تعليق علي حديث الرئيس مبارك لقناة العربية

[تلميذ]

في لقائـــه اليوم مع قناة العربيــــة وصف الســـيد الرئيس حســني مبارك دور الســــيد جمال مبارك قائلا

إبني يســــــــاعـدني

أعانكم الله علينا ولاحول ولا قوة إلا بالله.

[تلميذ]

في حــواره اليوم مع قـنــــاة العربية أفاد الســـيد الرئيس مبارك أن حكم مصر عملية ليست سهلة والخروج منه ليس سهلا أيضا.

لقد فهمت لماذا يكون حكم مصــر أمرا ليس ســـهلا ولكن للأســـف لم أفهم لماذا يكون الخروج منه ليس ســـهلا أيضا.

[omtmam]

في لقائـــه اليوم مع قناة العربيــــة وصف الســـيد الرئيس حســني مبارك دور الســــيد جمال مبارك قائلا

إبني يســــــــاعـدني

بيساعدوا فى ايه هو

محل كبابجى

بيساعدوا فى ادارته

دىىىىىىي بلد

اااااه يا بلد

[ابو حلاوه]

الاستاذ ابو تمام :: نفس الانطباع اللي شعرت به لما قرأت مداخلة الاخ تلميذ ... هي مصر دي محل مكوجي و لا جزار و لا مؤاخذة .... نعلم الواد فيها الصنعة علشان لما يشد حيله و يكبر يشيل الدكان لوحده .... بس بقي انا مع الرئيس لا فض فوه ان دخول الحكم و الخروج منه مش سهل ... و لا مؤاخذة حاجة كده زي دخول الحمام مش زي خروجه .. و تاريخ مصر الحافل بيؤكد ان الحاكم من دول بيطلع من الحمام قصدي من الحكم بعد لما ياخد الشامبو ... فينك يا سيد يا كبريته و كل سنة و انتم طيبين

[ناصر الملك و الملكية]

في حــواره اليوم مع قـنــــاة العربية أفاد الســـيد الرئيس مبارك أن حكم مصر عملية ليست سهلة

نفس الجملة التي قالها فاروق لمحمد نجيب علي ظهر المحروسة قبل أن يغادر مصر

" ليس من السهل حكم مصر "

و هذا شئ لا يدركه إلا الذين حكمواً مصر فقط

[ابو يوسف]

"وانا متذكر لما زرت امريكا كان اول فترة بيل كلينتون‏,‏ ساعة ونص انا وهو بس قالي بين رأيك في موضوع الصومال‏,‏قلت له عاوز رأيي الشخصي بلا مهاترة إذا كنت تستمع إلي حقولك‏,‏ قالي اوي اوي انصحني اعمل ايه قلتله انتم رحتم علشان عمل انساني دا اتقلب العمل الانساني انتوا ماشيين في الشوارع بتموتوا في الناس اللي معاكم واللي ضدكم بتطلعوا بالطائرات تضربوا الناس‏,‏ قلتله رأيي أنا الشخصي بحكم معرفتي بالصومال قلتله اقعد في المعسكر بتاعك واشتغل عمل انساني وبعد كده خد بعضك واخلع طالما انت موجود حيضربوا فيك‏,‏ قالي ماحيضربوا بعض قلت له اسبوع اسبوعين وخلاص مش حتقدر تقعدهم كده وفعلا حصل وبعدين الوضع زي ماهو وفيه رئيس للصومال وفيه برلمان للصومال بس قاعدين في كينيا انا بخشي بقي إن نصل للعراق لهذا الحد لكن ساعتها حيبقي في مشكلة حيبقي مرتع للارهاب ومش حيضر المنطقة بس ده حيضر العالم‏,‏ كل تنظيم ارهابي حيقولك دي ارض خصبة هناك ناخد راحتنا‏,‏ انا باتكلم مع الامريكان والانجليز بفهمهم ساعات مايصدقوش الكلام ده لكن بعد شوية بيلقوه واقع‏.‏"

يا ترى أمريكا و أوروبا من غير الريس بتاعنا كانو ح يعيشوا ازاى ؟؟؟

رحمتك يا رب !!!! :)

بس بصراحة " خد بعضك واخلع " دى جامدة قوى !!!

[ابو يوسف]

"المذيع‏:‏ هل كنت تتوقع هذه النهاية لصدام؟

‏*‏ الرئيس‏:‏ هو اللي عمل في نفسه كده‏,‏ هو قعد يقولك انا عندي النووي وهو لا عنده النووي ولا عنده هباب‏,‏ هو كان معاه شوية فلوس وعايز ياخذ فلوس البترول في الخليج كلها‏,‏ ويبقي قوة كبيرة وعايز يبقي زعامته بس الزعامة مش بالعافية"

و هكذا انضم الهباب الى الأسلحة المحظورة دولياً ..

وأنا أقدر أعملك تمثيلية وأقول أنا مش حاعقد والدنيا تقوم مظاهرات وابقي خربت الدنيا وأنا ما بحبش أعمل الحركات النص كم دي""

تقوم مظاهرات ليه ؟؟؟

"جئت الرئاسة ديا فوجئت إني أنا رحت نائب رئيس الجمهورية وبعدين توفي السادات ما تقدرش تسيب البلد كده فاضطريت أتحمل المسئولية‏.‏ "

:) rs:

"التقيت مع المواطنين هناك والمؤتمر وحصل تجاوب‏,‏ أي موضوع بنتكلم فيه‏,‏ ولو فيه أي حاجة نتكلم ونشرحله واللي عنده حاجة بجاوبه فيها بصراحة والموضوع اللي حيبقي في حساسية ما اقدرش أكلم فيه بصراحة حيضرنا‏,‏ ولو اتكلمت الحقيقة كأني أنا بظهر كروت يستخدمها أي واحد معادي لنا علشان يضرب عليا‏."

زى ايه ؟؟؟ هه

عاوزين نعرف !؟

و لا بلاش أحسن ننضر !! :o

[felfel]

عار على المصريين أن تكون هذة هى لغة حوار رئيسهم - بجد حاجة تحزن وتقرف

[kotoz9]

الراجل عنده حق انتم عارفين كام واحد عنده ضغط الدم فى مصر؟؟ تخيلوا بقى لو سمعوا ان الرئيس مبارك تنحى عن الحكم الناس من الفرحة حيطبوا ساكتين قبل ما يقولوا هييه حتى.

لا اتصور ان حسنى مبارك يقصد من حديثه عن" بوظان"الدنيا الا ده. انا مش عارف هو ازاى مقتنع بالقناع المزيف اللى محتفظ به ان الناس بتحبه و لو خرج حيموتوا روحهم وكل الفيلم الحمضان ده!!!!خلاص بقى بايخ وملهوش معنى ولا حتى حد برة مصدقه

[mnman]

في امريكا بيعملوا مسابقات بيكون عنوانها اسم الرئيس!! بمعني انهم يسئلوك الرئيس رقم 18 كان مين وحكم من سنة كام لكام وهكذا!!!

اعتقد عندنا في المحروسة وبما اننا بنقلد كل شئ ممكن نعمل برنامج مشابة بس عن العمد (بضم العين) و شيوخ الغفر!! كدة تبقي مسلية اكتر fty:: cr((:

ياريت مصر كانت محل كبابجي والله بيكسبوا!!! احنا اخرنا بياع دوم و لب وحمص بفرشة في الشارع وكتير علينا كمان!!

الخروج طبعا صعب!! خاصة لاب حنون زي بابا مبارك!! مش ممكن يسيب اولادة الشعب المصري و يمشي ابدا!! دة حتي الناس كانت تاكل وشة ويقولوا علية قليل الاصل!!! رحمتك يارب!!