ياريت الي عنده معلومات عن نقل الكفاله يفيدنا

[xlove]

بسم الله الرحمن الرحيم

انا هدخل ف الموضوع علي طول لان انا والله دماغي باظت واتمني حد يفيدني ف الموضوع دا

الوقتي اانا مهنتي عامل شحن وتفريغ .. كفيلي مليش علاقه ببيه انا كل الي بتكلم معاه ف التجديد والنقل هو شخص وسيط ابن عمه ومعه وكاله منه

بكلم الوكيل بقوله عاوز انقل كفاله ... قالي اوكيه مفيش مشكله عاوزين 4 الاف ... حسبنا الله ونعم الوكيل وقولتله ماشي

المهم قالي انت كفيلك فردي كل حاجه علي رقم هويته لان معندوش لا سجل تجاري ولا غرفه تجاريه وكل الي انت هتحتاجه انك هنعملك خطاب تنازل عن الكفاله من الجوازات وكدا موضوعك منتهي

وكلمت الراجل بتاع المكتب قالي لما تتم السنتين هنعملك الخطاب دا وكدا انت امورك ف التمام

قولت اوكككككككككككككككككككككككككييه

الوقتي انا كملت السنتين وعاوز انقل علي شركتي الي انا شغال فيها واريح دماغي من الوش دا

بحكي لواحد عالموضوع دا وهو شغال ف مكتب خدمات قالي بالحرف الواحد انت مين الي ضحك عليك وقالك كفيلك دا فردي

يابني عامل شحن وتفريغ لازم يكون عنده مؤسسه

قولتله ياعم الحاج ما يمكن كفيل فردي انت عارف كفيلي ف حفر الباطن والبلد هناك حد قالي انها درجه تالته والامور دي بتمش هناك عادي

قالي لالا كفيلك والمكتب بيشتغلوك وكدا هياخدوا الفلوس ومش هتشوف منهم تنازل الجوازاات دا

المفروض انهم يعملولك خطاب موجه لمدير مكتب العمل والتاني لمدير الجوازات ويتوثقوا غرفه تجاريه

____________________________________________________________________________________

دلوقتي انا بقي في التوهان لا عارف مين الصح ومين الغلط ولا عارف اي حوار ؟

ماهو الحل يا ناس

الاسئله الي محيراني

هو انا كفيلي فردي ولا مؤسسه ؟؟ ينفع المهنه دي تكون علي كفيل فردي حتي لو في بلد زي حفرالباطن؟

هل نقل الكفاله هيحتاج التنازل بتاع الجوازات دا فقط (( معقب الشركه الي هنقل عليها قالي كدا )) ولا لازم الخطابات المصدقه ؟

هل حد فاهم حاجه يفهمني الله يرضي عليكم ؟؟؟؟؟؟ وشكرا لكم جزيلا

رجاء خاص من الاخ خالد شحاته يكلمني عالخاص او يبعتلي رقم جواله ف رساله اذا امكن لاني في غايه القلق من الموضوع دا

وياريت نشوف الرود ياشباب انا بضييييييييييييييع ... والحمد لله اولا واخيرا علي كل حال

[خالد شحاته]

الاخ الفاضل

موضوعك سهل جدااا اسهل شي الان نقل الكفاله مجرد خطاب من كفيك سوء مصدق من الغرفه از الجوازات وتنقل الكفاله في ساعة زمن والموضوع يتحل مفيش اي مشكله كل الا انت بتعوزه فقط من كفيلك القديم خطاب تنازل والباقي الشركه بتوق بيه الا هو كفيلك الجديد

[xlove]

الحمد لله استاذ خالد اخيرا

انا مصدقك جدا

بس الوقتي كفيلي دا فرد ولا مؤسسه ؟

هل خطاب التنازل عن الكفاله دا بيمشي للفرد والمؤسسه ولا للفرد بس ؟

ياريت تجاوبيني وتديني رقم جوالك ف رساله ان امكن ولو مش ممكن مفهاش ادني مشكله

تحياتي