جمال مبارك أحسن من يتولى الحكم

[الطاحونة الفكرية]

مش عارف الناس في مصر مالها بس

كله معترض على جمال مبارك كرئيس جمهورية

كل دة عشان الشعب المصري شعب فهمه على قدة

عشان أغلبنا مش مستريحيين في الوضع الحالي يعني ؟

طب حد من المعترضين يرشح واحد ممكن يشيل المسئولية دي و يقدر يسيطر على الوضع كدة او احسن من كدة

يا جماعة بلاش ننظر للرئيس مبارك على انه عدو

زي منظرنا للسادات

الشعب كان بيحب جمال عبد الناصر عشان جمال عبد الناصر جاء في فترة بعد الاحتلال و بعد مكانت الناس مخنوقة و كان فيه حاجات جديدة مفرحاهم الحرية

التأميم العداء و مقاومة اسرائيل

عشان أصلا الشعب مكانش شايف نور

و بعدين جه السادات حاول يظبط السياسة الداخلية و تعرض لمقاومات كبيرة من الشعب و حاول يظبط السياسة الخارجية برضه

و مبارك كان امتداد من بعده اشتغل كويس في البنية الاساسية لحد مابقينا زي الفل

فاكرين ايام النور لما كان بيتقطع بالساعات كل شوية

فاكرين ازمة المواصلات

فاكرين حوادث السرقة و القتل

فاكرين المجاري لما كانت بتطفح

فاكرين أكوام الزبالة

فاكرين انتشار الأمية ؟

و حاجات تانية كتير لا و ايه

ظبت السياسة الخارجية تمام

معملش عداء مع دول اجنبية زي ناس عملتها بهبالة و أتهزمت و اتكسرت

بيتعامل بسياسة اليهود عشان يبعدنا عن المشاكل

في نفس الوقت بيطورنا للافضل يوم بعد يوم

مشكلتنا بس هيا الزيادة السكانية

و ان احنا بلد نامية

و اتساع الفارق بين طبقات المجتمع

جمال مبارك شرب السياسة من ابوه

هيمشي على نهجه مع تطوير جميع المجالات بعقله الشاب و خبرته اللتي أكتسبها و اللي الحمد لله تم اعدادة لها

و مش بعيد تكون التكوينات الرأسمالية اللي عملها هوا و اخوه في فترة تولي مبارك الحكم هيا اللي هتعود على الشعب بعد توليه الحكم

الناس دي مش بتلعب يا جماعة و مصريين و على قدرة هائلة لتحمل المسئولية

أنا من أشد مؤييدي جمال مبارك كرئيس للجمهورية .

حد عنده اعتراض

؟

vmp:

[على ويكا]

أنا من أشد مؤييدي جمال مبارك كرئيس للجمهورية .

ماشى يبقى السيد جمال مبارك يرشح نفسه مع مجموعهمرشحين واللى الناس تنتخبه يبقى هو الاجدر بالحكم ولو فشل الناس تتحمل مسولئيه الاختيار

[الطاحونة الفكرية]

مين الناس اللي هتختار ؟

البقال ، الجزمجي ؟

الحلاق ؟

سواقين التاكسي

كل الناس دي غلابة ملهيين في أكل عيشهم و غيرهم كتير

الناس دي متعرفش تختار

الناس دي متنفعش تختار

أحنا لسة شعب منعرفش نختار لسة بيبي صغيرين

[theblackpirate2005]

امال حضرتك عايز مين يختار ؟

فيها ايه لما البواب والخباز والسواق يختاروا الرئيس

وهى مصر كلها بقت بوابين وزبالين سواقين

مفيش دكاتره ومهندسين وصيادله و محاسبين ودكاتره جامعه وشباب متخرج من الجامعات ومتعلم وعارف مين اللى ينفعهم ومين اللى مينفعهمش

وعندنا اللى حصل فى الهند فى الانتخابات الاخيره لما حزب الموتمر برئاسه سونيا غاندى نجحت فى الانتخابات

مين اللى نجحها مهو الشعب الفقير اللى ماستفدش حاجه من التقدم والنمو اللى عامله رئيس الوزراء السابق ميهاجبى وكان المستفيد من الكلام ده الاغنياء بس

على كلام حضرتكم مفروض ان الهند مكنتش تختار رئيس وزراء جديد على شان نص الشعب فلاحين وسواقين وخبازين وجهله

لازم يكون امام الشعب اختيار ولما يكون ليهم اختيار لازم كل مرشح يكون ليه برنامج واضح لخدمه الشعب والشعوب المحترمه هى اللى فيها انتخبات غير كده تبقى شعوب (ولا مواخذه) me0:

تم تعديل 23 يناير 2005 بواسطة theblackpirate2005

[mohamed]

لفترة قريبة كان اذا اراد احدهم ان يسخر من شخص قليل الفهم او شخص ساذج يقول له ( انت هندي ؟ )

او اذا اراد شخص ما ان يبعد عن نفسه تهمة البلاهة والسذاجة والتخلف وكل ما تشاء من صفات تدل على غياب العقل يقول لك ( انت شايفنى هندى ولا راكن الفيل تحت البيت ؟؟ )

اظن الان ان الوضع اختلف وبالصورة التي اراها الان فان الاجدر بالسخرية هو ان نقول ( انت شايفنى مصري )

الهند يا سادة سمحت للسيخ بأن يرشحو انفسهم للانتخاب مع العلم ان السيخ هؤلاء كانو يعاملوا كمواطنين من الدرجة الثانية . الهند الان اصبحت تصدر وتعمل فى ال hi tech .

هذه البلد برغم تعدد طوائفها واديانها وصلت الى ما وصلت اليه

ايضا الصين بتعدادها الهائل وصلت الى ما وصلت له وقس على ذلك كل دول النمور الاسيوية

اللعب على نغمة الزيادة السكانية اصبح نشاز

نقطة اخرى احب ان اوضحها ، حين نقيم نظام سياسي لابد ان ننظر لاسس ثابتة لا ان ننظر الا شخصيات بمعنى انه يجب علينا ان نحدد ما هى مسؤليات الحكومة والرئيس وان يكون لدينا نظام مؤسسات اما الحديث بطريقة جمال احسن ولا السادات ولا مبارك فهذا كلام لا يليق بأناس مثقفة تسخر من البقال والجزمجي والميكانيكي الذى لم توفر له الدولة فرصة التعليم ولكن يليق باطفال تجلس امام الاسبيس تون وتتشاجر على من الافضل هل هو سبايدر مان ام بات مان ام السوبر مان

مجرد السخرية من البقال والجزمجى والميكانيكى وسواق التاكسي يدل على قصور فى التفكير لان هؤلاء الاشخاص هم افراد فى المجتمع لهم الحق فى اختيار من يحكمهم ومن يمثلهم ومن يتكلم باسمهم كما ان لهم الحق فى الاضراب عن العمل اذا ما تهاونت الدولة فى تحقيق مآربهم .

اخى الفاضل الطاحونة الفكرية ( سواق التاكسي ) فى اوربا او امريكا حين يرتفع سعر المحروقات فى بلده فان له الحق فى الاضراب عن العمل والقيام بظاهرات حتى تؤمن له الدولة لقمة العيش وهذا لم يأت من فراغ وانما اتى من ثقافة سياسية لدى هؤلاء ( السواقين ) ثقافة سياسية علمتهم ما هى حقوقهم لدى الدولة كى يطالبو بها كما علمتهم واجباتهم الا يسيرو بعكس الطريق .

اخى الفاضل هى منظومة متكاملة اما ان تبنى بشكل سليم فتستمر وتستقيم او تبنى بأسس مزعزعة فتنهدم على رؤوس اصحابها .

نقطة اخيرة

اكثر الشعوب التى تتحدث فى السياسة هى الشعوب العربية ولا تفعل شيئا

اما فى الغرب والدول المتقدمة ارى ان هذه الشعوب لا تتحدث فى السياسة مطلقا لكن حين يحدث أى خلل فى حياتهم بسبب تقصير المسؤلين تجدهم فى الشوارع يتظاهرون من اجل حقوقهم والمطالبة بها

ملحوظة اخيرة للاخ الطاحونة الفكرية : الحلاق فى المانيا مينفعش يشتغل غير برخصة وكذلك اى ( صنايعي ) لازم يكون معاه شهادة تثبت انه له الحق فى القيام بهذه الصنعة

[mohamed]

مين الناس اللي هتختار ؟

البقال ، الجزمجي ؟

الحلاق ؟

سواقين التاكسي

كل الناس دي غلابة ملهيين في أكل عيشهم و غيرهم كتير

الناس دي متعرفش تختار

الناس دي متنفعش تختار

أحنا لسة شعب منعرفش نختار لسة بيبي صغيرين

ومتى سنبلغ سن الرشد ؟؟

[yasser6666]

مع احترامي لك يا استاذ طاحونة فكرية ...زفيها ايه لما الجزمجي والحلاق والبواب يختار الرئيس بتاعه ماهو الدنيا كلها ماشية كدة والا احنا حنخترع حاجة جديدة...وطالما هو مواطن ومحسوب علي الدولة نمسة يبقي له حق الاختيار ولو كان اختيار خاطئ المهم انه اتحرك وقرر وانتخب...ساعتها سيشعر انه ينتمي للبلد وجزء منها وتنعدم السلبية وعدم الانتماء المتوفرين عند الناس (يا عم احنا مالنا البلد بلدهم يعملوا فيها اللي عايزينه)هو ده اللي عودونا عليه وفعلا بيختاروا لنا مجلس شعب يمثلنا لاننا لسه مش عارفين مصلحتنا فين ولو حنختار حنختار غلط...........يا راجل بلاش فلقة................

الشعب ماقلش كلمته من اكتر من تلاتين سنة وعمره مااختار لا رئيسه ولا نوابه كفاية بقي حرام حنفضل كده لغاية امتي وسياسة الامر الواقع بتتفرض عليه غصب عن عينه.....

خليه بقي يتعود يختارحتي لو غلط المرة دي حتكون صح المرة الجاية

[mohamed]

جمال مبارك شرب السياسة من ابوه

هو ابوه اصلا عنده سياسة ؟؟

واذا افترضنا جدلا ان ايوه عنده سياسة ما كلنا بنعرف نشرب برضو :blink:

طيب واشمعنى علاء معرفش يشرب ولا هو كان بيرضع صناعي ؟؟

mfb:

حد عنده اعتراض

أنا :D

[مصرى]

يبدو أن الأخ "طاحونة" متبحر فى شئون جمال مبارك .. لذلك أرجو أن يجيبنى عن سؤال واحد " هو الأخ جمال بيشتغل أيه؟ "

[mb14]

" هو الأخ جمال بيشتغل أيه؟ "

بيشتغل ابن الريس ودراعه اليمين

[Hassan]

يا ناس ...احنا مش عايزين اجانب يحكموا مصر تانى بعد الفين سنة من حكم الاجانب..رئيس الجمهورية لابد و ان يكون مصرى ابا عن جد..الاخ جمال مبارك اجنبى من مقاطعة ويلز و دة مش كلامى و الله ..و للدقة نصف اجنبى..لان جدة لامة انجليزى من مقاطعة ويلز.

ومبارك متزوج من خريجة سابقة للجامعة الأمريكية في القاهرة، وهي سوزان مبارك ووالدتها بريطانية، ولديه ابنان وهما جمال وعلاء. ويعرف عن الرئيس مبارك التزامه بحياة منضبطة حيث يبدأ روتينه اليومي في السادسة صباحا.

الوصلة

و الكلام من انجلتر نفسها من صحيفة التلجراف

[kotoz9]

انا مش عارف ازاى شعب تعداده 70 مليون يبقى فيه واحد بس هو القادر على تولى الرئاسة وباقى الشعب زبالين وجزمجية ومش مستوى وملهومش رأيى

انت نسيت ان البلد ده فيه ناس كفاءات كتير وطلع منه علماء واطباء ومهندسين يعملون فى الدول الاوروبية وامريكا.مش هم دول اولاد الفلاحيين اللى ما بيفهموش.

انت بتتكلم عن المجارى والكبارى وكأنها هبات يهبها حسنى مبارك للشعب مش واجب عليه بصفته رئيس جمهورية وبعد كدة ده تطور طبيعى ومش طفرة ولا انت كنت عايزنا نعيش لغاية دلوقتى2005 بلا شبكة صرف صحى ولا شبكة تلفونات

ما تقولش الزياد السكانية لان دى حجة البليد

انظر الى الشعب اللى بيزداد كل يوم فقرا

انظر الى الفساد الى بينتشر كل يوم انتشار رهيب

انظر الى كرامة مصر ووضعها بين الامم كنا فين وبقينا فين لا أحد اليوم يعير ادنى اهتمام لمصر لا فى افريقيا ولا فى العرب ولا فى اسيا

انظر الى المواطن المصرى اللى اصبح ارخص حاجة فى مصر

[على ويكا]

مين الناس اللي هتختار ؟

البقال ، الجزمجي ؟

الحلاق ؟

سواقين التاكسي

كل الناس دي غلابة ملهيين في أكل عيشهم و غيرهم كتير

الناس دي متعرفش تختار

يبقى فى حل تانى:

نعمل مناقصه عامه لانجاز مشروع وطنى مصيرى زى السد العالى وقناه توشكى الهدف من المشروع هو عمل حفره كبيره فى الصحراء الشرقيه ويفضل ان تكون فى منطقه حلايب لوضعها الاستراتيجى ثم بعد ذلك يتم جمع الناس اللى هما مش عاجبين حضرتك بواسطه الامن المركزى ونرميهم فيها وندلق عليهم كميه مناسبه من المواد القابله للاشتعال ونولع فيهم وتبقى كده المشكله اتحلت ياطاحونه

[mb14]

استاذ /طاحونة فكرية

الناس مش معترضه على اشخاص بعينها (مبارك او جمال )الناس معترضه على اسلوب الاختيار ممكن تقولى ايه الاسلوب اللى مشى فى اختيار جمال مبارك هو مجرد انه ابن الريس هى دى كل مؤهلاته (طيب جمال مبارك انسان كويس ومحترم ومتعلم وابن ناس كويسين ) لوكان عكس كدى كان الشعب حاله حايبقى ايه لو كان انسان جاهل وفاسد .الشعب فى الحالتين مالهوش رأى فى الموضوع وتحول الى مجموعه من المهمشين ..................

يا سيدى الفاضل الشعب المصرى سليل حضارتين عريقتين الفرعونية والاسلاميه ويجب ان ينال حقه مثل باقى شعوب الارض ان يكون له دولة ذات مؤسسات حقيقية وهذه المؤسسات تحفظ حقه فى اختيار حكامه ومحاسبتهم بعد ذلك .

مثلما ذكر الزملاء هناك شعوب كانت اقل تحضرا من الشعب المصرى ولكن اصبحت من اكبر الديموقراطيات فى العالم .

بل انه هناك شعوب افريقيه اقل تحضرا من الشعب المصرى أصبح لها حق اختيار حكامها بطريقة حرة.

مين الناس اللي هتختار ؟

البقال ، الجزمجي ؟

الحلاق ؟

سواقين التاكسي

كل الناس دي غلابة ملهيين في أكل عيشهم و غيرهم كتير

الناس دي متعرفش تختار

الناس دي متنفعش تختار

طيب مدينهم نصف مقاعد مجلس الشعب ليه لما هما ما يعرفوش حاجه ..........عشان يصقفوا وبس ويجروا ورا الوزرا عشان ياخدوا توقيعاتهم .

[yasser6666]

هو الاستاذ طاحونة راح فين وبطل يرد

(عقلي الباطن بيقولي الراجل ده شغال مع الحزب الوطني ومدسوس علينا في المنتدي علشان يشوش افكارنا... :blink: !!!)

[مصرى]

" هو الأخ جمال بيشتغل أيه؟ "

بيشتغل ابن الريس ودراعه اليمين

يعنى الأخ جيمى لازال عايش على المصروف الذى يأخذه من الست الوالدة !! أم أنه يمارس عملا يحقق له دخلا ؟

إذا كان لسه بياخد مصروفه .. يبقى إزاى يضع سياسات دولة من خلال رئاسته للمجلس الأعلى للسياسات بالحزب الحاكم ؟ إلا إذا كان المقصود بها السياسات الصبيانية

وإذا كان يؤدى عملا .. فليتنا نعرف ما هو هذا العمل وما هو حجم الدخل الذى يحققه

أما القصر الذى أقامه بمصر الجديدة والآخر على طريق الاسكندرية .. فليتنا نعرف تكلفته وهل من المصروف أم من الدخل ؟ أم من تبرعات أهل الخير من رجال الأعمال أمثال معتز الألفى وأحمد عز وطاهر حلمى وباقى الشلة ؟

أريد إجابات عن هذه الأسئلة بعدها سيكون لكل مقام مقال

تم تعديل 23 يناير 2005 بواسطة مصرى

[وليد صفوت]

كلام اخى محمد صحيح .....و أضيف و أقول أن عمر ما الحكم بواسطة العسكر نجح فى اى بقعة فى العالم , حتى لو أخذ صبغة مدنية و قناع الديموقراطية ......

متى يكون حكم مصر مدنياً ؟

تحياتى ...

[seastar44]

مش عارف الناس في مصر مالها بس

كله معترض على جمال مبارك كرئيس جمهورية

كل دة عشان الشعب المصري شعب فهمه على قدة

عشان أغلبنا مش مستريحيين في الوضع الحالي يعني ؟

طب حد من المعترضين يرشح واحد ممكن يشيل المسئولية دي و يقدر يسيطر على الوضع كدة او احسن من كدة

يا جماعة بلاش ننظر للرئيس مبارك على انه عدو

زي منظرنا للسادات

الشعب كان بيحب جمال عبد الناصر عشان جمال عبد الناصر جاء في فترة بعد الاحتلال و بعد مكانت الناس مخنوقة و كان فيه حاجات جديدة مفرحاهم الحرية

التأميم العداء و مقاومة اسرائيل

عشان أصلا الشعب مكانش شايف نور

و بعدين جه السادات حاول يظبط السياسة الداخلية و تعرض لمقاومات كبيرة من الشعب و حاول يظبط السياسة الخارجية برضه

و مبارك كان امتداد من بعده اشتغل كويس في البنية الاساسية لحد مابقينا زي الفل

فاكرين ايام النور لما كان بيتقطع بالساعات كل شوية

فاكرين ازمة المواصلات

فاكرين حوادث السرقة و القتل

فاكرين المجاري لما كانت بتطفح

فاكرين أكوام الزبالة

فاكرين انتشار الأمية ؟

و حاجات تانية كتير لا و ايه

ظبت السياسة الخارجية تمام

معملش عداء مع دول اجنبية زي ناس عملتها بهبالة و أتهزمت و اتكسرت

بيتعامل بسياسة اليهود عشان يبعدنا عن المشاكل

في نفس الوقت بيطورنا للافضل يوم بعد يوم

مشكلتنا بس هيا الزيادة السكانية

و ان احنا بلد نامية

و اتساع الفارق بين طبقات المجتمع

جمال مبارك شرب السياسة من ابوه

هيمشي على نهجه مع تطوير جميع المجالات بعقله الشاب و خبرته اللتي أكتسبها و اللي الحمد لله تم اعدادة لها

و مش بعيد تكون التكوينات الرأسمالية اللي عملها هوا و اخوه في فترة تولي مبارك الحكم هيا اللي هتعود على الشعب بعد توليه الحكم

الناس دي مش بتلعب يا جماعة و مصريين و على قدرة هائلة لتحمل المسئولية

أنا من أشد مؤييدي جمال مبارك كرئيس للجمهورية .

حد عنده اعتراض

؟

vmp:

و مش بعيد تكون التكوينات الرأسمالية اللي عملها هوا و اخوه في فترة تولي مبارك الحكم هيا اللي هتعود على الشعب بعد توليه الحكم

[seastar44]

مش عارف الناس في مصر مالها بس

كله معترض على جمال مبارك كرئيس جمهورية

هيمشي على نهجه مع تطوير جميع المجالات بعقله الشاب و خبرته اللتي أكتسبها و اللي الحمد لله تم اعدادة لها

و مش بعيد تكون التكوينات الرأسمالية اللي عملها هوا و اخوه في فترة تولي مبارك الحكم هيا اللي هتعود على الشعب بعد توليه الحكم

هل يمكن للأخ طاحونة أن يفسر لنا كيف تكونت هذه التكوينات الرأسمالية .. هل بطرق مشروعه أم ملتوية أو عبر استخدام النفوذ ...

وهل تم تسديد ضرائب عنها ... وهل عنده فكره عن حجمها ...

وماهى الاعمال التى تكونت عنها هذه الرأسمالية هل هى معلنة أم سرية ؟؟

تساؤلات كثيره أرجوا أيشرحها لنا الاخ طاحونه ... حتى نؤمن بما يقول ..

[ابو حلاوه]

استفزني في المداخلة تعبير الحلاقين و الجزمجية اللي هيختاروا الحاكم في مصر .... الحلاق و الجزمجي المصري مواطن زيي زيك و له حق الانتخاب و الترشيح طالما كان كان له الحق في ممارسة حقوقة السياسية و للعلم هناك في الهند من هو اقل بمراحل من ثقافة الحلاق و الجزمجي المصري بس قادر تماما علي معرفة حقوقة و واجباته والدفاع عنها اذا استطلب الامر ......... مشكلة الديموقراطية ليست في من يمارسها مشكلة الديموقراطية وجود مؤسسات قوية تستطيع ان تحميها من بطش السلطة و سيطرة رأس المال و الديماجوجية .... اي شعب في الدنيا ممكن ان يتعلم ان يحكم نفسه طالما كانت هناك فرصة لذلك