شوفتوا الهنا اللى أحنا فيه

[nolimits2000]

بسم الله الرحمن الرحيم

بسم الله و الحمد لله الذي لا يحمد على مكروهٍ سواه

أنا مش هحاول أطول عليكم بس أنا في حالة يرثى لها و مش متخيل أن ده ممكن يكون واقع لأنه لازم يكون خيال و أتمنى أن حد يفوقني منه

الموضوع أنى كنت بتفرج على قناة الجزيرة و كان الموضوع أن رجال الأعمال المصريين زعلانين أوى عشان الجنية هيبقاله قيمة و سيما و هيبقى واقف زى السبع في مواجهة الدولار و بيطالبوا البنك المركزي انه يوقف المهزلة ديه و الجنيه لازم يثبت بقى عشان هما كدة بيخسروا, بس مش ده اللي زعلنى لأن اللي جاى أكبر

المذيع قال أن تقارير كتيرة بتقول أن نسبة البطالة في مصر 20 % و بعد الخبر ده مباشرة جيه خبر بيتكلم عن دول شرق أسيا اللي ضربها كارثة المد البحري و قالوا أن نسبة البطالة في سريلانكا تضاعف و وصل لـ 20 % بسبب كارثة تسونامى .

تخيلوا حضارتكم الفزع اللي حصلي, بلد مليانة موارد بشرية و كفاءات على أعلى مستوى و موارد طبيعية و صناعية و سياحة و نسبة البطالة 20 % و سريلانكا ( بلد من المفترض أنها من الدول الفقيرة جدا ) وصلت نسبة البطالة فيها لـ 20 % بسبب كارثة و حط تحت كارثة ديه 10 مليون خط

أنا بصراحة كان هيجيلى انهيار عصبي من هول ما سمعت و عايز حد يقولى أن الكلام ده مش حقيقي أو انه فبركة أعلامية أو حملة منظمة ضد مصر بلدي اللي بحبها

و السلام عليكم و رحمة الله و بركاته

[mb14]

مش متخيل أن ده ممكن يكون واقع لأنه لازم يكون خيال و أتمنى أن حد يفوقني منه

الأخ العزيز بلا حدود

هو انتى مش عايش فى مصر ولا ايه دى هو الطبيعى انى المصالح هى اللى بتغلب سواء رجال الأعمال او رجال الحكم

مش مشكله مصلحة الشعب فين .

بالنسبه لموضوع البطاله مصر فيها 4 مليون عاطل بالصلاة على النبى .يعنى مصر عايشه فى كوارث على طول ربنا يخرجنا منها .

وكل سنه وانتى طيب وروق وخلى بالك من نفسك واوعى الضغط والسكرمن كتر التفكيييييييييييير .

[nolimits2000]

أستاذى العزيز mb14

أنا عايش ف مصر طبعا و عارف الواقع اللى أحنا فيه بس كل كلامى ده تريقة على حالنا و قلته من زهقى و الله العظيم بس أنا كنت بفكر أن لا قدر الله تعالى لو حصلت كارثة ف مصر ( الشر برة و بعيد ) أيه اللى ممكن يحصل للبلد , هتكون نسبة البطالة قد ايه 150 % مثلا , مش عارف أحسبها بصراحة