مبروك لأم جنة (نشوى سابقا)

[إبن مصر]

:lol:

h):

يااااااااااااااااااااااااااااااه

انت قلبك اسود اووووووووووووووووى

وبعدين انا هاخاااااااااف .. اه انت طيبه والى يحصل يحصل..

نموت نموت ويحيا سعد..

( الف مبروك يا م البنات وتعالى جنب اخوكى الكبير هنا واجلسى فى الصف وبكره هاتدعيلى )

وربنا يجعل الدعاء كله من نصيبك..

بس هه.

يا محمددددددددددددد

[se_ Elsyed]

نشوى .. نشوى أقولك على حاجة مش هاتصدقيها ...

ديك النهار في زملاء من فرعنا في مصر جايين يحجوا ... فالعائلة الكريمة في مصر قرروا يبعثوا لي زوادة عسل النحل بتاعت الكام شهر اللي فاضلين على أجازة الصيف ( وأساساً أنا مابطقش عسل النحل .. بس العيال الصغيرة هي اللي بتاكله مع الزبادي ) ما علينا ..

لقيت أم عمر بتكلم والداتها في الخباثة وبتقولها إبعتي لنا حلبه كمان مع الناس دي ..

فتساءلت في دهشة وقولتيلها يا ستي هو أحنا عايشين في جزر البهاما فمش هانلاقي حلبة هنا ؟!!!!

فردت علي بحزم وقالت لي بكرة تذوق وتعرف الفرق بين حلبة السعودية والحلبة المصرية ...

و كل ده كنت عامل زي فريد الأطرش في الزفة وفاكر إن الحلبة دي هي الحلبة الحصى اللي بنشربها على القهوة عشان ننسى همومنا ..

ما طولش عليكي ( قولي طول ) وصلت المؤنة ... واوفاجأ إن الحلبة هي عبارة عن حاجة صفرا ومطحونة وعليها مكسرات من فوق والله أعلم كده هي المُغات ... فثارت ثورتي .. وقلتلها : حرام عليكي بقى تشيلي الناس المحترمة زمايلي اللي جايين يحجوا مُغاتتتتتتت .... ده إيه الزمن اللي إحنا عايشين فيه ده ... لأ وجايبه كيلو جرام بالتمام والكمال ... والبتاع ده بيوزن وبيبقى واخد حيز لا بأس به من الفراغ ...

ما أكدبش عليكي .. بقت تعملنا منه كل يوم وإحنا قاعدين بالليل قدام الدفاية وبنتفرج على الإتجاه المعاكس بتاع قناة الجزيرة ... وبصراحة إوعى بقى من قدام كمية السعرات الحرارية والدفا اللي بيمنحه شوب من البتاع ده خصوصاً إنه بيتعمل بالسمنة البلدي اللي بتجيلنا من مصر .

بس مش عارف ليه بقى لي فترة حاسس بتغيرات فسيولوجية غريبة .. ونفسي بقت تغم عليه من وقت للتاني .. وخصوصاً لما بشم ريحة التقلية من شباك المطبخ لما الجيران بيطبخوا ..

أنا فعلاً سألت واحد صاحبي كان دكتور وقالي دي اعراض النفاس ...

فهل ده صحيح ؟

كان معكم محدثكم س س الشهير بأبو العيال من أمام عنبر الولادة بمستشفى الدمرداش ...