اتاخرت التاشيرة شهر كامل مع كمية مبررات وحجج غريبة من المكتب

[alaa smiir]

السلام عليكم ورحمة الله وبركاته

السادة الأفاضل اعضاء المنتدي الرجاء اللي عندة خبرة في الموضوع ده يفيدني ..

التاشيرة ( تاشيرة محاسب )بقالها في القنصلية شهر من يوم 27/12/2012 وحتي الأن معرفش عنها اي حاجة غير اللي مكتب بيقولو :

مرة يقولي كانو واخدين اجازة اسبوع عشان اعياد الاخوة المسيحيين ... ومرة يقولي الي الشهادة بتاعتك عشان انت مؤهل عالي بتاخد وقت في التوثيق من القنصلية ... واخر حاجة بيقولي النهاردة ان الطلب اترفض اكثر من مرة بسبب عدم وصول الكشف الطبي من مستشفى السلام الدولي مع العلم ان موقع انجاز بيقول ان الكشف موجود ولي صديق بالمستشفى بيقولي انه الكشف هناك في معاده وممكن يكون المكتب نفسه مبعتش الجواز اصلاً في ميعاده .

الرجاء من السادة الاعضاء الافادة بخصوص هذا الموضوع .. وشكراً

[hossam youssef]

انا والله نفس القصه الجواز من 8 يناير بس اللى انا اعرفه وشايفه وسط الناس ان الجوازات ببتاخر فى القنصليه ممكن تكون بسبب النقل بتاع القنصليه بس اللى انا فاهمه ان لو الجواز اترفض المكتب ليه مش قال من اللاول المفروض انه بيرجع عليهم

انا عايز اسالك هو انت لما بتدخل على انجاز ايه الرساله اللى بتطلع ليك

[alaa smiir]

انا والله نفس القصه الجواز من 8 يناير بس اللى انا اعرفه وشايفه وسط الناس ان الجوازات ببتاخر فى القنصليه ممكن تكون بسبب النقل بتاع القنصليه بس اللى انا فاهمه ان لو الجواز اترفض المكتب ليه مش قال من اللاول المفروض انه بيرجع عليهم

انا عايز اسالك هو انت لما بتدخل على انجاز ايه الرساله اللى بتطلع ليك

بيظهر الرسالة دي ( حدث خطأ يرجى التأكد من البيانات المدخلة والمحاولة مرة أخرى )

[hossam youssef]

بس ياسيدى انشا الله خير فى واحد صدقنا فى نفس الموقع كانت بتطلع له نفس الرساله وربنا كرمه واتغيرت بعد حوالى 20 يوم عنده

وبرده هى ديه الرساله اللى بتطلع ليا واحنا مستنين الفرج وانشا الله خير هو المكتب بيسبتك عشان الموضوع اتاخر وانشا الله خير

ومن يومين قريت ان ا/ خالد صدقنا اللى فى الموقع طمن الناس وقال انه فى خلال اليومين اللى جايين كل الجوازات اللى فى السفاره هتخلص

وانشا الله خير واحنا نتابع مع بعض انا وانت

وانا عايز ااقولك ابقى اتصل بالمكتب بكره وقوله يعنى انت هتقدمه تانى واترفض عشان ايه طب الموضوع ده هياخد اد ايه وكده زن عليه

وابقى طمنى وانشا الله خير

[alaa smiir]

الحمد الله النهاردة المكتب كلمني ان التاشيرة خلاص طلعت بس في حاجة هو بيقولي انت تيجي تستلم الجواز الصبح بدري عشان تروح الشهر العقاري وقالي لما تيجي هفهمك ليه .

حد يعرف ايه مشوار الشهر العقاري ده ... ؟؟