارك فجالنا المجلس العسكري .. ومخططناش للي بعد العسكر

فضحكو علينا بانتخابات متحددلها نتيجتها ... بلاش نكرر اخطائنا

تم تعديل 25 يناير 2013 بواسطة herohero

[egyptawy]

أنتم اليوم تجنون ما صنعت أيديكم بالأمس وعلى الباغي تدور الدوائر !

الوطن | خطيب الجمعة بالتحرير يصف "مرسي" بـ"العميل الصهيوني الجاسوس"

[egyptawy]

الاعلامي حمدي قنديل عبر حسابه الشخصي علي تويتر: اليوم اتذكر فصيلا من شباب الاخوان المسلمين الشرفاء عصوا تعليمات المرشد ونزلوا الميدان فى 25 يناير.. اتذكر اسلام لطفى واحمد امام ومحمد القصاص

- القصاص وامام ولطفى خرجوا من الجماعة واسسوا حزب التيار المصرى..اينما كانوا سنظل نذكر لهم ولرفاقهم من كل التيارات الفضل فى استمرار الثورة..

[egyptawy]

كل القنوات الغير مصرية تغطى الاحداث الجارية والتلفزيون المصريى يعرض كلمة مسجلة لمرسى

وكان ثورة لم تقم

وكان الحزب الوطنى مازال يحكمنا

ياريت وزير الداخلية يجخز زنزانة جامب زنزانة انس الفقى

[egyptawy]

http://www.alwafd.org/%D8%A3%D8%AE%D8%A8%D8%A7%D8%B1-%D9%88%D8%AA%D9%82%D8%A7%D8%B1%D9%8A%D8%B1/13-%D8%A7%D9%84%D8%B4%D8%A7%D8%B1%D8%B9%20%D8%A7%D9%84%D8%B3%D9%8A%D8%A7%D8%B3%D9%8A/362093-%D8%B3%D8%AD%D9%84-%D9%85%D9%88%D8%A7%D8%B7%D9%86-%D8%A7%D8%B9%D8%AA%D8%B1%D8%B6-%D8%B9%D9%84%D9%89-%D8%A7%D9%84%D9%82%D8%B1%D8%B6%D8%A7%D9%88%D9%89-%D8%A8%D8%A7%D9%84%D8%A3%D8%B2%D9%87%D8%B1

[Abu Reem]

امتى الفشلة هينجحوا في حاجة واحدة.

علشان بس نشوف امارة انهم يقدروا يقودوا دولة

فشلة في كل شيء بقالهم سنة نفسهم يوصلوا للسلطة مش عارفين.. ينجحوا. ويسيطروا على اغلبية في مجلس شعب مش عارفين

طيب ينجحوا في اي استفتاء على الدستور مش عارفين

حتى الثورة فاشلين فيهارغم انهم بيقلدوا الثوار المحترمين اللي نزلوا في 2011. ولم يكن لهم اي مطامع. او. اهداف سوى اسقاط النظام

انما دول قلوبهم شتى واهدافهم فاشلة مثلهم...ولذلك سيحصدوا الفشل واحتقار الشعب مثل كل مرة

همه بس ناجحين في حاجة واحدة وهي الفوضى والتخريب والنعيق. كالبوم في الفضائيات ومواقع التواصل الاجتماعي. والمنتديات

امتى هينجحوا في حاجة...على الاقل علشان يقولوا للناس احنا اهو بننجح في الثورات واسقاط الانظمة بدون. الاخوان والسلفيين وباقي التيارات الاسلامية

يعني اذا كنتم فشلة حتى في اسقاط من تدعون انهم فاشلين!!! فكيف سيقتنع بكم الناس. ويسلمونكم المسئولي ايها الفاشلين

خلينا نتفرج عليكم ،،، ونشوف اخلاقكم. وسفالتكم...

تم تعديل 25 يناير 2013 بواسطة Abu Reem

[herohero]

http://www.youtube.com/watch?v=pzCzlNj4rQc&sns=fb

الفقرة بتاعت عبدة الشيطان امتى ؟؟ احلى حاجه الشباب الثوري اللي مسقط البنطلون ده اللي اعرفه ان تسقيط البنطلون يعني الكثير واللي ف الغرب عارفين مين اللي بيسقط البنطلون عموما كل تحية مادام ده الفكر اللي هيحل مشاكلنا وان البلاك بلوك بقوا ثوارنا وبقى تنظيم محترم وله كل الاحترام ف انه يحرق ويولع

مرحبا بالموضوعية

عموما لو اتزنقوا ف رجالة مش بتسقط البناطيل هيلاقوا اكيد

تم تعديل 25 يناير 2013 بواسطة herohero

[egyptawy]

نفس اسلوب الحزب الوطنى

تم استبداله بحزب واطى

تشويه كل معارض شريف وهيكون هو ده المنوال لسنين طويلة

عموما ان شاء الله ربنا سينصر مصر

وسيعود صراصير الاخوان لجحورهم

تم تعديل 25 يناير 2013 بواسطة egyptawy

[herohero]

ده اهداء للي كان بيقولك والعياذ بالله المد الوهابي الكافر ----فاهمني يا استاذ متعب

خد بقى المد البلاك بلوكي المحترم اللي موجود ف مصر حاليا واللي منتشر بره شوف بقى منهجهم ونظامهم ومادام انت سعيد بكدة

http://www.youtube.com/watch?v=c0WOowwBa68

http://www.youtube.com/watch?v=zz22OvY6FTY

طبعا مش فوضوييين خاااااااااااااااالص

تم تعديل 25 يناير 2013 بواسطة herohero

[egyptawy]

فى مثل هذا اليوم من سنتين كنا شعب واحد

هذا قبل ان يفرقنا مرسى وجماعته

[egyptawy]

قناة الاخوان مشغلة برنامج اسمه دوار العمدة

مش بقالكم ياجماعة

قناة ليس لها مكان الا صفيحة القمامة هى وحزبها

[egyptawy]

يلا يابديع ارفع سماعة التليفون وقول لمرسى يعمل ايه قبل ما تخرب اكتر

سماع دوى إطلاق رصاص أمام "محلى الإسكندرية" وسقوط عشرات المصابين

[شرف الدين]

لن يسقط الإخوان من حكم مصر بهذه الطريقة .. وبهذه الأحوال ..

ولن يهنأ الإخوان أيضا بحكم مصر بهذه الطريقة وبهذه الأحوال ..

" وكذلك نولي بعض الظالمين بعضا ".

[herohero]

قناة الاخوان مشغلة برنامج اسمه دوار العمدة

مش بقالكم ياجماعة

قناة ليس لها مكان الا صفيحة القمامة هى وحزبها

بتتفرج عليها ليه ؟؟؟take it or leave it

اتفرج حضرتك ع اساليب التفكير المنهجي الفذ لشخصيات كثير القنوات مليانة بهم او ممكن حضرتك تتفرج وتعرف عن البلاك بلوك

يعني قناة مصر 25 ده قناة متخلفة لناس متخلفين فسيبهم لتخلفهم وادعوا لهم ربنا يشفيهم

انا مثلا لما بحب اتثقف باشاهد عمرو أديب راجل مثقف من زمااااااااااااااااان

من ايام برنامج سواريه ع اوربت2 وهتلاقي مذيعين فظاع منهم واحد مسك بريد الجمعة بعد المبدع عبد الوهاب مطاوع ،وطبعا خلاه أفشل باب ف الاهرام وقالك انا مقدم استقالتي عشان حمدين صباحي مش هتستضيفوه ورجع زي ......بعدها ب10 ايام

اللي اقصده عند حضرتك قنوات جباااااااااااااااااااااارة وممتازة

بلاش نصيحه مني شوف لقاء ع قناة النهار النهارده بين عمرو حمزاوي وحلمي الجزار أهو يمكن يتقال شئ مفيد

انما قناة مصر25 ده كلها كفر والعياذ بالله

Take it O r Leave it

[egyptawy]

لن يسقط الإخوان من حكم مصر بهذه الطريقة .. وبهذه الأحوال ..

ولن يهنأ الإخوان أيضا بحكم مصر بهذه الطريقة وبهذه الأحوال ..

" وكذلك نولي بعض الظالمين بعضا ".

ان لم يسقطوا والمصريون يطردون من المساجد بضم الياء لا لشى الا لانهم يرفضون النفاق متى سيسقطون

ان لم يسقطوا بعد ان اصبح الاقتصاد على حافة الهاوية متى سيسقطون

لا ياسيدى لن نتركها لهم

لن نترك مصر لمجموعة خرفاء مثلهم