أيسلندا تقرر حجب المواقع الإباحية

[herohero]

تعكف الحكومة في أيسلندا على إعداد مسودة قانون لحجب المواقع الإباحية بشكل تام يمنع المستخدمين من تنزيل أو حتى مشاهدة المواد الإباحية.

وفي حال تم إقرار القانون بالفعل تكون أيسلندا أول دولة غربية تفرض حظرا على المواقع الإباحية، بحسب «سكاي نيوز» نقلا عن صحيفة «دايلي ميل» البريطانية.

ومن شأن القانون الجديد أن يفرض على السلطات المسؤولة عن الإنترنت استخدام تقنيات متقدمة للحجب على غرار تلك المستخدمة في الصين، التي تحظر على المستخدمين الوصول إلى العديد من المواقع على الإنترنت، ولكن في حالة أيسلندا سيقتصر الحظر على المواقع والمواد الإباحية فقط.

ويمكن للقانون الجديد أن يجرم أيضاً استخدام بطاقات الائتمان لشراء المواد الإباحية عبر الإنترنت، أو حتى الاشتراك في المواقع الإباحية المدفوعة.

ويأخذ وزير الداخلية الأيسلندي «أوغموندر جوناسن» على عاتقه إنجاز هذا القانون، إذ يرى أن المواد الإباحية مرتبطة بشكل مباشر بزيادة عدد وقوة حالات العنف ضد المرأة في المجتمع الأيسلندي.

كما يعتبر جوناسن أن المواقع الإباحية تتسبب على المدى الطويل في إفساد الأطفال من الناحية الأخلاقية، خصوصاً من شرعوا في مشاهدتها في سن صغيرة.

=---------------------------------------------------------------------------------------------------------------------------------------------------------

هي ايسلندا فيها سلفيين ولا اخوان ولا تيارات اسلامية

رد انت ياحسين

ازاي يعملوا كده يامنى فين الحريات ياعمرو

افرض واحد بالغ عاوز يتفرج مش من حقه

تم تعديل 16 فبراير 2013 بواسطة herohero

[أسد]

هنا في محاورات المصريين

http://www.egyptiantalks.org/invb/index.php?showforum=44

تمت الدعوة لذلك عبر موضوعات متعددة

وهناك باب كامل في المحاورات اسمه حملة انترنت نظيفة

وكان الأستاذ عادل من رواد المنادين بذلك على مدار سنوات طويلة مضت

المسألة مش محتاجة مزايدات أصلاً

[tarek hassan]

هي ايسلندا فيها سلفيين ولا اخوان ولا تيارات اسلامية ..... رد أنت ياحسين

حاجة غريبة في بلد الأزهر أن يتوهم البعض أن السلفيين والإخوان هما اللي هييجي منهم العفة والطهارة وحجب المواقع ... مش هقول إن غالبية الشعب المصري عفيف فقط ولكني لا أفترض القدسية المزعومة في السلفيين والإخوان بدليل وجود حالات فعل فاضح معلومة قد انكشفت وما خفي كان أعظم ..... وهناك ما هو أسوأ من الفعل الفاضح قد حدث فلا تزكوا أنفسكم هو أعلم بمن اتقى ......

تم تعديل 16 فبراير 2013 بواسطة tarek hassan

[ابا فاطمة]

هي ايسلندا فيها سلفيين ولا اخوان ولا تيارات اسلامية ..... رد أنت ياحسين

حاجة غريبة في بلد الأزهر أن يتوهم البعض أن السلفيين والإخوان هما اللي هييجي منهم العفة والطهارة وحجب المواقع ... مش هقول إن غالبية الشعب المصري عفيف فقط ولكني لا أفترض القدسية المزعومة في السلفيين والإخوان بدليل وجود حالات فعل فاضح معلومة قد انكشفت وما خفي كان أعظم ..... وهناك ما هو أسوأ من الفعل الفاضح قد حدث فلا تزكوا أنفسكم هو أعلم بمن اتقى ......

فعلا محدش يعرف خاتمته هتبقى ازاى

ربنا يرزقنا جميعا الاخلاص وحسن الخاتمة

[herohero]

الحكاية مش مزايدة يا استاذ أسد لكن الطلب ده لو حصل ف مصر هتلاقي هجوم فظيع جداااااااااااااا

كان الحريات ف مصر أكثر ن ايسلندا !!!!

وصلت الرسالة !!!انا متأكد جدااااااااا ان الخبر ده لو كان ف مصر لكنا شوفنا صيحات وصيحات واللي هيقول مش ناقص الا السلفيين والاخوان يعلموا المصريين العفة والطهارة والنقاء

ما اقصده ان الدول اللي بتبقى عاوزة تتقدم مش بتقعد لبعض ع الواحده وكل فصيل يتهم الاخر بالخيانة

وانا بقول ابقوا قابلوني لو وصلنا لشئ هنفضل نلف حوالين نفسنا دوخيني ياليمونة مادام كل واحد عاوز يثبت ان رأيه هو الصح والاخر خطأ

[herohero]

استاذ طارق القرار ده لو كان في مصر تقدر تقولي رد الفعل كان هيبقى ايه ؟؟؟؟؟؟؟؟؟

أظن نستدعي حسين لان هو اللي معاه الرد !!!!!!!!!!!no comment

[أسد]

أساليب الطرح المنفرة فن يصعب منافسته أو مناقشته

مهارة التنفير أصبحت سمة غالبة

كل الأطراف على فكرة

كل واحد يعتقد أنه محتكر الحق وحده

[herohero]

أساليب الطرح المنفرة فن يصعب منافسته أو مناقشته

مهارة التنفير أصبحت سمة غالبة

كل الأطراف على فكرة

كل واحد يعتقد أنه محتكر الحق وحده

استاذ أسد انا قولتها اننا بقينا نتعامل بمبدا حببك تبلع له الزلط وعدوك تتمنى له الغلط والمبدا ده ع الطرفين

[متعب]

ياريت ايسلندا تحجب المواقع الاباحيه دى ال حصلت فى بنى سويف

واطيعوا الله والرسول والسلفيين

[herohero]

عزيزي الاستاذ متعب انا أعلم ان حضرتك كحالنا هنا جميعا تسعى للموضوعية

أنا اسف اني اقول لحضرتك ان غزة مفيهاش نطقة اسمها بني سويف مانشرته ياعزيزي هو حدث ف غزة واليك الرابط فيه القصه كلها

http://www.nydailyne...ticle-1.1205010

http://www.mercurynews.com/nation-world/ci_22034428/hamas-executes-six-suspected-collaborators-israel-body-dragged

رابع صورة ع اليمين

-----------Hamas kills 6 Palestinian suspected of collaborating with Israel as official says Egyptian-brokered two-year ceasefire talks continue

Read more: http://www.nydailyne...0#ixzz2L4fU6zZm

دمت بموضوعية

تم تعديل 16 فبراير 2013 بواسطة herohero

[متعب]

https://twitter.com/C_Revolutionist

الخبر موجود فى موقع مصرى

عموما حتى لو فى غزة يبقى مطلوب من ايسلندا انها تحجب جرايم الاخوان قصدى حماس مهما الاتنين واحد

[متعب]

اى قانون فى العالم يبيح التمثيل بالجثث سيان فى غزة او حتى اسكتلندا

طيب موجود ده فى اى شرائع سماويه . الاسلاميه ولا البوزيه

احكلنا عن معامله الاسير من الاعداء ازاى بتكون

وليه جواسيسي اسرائيل بيمشوا من عندنا فى مصر تاركين جواب شكر للسلطات المصريه لحسن تعاملهم معهم ؟

احكيلنا عن الموضوعيه هنا

اتحفنا بالموضوعيه

تم تعديل 16 فبراير 2013 بواسطة متعب

[herohero]

https://twitter.com/C_Revolutionist

الخبر موجود فى موقع مصرى

عموما حتى لو فى غزة يبقى مطلوب من ايسلندا انها تحجب جرايم الاخوان قصدى حماس مهما الاتنين واحد

Hamas unleashed a savage show of violence Tuesday, killing six Palestinians

suspected of spying for Israel — and dragging one of their lifeless bodies through the

streets of Gaza.

Read more: http://www.nydailynews.com/news/world/hamas-kills-suspected-collaborators-israel-gaza-article-1.1205010#ixzz2L4lu9bjC

صدقني مش هتفرق خالص مش الصورة فيها واحد ملتحي يبقى خلاص يا استاذ متعب الخبر صادق وف بني سويف

وفي مصر كلها

ماتشغلش بالك والله الرسالة وصلت وانا فاهم ................أنت فين ياحسين

[متعب]

اى قانون فى العالم يبيح التمثيل بالجثث سيان فى غزة او حتى اسكتلندا

طيب موجود ده فى اى شرائع سماويه . الاسلاميه ولا البوزيه

احكلنا عن معامله الاسير من الاعداء ازاى بتكون

وليه جواسيسي اسرائيل بيمشوا من عندنا فى مصر تاركين جواب شكر للسلطات المصريه لحسن تعاملهم معهم ؟

احكيلنا عن الموضوعيه هنا

اتحفنا بالموضوعيه

كسبنا صلاة النبى

ما تتحفنا ياعمنا . ولا دى مطنش عليها ومسكت فى غزة .

هى مش الاخوان برده ال فى غزة ولا راحوا ايسلندا

اشمعنا هنا طلبت طناش معاك واقتبست ال فوقها

[herohero]

استاذ متعب اتحف حضرتك بايه ؟؟؟حضرتك دخلت ف مضوعنا حماس وحطيت صورة غلط مش موجودة ولو موقع حاططها فهي مغلوطة والكلام ده موجود ع مواع اجنبية وحضرتك عاوزني اول ولا الضالين امين وكلام صح و100 100

ودلوقت بدخلن ف قصه اتحفك وتتحفني

عزيزي خبر غلط وصورة فشنك ع ماذا الجدال والحوار ومدخلني ف قصة اتحفك وتتحفني

عزيزي انا قولت لحضرتك الراسلة وصلت وصدقني مهما ما هتكلم ولا اتحف حضرتك زي ما بتقول والله ماهتفرق لا معايا ولا معاك ولا مع اي حد هتكون جدال عقيم

عموما راعي ان حضرتك ف ناس لما بتلاقي صورة منشورة بتروح تدور ع جوجل بحث بالصور وتقدر تعرف الصورة ده منشورة فين من قبل فتقنيا الموضوع بسيط وبالتالي القصه مش محتاجة اتحاف مني ولا منك

دمت بود

[متعب]

أنا اسف اني اقول لحضرتك ان غزة مفيهاش نطقة اسمها بني سويف

مش ده كلام حضرتك برده

مش الصورة فى غزة ودول حماس . ال هما الاخوان . يعنى مش فى بلد اجنبيه ولا حاجه

دلوقتى لما طلبت منك تفسير عن ال عملوه حماس . ترجع تقول الصورة اجنبيه

لو معندكشى مبرر معقول يدخل منطق يبقى بلاش ترد

ولو هترد تقول كلام غير مفهوم زى ال فوق يبقى معاك ربنا واتنين من حماس بقى

[herohero]

استاذ متعب مش هدخل ف جدال انا مسحت الرد عشان الناس ماتزهقش القصه بسيطة صورة مضروبة وحضرتك عاوز تقحمها ف الموضوع لاسباب تخصك وتطلع مشكلة اللحية فوبيا والاسلامو فوبيا فمش معقولة نعالج مشكلة بصورة مضروبة عندك ما يثبت انها ف بني سويف اوك مكنش يبقى المناقشة مالهاش لازمة لان لا يمكنني اتجادل ف موضوع اساسه غلط

---------

حضرتك الكلام ده ياريت فعلا تعمل به

يبقى معاك ربنا واتنين من حماس بقى

وماتحطش صور مضروبة ثاني حرصا ع احترام الاعضاء والموضوعية في المنتدي

تم تعديل 16 فبراير 2013 بواسطة herohero

[متعب]

ياعم الصورة طلعت مش من بنى سويف بس طلعت من غزة

خلاص بقى نبقى نتناقش فى غزة . وانا هقر ان الصورة من غزة وحصل لبس عندى انا

التفسير ايه بقى للموقف ده سيان فى نبى سويف او فى السند

سهله اهى

[White heart]

هي ايسلندا فيها سلفيين ولا اخوان ولا تيارات اسلامية

" ... الطلب ده لو حصل ف مصر هتلاقي هجوم فظيع جداااااااااااااا

كان الحريات ف مصر أكثر ن ايسلندا !!!! ... "

هى مش برضه رئيسة وزراء أيسلندا Johanna Sigurdardottir مثلية الجنس صراحة (الحالة الأولى فى العالم)، وتزوجت "مدنياً" من الكاتبة Jonina Leosdottir بناء على القانون الذي أقره البرلمان الأيسلندي فى الـ 12 من يونيو عام 2010 ؟!؟!؟

طيب ...

[tarek hassan]

هي ايسلندا فيها سلفيين ولا اخوان ولا تيارات اسلامية

" ... الطلب ده لو حصل ف مصر هتلاقي هجوم فظيع جداااااااااااااا

كان الحريات ف مصر أكثر ن ايسلندا !!!! ... "

هى مش برضه رئيسة وزراء أيسلندا Johanna Sigurdardottir مثلية الجنس صراحة (الحالة الأولى فى العالم)، وتزوجت "مدنياً" من الكاتبة Jonina Leosdottir بناء على القانون الذي أقره البرلمان الأيسلندي فى الـ 12 من يونيو عام 2010 ؟!؟!؟

طيب ...

مرحب أستاذ : 'White heart'

حمدا لله على السلامة ..... عودا حميدا