رسمياً .. حسن شحاته مديراً فنياً لمنتخب مصر

[se_ Elsyed]

رسمياً..حسن شحاتة مديراً فنياً للمنتخب الوطني

كتب رضوان الزياتي:

قرر مجلس إدارة اتحاد الكرة في اجتماعه أمس برئاسة عصام عبدالمنعم الإبقاء علي حسن شحاتة مديراً فنياً للمنتخب الوطني الأول رسمياً ويستمر في مهمته حتي نهائيات كأس الأمم الأفريقية بالقاهرة يناير من العام القادم.

وتعيين شوقي غريب مدرباً عاماً وحمادة صدقي مدرباً وأحمد سليمان مدربا لحراس المرمي والمهندس سمير عدلي مديراً للمنتخب.. استبعد مجلس الإدارة فكرة التعاقد مع الأجنبي بوكير بعد أن رفضته اللجنة الفنية التي شكلها الوزير أنس الفقي برئاسة الكابتن الوحش.

أخيراً حلينا معضلة من اهم المعضلات التي واجهت الرياضية المصرية في السنوات الأخيرة ... وهي إختيار مدير فني لمنتخب مصر للحوكشة ... فبعد سلسلة غير متناهية من التخبط من جانب وزير الشباب أنس الفقي اللي الكرسي طلع واسع عليه .. وعمال يغني دلوقت جايين الدنيا ما نعرف ليه .. ويخرب بيتك ياللي رميتني الرمية دي ... ومن جانب إتحاد الكورة المؤقت بقيادة الكابتن عصام عبد المنعم المُلقب بالمخبطاتي من كتر التخبط اللي هو فيه .. ومن جانب اللجنة الفنية بقيادة الكابتن والعلامه عبدو صالح الوحش ومعاه الدكتور طه إسماعيل اللي بصراحة هما الإتنين بعد رأيهم في تارديللي وبعد اللي عملوه في إختيار المدرب ما بقوش يدخلوا ذمتي بتعريفة وأتضح إن الكابتن سين سين بيفهم اكثر منهم بمراحل في كرة القدم ...

فشوية يقولوا خلاص إتعاقدنا مع " تيجانا " النجم الفرنسي ومدرب نادي فولهام الإنجليزي .. والراجل جاله شلل رعاش لما عرف إنه هايدرب منتخب مصر .. وبعدين يرجعوا بعدها بيوم يقولوا لأ تيجانا إيه ده عندو مشاكل مع محمد الفايد صاحب نادي فولهام والفايد رافع عليه قضية طاعة ...

بعدها بيومين .. قالوا خلاص يا جماعة إتعاقدنا مع الفرنسي هنري كاسبرزاك .. والبولندي الأصل واللي بيدرب دلوقت نادي درجة تانية في بولندا ومبهدلهم وهاينزلهم درجة عاشرة ,,,,

بعدها بكام ساعة ... لأ خلاص خلاص بجد وجديد إحنا إتعاقدنا مع ثيو بوكير المدرب الفاشل مع الإسماعيلي واللي طه بصري أو محسن صالح برقبته والراجل هايفسخ عقده مع نادي الكويت الكويتي وهاييجي جري يدرب منتخب مصر ...

إمبارح .. بقى قالوا لك .. خلاص عيب بقى تيجانا إيه وكاسبرزاك إيه وبوكير ده مين .. ده احنا عندنا البلدي كله ... ماله المعلم حسن شحاته والكابتن المحترم شوقي غريب ؟ كُخه ؟ على الأقل رُخاص وولاد حلال وعلى قد فلوسنا اللي هي فلوس مصر والمصريين ...

بصراحة أخر قلة ادب ولا مؤخذه أصغر عيل بيلعب كورة في مصر ممكن يتصرف بحنكة وعقلانية أكثر من هؤلاء اللي بيسموهم خبراء وكباتن كبار ..

والموضوع لا يتعلق بإختيار مدرب او مساعد مدرب على قدر ما يتعلق بإستقرار إداري وحيادية في إتخاذ القرار والعمل الدؤب على توفير الدعم والإستقرار للمدرب الجديد .. مثلما كانوا بيوفروا لبن العصفور للجوهري الفاشل سبب النكسة الكروية اللي فيها مصر حتى الآن ..

هايقولك .. إنت ما بتفهمش كورة يا أخ س س .. بقى بتخبط في الجوهري .... الراجل اللي وصلنا لكأس العالم 90 وكسبنا كأس أفريقيا 98 يبقى فاشل ؟ لأ إسمحلي إنت طلعت بطاطس خالص يا سونسون ..

فأقول يا سادة يا محترمين .. لو كنا وفرنا الدعم الماداي والمعنوي والصحافي ولغينا الدوري ووقفنا جميع النشاطات الكروية لأي لا مؤخذه مِعزة او جدي من جديان البراري او بلاش كده فصدقوني ومن غير حلفان لو جيبنا الكابتن عبدو سبارس مدرب مركز شباب القللي يدرب المنتخب وأديناه مرتب 100 جنية في الشهر ووفرنا له الإستقرار .. هايحقق نتائج مبهرة وإن لم تكن فهايحقق نفس نتايج تارديللي او جيرار جيللي أو راوتر .... إلخ اللي لهفوا كذا مليون من دم الغلابه وفلسعوا .

... وبكره تشوفوا شوية الأرزقاجية الصحفيين والهتيفة هايعملوا إيه مع اول تعادل لحسن شحاته ويزهقوه في عيشته ويصوروا الموقف على إنه كان جاي ومستلم فريقنا القومي وهو على عرش كرة القدم العالمية وباخطائه القاتلة جابنا الأرض .. واحنا أساساً مستوانا تحت الارض ....

[yasovinas]

الغريب ان اللجنه الفنيه هي نفسها او اغلبها كانوا معترضين على حسن شحاته كبديل للمدرب الاجنبي وكان طه بصري هو المرشح الاقوى من جانب الوحش وابو جريشه بينما عصام افندي عايز حسن شحاته

مش مهم مين المهم على راي س س انه يستقر ويلاقي الدعم واهم حاجه ان اللعيبه بتوعنا ربنا يهديخم ويلعبوا كورة

[theblackpirate2005]

[

... لأ خلاص خلاص بجد وجديد إحنا إتعاقدنا مع ثيو بوكير المدرب الفاشل مع الإسماعيلي واللي طه بصري أو محسن صالح برقبته والراجل هايفسخ عقده مع القادسية الكويتي وهاييجي جري يدرب منتخب مصر ...

سى السيد

باختلف مع حضرتكم للمره اللى مش فاكر كام

بقى بوكير فاشل

بوكير عمل اللى مفيش مدرب عمله للاسمعيلى المشكله انه راجل منحوووووس

الراجل جه ومكنش فيه فرقه والفرقه كانت واقعه ومكنش فيه امل فيهم

حه عمل الفرقه وكسب الماتش ورا الماتش لغايه موصل للفينل فى بطوله افريقيا

وكلنا فاكرين المقلب الجميل اللى اتحاد الكره عمله فيه لما الراجل موقوف منه 4 لعيبه بعد ماتش الترجى اللى كسبوه فى تونس وجم مكملين عليه وخدوا منه احمد فتحىوحسنى عبدربه وخلوه يروح يلعب بالبدلاء وطبعا اتغلب هناك h):

والفاينل لما اتلعب فى الاسماعيليه كلنا شفنا الحكم والى عمله فى الاسماعيلى

الاستعباط بتاع لعيبه انيمبا

وادى اول بطوله راحت من الراجل بسبب اتحاد حرب وااتحاد حياتو

اللى بعده الدورى (الدورى كان الاسمعيلى ماشى كويس فيه احسن من الهنود الحمر)

جه الراجل نام وصحى مالقاش الفرقه اللى كان بيدربها طول السنه (الشاطر اسلام راح الزمالك والنحاس راح السعوديه سيد معوض اختفى وتراورى قضاها فى مالى وعطيه صابر راح الحدود وخميس جعفر راح انبى )يعنى بقى هي

رب فرقه تانيه من اول جديد فطبعا الدورى خلاص انتهى وراح عليه وهوه مالوش ذنب فيه

نخش على الكاس الراجل طلع من الدور قبل النهائى والمقاولون هو اللى طلعه وكان كسبان 2\0 وفاضل ربع ساعه لولا ربك اراد ان المقاولون يصحى ويتعادل وبعد كده يخرج كالعاده بالبلنتيات وده من حظه الجميل وطبعا ولا فتحى ولا عبد ربه كانوا موجودين معاه وطبعا الهنود الحمر بردوا خرجوا من الكاس من نفس الفرقه وجوزيه هو اللى ضيعه بفكره العبقرى لما عمل التغييرات التلاته فى اول الشوك التانى ولوكان فيه مدرب فاشل فاكيد هو جوزيه

نخش على البطوله العربيه

الراجل كان ماشى فى البطوله العربيه كويس وادى الهنود الحمر اربعه ولا هتتنسى مهما عملتوا ومهما خدتوا منهم من لعيبه ولولا الحظ كانوا بقى تمانيه على الاقل وكان ماشى كويس وعدا من الدورالاول وراح بعد كده فى المجموعه التانيه

مع اتحاد جده واهلى جده وصفاقس وكلنا قلنا عليه العوض الاسماعيلى راح اونطه والاداره كملت عليه وباعت نص الفرقه بس الراجل وقف وقفت رجاله وبلل نص لعيبه اللى عنده عمل فرقه من تانى واتعادل هناك مع اهلى جده واتحاد جده وكل مره هو اللى يكون كسبان وعمرو فهيم يطرد ويتحسب البلنتى عليه ويخلص الماتش تعادل 3/3

وبعد كده جت الولايه الميمونه لعصام بك عبد المنعم وجه قال مفيش لعيبه دولين هيلعبوا فى البطوله العربيه وهات يا اسماعيلى اللعيبه بتوعك انت بتهرج بقى الهنود الحمر ينسحبوا من البطوله العربيه وانت عايز تكمل وتلعب اما قله ادبووخدوا منهم اللعيبه (فتحى وعبد ربه وحمص وابو جريشهحتى ابو الجريشه اللى مالوش فيها خدوه المنتخب ساعتها ) واتغلب فى الاسماعيليه من صفاقس 3/0

ولعب بحداشر لعيبه وجون احتياطى واحد متعور وخلى عصام بك يفرح وينعنش

وبعد كده ربنا نصره وكسب اهلى جده ووصل لقبل النهائى وعدا من الهلال اللى كان لسه غالب الزمالك واتعادل معاه فى القاهره ووصل للنهائى ولاعب صفاقس ولو حضرتكم شفت الماتش النهائى كنت هتلاقى الاسماعيلى هو اللى بيهاجم والاسماعيلى كله فى نص ملعب صفاقس وكوره فىالعارضه وجون ملغى واوفسايد من الهوا بيتحسب لغيه موصلوا للبلنتيات وطلع من البطوله بشرف وكرامه

ادى بوكير اللى مش عاجبك حضرتكم الراجل عمل اللى محدش عمله واللى جوزيه لو مسك الفرقه دى ولا عمره كان هيقدر يعمل اى حاجه معاهم والراجل ده احنا اللى خسرناه مش هو اللى خسر ان همدربش المننتخب وابقى قابلنى كمان اسبوع وهتلاقى حسن شحاته بيتشتم وبيتهزأمن اول ماتش المنتخب هيلعبه تحت قيادته الميمونه من جماهير الهنود الحمر