مشروع استثمارى

[ragab2]

عندى مشروع استثمارى مربح لتشجيع التصدير

ومطلوب شركاء مستثمرين

والمشروع عبارة عن تعبئة ماء النيل فى زجاجات 5سم

وتعبئة زجاجات تراب من مصر أيضا عبوات 5 جرام

على أن تترك مساحة فى الزجاجة خالية لتكملتها بهواء من مصر

وتصديرهم لاخوانا المصريين المغتربين والمتشوقين لمصر

بواقع خمسة دولارات للزجاجة الواحدة ماء أو تربة مصرية

سعر فوب مصر

على أنى قمت بتسجيل فكرة هذا المشروع وممنوع التقليد أو نقل الفكرة

[NonSuperior]

الله :) طيب واهم حاجه فى مصر :) الناس .. هتعبيهم فى ايه؟ :) ولا دول هيخسروا البيعه؟ :)

[ragab2]

ياأخت نن

البناآدمين مالهمش سعر دلوقت

شوفتى قتلى الأفغان بتنضرب جثثهم  بالجزم للأسف

وبالحق قبل مانسى

ممكن نعبى الزجاجات طفلة مصرى بدل التربة عشان ممنوع التجريف

يعنى باختصار كدة

نعبى الهواء فى قزايز

واذا نجحت الفكرة نعمل مصنع شمس

[NonSuperior]

إزاى بس مالهمش سعر؟ هما ليهم سعر بس عند الناس اللى عندها رحمه :( انما غير كده لا شئ له سعر عند هؤلاء البشر .. لازم نعرف سعر الشئ من الشخص اللى يقدره :) ولا ايه؟

[om youssef]

السلام عليكم

الي الاستاذ رجب

رغم اعجابي بالفكرة... لكن اخاف علي الجماعة المغتربين المصريين من التلوث بتاع مية النيل و التربة و الهواء... احسن يتهموك بتصدير اسلحة

بيولوجية فتاكة

احسن حاجة نصدرها هي النكت المصرية ... دايما فريش... حقيقية... واقعية... لها مذاق خاص...والا ايه رأيك؟

سلام

[ragab2]

الأخت الست أم يوسف

حتى لوصدرنا نكت مصرية

سيعتقدوا أنها

اشارات وألغاز ورموز  للارهاب

عندهم كل محمد وأحمد وسيد ارهاب

وحتى لو صدرنا مية ولا تربة  أو ألعاب

العربى  عندهم  يبقى مالوش  قيمة  وسراب

واتهموا الطيارين المسلمين اللى حاضر واللى غاب

اعتقلوا ألفين مسلم مشتبه فيهم وسجنوهم وبدون حساب

وبدون تحقيق ولا حتى استجواب

وحتى البريئ اتعرض عندهم للعذاب

وأصبح عندهم  لكل المسلمين ارتياب

والاعتقال لمجرد اشتباه  وبدون أسباب

فين أمريكا

مدعية الحرية اللى خلت أفغانستان خراب

واللا فيتنام

اللى حرقت فيه الناس والبيوت  بقت تراب

واليابان ضربتها

بالقنابل الذرية بالطائرات من فوق السحاب

وبعد كده

نحط ايدنا فى ايدهم ونعمل  منهم أحباب

يارب أنا كفيل

بأعدائى ولكن احمنى من الأصحاب

آمين يارب العالمين يا قوى ياتواب

[NonSuperior]

يا استاذ رجب :) المستهدف من المشروع ليس الامريكان ولا الاوربيين :) المستهدف المصريين المغتربين :) صح؟ ودول اكيد كل الحاجات اللى عاوز تصدرها لها قيمه عندهم :)

[ragab2]

الأخت  العزيزة  …  نن

لو أهملنا  أمريكا  لازم  تنجن

والتصدير دة أصله  شطارة  وفن

وبرضة بيقولوا ماما أمريكا علينا أحن

وتسمع دبة النملة والدبوس اذا كان رن

وتشعر بالنفس ولو حتى  قاعدين جوة خن

ومهما سَنينَا قوانين لكن قوانين  أمريكا أَسن

حتى القهوة زورتها وعملت النسكافيه بدل البن

ولازم نحضر أمريكا والا هاتشن علينا الحرب شن

والمصريين زباينا فى أمريكا بيرطنوا أنجليزى رطن

(Edited by ragab2 at 3:59 am on Nov. 25, 2001)

[ragab2]

مشروع جميل

ولم نجد مشجعين أو مشاركين