# فوقوا بأه ياعالم..حماد المسحول يدافع عن مبارك اثناء محاكمته #

[Abu Reem]

http://www.youtube.com/watch?v=UblKFRVDX7w&feature=player_embedded

مش عارف مين هيجرؤ يتكلم تاني بعد مشاهدة هذا الفيديو

نفس الشخص ومنذ سنة تقريبا وعند محاكمة مبارك...انظروا اليه ماذا يقول عن مبارك

عرفنا بأه ان ده حزب وطني او احد الرجال الذي يستخدمهم النظام السابق لافشال الثورة

من سيصدقه الان في قصة سحله وتعريته....من سيصدق انه مأجور يتم استخدامه

اوعي حد يقول لي...مكانش مفروض يتسحل ويتعرى...لان اللي هيقلوها...هيبقى........

عرفنا بقى انه فيلم هندي محبوك....

وياترى شهيد اليوم ...ايه اللي وراه

- وليه دايما هو اللي بيتصور.. دونا عن الالاف غيره...

عرفنا انه بيقبض

اتقوا الله بقى...وفوقوا...

وانا عارف ان فيه ناس مش عاوزه تفوق...وعارفة كل اللي بيحصل..ودول اساسا لا يعنيني امرهم

ولكني اوجه امري للاخرين الحائرين..وهمه عارفين نفسهم

[herohero]

انا قاعد عمال أركز بس مش عارف لو هو حمادة بتاع السحل مش عارف كدة فيه كلام ثاني خالص

[Abu Reem]

انا قاعد عمال أركز بس مش عارف لو هو حمادة بتاع السحل مش عارف كدة فيه كلام ثاني خالص

عيب ياهيرو......انت لسه مش مصدق عينيك...وودانك

وعقلك.....؟؟

ربنا مع الناس.....اللي في بالي ...زمانهم بيفكروا بحجة يردوا بها...وكل ده علشان مرسي يطلع زفت..ويقولك هو برده فاشل

ومش مهم بقى يفكروا في اللي بيصحل وفي اللي بيحاك لمصر وللثورة

طز في مصر وفي الثورة المهم ننتصر على محبي مرسي وانصاره

انما بقى كلمة انصاف علشان نفوق ونرجع ايد واحدة ونقف ضد الاعلام ورجال مبارك وننهض بالبلد وبعد كده مش مهم يقعد على الكرسي.....مش هتلاقي

او يمكن تلاقي حد يقول كلمة عقل ..وحق

تم تعديل 4 فبراير 2013 بواسطة Abu Reem

[pink rose]

دا رابع فيديو اتفرج عليه للمدعو حمادة

و الاربعة غير بعض نهائي

اول فيديو لما كان في المستشفى و بيقول المتظاهرين ضربوني و قلعوني

قولت لما اشوف الفيديو بتاع السحل و الضرب لقيت فيديو مختصر ساعة ما كانوا بيدخلو المدرعة ما شوفتوش من اوله و الحمدلله ربنا اراد يعف عيني عن المنظر المؤذي اللي بيتحكي عنه يبقى دا كده تاني فيديو

الفيديو التالت شوفته النهاردة الصبح ان حمادة دا بلطجي من المطرية و ش عارفه شهرته الونش و كان بيعمر طبنجة في الشارع مع ناس بتعمل شغب بيقولوا احداث المطرية

و دا الفيديو الرابع راجل جانتي بيدافع عن مبارك و بيتكلم كويس و متزن في نفسه

دا حمادة طلع مشهور بقى و حد مهم في البلد و احنا ما نعرفوش

اللطيف بقى في الحوار اني و لا صدقت و لا فيديو من اللي شوفتهم

كل اللي مصدقاه و خلاص ما فيش مفر من تكذيبه اننا اترمينا في بحر الرمال العظيم رمال متحركة كل ما نتحرك نغرز اكتر و اكتر

مبارك كان مرحلة و الاخوان كمان مرحلة تمهيدية للسلفيين

و نبقى وصلنا للمرحلة الاخيرة قبل هجوم اسرائيل علينا بحجة مصر دولة ارهابية

اللي عاوز يصدق يصدق و اللي مش عاوز براحته كله هاتثبته الايام

تم تعديل 4 فبراير 2013 بواسطة pink rose

[شرف الدين]

ده على أساس أنه خلاص طالما بيدافع عن مبارك يبقى قابض ومأجور ..

على فكرة يا جماعة .. أنا قابض ومأجور

ويا ريت حد ينزل الشارع في مصر ويسأل الناس العاديين عن مبارك .. ويشوف .. يا ترى كل دول مأجورين ؟

وبعدين يا ترى ايه هيا حكاية النظام السابق دي ؟؟

يعني هنفضل لحد امتى ماسكين في الشماعة دي ؟؟

هو مين النظام السابق ده ؟؟؟ هو فين النظام السابق .. هو فين النظام السابق .. ( مع الاعتذار لمحمود القلعاوي )

فاكرين قصة أمنا الغولة .. اللي كنا بنخوف بيها العيال الصغيرين ..

اهو حكاية النظام السابق دي زي بالظبط حكاية أمنا الغولة ..

بس ده شيء كنا احنا متوقعينه وكنا متأكدين منه .. وياما حذرنا منه .. ومحدش سمع كلامنا

إن أي معارض للإخوان بعد كده .. هيتم تصنيفه إما على أنه علماني وإما على أنه فلول

على العموم .. الشعب المصري ابتدى يفوق إلى حد ما .. ويعرف مين ضحكوا عليه .. بأمارة ( كدابين كدابين .. ضحكوا علينا باسم الدين )

تم تعديل 4 فبراير 2013 بواسطة شرف الدين

[herohero]

عزيزي مفيش حد مع العنف خاصة لو كان ممنهج وانا مازلت مصر ان الاعلام هو المجرم الحقيقي ف ما نعانيه والاعلام ع الجانبين لانه بينقل الخبر وبيضيف عليه الكثير من البهارات

وانا بقعد مش بسمع الخبر لكن بشوف البهارات اللي هتضاف

ولان انا الحمد لله بحب قووووووووووي اسلوب التورية والاستعارة المكنية بالبلدي تلقيح الكلام اللي ف الاعلام فبكون بضحك جداااااااااا لكن كده البلد لن تستقر وما حمادة الا شئ بسيط بس بيني وبينك الاعلام ده أكل عيشه وحظه اننا شعب 23% اميين وبالتالي ينفع يضحك عليه وبكرر من الطرفين ف الاعلام

عموما مازلت مصر ع اننا لازم نفكر خارج الصندوق !!!!!عارف ان الردود المعتادة ان ده مش مسئوليتنا احنا مسئوليتنا النقد اوك خلاص خلينا بقى نعترف بالحقيقة العلمية اللي بتقول ايه ؟؟؟؟؟واللي انا شايفها شعار المرحلة والافضل تكون شعار جبهة الانقاذ

اللي ع الشط عوااااااااااااااااااااام

اللي هيقول بالنسبة للرئيس مبارك ليه ماكنتوش كدة معاه والتمستوا له العذر فردي اني عذرته 30 سنة اذا تجد ده فترة قصيرة اوك ده شئ ثاني

[herohero]

يا استاذ شرف الدين الشعب المصري مبارك وصله لمرحلة احمد ربنا ع انك بتشم هواء !!!وانا مش هدخل معاك ف مناقشات انجازات مبارك لان والحمد لله انا تربية الكويت وشوفت يعني ايه العيشة وعارف هندسيا ازاي دولة زي مصر يبقى الطريق الدائري بمطباته وحفره وكوارثه الهندسية وسلطاته وبابا غنوجه معجزة هندسة ومطار القاهرة اللي عاملاه شركة تركية واعمال الباطن لشركة مجدي راسخ وعارف حوارات كثير قوي لان اشتغلت ف مصر ا ماكن تاكدت منها من السرقة الفظيعه واد ايه احنا بلد ربنا ساترها معانا لاننا بنتسرق كثييييييييييييييييير

فلاداعي لاقحام انجازات مبارك اللي حضرتك مقتنع بها لان لو هتتكلم ع الانجازات هقولك روح تركيا اسبوع وتعالى نتكلم غير كدة يبقى زي الشوام ما بيقولوا

طق حنك

ابقى فكرني يا استاذ شرف احط لك فيديو قمة 90 بتاعت الغزو العراقي عشان تشوف مين اللي كلفت الموضوع لادخال القوات الامريكية

[Abu Reem]

انا هاقعد اضحك من الردود......

يعني لما واحد بعينه...يروح لمنطقة المحاكمة في التجمع الخامس علشان يقول البقين دول امام الكاميرا....( وخدوا بالكم انه ياعيني راجل غلبان ومش لاقي ) وعنده وقت ومزاج وهو فقير ومتبهدل من عهد مبارك يقوم ايه...يقوم بدل ما يشوف شغله ويجري على اكل عيشه..

يقوم رايح يتصور ويدافع عن الرجل اللي كان عايش في عهده غلبان ومش لاقي اللضى زي ما الاعلام عمال يقول..

ولما نفس الشخص الغلبان ده يا عيني يروح بالصدفة برده يتمشى ويشم هوا عند قصر الاتحادية في ظروفه دي المهببة رايح يتظاهر او يتمشى في منطقة فيها ضرب نار

يقوم هوه برده من وسط المئات اللي يتم سحله وتعريته ، وتطلع كل قنوات الاعلام تقرفنا بصورته

بصراحة نا مش قادر اكمل...لانه لو كملت هاضطر اقول كلام ..مش مناسب

وسأترك....من يريد الاستخفاف بعقولنا..ومن يريد التنظير ...والتبرير ..اللي على اصوله..يشتغل

انا بس يكفيني فهم واستيعاب...من كانوا على وشك الكفر بالثورة...

وانا واثق في ذكائهم...وفي ان هذا الفيديو سيفيقهم في الوقت المناسب...

ويمكرون ويمكر الله ... والله خير الماكرين

تم تعديل 4 فبراير 2013 بواسطة Abu Reem

[herohero]

حمادة ده عميل اخواني ناصري مباركي ووارد يكون تبع المخابرات الامريكية

يا استاذ ابوريم الكارثة ان الاعلام سايب كل حاجه وماسك ف حمادة !!!!

مش عارف لحد امتى بجد شوية شغل بقى نفسي أشوف مناقشة لافكار تحل مشاكلنا سبحان الله هنقضيها ع طول كدة اثارة يالهوي ده احنا ولا ف شيكاغو

والله العظيم لو الامور عشان تهدأ ويبطلوا الهيصة ده هاتوا المنقذ المخلص الفريق شفيق !!!!اروح له ابوظبي نعتمر مع بعض هناك واجيبه عشان نرتاح يانهار أزرق للدرجه ده

انا عارف ان فيه منتفعين بس مش للدرجه ده

تعالى ياشفيق انقذنا ولما نشوف عشان الناس تهدأ اللي بتسخن ده ونشوف الانجازات ونخلص لان الواحد قرف بجد

[Abu Reem]

استاذ هيرو..

انا مش عارف..انت ليه مشتت المسائل

احنا دلوقتي في مصيبة الناس التي الغت ضمائرها وعقولها...وبعد ان كانت تريد ايهامنا ان مرسي هو السبب في هذا ال1ي حدث وصوروا لنا الامر على هذا الاساس

فالان لابد لهم من قول كلمة حق..

ان الداخلية والبلطجية ( مثل حمادة المأجور ) هم وجهان لعملة واحدة هدفها هو تخريب مثل وتكفير الناس بالثورة

هذا هو المفروض ان تناقشه اخي الكريم...الان حتى ننتهي من هذه الفتنة..فهذا هو المفروض ان يناقش اولا...

وبعد ان نعترف ونحدد ان هدفنا كما قلت وقبل حصولي على هذا الفيديو هو ان نتحد ضد من يحاول ان يفقدنا ثقتنا بالثورة واعني هنا الاتحاد ضد فلول النظام السابق وضد الاعلام المغرض وضد معظم رجال الشرطة والامن المفسدين

اما من يسطح القضية ويدخلنا الان في متاهات فهذا هو ما يجب ان نرفضه..

انا اعترفت ان مرسي من الصعب ان ينجح بمفرده...في التصدي لهؤلاء...ولكن في نفس الوقت من الصعب ايضا ان يمد يده لمن يريد اسقاطه...

ارجوا ان تكون فهمت مقصدي ..لان هناك من يتأثر بمخططات الاعلام والداخلية..ويقولوا لك ...شوفت في عهد مرسي بيحصل ايه... ثم نكتشف ان الامر اساسا..تمثيلية

[herohero]

استاذ ابو ريم

ومن قال لحضرتك اننا لما بننقد او بنأيد بيكون كلامنا مبني ع اساس صح للاسف احنا اارائنا مبنية ع حاجات ثانية كثير يعني من الاخر احنا بقينا اهلي وزمالك

لو عملت ايه صدقني اللي مع مرسي او الشرعية واللجوء للانتخابات هي ده قناعته والعكس طبعا بص صدقني انا شوفت ناس كثيييييييييييييير كل مشكلتها ان مرسي بلحية وزوجته ترتدي الخمار فالمنظر ده بيجيب لهم حساسية وارتيكاريا

[شرف الدين]

عزيزي / هيرو

حضرتك اتربيت في الكويت .. كويس جدا

أنا بقى اتربيت في مصر ..

وأظن اللي اتربى داخل البلد .. يقدر بكتير يحكم عليها أفضل بكتير من اللي سمع عنها في نشرات الأخبار

[شرف الدين]

يا ريت يا استاذ هيرو .. تبعت لي رابط الفيديو اللي انت بتتكلم عليه ده على الخاص .. عشان اعرف المعلومات اللي فيه ..

[herohero]

يا استاذ شرف الدين

موضوع لالي عاش ف مصر واللي ماعاش ده شئ نسبي خالص والحمد لله غالبية الحرامية اللي نعرفهم مصريين وطول عمرهم عايشن ف مصر ودخلوا مبيدات مسرطنة وكل حاجه وكانوا حالفين ع محبة البلد ومصلحتها

فموضوع اننا نحتكر العلم بشئون البلد عشان اتربينا فيها طول عمرنا يبقى مثلا اقول ان اللي عايش ف مصر الجديدة او جمال مبارك ما يعرفش حاجه عن الفقراء وزيهم نماذج كثيرة وده معناه ان الرئيس مبارك مثلا اللي نسى بلده ف المنوفيه وعاش ف مصر الجديدة وزوجته انجليزية الاصل يبقى ماتعرفش حاجه عن مصر

تم تعديل 4 فبراير 2013 بواسطة herohero

[شرف الدين]

الفاضل / هيرو ..

------------------------

نعتذر للإخوة الأفاضل بالخروج قليلا عن الموضوع

------------------------------------------

سمعت فيديو اللقاء لآخره .. من مع القرار .. ومن ضد القرار ..

لكن أجبني .. ما هو القرار ؟؟

هل تعرفه ؟؟

تم تعديل 4 فبراير 2013 بواسطة شرف الدين

[herohero]

الفاضل / هيرو ..

------------------------

نعتذر للإخوة الأفاضل بالخروج قليلا عن الموضوع

------------------------------------------

سمعت فيديو اللقاء لآخره .. من مع القرار .. ومن ضد القرار ..

لكن أجبني .. ما هو القرار ؟؟

هل تعرفه ؟؟

ف الدقيقه 4:24

عموما انا اسف للاعضاء هنا ان دخلت موضع اخر بس زي مافيه ناس هنا فاالمنتدى عندها اخوانو فوبيا ولا اسلاموفوبيا ولا لحية فوبيا

فأنا عندي مبارك فوبيا او بالاخص عسكري فوبيا

تم تعديل 4 فبراير 2013 بواسطة herohero

[شرف الدين]

معلش يا أستاذ هيرو .. أنا راجعت الدقيقة اللي انت بتقول عليها لقيتها بره مؤتمر القمة أصلا .. ده أولا .. وثانيا .. ما لقيتش فيها القرار برضه

[herohero]

معلش يا أستاذ هيرو .. أنا راجعت الدقيقة اللي انت بتقول عليها لقيتها بره مؤتمر القمة أصلا .. ده أولا .. وثانيا .. ما لقيتش فيها القرار برضه

ok

ع الخاص

تم تعديل 4 فبراير 2013 بواسطة herohero

[herohero]

معلش يا أستاذ هيرو .. أنا راجعت الدقيقة اللي انت بتقول عليها لقيتها بره مؤتمر القمة أصلا .. ده أولا .. وثانيا .. ما لقيتش فيها القرار برضه

ااوك ردي ع الخاص عشان الناس ماتزعلش مني هنا

اكيد حضرتك عارف موضوع قوات التحالف القرار ده بقى كان بداية قدومها وان السعودية تستعين بقوات عربية واجنبية حليفة للدفاع عن نفسها وطبعا ولا كان صدام هيدخل السعودية ولا غيره بس عشان السيناريو يكمل الل بدأ من حرب العراق وايران وزي ما انت عارف كان فيه دول مجلس التعاون العربي وكان مبارك فرحان بها وباع صدام ف اول ملف

تم تعديل 4 فبراير 2013 بواسطة herohero

[شرف الدين]

معلش يا أستاذ هيرو ..

حضرتك خدت القرار من كلام سيادة المذيع ..

أنا بقى مع كامل احترامي مش بسلم دماغي لحد .. حتى لو كان رئيس المخابرات الأمريكية نفسه ..

عشان الفايدة تعم على الجميع .. تعالى كده نراجع القرار ده من كتاب مقاتل من الصحراء ..

وده كمان رابط يوضح الكلام أكتر

http://www.yabeyrouth.com/pages/index1648.htm

عزيزي / هيرو .. وسائل المعرفة الحقيقية متوفرة بسهولة على شبكة الانترنت .. يمكن من خلالها الوصول للحقائق بغض النظر عن أي مواقف مسبقة ..

مسألة أخرى .. أنت تقارن بين مصر والكويت .. أنت حر في مقارناتك .. أما أنا فأقارن بين مصر عام 1981 ومصر عام 2011 .. ومصر عام 2013 .. باختصار أنا أقارن حال مصر في فترة بحالها في فترة أخرى .. ولا أقارنها بغيرها ..