اقتراح اضافة باب جديد باسم "انجازات المصريين "

[mb14]

طبعا منتدى المحاورات اصبح ادمان عند اعضائه لازم كل يوم وكمان اكتر من مرة للاطلاع على الجديد والردود

المواضيع كتيرة وشيقة

بس فيه نقد كتيير قوى لكل ما هو سئ فى البلد ودى شئ طبيعى وذلك لوجود هامش الحرية الواسع فى المنتدى او النت عموما .

بس مقابل النقد البناء يجب ذكر محاسن البلد بردوا وانجازات المصريين المحترمه سواء داخل البلد او خارجها .

يعنى يوجد باب سياسة داخليه طبعا كله نقد وحاجه تغم الواحد من فظاعة الواقع المرير.

باب الفساد نفس المنوال ...............

حتى باب المسائل القتصادية ........

اطلب من الادارة انشاء باب "انجازات المصريين "

وكل واحد شاف تجربه جميلة لمصرى او انجاز فى الداخل او الخارج يقولنا عليه عشان نرفع الروح المعنويه للشباب .

احسن اللى يدخل الموقع ويقرأ " المصايب" اللى بيعملوها اخوانا البعدا فى البلد حايسمى الموقع "بلاوى المصريين " واكيد فى تجارب كتير ممتازة وتستحق ان تذكر فى باب "انجازات المصريين" .

[أسد]

أوافق بشده ...

أعجبتني الفكرة ....

[se_ Elsyed]

والله إقتراح جميل وسيكون بمثابة شمعة في نهاية النفق .. كفاية تلطيش في الضلمة ...

شكراً يا mb14

للعرض على إدارة المحاورات .

[إبن مصر]

فكره ممتازه فعلا ..... وسنعرضها فورا على الاداره ..

بس بشرط تبدأ انت باول تفاؤل فى الموضوع...

[mb14]

السادة / اسد سى السيد ابن مصر

شكرا على موافقتكم على اقتراحى

الاستاذ ابن مصر

بس بشرط تبدأ انت باول تفاؤل فى الموضوع.

موافق

اول موضوع نبدأ بيه هو عن دكتور كبير جدا جدا أقام صرح عظيم لعلاج الكلى فى المنصورة هو الدكتور أحمد غنيم

مش حاتكلم كتير عن الراجل دى بس حاسيبكم تستمتعوا بالأستطلاع اللى عملته مجلة العربى "الكويتية" عن المركز ونشاطاته اللى بيخدم مش بس المصرييين ولكن كل العرب والفضل لله ثم مجهودات الدكتور أحمد غنيم

حلول مدهشة لمعادلات صعبة "مركز الكلي بالمنصورة "

[محمد شلبى]

ياه يا mb14

فكرتنى بالهنا اللى انا فيه

انا الآن من حوالى اسبوعين بدأت رواند مسالك فى مركز الكلى وهيستمر لمدة شهرين,يا جماعة فعلا تحفة خطيرة,حاجة لا يمكن تخيلها الا لما تشوفها بعينك.

عمرى ما كنت اتخيل ان فيه فى مصر حاجة زى كده

كل شئ فى المركز يدار اليكترونيا,الشرح يتم باحدث الاجهزة,المبنى نفسه مصمم على الطراز الاوروبى,مستوى النظافة مذهل,النظام فظيع واى مهمل بياخد جزاء شديد

اما مستوى العلم فده حاجة خرافة,كل الموجودين هم من خيرة علماء مصر,وده لان المركز كل سنة بيطلب وظيفة واحدة وعادة بياخدها اول الدفعة cbyb: .

يا ريت يكون فيه فى مصر نماذج من ده ,نماذج خالية من العشوائية والتخلف والاهمال والبيروقراطية.

وده ابسط د ليل على اننا لما بنخاص فى شغلنا بتكون النتيجة على اعلى مستوى

[إبن مصر]

الزميل الفاضل اعتذر بشده للتأخر فى الرد نظرا لبعض المشاكل الفنيه.

تم انقاش مع كل الاخوه فى الاداره وقد رحبوا جميعا بالفكره وسيجرى تنفيذها فى القريب العاجل

ابن مصر

[mb14]

الأخوة الاعزاء

متشكر جدا لتبنى الفكرة واتمنى ان نستفيد جميعا من الاشياء التى سوف تذكر فى الباب او التجارب او الاشخاص .

ونتمنى ان يقوم الأخوة بخارج مصر ذكر المصريين الذين قدموا انجازات هامه للبشريه عموما ولم يستطع الشعب المصرى الاستفادة منها حتى الان لعل وعسى احد المسؤلين يقرأ او يسمع عنها فيقوم بنقلها الينا .

[إبن مصر]

الباب تم فتحه بالفعل فهيا الى هناك !!!!!!!!!!!!