نظيف: جمال مبارك مؤهل لتولي منصب الرئيس

[mb14]

الراجل الطيب صاحب الحكومة الالكترونية بيبص لمستقبله والحفاظ على الكرسى الوثير قام مدى بقين حلوين قوى لوكالة انباء اسوشيتدبرس عن صاحب المواهب العظيمه جيمى عشان يفتكره بردوا بعد المولد

"

نظيف: جمال مبارك مؤهل لتولي منصب الرئيس

قال رئيس الوزراء المصري إن جمال مبارك، نجل الرئيس حسني مبارك، مؤهل لتولي منصب الرئاسة إلا أن صلته بوالده تعد "عقبة" في طريقه.

وعندما سئل حول مسألة توريث السلطة، وهي القضية التي تثير جدلا واسعا في مصر، رفض أحمد نظيف استبعاد أن يصبح جمال مبارك رئيسا مستقبليا للبلاد.

وقال نظيف إن جمال يستحق أن ينظر إليه على أنه مرشح موهوب، بدلا من مجرد اعتباره نجل الرئيس.

وكان معارضون قد نظموا مظاهرات في شوارع القاهرة احتجاجا على ما يرونه إعداد جمال لتولي مهام الرئيس.

وقال نظيف في لقاء مع وكالة اسوشيتدبرس: "كونه نجل الرئيس يمثل عقبه حقيقية أمامه (جمال) وعليه أن يتخطاها."

"إذا رشح نفسه لتولي المنصب فسينظر إليه على أنه يفعل هذا بسبب والده، وليس نظرا لمواهبه الخاصة. أعتقد أنه يستحق أكثر من هذا."

وأضاف نظيف أنه يتوقع ويأمل أن يخوض جمال، الابن الأكبر لحسني مبارك، الاستفتاء الرئاسي القادم.

وكان الرئيس المصري، في لقاء مع قناة العربية الفضائية الأحد، قد أشار بقوة إلى أنه سيعيد ترشيح نفسه لفترة رئاسة سادسة.

يذكر أن مبارك البالغ من العمر 76 عاما، يتولى السلطة منذ عام 1981 عقب اغتيال الرئيس المصري السابق أنور السادات.

وبموجب الدستور المصري، يختار البرلمان الذي يهيمن عليه الحزب الوطني الديمقراطي الحاكم مرشحا رئاسيا في وقت لاحق هذا العام.

ثم سيقوم البرلمان بطرح اسم المرشح على الشعب في استفتاء يصوت فيه الناخبون بنعم أو لا.

وتدعو أحزاب المعارضة وزعماء المؤسسات المدنية في مصر إلى المزيد من الحريات الديمقراطية وتعديل الدستور للسماح بإجراء انتخابات رئاسية يخوضها عدة مرشحين.

يذكر أن مبارك كثيرا ما استبعد توريث السلطة لابنه جمال، لكن محللين يقولون إن هذا لا يستبعد نقل السلطة إلى ابنه عن طريق الإجراءات الدستورية الحالية. "

الوصله:

http://news.bbc.co.uk/hi/arabic/middle_eas...000/4183135.stm

[se_ Elsyed]

الراجل الطيب صاحب الحكومة الالكترونية بيبص لمستقبله والحفاظ على الكرسى الوثير قام مدى بقين حلوين قوى لوكالة انباء اسوشيتدبرس عن صاحب المواهب العظيمه جيمى عشان يفتكره بردوا بعد المولد

ما انت مش واخد بالك .. ما هو نظيف الراجل بتاعه برضوا وجيمي هو اللي مقلوظ له المكان ده ... ونظيف أساساً كان عضو في البتاعة دي بتاعت السياسات وتحت طوعه ... شوفوا كده وهو قاعد قدامه في أي إجتماع مع إن سنه ضعف سن جمال .. إنما سبحان الله بيبقى قاعد زي الكتكوت المبلول قدامه .. لإنه سيده وتاج راسه وولي نعمته .

"كونه نجل الرئيس يمثل عقبه حقيقية أمامه (جمال) وعليه أن يتخطاها."

ماهو ما فيش غير حلين قدامه :

1- إنه يتبرأ من أبوه ويقول له إنت مش أبويا لإي اخر الفيلم .. ويعيدوا تمثيل فيلم الخطايا بس بالعكس ... وبكده الشعب يصدقه .

2- أو يأجر ناس من مطاريد الجبل ويخلصوا العمليه عشان ساعتها يبقى يتيم وما يعتمدش على أبوه ..

وبعدين إيه حكاية المواهب الخاصة دي ؟... مش دي برضوا اللي عند إبن الملك عبد الله بن الحسين ... الواد الصغير اللي في خامسة أبتدائي ولسه بيلبس بامبرز .. وأبوه عزل اخوه عشان يعين إبنه أبو مواهب خاصة ..

الله !!!!!... يعني كلهم عندهم مواهب خاصة ومن طينه تانية وإحنا ولاد البطة السودا يعني ولا إيه حكايتهم السودا دي ؟

ما تفهمونا يا ناس ماحنا معاكو برضوا في البلد .. يعني إقنعونا بموهبة خاصة من اللي عنده ...

مش عارف ليه المواهب الخاصة دي بتفكرني بذوي الإحتياجات الخاصة ...

ما علينا

غني يا سيدي وسمعنا .. ماحنا خلاص بقينا عاملين زي مستمعي القهاوي لما كانوا بيتلموا حوالين عازف الربابة ويقعد يسرح بهم في قصص أبو زيت الهلالي .. والزناتي جمال ..

[تلميذ]

تصــريح الدكتــور نظيف لايمكن أن يكون تصــريحا عشـــوائيا ولا يمكن أن يكون بدون ترتيب مســـبق وهــذا كلام خطير جــدا كونه يصــدر عن رئيس وزراء مصــر.

أتوقع أن يتم ترشـــيح الســـيد جمال مبارك في الإســـفتاء القادم ومبروك علينا الرئيس الجــديد الســـيد جمال مبارك.

ولاحول ولا قوة إلا بالله العلي العظيم وحســــبنا الله ونعم الوكيل.

[se_ Elsyed]

أتوقع أن يتم ترشـــيح الســـيد جمال مبارك في الإســـفتاء القادم ومبروك علينا الرئيس الجــديد الســـيد جمال مبارك.

مش هايحصل ..

لإن الفترة المتبقية ضيقة جداً .. ومبارك أذكى من ان يصطدم بالشعب في تلك الفترة الحرجة ...

ولكن اللي هايحصل إنه هاينجح بنسبة 99.9 % ( يادوب يدخلوه كلية الطب البيطري جامعة الزقازيق ) في الإستفتاء اللي هايعملوه بينهم وبين بعض في اكتوبر ويتظبط لمدة 5 سنوات جايين ( ما لم يحدث شيء خارج عن آرادته كالوفاة مثلاً ) وتدريجياً هانصبح مره الصبح نلاقي جمال قاعد على كرسي العرش ... إيه يا عم إنت بتعمل إيه هنا ؟ هايقولك لأ أبداً مافيش أصل بابا قال لي خلي بالك من المحل على ما أوصل مشوار وأرجع تاني ...

وخلاص بأه ... اللي خلف مامتش ... واللي نعرفوا أحسن من اللي مانعرفوش ... وأهو دولت على الأقل سرقوا وشبعوا .. وأحسن من دوكهوما اللي لسه هاييجوا جداد ويسرقوا من أول السطر .... وعلى رأي أمال زايد ( ست أمينة ) في ثلاثية نجيب محفوظ لما بتقول لإبنها كمال لما عرفت إنه بيخرج في مظاهرات تطالب بالإستقالا وطرد الإنجليز من مصر فقالت له جملتها المشهورة " إخص عليكوا يا كمال .. بقى عايزين تطردوا الناس اللي بقى لهم سنين معانا .. لأ إخص عليكم إخص .. دي العِشرة يابني ماتهونش إلا على إبن الحرام "

[Sherief AbdelWahab]

اتفضل قهوة..أنا متشكر!

هذه العبارة في أغنية قديمة وأرى أن تصريح الدكتور نظيف الأخير يتفق معها تماماً!..سيادة رئيس الوزراء بيعزم على جمال مبارك الدخول في الاستفتاء!

لكن بصراحة أشك أن التصريح دة بالونة اختبار، لما الناس ح تسمعه ح تتضايق و ح تقول اللي نعرفه- بقالنا 24 سنة بس- أحسن من اللي ما نعرفهوش..وهنا بس تظهر "إرادة الشعب" المصري!..

الناس عايزاني..أرفض؟..

خلص الكلام

[ابو يوسف]

ما هذا الاستفزاز ؟؟

ولماذا جمال مبارك ؟؟ دونا عن شباب مصر كلهم ؟؟

هل هو نابغة عصره و أوانه ؟؟

هل حقق ما حققه باجتهاده ؟

آه ... نسيت ..

ده بيساعد الحاج الوالد ..

فى ادارة ..

العزبة !!

[تلميذ]

مش هايحصل ..

لإن الفترة المتبقية ضيقة جداً .. ومبارك أذكى من ان يصطدم بالشعب في تلك الفترة الحرجة ...

أخي الفاضل سي الســيد,

إليك هــذا الســـيناريو وأخبرني عن رأيك فيه:

تتفق معي أن آليات الترشــيح والإســـتفتاء وصــناديق الإنتخابات وأعضاء مجلس الشــعب وكل شئ في البلد تحت الســـيطرة تماما.

أتصــور أن الســيناريو بدأ بهذا التصــريح للدكتور نظيف والذي لايمكنه أن يقترب من هــذه المســاحة الشــديدة الحســاسـية بالنســبة للرئيس مبارك إلا بترتيب مســبق.

يتبع هــذا تعالي مناشــدات شـــباب الحزب الوطني وشــباب جمعية المســتقبل وباقي هيئة المنتفعين بمطالبة الســيد جمال مبارك بترشــيح نفســه اســـتنادا إلي أنه مواطن مصــري وأن هــذا من حقه وأنه ليس أقل من نوال الســعداوي وأن صــندوق الإقتراع هو الفيصل.

يقوم الســيد جمال مبارك بترشــيح نفســه.

منذ الآن وحتي أغـســطس القادم موعد تقدم المرشــحين بأوراق ترشــيحهم فالوقت يعتبركاف جــدا لهيئة المنتفعين وللهتيفة ولكل الأبواق حتي يرفعوا نجم الســيد جمال مبارك في الإذاعة والتليفزيون والفضائيات والصحف القومية وحتي المعارضة ويهيئوا الشــعب الغلبان المغلوب علي أمره ويقنعوه أن السـيد جمال مبارك هو الوحيد القادر علي النهوض بمصر بل وســـيقنعوا الشــعب الغلبان أنه فضل من الســيد جمال مبارك أنه وافق علي تحمل المســئولية الصــعبة.

يتم التنســيق مع مجلس الشــعب (المســيطر علي غالبية أعضائة من كمال الشــاذلي) لكي يحصل أحــد المرشـــحين ضــد الرئيس مبارك علي موافقة ثلت الأعضــاء بالإضافه إلي الســيد جمال مبارك بحيث يبقي من المرشــحين للرئاسة كل من الرئيس مبارك والســيد جمال مبارك ومرشــح آخر وغالبا ممكن يكون ســعد الدين إبراهيم وفي هــذا مغازلة لأمريكا في نفس الوقت ورســالة إلي الشــعب أن العملية نظيفة وقمة في الديموقراطية بدليل أن أحد المرشــحين حاز علي قبول ثلث الأعضاء وعــندما يكون ســعد الدين إبراهيم تكون العملية شــكلها أكثر نظافة.

عنــد هــذة المرحلة ســــتظهر تمثـيـليـة....

وهي أنه لأســباب صــحية فإن الرئيس مبارك لن يمكنه الإســتمرار في الترشــيح ويبقي علي الســاحة جمال مبارك وســعد الدين إبراهيم. (عملية في منتهي النظافة).

يبــدأ مجلس الشـــعب التصــويت علي جمال مبارك وســعد الدين إبراهيم وطبعا لن يحصل ســعد الدين إبراهيم علي موافقة ثلثي أعضاء المجلس وســـيتم اســتبعاده ويبقي الســيد جمال مبارك الذي ســـيحصل علي أغلبية أعضاء المجلس وســيتم طرحه علي الشــعب للإســتفتاء والنتيجــة معروفة طبعا وألف ألف مبروك..

لو حــد شــايف إن ماســبق خيال علمي فليخبرني كيف تكون النتيجة 99,9 % .

كما أذكربأن كل شــئ في البلد تحت الســيطرة وفيه قانون طوارئ وفيه ثقافة الســلبية لدي غالبية الشــعب المصري.

أذكر أيضا أن معظم أعضاء المجلس الموقر تحت الســيطرة الكاملة أيضا ويحركهم كمال الشــاذلي بالريموت من خلال أشــعة صــادرة من نظرات عينيه.

[سقراط المصري]

طيب انا عندي سيناريو تاني بس خيال علمي بجد

مبارك عارف ان العين على ابنه

الحل ، مبارك يجدد فتره كمان ويعين الواد نائب رئيس جمهوريه

وبكده يبقى ضمن انه يعيش رئيس حتى الممات ، والسلطه تلقائيا تنتقل لنائب الرئيس.

تم تعديل 18 يناير 2005 بواسطة سقراط المصري

[ابو حلاوه]

القدير محمد صبحي في فيلم هنا القاهرة في بداية الثمانينات قالها كلمة حكمة ... جلبي مشعوط نار ...

هنا القاهرة بعد خمسة و عشرين سنة حكم وكام عشرة مليون جلبهم مشعوط نار و شكلها كدة اخرتها وحشة

[se_ Elsyed]

الباشا تلميذ ، واخونا سقراط .. الأخوة والاخوات اعضاء مجلسي الشعب والشورى ...

نحن نعيش في العصر المبارك ... يعني العصر الخزعبلي اللي تتوقع فيه أي حاجة ...

طب أنا عندي سيماريو تاني ينفع فيلم أو سهرة قصيرة تتذاع يوم السبت بعد نادي السيما ..

- تقوم شجرة الدر خلال الفترة المُقبلة بلعب دور حيوي وهام وتنقلب على عز الدين آيبك الذي بلغ من العمر أرذله وتتمكن من إستخدام قانون الخُلع لصالحها .. وبالتالي تخلع آيبك وترشق إبنها في الكُرسي ...

إيه رأيكم دام فضلكم .

[se_ Elsyed]

نظيف عمل عيل ورجع في كلامه عن جمال ... طبعاص ما بقيناش ناكل من الكلام ده .. ولكن كلها بلالين إختبار ... وأنفخ البلالبين يا نجاتي عشان إستفتاء أكتوبر

نظيف‏:‏ مبارك أثبت حكمة بالغة ورؤية ثاقبة في الحكم

صرح الدكتور مجدي راضي‏,‏ المتحدث باسم مجلس الوزراء أمس‏,‏ بأن إذاعة وتليفزيون الـ بي‏.‏بي‏.‏سي‏,‏ نقلت عن وكالة أنباء الأسوشيتدبرس أمس بعض الفقرات من حديث أدلي به الدكتور أحمد نظيف للوكالة أخيرا‏,‏ بطريقة محرفة‏.‏

وأوضح المتحدث أن الدكتور نظيف ذكر في حديثه للوكالة أن الرئيس حسني مبارك أثبت طوال العقدين الماضيين حكمة بالغة‏,‏ ورؤية ثاقبة في حكم مصر عبر الأحداث المحلية والإقليمية والدولية‏.‏

وقال المتحدث باسم مجلس الوزراء‏:‏ إن صحة ما ذكره الدكتور نظيف ـ في حديثه لوكالة الأسوشيتدبرس‏,‏ وردا علي سؤال لمراسلها ـ أن السيد جمال مبارك شاب مصري طموح ومؤهل‏.‏

وأضاف المتحدث أن الدكتور نظيف ذكر في حديثه لوكالة أسوشيتدبرس أن مسألة أن يمضي السيد جمال مبارك في العمل التنفيذي أمر يرجع إليه شخصيا‏.‏

الوصلة

[mb14]

بعد كل السيناريوهات اللى قدمها الزملاء

فيه سيناريو جديد وغير متوقع

فاكرين حافظ الأسد كان بيعمل ايه من سنين كان بيعد ابن ليه اسمه باسل وكان مجهزه تجهيزه تمام قوى وطايح فى البلد اكتر من اى حد على اساس انه الوريث المرتقب هب حصل حاجه غريبه "الواد كان كييف عربيات وسباق وجرى وطنطيط " للأسف النابغة توكل على الله وتوفى فى حادث أليم طبعا الشعب زعل قوى قوى وتحول باسل الى شهيد الوطن واضطر حافظ الأسد انه يستدعى ابنه التانى بشار من بريطانيا اللى كان برتبة نقيب فى الجيش وكان بيكمل دراسات عليا فى الطب وجرى اعداده بسرعه كدى سلق بيض عشان يحل محل باسل .(الله يرحمك يا باسل انتى والوالد ).

واهه زى ما انتو شايفين بشار مالى مركزه وآخر حلاوه والله أعلم ممكن يحصل ايه فى بلدنا .

ممكن حد يقولى جيمى كييف ايه

ركوب خيل ولا عجل .

ربنا يستر

[felfel]

ممكن حد يقولى جيمى كييف ايه

ركوب خيل ولا عجل

قيل منذ فترة أن جمال مبارك كان يعالج بشكل دورى وكان يتردد بشكل مستمر على مستشفى وادى النيل التابعة للمخابرات بالقبة - أشيع ساعتها أنة إشتباة فى سرطان الدم وأنها فحوصات - وأشيع أيضا أنة كان يعالج فترة طويلة من أعراض إدمان مخدرات من أيام ما كان عايش برة

طبعا كل دة ممكن يكون أشاعات بس الأكيد أنة كان بيتعالج من حاجة لمدة طويلة

وهناك سئوال يفرض نفسة - من باب التوضيب على الأقل وااشكل الأجتماعى ، لماذا لم يتزوج جمال مبارك وةهو قد جاوز اللأربعين من عمرة ؟؟؟

[ابو يوسف]

تحية للأخوة الاعضاء الذين قدموا سيناريوهاتهم ...

و أعتقد أن سيناريو الأخ تلميذ هو الأقرب للواقعية .. و هو الذى بدأ فعلاً ..

ان (الفرشة) الذى فرشها الحزب الوطنى هى فرشة محبكة يدبرها كبار جمعية المنتفعين .. و الذين لا يوجد امامهم لاستمرار انتفاعهم الا بقاء الرئيس أو أن يحل محله جمال ..

لتستمر الأمور كما هى ..

و يبقى الوضع كما هو عليه ..

و يقفل المحضر ..

و تقيد كل قضايا الفساد و الرشوة و البلاوى الأخرى ضد مجهول ...

و الضحية هى هذا الشعب الغلبان ..

الذى يبحث عن رجل فى زمن عز فيه الرجال !!

أتذكر عندما همس الى أحد اعضاء جمعية المنتفعين ، باعتبارى زميل له و عضو غى الحزب الوطنى ..

و قال :

ح تعمل ايه فى الانتخابات القادمة ؟

فقلت له :

تريدنى أن أنتخب ؟؟

قال:

طبعاً .. أنت و كل من تستطيع أن تحضره ..

فقلت :

أنتخب من .؟؟

ولأن هذا السؤال و بهذه الصيغة ، محظور تماماً و لا يسأله الا مشاغب منشق !! أدرك محدثى ما أعنى ..

فقال و هو يعتقد أنها الضربة القاضية :

ماذا لو قلت لك انك لو أحضرت 10 أصوات ستنال 300 جنيه !!

أخفيت اندهاشى .. و كررت السؤال ..

ننتخب من ؟؟

علم أنه لا أمل ... قال غاضباً ..

انتخب اللى تشوفه .. و اللى احنا عايزينه ح يحصل . أنا لا اريد الا مصلحتك !!!

هذه هى كلمة السر ...

مصلحتى

مصلحته ..

مصلحتهم !!

أما مصلحة هذا الشعب .. فشطبت من كل القواميس ..

لك الله يا شعب مصر

لك الله يا شعب مصر

لك الله يا شعب مصر

[se_ Elsyed]

ماذا لو قلت لك انك لو أحضرت 10 أصوات ستنال 300 جنيه !!

إيه الإستهبال بتاع الحزب الوطني ده ؟

الصوت بـ 30 جنية ؟!!!!!!

ليه هو انا رايح أنتخب عاشور الناجي فتوة العطوف ؟

ده مبارك والأجر على الله ... يعني 23 سنة خدمة ... يعني صاحب الضرب البهلوانية الأولانية ... يعني الراجل الكبير ...

أنا العملية دي ماقومش بيها بأقل من 50 ج للصوت ... ده أنا هاخد العيلة كلها ونروح نصوت ونشلشل للصبح عشان نكسب الريس ... تقوم تقولي 30 جنية .. دول مايجوش أجرة الميكروباز اللي هانركبه من موقف عبود ...

بالصلاة عالنبي يعني إحنا كده انا ومراتي وولادي ومامتي وبابا - الله يرحمه - وأخواتي ... يعني نقلب لنا في العملية دي بتاع 3 بواكي نعيش عليهم لحد الإستفتا الجاي ... واهو كله منافع .. وشيلني وأشيلك ...

[se_ Elsyed]

وهناك سئوال يفرض نفسة - من باب التوضيب على الأقل وااشكل الأجتماعى ، لماذا لم يتزوج جمال مبارك وةهو قد جاوز اللأربعين من عمرة ؟؟؟

يا اخ فلفل لو سمحت ماتفلفلش الموضوع .. قصدي ماتغيرش الموضوع ...

فأحب أقولك إن جيمي لسه بيكون نفسه ...

وتكوين النفس عند هذه الطبقة يختلف عنا كثيراً .. فعلى سبيل المثال عندك س س عندما وصل إلى سن الخامسة والعشرين أصبح هناك سؤال يتردد على كثير ممن يعرفوه وهو .. إنت ماتجوزتش ليه لحد دلوقت ؟ فكان بيجاوب إجابة واحدة مختصرة ومقتضبة ... والله لسه بأكون نفسي يا طنط .. وهي تعني لسه مامحرتش الشقة وقدمت على عداد النور ...

أما تكوين النفس بقى عندك دوكهوما يعني لسه ماكملش المليار يورو ... وده حقه فالبلد بلدهم والشورة شورتهم - شورتهم سودا إن شاء الله - وطالما بيعمل ده من عرق جبينه وتعبه وشقاة ... يبقى حقها ولا مش حقها يابو الفلافل ؟ ...

وبعدين برضوا ماتنساش إن سن الأربعين هو سن الخبرة ... يعني هايبقى عندك رئيس مخضرم ...

وعسى ان تكرهوا شيئاً وهو خيرٌ لكم يا اخي .. على الأقل لو إتجوز هانضمن إن فرصته في الإنجاب في السن ده هاتبقى ضعيفة .. دي حاجة ...

حتى والحاجة التانية لو جاب لنا عيل صغير على ما يكبر ويشد حيله يكون هو أتكل على الله وبالتالي مش هايلحق يمسكه خليفة على حياة عينه .. إلا بقى لو إتهف في عقله وعينه مساعد رئيس وهو عنده 5 سنين مثلاً ولكن بشرط أن يُظهر مهارات وكرامات خاصة كأن يستغني عن البامبرز في سن مبكرة .. أو يقول بابا وماما وأوبح وبيبه وهو عنده 6 شهور ... كده يبقى عنده كل مقومات الرئاسة ومن حقه يرقص ( دول جبابرة ويعملوها )

[ابو يوسف]

ماذا لو قلت لك انك لو أحضرت 10 أصوات ستنال 300 جنيه !!

إيه الإستهبال بتاع الحزب الوطني ده ؟

الصوت بـ 30 جنية ؟!!!!!!

ليه هو انا رايح أنتخب عاشور الناجي فتوة العطوف ؟

ده مبارك والأجر على الله ... يعني 23 سنة خدمة ... يعني صاحب الضرب البهلوانية الأولانية ... يعني الراجل الكبير ...

أنا العملية دي ماقومش بيها بأقل من 50 ج للصوت ... ده أنا هاخد العيلة كلها ونروح نصوت ونشلشل للصبح عشان نكسب الريس ... تقوم تقولي 30 جنية .. دول مايجوش أجرة الميكروباز اللي هانركبه من موقف عبود ...

بالصلاة عالنبي يعني إحنا كده انا ومراتي وولادي ومامتي وبابا - الله يرحمه - وأخواتي ... يعني نقلب لنا في العملية دي بتاع 3 بواكي نعيش عليهم لحد الإستفتا الجاي ... واهو كله منافع .. وشيلني وأشيلك ...

ما تزعلش يا سى السيد ...

الميكروبازات عليهم !!

بس الانتخابات التى كان يقصدها الزميل المبجل ... كانت انتخابات تعبانة – لا أتذكرها جيداً – لكنها قد تكون مجلس محلى ...

و آخرها مجلس الشعب ...

اما انتخابات الراس الكبيرة ( أقصد فيلم بروس لى طبعاً !!) ty:)

فهى لن تزعزع موقفى .. :D

ولن تهز مبادئى ... ;)

فمصر أولاً و قبل أى شىء .... lmo:

بس يهزوا المبلغ شوية !!

:blink: mfb:

ty:)

[c'est la vie]

و الضحية هى هذا الشعب الغلبان ..

الذى يبحث عن رجل فى زمن عز فيه الرجال !!

ْ~ْ~ْ~

مصلحتى

مصلحته ..

مصلحتهم !!

أما مصلحة هذا الشعب .. فشطبت من كل القواميس ..

لك الله يا شعب مصر

لك الله يا شعب مصر

لك الله يا شعب مصر

وهذا هو مربط الفرس كما يُقال..

إذاً فلماذا لا يبحث " الشعب " هو الآخر , عن مـصلحتة " بنـفسه " , طالما لا أحد يسعى إلا لنفسه ؟ ...

[ابو يوسف]

وهذا هو مربط الفرس كما يُقال..

إذاً فلماذا لا يبحث "  الشعب "  هو الآخر , عن  مـصلحتة " بنـفسه " , طالما لا  أحد يسعى إلا لنفسه ؟ ...

كيف ... ؟؟

وهل هناك طرق شرعية لتحقيق ذلك ؟

هل سيسمحون – هم – بذلك ؟

تم تعديل 24 يناير 2005 بواسطة ابو يوسف

[c'est la vie]

وهذا هو مربط الفرس كما يُقال..

إذاً فلماذا لا يبحث "  الشعب "  هو الآخر , عن  مـصلحتة " بنـفسه " , طالما لا  أحد يسعى إلا لنفسه ؟ ...

كيف ... ؟؟

وهل هناك طرق شرعية لتحقيق ذلك ؟

هل سيسمحون – هم – بذلك ؟

صراحة ... لم يكن في ذهنى إجابه واضـحه لهذا السؤال الذى سألته... لكنه كان نتيجة تسـلسل ماقرأته في مداخلة حضرتك ..

وأعتقد أن " الـكـل بمفرده " يسعى في هذا الإتجاه الآن ... فنعيش في جو من صراع المصالح ... في كل الطبقات ... فكلٌ يبحث عن مصلحته بطريقته الخاصه ولو علي حساب آخرين ... إذاً فإنه ليس مستحيلاً ... فماذا لو اجتمع الجميع لتحقيق مصلحه واحدة لهم جميعاً ... بالطبع ستتغير النتائج ..

لكن المشكله تكمن في - هم - الذين ذكرتهم حضرتم , إذاً - هم mc(: - هم العقبه الوحيده أو فلنقل الأساسيه ... ولن يسمحوا بذلك ... طب إيه الحل المــشروع ؟

*- إما - هم - دول .. يكتشفوا أن الوطن ليس مؤسسات ووزارات وأماكن وإنتخابات فحسب .. إنما الوطن بالأساس هو نـــاس وبشر , وشــعب ..وانهم موجودون في مناصبهم العليا , ومرتباتهم العاليه , لخدمة الشــعب .. وليــس العكس ..

*- إمــا من الجانب الآخر أعنى - الشعب - فأسأل ما نــريد ؟ هل كل ما نريده هو حــــاكم يُحقق مصالحنا المُمَثله في مصـلحة الوطن في مجموع أفراده او في مصلحة كل شخص بمفرده ؟.. وهذا من دون أن يغريــه منصبه ؟ إذاً فنحن نطمح في الحاكم الفيلسوف الذي يحكمه ضميره أو الحاكم الإله كما عند المصريين القدماء .. وهذا بالطبع مستـحيل لأننا بشر .. إذاً فلا بد من تحديد أهداف أكثر موضوعيه وإتخاذ أساليب واقعيه .. فمثلاً أقصى الأهداف هو تحقيق الحياه الكريمه , والتوزيع السليم للموارد داخلياً , مما يكفل حياه مستقره نسبياً الأمر الذى سيقلل نسبياً الصراع علي الأرزاق .. وتعود القيم المصريه الأصيله مـره أخرى .. وهذا هو الأساس الذى تبغيه أى دوله لتبنى ليه بعد ذلك... فإن الذي بأيدينا الآن :

*- إما الحل السلمى القائم على توحيد تلك المصالح المُشتته التى يحسب الناس انها غير متلاقيه .. وتحقيق الاستقرار الداخلى والذي يدفـع لتطورات تدريجياً من شأنها التغيُّــر للأحسن.. بعد ان يكون المجتمع علي وعى , وتنظيم , وانتماء , مما يمثل الحد الأدنى لما يجب أن تكون عليه الشعوب لتقرير مصيرها ..

*- او الحل الغير سلمى الذى غالباً ( حالياً) مايكون عن طريق جماعات او مجموعات قويـه نسبياً تجمع الشعب حولها .. تمثل قوة جديدة بإعتبارها - المُخلصه - والمحرره .. .و..و..و , لتنتهى لما بدأت من أجلـه , في ظل الاساس المنحلّ الغير واعى إلا لمصلحته الخاصه ..

*- أو الحل الغير سلمى القائم علي الوعى الشعبي والذى سيحتاج لفترة طويله قد تعادل الطريق السلمى وتكون خسائرها أكبر من الطريق السلمى ..

ووأعتقد والله أعلم أننا لن نتغير إلا إذا شعر - الجميع - بالأمن وعدم الخوف من مجرد ذكر السياسه في البلد .. أو الكـلام عن الكبار .. الخوف .. الخوف من الوطن واعتباره منزل إيجار سيقضي فيه أيامه ويموت أو يذهب لآخر .. ولا داع لمزيد من التحسينات غير مايريده صاحب المنزل .. عندما لانخاف ستتغير أشياء كثيره...