جمال مبارك أحسن من يتولى الحكم

[juvara2005]

مين الناس اللي هتختار ؟

البقال ، الجزمجي ؟

الحلاق ؟

سواقين التاكسي

كل الناس دي غلابة ملهيين في أكل عيشهم و غيرهم كتير

الناس دي متعرفش تختار

الناس دي متنفعش تختار

أحنا لسة شعب منعرفش نختار لسة بيبي صغيرين

بالمناسبه الهند يولد فيها حوالي 20 مليون سنويا في الشارع وتحت خط الفقر بمراحل ومع ذلك من اعرق الانظمه الديمقراطيه

ده طبعا غير جنوب افرقيا وكتير

وبالمناسبه لا توجد تنميه دون شفافيه في الحكم

وطبعا معادلة كل الانظمه الديكتاتوريه

جهل +فقر+تغييب وعي الشعوب وتسطيح عقولهم = سلطه دائمه الي ابد الابدين

خلاص كفايه ارفعوا الوصايه عنا لسنا قصٌر او ناقصين عقل

[مصرى]

* نص البلد عسكر على نصها

ودا اللى من بدرى قطم وسطها

لو كان بعتهم يزرعوا الصحرا

ماكانش فلاحها شحت قمحها

ولا خرس بين الأمم حسها

* ابن الأسد له عرين الغابة مش عمه

خصوصى لو واد مخلص شبل وابن أمه

أشعار كهذه أصبحت تتداول على الموابايلات ومن خلال البلوتوث

[seastar44]

الموضوع دخل فى الشعر ... والانتخابات .. والسواقين والجزمجية .. والمهندسين والدكاتره ... والموضوع .. يكاد يفقد اتجاهه الاصلى...

هل بعد كل المداخلات السابقة .. مازلتم تعتقدون أن جمال مبارك أحسن من يتولى الحكم ... !!

الواضح الآن من الاحداث الجارية ... أن السيد جمال مبارك أصبح ظهوره الرسمى مكثفا هذه الايام ... يعنى بيشترك مع رئيس الوزراء فى حاجات كتيره .. وآخرها مؤتمر دافوس ..ثم آخر ظهور فى عزاء الحريرى بلبنان ...

,أبوه قال إنه بيساعده ... طيب ما الرئيس له عدة مساعدين لرئيس الجمهورية ..والا دول خلاص أكلتهم الدوده ...

لا تصدقوا مبارك حينما يقول أنه لا يفكر بتوريث الحكم لنجله ...

أنا أرى أنه يسير على نهج الزعيم الكورى الشمالى كيم إيل سونج العظيم ... الذى ورث الحكم لابنه كيم إيل جونج .. والذى يستعد بدوره لتوريث الحكم للحفيد .. تحقيقا لرغبة الزعيم الراحل فى أن يرى أحد أحفاده يحكم البلاد ..

ترى ما هى رغبة .. مبارك ؟؟ ..

على أى الاحوال .. أنا أريد .. أنت تريد ... مبارك وما يريد ... ولكن أمريكا تفعل بالمنطقة ماتريد ...

[bodi]

الاستاذ سي ستار

عذرا

فقد قلت ما يوجب التصحيح

ترى ما هى رغبة .. مبارك ؟؟ ..

على أى الاحوال .. أنا أريد .. أنت تريد ... مبارك وما يريد ... ولكن أمريكا تفعل بالمنطقة ماتريد

لا و الله امريكا لا تفعل الا ما يريده و ما ياذن به الله تعالي

فالصيحيح هو الله يفعل ما يريد وما يحدث من عدوان هولاء الصليبيين علينا الا ببعدنا عن كتاب الله و سنة رسوله

[محمد عبد المجيد]

أخي الكريم حفظه الله

حوار بين الرئيسين حسني مبارك وجمال مبارك

موضوع منقول

ألم يكن من الأجدر وضع اسم كاتب المقال في اطار احترام القلم والملكية الفكرية؟

الرجاء الاشارة إلى أن صاحب هذه السطور، محمد عبد المجيد، هو كاتب المقال ولكم مني جزيل الشكر.

محمد عبد المجيد

رئيس تحرير طائر الشمال

عضو اتحاد الصحفيين النرويجيين

http://www.tearalshmal1984.com

Taeralshmal@gawab.com

Fax: 0047+22 49 25 63

Oslo Norway

[cutey]

مش عارف الناس في مصر مالها بس

كله معترض على جمال مبارك كرئيس جمهورية

كل دة عشان الشعب المصري شعب فهمه على قدة

عشان أغلبنا مش مستريحيين في الوضع الحالي يعني ؟

طب حد من المعترضين يرشح واحد ممكن يشيل المسئولية دي و يقدر يسيطر على الوضع كدة او احسن من كدة

يا جماعة بلاش ننظر للرئيس مبارك على انه عدو

زي منظرنا للسادات

الشعب كان بيحب جمال عبد الناصر عشان جمال عبد الناصر جاء في فترة بعد الاحتلال و بعد مكانت الناس مخنوقة و كان فيه حاجات جديدة مفرحاهم الحرية

التأميم العداء و مقاومة اسرائيل

عشان أصلا الشعب مكانش شايف نور

و بعدين جه السادات حاول يظبط السياسة الداخلية و تعرض لمقاومات كبيرة من الشعب و حاول يظبط السياسة الخارجية برضه

و مبارك كان امتداد من بعده اشتغل كويس في البنية الاساسية لحد مابقينا زي الفل

فاكرين ايام النور لما كان بيتقطع بالساعات كل شوية

فاكرين ازمة المواصلات

فاكرين حوادث السرقة و القتل

فاكرين المجاري لما كانت بتطفح

فاكرين أكوام الزبالة

فاكرين انتشار الأمية ؟

و حاجات تانية كتير لا و ايه

ظبت السياسة الخارجية تمام

معملش عداء مع دول اجنبية زي ناس عملتها بهبالة و أتهزمت و اتكسرت

بيتعامل بسياسة اليهود عشان يبعدنا عن المشاكل

في نفس الوقت بيطورنا للافضل يوم بعد يوم

مشكلتنا بس هيا الزيادة السكانية

و ان احنا بلد نامية

و اتساع الفارق بين طبقات المجتمع

جمال مبارك شرب السياسة من ابوه

هيمشي على نهجه مع تطوير جميع المجالات بعقله الشاب و خبرته اللتي أكتسبها و اللي الحمد لله تم اعدادة لها

و مش بعيد تكون التكوينات الرأسمالية اللي عملها هوا و اخوه في فترة تولي مبارك الحكم هيا اللي هتعود على الشعب بعد توليه الحكم

الناس دي مش بتلعب يا جماعة و مصريين و على قدرة هائلة لتحمل المسئولية

أنا من أشد مؤييدي جمال مبارك كرئيس للجمهورية .

حد عنده اعتراض

؟

vmp:

الشعب كله بقى فهمه على أده وبتوع الحزب الوطني اللى واكل قوت الغلابة وماصص مهم وبيسحلهم كمان سواء عارفين حقوقهم او لأ هم بس دول بقى اللى بيفهمو بتوع الحزب ومؤيدي السيد جمال مبارك

ممكن حضرتك تقولى هو حضرتك عايش فين ؟؟؟

محسسنى اننا احنا اللى جايين من المريخ .ز مش عايشين في البلد دي اللى بقالها تلاااااتيييين سنة عايشة فى سلام ورخاء ومع ذلك بنيتها التحتية تحت الصفر أنيل من لبنان بعد ما دمرتها الحرب الأخيرة

ولا كأن الكهربا بتقطع كل شوية ويطلع مسئول جاهل مؤمن بسياسة الامر الواقع زيه زي اى واحد فى النظام الحاكم يقولك : اه انقطاع التيار الكهربي و ارتفاع الاسعار يزيد من ثواب الصائم

اااااااااه يا بلد

وطبعا احنا عايشين فى عصر الحريات .. لا أمن شغال ضد قمع شعب ولا اى حاجة خالص

وطبعا جمال أولى الناس بتولى الحكم بما ان ابوه من أول ما مسك مش عايز يحط نائب زيه زي اى رئيس بيحترم شعبه

وطبعا كل العيب جاى من عندنا احنا .. احنا اللى شعب متخلف عمالين نخلف .. اصلنا لاقيين نتجوز اصلا و لاقيين شغل ولاقيين سكن والعيشة فل .. فمش فاضيين غير لإننا نخلف بقى و نلتهم التطور الناتج عن دفع عملية التنمية

يا أخي حسبي الله ونعم الوكيل فى دي حكومة مجوعة شعبها ..عشان مايفضاش يتلفت حتى ... يفضل داير فى الطاحونة وهو مغمي عنيه وخلاص

لأ وكمان احنا السبب ... احنا اللى صح اللى بنمنع اى محاولة حقيقية للتنمية وللإكتفاء الذاتي فى ابسط حاجة زي القمح

صح .احنا اللى راكنين العلم ع الرف و كله حاجة زي الفل .. طالما احنا مجرد مستهلكين لك حاجة .. وماما امريكا راضية عن آدائنا

احنا زي الفل طالما عايشين على أقل نسبة من مساحة مصر والناس خضرت الجبال .. واحنا سايبين مصر صحرا

انت عندك حق احنا شعب ناكر للجميل مانستاهلش نعيش على الارض الطاهرة دي .. المفروض نسيبهالهم يرتعو فيها ويستثمرو ويهربو فلوسهم بره ويستمتعو بحياتهم ..احنا هنفضل كاتمين على نفسهم كده لحد امتى؟؟؟؟؟؟

لكى الله ياااااا مصر