انقطاع المياه .. الى متى ؟؟؟

[mohamed]

ايه الحكاية ؟؟

حد يعرف السبب

طيب هتيجى امتى تانى بالسلامة ؟؟

المية قاطعة فى م نصر بقى لها يومين اهو

والموضوع ده مش ابن يومين ده بقى له سنتيييييييين بحالهم

يعنى لو ماسورة مش عارفين يصلحوها من ساعتها ولا ايه الحكاية

طيب نعمل ايه ؟؟

<_< cbyb: cbyb:

[عادل أبوزيد]

ظهر خبر صغير فى صفحة داخلية عن كسر الماسورة الرئيسية التى تنقل المياه إلى مدينة نصر و أظن مناطق أخرى و الماسورة قطرها 1400 مم و ذكر الخبر أنه سيتم إستخدام ماسورة بديلة قطرها 1000 مم و ستقوم شركة المقاولين العرب بعمليات الإصلاح اللازمة و أن وزير الإسكان طلب دعم المنطقة بخوازيق خرسانية.

وصلت بعض المياه فجر السبت كانت كافية فقط "لشد السيفونات" و الوضوء للفجر و ربما أمكن ملء بعض خزانات العمارات التى تحتوى على خزانات.

و الآن و أنا أكتب هذه المداخلة خيط رفيع من المياه و لا توجد شواهد على الضخ الكامل للمياه .

المشكلة ليست فى الشرب و لكنها فى الحمامات فى المقام الأول.

فكرت فى الذهاب إلى النادى الأهلى للإستحمام و قد أفادونى تليفونيا أن المياه موجودة عندهم و ذهب ولدى و أخبرنى تليفونيا أنه لا توجد مياه فى النادى و الرجل كان يقصد المياه العكرة لرى الحدائق.

لا أعرف ما يمكن عمله البدائل هى زيارة أحد الأقارب المقيمين خارج مدينة نصر أو البحث عن فندق به مياه و معقول والبقاء به ختى حل المشكلة أو السفر لمدينة أخرى ....

أو الخروج فى مظاهرة تطالب بالإستحمام و ندعو لها الصحافة الأجنبية.

أتصور أن العادى أو المعقول أن تكون مشكلة المياه هى الموضوع الوحيد الذى تتابعه وسائل الإعلام هنا فى مصر ... ولكن

[mohamed]

أو الخروج فى مظاهرة تطالب بالإستحمام  و ندعو لها الصحافة الأجنبية.

أتصور أن العادى أو المعقول أن تكون مشكلة المياه هى الموضوع الوحيد الذى تتابعه وسائل الإعلام هنا فى مصر  ... ولكن

h):

:lol:

دى اخر حاجة ممكن الشعب يفكر فيها اللى هي المظاهرات

حاااااااااااجة تكسف وتجنن

[Katamando]

استغفر الله العظيم

فيما سمعت أن الماسورة المذكورة المكسورة هي المغذية لمدينة نصر ... طيب جميل لكن ألا يوجد أي خط احتياطي مثلاً يعني ممكن ناس تموت بسبب انعدام التخطيط

وفيما سمعت أيضاً أن الكسر تم بسبب هبوط مفاجئ في الأرض التي تمر فيها الماسورة المأسوف على شبابها عمقه 20 متر؟؟؟؟ّّّّّ!!!!! أمال فين بحوث التربة وخبراء الجيولوجيا اللى هي دي مهمتهم قبل تنفيذ أي مشروع مش فيه حاجة اسمها أبحاث تربة برضه ولا الاختراع ده لسه ماوصلناش؟؟؟؟؟

والمشكلة هي التعتيم الاعلامي وكأنه موضوع عيب حد يتكلم فيه لحسن نفرح فينا الاعادي والعزال

لما يكون حي يسكنه أكتر من 2 مليون نسمة مقطوع عنه المياه ولمدة تزيد عن 72 ساعة ولا نجد صدى لذلك في أجهزة اعلامنا يمكن أن نستنتج من ذلك أن أجهزة اعلامنا تعاني من الصمم المزمن ولا تسمع ولا ترى ولاتتكلم

ممكن ان نسمع عن أي ماتش كورة مالوش لازمة ولا طعم ولا ريحة

ممكن نسمع عن ممثلة رجلها اتلوت وهي نازلة من عربيتها الجديدة وألف سلامة عليكى ياروحي

لكن نسمع ونشوف مشاكلنا ........ دي تبقى مصيبة

زمان وأنا أعيش خارج القاهرة كنت أظن أن الأعلام لا يرى ولا يسمع ولا يحس إلا بما يدور في القاهرة فقط .... الآن وأنا أعيش في القاهرة أيقنت أن الإعلام لا يري ولا يسمع ولا يتكلم إلا بعين واحدة وكمان ضعيفة لا ترى إلا ما يحدث مابين كوبير 6 أكتوبر وكوبري 15 مايو وبس.

[Katamando]

سؤال محير

هل يوجد أي معلومة عن موعد متوقع لعودة المياه لمجاريها مرة أخرى ولو بشكل مؤقت؟؟؟؟

لو حد يعرف أي حاجة يا ريت يقولنا

تم تعديل 30 يناير 2005 بواسطة Katamando

[mohamed]

( بيقولو ) يوم التلات

[أسد]

علي مسئولية وزير الإسكان:

عودة المياه لمدينة نصر.. اليوم

أكد الدكتور محمد ابراهيم سليمان وزير الاسكان والمرافق، عودة المياه الي حي مدينة نصر اليوم بعد انقطاع مستمر منذ يوم الجمعة الماضي. قال الوزير امام مجلس الشعب، انه كلف شركة »المقاولون العرب« بازالة المخالفات التي تسببت في انقطاع المياه. واشار الي ان المخالفات كان وراءها سلوك غير جيد من بعض المواطنين للحصول علي الرمال. وقاموا بالحفر لعمق 25 مترا تحت ماسورة المياه، مما أدي الي اتلافها. اضاف الوزير انه تقرر انشاء خط مياه جديد يبدأ من مدينة العبور لتغطية مدينة نصر، قوته 100 ألف متر مكعب. وينتهي العمل فيه آخر فبراير الحالي.

وكان مصطفي السلاب نائب مدينة نصر، قد دعا الي تشكيل لجنة تقصي حقائق لبحث مشكلة انقطاع المياه المتكررة.

شفتوا بقى ...

الحكومة المسكينة ملهاش أي ذنب ..

الناس المواطنين الوحشين خلوا الحكومة نايمة وحفروا تحت الماسورة علشان ياخدوا الرمل ...

أيه ده ..

إيه العظمة دي ..

إيه العبط ده ..

[عقل حر]

صرح مصدر مسئول بوزارة التجارة الداخلية بأنه سيتم التوقف عن استيراد اللحوم السودانية و الإثيوبيه بعد نجاح وزارة الإسكان في توفير إحتياجات مصر من الخراف الحية...... و تحويلها لسكان مدينة نصر إلى خراف يصرخون صباح مساء.... ماء ماء ماء.....

حدش عنده ميه أثيوبي؟؟

[عادل أبوزيد]

علي مسئولية وزير الإسكان: 

عودة المياه لمدينة نصر.. اليوم 

أكد الدكتور محمد ابراهيم سليمان وزير الاسكان والمرافق، عودة المياه الي حي مدينة نصر اليوم بعد انقطاع مستمر منذ يوم الجمعة الماضي. قال الوزير امام مجلس الشعب، انه كلف شركة »المقاولون العرب« بازالة المخالفات التي تسببت في انقطاع المياه. واشار الي ان المخالفات كان وراءها سلوك غير جيد من بعض المواطنين للحصول علي الرمال. وقاموا بالحفر لعمق 25 مترا تحت ماسورة المياه، مما أدي الي اتلافها. .

شفتوا بقى ...

الحكومة المسكينة ملهاش أي ذنب ..

الناس المواطنين الوحشين خلوا الحكومة نايمة وحفروا تحت الماسورة علشان ياخدوا الرمل ...

أيه ده ..

إيه العظمة دي ..

إيه العبط ده ..

الفاضل أسد

بحثت عن تعبير مهذب للتعليق حقيقة لم أجد بلا مبالغة التعبير الوحيد الممكن و لا أظنه مهذبا هو "البجاحة" و هناك مثل شعبى لا أذكره بالضبط و لكنه ينهى عن مناقشة ... "حتلهيك و اللى فيها حتجيبه فيك"

منذ تقريبا سنة و نصف تم تعيين "اللواء عمرو الوحش" رئيسا لمرفق المياه (لا أذكر إسم المنصب) و بعدها ربما بأسبوع إشتكى سكان مدينة نصر من نقص المياه و صرح سعادته "لافض فوه" بأن السبب هو أن مدينة نصر مصممة على أساس أربع أدوار و بها الآن أبراج" و لم أجد الكلام المهذب المناسب للتعليق .

و أجزم أن شيئا ما أو إجراء ما حدث وقتها كان من نتيجته نقص المياه و تم تغيير شخص مدير مرفق المياه منذ أسابيع قليلة !

السيد الوزير وعد بوصول المياه اليوم و الساعة الآن الخامسة و النصف مساء و لم تصل المياه أستأذنك للبحث مكان ألجأ إليه

[se_ Elsyed]

السيد الوزير وعد بوصول المياه اليوم و الساعة الآن الخامسة و النصف مساء  و لم تصل المياه    أستأذنك للبحث  مكان ألجأ إليه

الظاهر إن قعدت في المكان ده هاتطول يا أستاذ عادل ....

بالمناسبة .. هافتح موضوع في باب الإبتسام إسمه " مظاهرات ضد الحُكام للمطالبة بالإستحمام " بس بأمر بظروف شخصية مُعينة فأستحملوني وخليكوا جاهزين بالصابونة والليفة وكوز المحبة .

إقرأ معي كده اللي جاي ده لسه طازه من جريدة الجمهورية .

طارت وعود وزير الإسكان في الهواء.. فشل في إعادة المياه لمدينة نصر لمدة خمسة أيام !!

عبدالظاهر نسخة مكررة من "وحش".. عاجز عن مواجهة المشكلة

علي مسئولية رئيس المرفق: الخط البديل يعمل اليوم.. للدور الثالث فقط

فشل د.محمد إبراهيم سليمان وزير الإسكان في إعادة المياه لمدينة نصر وطارت وعوده بسرعة إعادتها في الهواء لتستمر معاناة السكان لليوم الخامس علي التوالي.

أثبت المهندس محمد عبدالظاهر رئيس شركة مياه القاهرة. أنه نسخة مكررة من عمرو وحش رئيس المرفق السابق.. فقد عجز عن مواجهة المشكلة وأعلن علي مسئوليته أن المياه ستعود لمدينة نصر يوم الجمعة القادم. بعد الانتهاء من أعمال الصيانة وتأمين خط المياه الرئيسي "1400 مللي" المغذي لمدينة نصر. الذي انكسر نتيجة الهبوط المفاجيء لطريق القطامية العين السخنة منذ خمسة أيام.

قال إنه تم الانتهاء من أعمال تعقيم مواسير الخط البديل "1000 مللي" وضخ المياه من خلاله بجميع أنحاء مدينة نصر إلا أنها ستكون ضعيفة وستصل حتي الدور الثالث فقط.

وأكد أن العمل مستمر لمدة 24 ساعة بالتعاون مع القوات المسلحة والمقاولون العرب.

ومازالت الشكاوي مستمرة من انقطاع المياه بمدينة نصر وتلقي "139 جمهورية" علي مدي 4 أيام ما يزيد علي عشرة آلاف اتصال.. عبر المواطنون عن غضبهم بعد استمرار الانقطاع وأكدوا أن جركن المياه يباع بالسراج مول بمبلغ ثلاثة جنيهات ورغم ذلك فهو غير متوافر.. أما زجاجة المياه المعدنية فقد ارتفع سعرها إلي جنيهين ونصف الجنيه..طالب المواطنون بتحقيقات عاجلة مع المقصرين ومحاسبة الشركة المسئولة عن تنفيذ مشروع المياه بمدينة نصر وبصفة خاصة مهندسو التربة الذين أدي تقاعسهم إلي هبوط التربة بعمق ستة أمتار..قالوا إن المسئولين يدلون بتصريحات غير حقيقية وأنهم لا يشعرون بالمعاناة التي يعيشها أهالي مدينة نصر.

[se_ Elsyed]

لأ كده كثير وحرام ... واللي عمله سمير رجب لا ينكتب ولا ينقرأ ..

عزيزي القاري قبل أن تقرأ هذا الخبر قُم بتحضير الآتي :

1- كيلو ليمون بلدي غزير المياه للعصير لزوم موعان النفس.

2- مناديل كلينكس ماركة ( إمسحي دموعك يا أمال )

3- علبة صغيرة لزوم القيء والقرف .

سكان مدينة نصر بعد عودة المياه:شكراً مبارك..تدخل بنفسه لحل المشكلةهذا هو زعيم مصر.. وراعي كل المواطنين

اطمأن علي وصول المياه إلينا..ولولاه لاستمرت المعاناة

رئيس المرفق: إجراءات عاجلة.. لمنع تكرار ما حدث

أعرب سكان مدينة نصر عن شكرهم وامتنانهم للرئيس محمد حسني مبارك لاهتمامه الشخصي بحل مشكلة انقطاع المياه.. مشيرين إلي ان هذا ليس غريباً علي زعيم مصر راعي كل المواطنين.

أضافوا أن انقطاع المياه لمدة ستة أيام متواصلة جعلهم يعيشون مأساة حقيقية وانه لولا تدخل الرئيس في الوقت المناسب لاستمرت المشكلة فترة أطول.

قال محمد حسن وأحمد السيد موظفان : كل الشكر للرئيس مبارك راعي كل المصريين.. علي اهتمامه بمشكلة المياه وحرصه علي وصولها إلينا بعد انقطاع دام ستة أيام. ووضع مصلحة المواطن في المقام الأول.

سعاد توفيق ربة منزل وعزت ابراهيم بواب عمارة: الآن تحول تعبنا إلي راحة بعد أن علمنا بسؤال الرئيس واطمئنانه علي سكان مدينة نصر.

مني محمد ربة منزل ونجيبة مصطفي من سكان الحي العاشر وكريمة حسين من سكان الحي الثامن: فور عودة المياه قمنا بتخزين كمية كبيرة من المياه خوفاً من انقطاعها مرة أخري.

مختار حلمي صاحب محل عصير بمصطفي النحاس: نقدم كل الشكر لوسائل الاعلام علي اهتمامها ومتابعتها للمشكلة.. ونقل صوت المواطنين للمسئولين الأمر الذي أدي إلي تدخل الرئيس مبارك شخصياً لحل المشكلة.

خيرية جاد من سكان عزبة الهجانة: عشت مأساة حقيقية خلال الأيام السابقة.. فزوجي مريض بالكبد ويحتاج دائما إلي مياه نظفة ولم استطع شراء المياه المعدنية التي اعتمد عليها أغلب السكان.. مما اضطرني إلي احضار المياه من مدينة الشروق.

مني فتحي ربة منزل من سكان الحي الثامن وحنان أنيس ربة منزل: انقطاع المياه علي مدار الفترة السابقة كان شكلاً من اشكال الموت البطيء.. والحمد لله علي عودة المياه.. واتمني عدم انقطاعها مرة أخري.

محمد عبدالرحمن ومحمد السيد موظفان: ما يحزننا حقا هو استهانة المسئولين بالمواطنين وعدم التصريح بالحقيقة منذ اليوم الأول.. فكل يوم كنا نسمع أقوالاً متضاربة حول موعد عودة المياه. لكن الحمد لله تدخل الرئيس مبارك في الوقت المناسب وحسم الأمر.

من ناحية أخري أكد المهندس محمد عبدالظاهر رئيس مجلس إدارة شركة مياه القاهرة الكبري .. ان الشركة تقوم حاليا بإجراءات عاجلة لعمل مسح لجميع مواسير المياه المماثلة لهذا الخط منعا لحدوث أي أعطال أو انهيار للتربة مرة ثانية وذلك عن طريق تقوية هذه المناطق.

قامت "المساء" بزيارة للموقع الذي شهد انفجارا للماسورة الرئيسية المغذية لمدينة نصر.. وجدنا ان أعمال الحفر انتهت تماما.

وأكد عبدالحميد فرج المشرف التنفيذي للمشروع: ان المواسير الأربع المغذية لمدينة نصر قد تعرضت للانفجار منذ ستة أيام تقريبا.. مما أدي لانقطاع المياه عن المنطقة.. وعلي الفور تم العمل للاحلال والتبديل علي مدار 24 ساعة يوميا.. وبالفعل انتهي العمل بشكل نهائي.. وعادت المياه لكافة المناطق.

أضاف: تحسبا لتكرار وقوع الكارثة مرة اخري فقد قمنا باستخدام معامل أمان قوي لتلافي الأخطاء السابقة.

طلب شخصي من مواطن مصري يُدعى س س لراعي مصر والمصريين والراعي الرسمي لتصفيات أفريقيا للكريكيت والمصارعة الروماني :

سيدي الرئيس ... الواد إبن أختي معاه دبلون صنايع وجايب 40 % ما شاء في ثالثة دبلون ... ماطولش على سيادتك ... فالولا ساكن في شقة إيجار جديد فوق سطوح بيت في منطقة الكيت كات .. والمجاري دايماً ضاربة قدام بيتهم لدرجة إن الواد بيفكر يشتري بدلة غطس ويروح الاول ياخد دورات تدريبة في منتجعات الغردقة أو شرم الشيخ على فنون الغطس والسباحة التوقيعية ... مراته بقى بتشترط عليه يشتري يخت عشان يقدروا يعدوا من الشارع وإلا تطلق منه وتروح تقعد عند امها - ما انت عارفها - الست نحمدو اللي ساكنه تحت الربع في المغربلين ودي ست قرشانه ووشها يقطع الخميرة من البيت وبتخانق دبان وشها ... وجوزها دسوقي أفندي راجل على نياته وفي حاله وولا بيهش ولا بينش ...

فياريت يا ريس تحل لنا المشكلة دي :

- فيا تقولهم يسلكوا المجاري .

- يا تأمر المسئولين يبعثوا الواد بعثة لتعلم الغطس .

- يا تشتري لهم يخت عشان الوليه ما تطلقش .

- يا تأمر مباحث أمن الدولة يعتقلوا الوليه حماة الواد .

- يا تقتلوا سمير رجب وتريحونا من شروره .

[achnaton]

ولما كان شر البلية ما يضحك .. فقد اضحكتنى يا ابو عمر .. اما اذا تكلما فنيا .. فمعالى وزير الاسكان لما يقول ان الناس فى مدينة نصر حفروا بعمق 25 متر واخذوا الرمال من تحت خط المواسير .. يبقى حاجة من اثنين .. اما ان هذا المهندس بيستهبل .. او بخاطب بقر بديول .. ولو فرضنا انه انه بيسهبل يبقى الحل انه يقال .. الى حيث يعمل بقال .. وبلاش الأسكان .. واذا كان فاكر اننا بديول .. فيبقى تصور منه مش معقول .. ولنفترض جدلا أن الناس حفرت .. الى هذا العمق .. هل الحفرة دى اللى عمقها 25 متر مش عاوزة ساتر خشبى او حديدى حتى لا تنهار الحفرة على من فيها .. ولو فرضنا جدلا أنهم وفروا مستلزمات الحفر .. حياخد كام متر رمل .. 50 متر على الأقل على اساس ان طول الحفرة متران أو 100 متر .. وفى الحالتين يبقى حمار لأن ثمن شراء عربة او حتى عشر عربات رمل لن تكلفة تكاليف الحفر .. يبقى امامنا تحليل آخر .. وهو هبوط الأرض تحت خط المواسير .. وهذا لا يتم الا اذا أشبعنا الرمال بالماء .. وفى مدينة نصر المياه الجوفية بعيده .. يبقى حصل ان المواسير فى المنطقة دى كان بها خرم او اخرام ومع الوقت تشربت الرمال المياه وهبطت فأنكسر الخط أو " ملصت ديل ماسورة من رأس الماسورة المجاورة .. لعيوب جوهرية فى التركيب ومد الخط او لعيوب صناعة فى المواسير نفسها .. ومن المعلوم ان هذه المواسير استيراد معاليه بأمارة ما قفل الشركة المصرية للمسبوكات وحط رئيسها طلما بالسجن .. واذا كان الوزير المذكور مقتنع بما يقوله !!!! فهذا عبث ,, وستتكرر المشكلة مرات ومرات .. لأنه عصب عنه لازم يرفع ضغط ضخ المياه فى المواسير حتى تصل الى الأدوار العالية .. وعندما يزاد الضغط ..تظهر عيوب الصناعة فى المواسير وفى اعتقادى انه فاهم ده كويس قوى .. وعشان كده حيركب خط جديد بقطر اكبر ومواسير افضل وعلى حساب صاخب المخل ويوقف العمل بالخط القديم اللى ما بيستحملش ضغوط حتى لا تتكرر المآساه وتتضح الحقيقة .. وكل ده ذنب استاذنا الدكتور اسامه اللى لفق له مصيبة وسجنوه بلا داعى حتى ييسر حكاية الاستيراد ..

مين بقى الأهبل .. واللى بيستهبل يا ابو عمر ...

mc: tot:: taz:: taz:: taz::

[se_ Elsyed]

مين بقى الأهبل .. واللى بيستهبل يا ابو عمر

طبعاً إحنا ...

لإننا شعوب بتحاول تشغل دماغها ... وده مش مطلوب في كثير من الأحيان في الدول المتخلفة ..

يا عم أخناتون .. أتحدى وبأقولها بعلو حسي ... إنزل أتفرج على أي حفريات في أي شارع مصري سواء لتركيب مياه أو كهرباء .... إلخ .... وأتفرج على المنظر ... تلاقي شوية جهلة من العمال اللي بيقفوا في الميادين ولا يحملون شهادة تطعيم حتى مش شهادة دراسية هم من يقومون بالحفر اللي بيبقى أشبه بمعركة حربية يقوم فيها الحفارون بتدمير ما يستطيعون من البنية التحتية لجيش الاعداء ..

وبالتالي لو هو جاي يصلح وصلة صغنتوته في ماسورة مياه .. لازم تلاقية لطش في كبل كهربا ... ماسورة مجاري ... كبل تليفون ....

وده ليه لإن في بلدنا ضاعت الأمانات وكله بيدور على خرم إبره ينهب منه ... والمهندس او مشرف العمال او الفني .. بيروح يدور على شغل بعض الظهر .. ويسيب عماله وحفارينه مع نفسهم ويعملوا اللي يعملوه .. وبرضوا ما فيش ثواب وعقاب ...

في أوائل التسعينات حصلت حادثة ظريفة قوي لسه فاكرها لحد دلوقت ...

- كان المفروض إنهم بيغيروا شبكة الصرف الصحي في منطقة عين شمس لحد ألف مسكن كده .... وذلك بعد أفتتاح محطة صرف صحي عملاقة في الجبل الأصفر ... فقالوا يعملوا توسعة على مستوى ويغيروا المواسير اللي المفروض إنها راكبه من سنوات قليلة جداً .. لكن ولإن المسئولين عندنا عندهم ذكاء وبعد نظر .. خططوا وركبوا مواسير لعدد 5 أنفار في منطقة زاد عدد سكانها ووصل إلى مليون تقريباً ( أصل بتوع الحي والمرافق بيشجعوا تحديد النسل وما كانوش متوقعين إن سكان المنطقة دي عندهم حيوية ونشاط وهايخلفوا كثير ) ... المهم ... من المعروف إن المناطق القريبة من منطقة مسطرد تمشي تحت منها مواسير ضخمة للبترول حيث توجد مصافي تكرير بترول هناك ....

فحبايبنا بتوع المجاري عمالين يفحتوا جنب محطة مترو الانفاق ... إفحت إفحت إفحت وفجأة الحفرة ولعت وموتت العمال اللي كانوا تحت ....

وطلع علينا المسئولين بيقولوا إننا مش مسئولين عن المسئولية اللي بتسألونا عنها .... ووزارة البترول رمت المسئولية على بتوع الحي ... وبتوع الحي رموها على وزارة البترول ... وهما الإثنين إتفقوا إنهم يرموا المسئولية على محافظة الفيوم !!!!!! طب واحد يسأل إيه اللي جاب الفيوم في النص ؟!!!!!!!! أصل عقبال أملتكم معظم عمال الحفر دول بييجوا من الفيوم يشتغلوا باليومية أي حاجة .... ها هأهأ ... آه يا قلبي يا مامي .... .. ونفوا تماماً أن تكون ماسورة بترول إتكسرت ... ووالله العظيم طلعت تبريرات أشبه ما تكون بإن اللي حصل ده من فعل الجن والشياطين ... وتوهوا العملية واكلوا الناس البلوظة ... الناس اللي كانت عارفة الحقيقة المُره .. ولكن لا حياة لمن تنادي طالما رؤس الفساد هم الموجودين في اعلى سلم السُلطة .

[achnaton]

مين بقى الأهبل .. واللى بيستهبل يا ابو عمر

طبعاً إحنا ...

لإننا شعوب بتحاول تشغل دماغها ... وده مش مطلوب في كثير من الأحيان في الدول المتخلفة ..

يا عم أخناتون .. أتحدى وبأقولها بعلو حسي ... إنزل أتفرج على أي حفريات في أي شارع مصري سواء لتركيب مياه أو كهرباء .... إلخ .... وأتفرج على المنظر ... تلاقي شوية جهلة من العمال اللي بيقفوا في الميادين ولا يحملون شهادة تطعيم حتى مش شهادة دراسية هم من يقومون بالحفر اللي بيبقى أشبه بمعركة حربية يقوم فيها الحفارون بتدمير ما يستطيعون من البنية التحتية لجيش الاعداء ..

وبالتالي لو هو جاي يصلح وصلة صغنتوته في ماسورة مياه .. لازم تلاقية لطش في كبل كهربا ... ماسورة مجاري ... كبل تليفون ....

وده ليه لإن في بلدنا ضاعت الأمانات وكله بيدور على خرم إبره ينهب منه ... والمهندس او مشرف العمال او الفني .. بيروح يدور على شغل بعض الظهر .. ويسيب عماله وحفارينه مع نفسهم ويعملوا اللي يعملوه .. وبرضوا ما فيش ثواب وعقاب ...

العزيز ابو عمر

مادام حضرتك فتحت موضوع المجارى .. ولم تكتفى بالريحة الوسخة بتاعة بعض الوزراء اللى بيستهبلوا وفاكرين ان الشعب بما فيهم المغترب منهم انقلبوا الى بقر بديول .. انا احكى لك عن الكارثة الجاية ..!!

فى عهد السادات والمعلم المصرى عثمان احمد عثمان وتلميذه الكفراوى كان من رأى السادات أن كل اوراق اللعب مع امريكا .. ودى قالها كده بجرأة وصراحة .. وكانت استعدادات البلد حربيا لتحرير سينا على قدم وساق .. واشترى سلاح يسد عين الشمس ويصمد فى المعركة فترة كافية .. وخرج من المعركة والحكومة حافية !!.. واعتمد على المعونات .. وكل واحد يجى يهنيه بالنصر يقوله هات .. حتى امريكا نفسها التى كانت بتساعد بنتها فتحت الخزنة وساعدت لحل الأزمة .. وكان هناك عدة ازمات... زى الاسكان .. والمجارى والتليفونات .. وشهادة حق تكتب للسادات لعبها مظبوط .. فازمة الأسكان واعادة بناء منطقة القنال اعتمد فيها على المعونات العربية .. والمياه والمجارى اعتمد فيها على امريكا والدول الأوربية .. والتلفونات شغل سلاح المهندسين مع الخبراء الأوربيين وخاصة الفرنسيين ..

وتولت امريكا مع المقاولون العرب بتاعة المهندس المعلم عثمان تنفيذ اكبر محطة رفع مجارى يمكن فى الشرق كله .. جاية من حلوان مرورا بالمعادى والبساتين ومصر القديمة ووسط البلد حتى العباسية نابها جانب .. وكان المفروض انها تواصل حتى تصل الى حدود القاهرة بعد المطار .. ولكن السادات هو اللى طار .. عملوا ايامها محطة طلمبات عملاقة نواحى عين الصيرة وكان مشرفى التنفيذ شركات امريكية والمانية واشترك فى التنفيذ والإشراف معاهم مئات من المهندسين المصريين .. وظلت هذه المحطة يشغلها ويشرف عليها مهندسون فنيون مصرررررريون بياخدوا مرتباتهم من الشركات الأجنبية .. الى ان تم تسليمها لوزارة الاسكان بتاعت محمد سليمان .. تعرف اللى بيشرف عليها وبيشغلها الوقت مين .. "الخبرا الأدانب" الجايين من الصعيد وعلى رأيك الفيوم !!! اما المهندسين المصريين اللى شاركوا فى البناء والتنفيذ والتشغيل فلم يجدوا بعدها الا الرصيف .. ومنهم من هاجر .. ليبنى فى بلاد الله .. ومنهم من بقى وفى حلقه غصه مما حدث ويحدث .. انت فاكر المواقع اللى كان فيها شغل حفر وبناء نفق المجارى الضخم وتركيب طلمات الشفط والدفع فى بعض مناطق قاهرة المعز وكان الموقع محاط باسوار ويفط إعتذار للمواطنين عن الإزعاج .. آهى دى كانت جزء من المشروع اللى بعد كده بتباهى به محمد سليمان .. وهو متصور اننا لا نعرف ما حصل واللى كان .. !؟؟ بعد تولى معاليه انتشر دود الفساد.. فى عرض وطول البلاد ؟؟؟ ولما اسطى صعيدى واخدها بالفهلوة والخبرة فى الحفر يشغل طلمبات محطةرفع زى محطة عين الصيرة!!! والمهندس المشرف ممكن يكون مهندس ديكور او مهندس زراعى لا يعرف الفرق حتى بين مفتاح التشغيل ومفتاح ايقاف التشغيل سوى ان واحد منهم لونه احمر والثانى اسود زى ايامنا الحالية !!!!!

انا لا ادرى .. كيف جعلتنى مداخلاتك افتح خزائن الماضى .. وانسى تمام حكاوى زمان بتاعة جدى الشسخ حسن " رحمة الله عليه " .. ولن يفلح رئيس او رئيس وزارة او حتى لصوص المغارة فى تغيير صفحات تاريخ عاصرناه .. ويمكن اشتغلنا معاه .. ومنهم لله اللى حكموا على السادات بالاعدام .. فقد كانت ايامه ايام .. ولا الجسور والقناطر والقصور والجناين اللى اقامها عصر الملوك .. اللى محت تاريخهم او حاولت محوه حركة الكاكى .. ويكفى الثعلب المكار اللى اغتالوه بلا اعتبار ان فى عهده كان فيه انجاز .. بجانب عمليات السرقة .. ولكن ماكانش فيه ابتزاز وسرقة بلا انجاز ..

انت بتفتح مواضيع يا ابو عمر .. سجلها ويسجلها التاريخ يمكن محجوبه صفحاته هذه الأيام عن جمهور الشعب .. ولكن عندما تزول الغمة .. ويعود السلام للأمة ...حنعرف مين نهب .. ومين سرق .. ومين اللى زور كل الانتخابات .. ومين سرق ملفات المشروعات... ونسبها لنفسه ؟؟؟؟

مع تقديرى ... <span style='font-family:arial'></span>

mc: tot:: mc: taz:: taz::

تم تعديل 7 فبراير 2005 بواسطة achnaton

[achnaton]

بعد ما كتبت المداخلة السابقة .. دخلت على جرائد " سمارة ابو زمارة " وفى جريدة المساء وجدت التالى :

بعد أقل من أسبوع علي إصلاح الماسورة الرئيسية

انفجار ماسورة الخط البديل لمياه مدينة نصر

انهارت عليها صخور ضخمة .. بسبب قيام إحدي الشركات بالحفر لمشروع سكني

المياه غمرت الشوارع المحيطة والإصلاح "قد" ينتهي ظهر اليوم

كتب أحمد الخطيب وأشرف أبوسيف:

بعد أقل من أسبوع علي إصلاح ماسورة مياه الشرب الرئيسية بمدينة نصر انفجرت الليلة الماضية ماسورة الخط البديل المغذي للمنطقة عند تقاطع طريق القطامية مع طريق العين السخنة.

انهارت علي الماسورة عدة صخور ضخمة بسبب قيام إحدي الشركات الخاصة بأعمال حفر لتجهيز الأرض لإقامة مشروع سكني.

أدي الانفجار إلي تسرب كميات كبيرة من المياه غمرت الشوارع المحيطة. وتمت الاستعانة بعربات شفط المياه علي مدار 3 ساعات.

سارع إلي موقع الانفجار المهندس عمرو وحش مساعد رئيس الشركة القابضة للمياه والمهندس محمد عبدالظاهر رئيس شركة المياه للقاهرة الكبري.

يبلغ طول الخط الذي تعرض للكسر 10 كيلو مترات.. ويصل بين محطة مياه "رافع عويقل" والحي العاشر بمدينة نصر.. ويبلغ قطر الماسورة متراً.

تقوم حالياً شركة المقاولون العرب بأعمال الإصلاح للخط.. ومن المنتظر أن تنتهي من عملية الإصلاح ظهر اليوم.

ويصاحب هذا الخبر صورة للأسف لم استطع نقلها .. ولكنها فى الواقع هى الدليل الدامغ على استهتار وزارة المنافع .. وعشان الخط يظهر بهذا الشكل بعد اخلاء التربة حوله .. تبقى مهزلة .. وتبقى الوزارة دى مزبله .. وحاجة تنرفز بشكل فظيع لما خط مواسير تغذية مياه يمد بهذه الطريقة البدائية بتاعت عم " اعجاز" سمكرى تصليح بواجير الجاز .. واراهن ان المهندس المشرف كان بتاع كفته .. اما ازاى يتمد خط مواسير تغذية او حتى صرف فلن اقول ازاى .. وعاوزين وزير الكفته وتلفيق الأتهامات .. بتاع التصريحات وسرقة المشروعات .. يبص يشوف وزارته بتعمل ايه .. وان ماكانش عارف يبقى يستقيل ويريح العالم من خسائره .

tot::

تم تعديل 7 فبراير 2005 بواسطة achnaton

[se_ Elsyed]

بعد أقل من أسبوع علي إصلاح الماسورة الرئيسية

انفجار ماسورة الخط البديل لمياه مدينة نصر

انهارت عليها صخور ضخمة .. بسبب قيام إحدي الشركات بالحفر لمشروع سكني

المياه غمرت الشوارع المحيطة والإصلاح "قد" ينتهي ظهر اليوم

بكل الآسى والحزن على أحوال بلدي قرأت هذا الخبر المُخزي ...

الموضوع ليس إنفجار ماسورة أو إنقطاع مياه ... ولكنه موضوع السوس والفساد الذي نخر في عظام كل شبر في البلد ...

البلد التي أصبحت فعلاً بدون رئيس أو بدون كبير يضع القوانين والأنظمة التي يجب على الكبير والصغير ان يتبعوها ....

وأصبح الشغل الشاغل لجميع رجال السلطة الآن هو كيفية تعميم وتغمية هذا الشعب لكي ينتزعوا منه تجديد ولاية خامسة وعاشرة للرئيس اللي ما حليتناش غيره .

حسبنا الله ونعم الوكيل ...

حسبنا الله ونعم الوكيل ...

حسبنا الله ونعم الوكيل ...

[se_ Elsyed]

إخترت لهذا الخبر خلفية موسيقى تصويرية " ميكسيد " من فيلمين ..

1- فيلم الأرض وأغنية الأرض لو عشطانة نرويها بدمانا ... ومنظر موطن مصري والحكومة بتسحله في شوارع وأحياء شرق القاهرة ...

2- فيلم شيء من الخوف .. ومنظر الترعة وهي نشفانة والأرض مشققة والناس منظرها بقى لهم 100 سنة ماستحموش وبعدين في الأخر ييجي مواطن من أبطال حي - شرق القاهرة اللي انا منه - ويقوم مقتحم حنفية المياه العمومية وفاتحها ومغرق الحي كله بالميه والناس تجري في الشوارع عشان تستحمى وتملى القلل

المساء 6/3 في القرن الواحد والعشرين

سكان مدينة نصر وعين شمس والسلام والنهضة..يعانون من مشكلة المياه

مقطوعة معظم ساعات النهار .. والمواتير لم تعد مجدية

المواطنون: نسهر إلي الفجر..لتخزين احتياجاتنا طوال اليوم

كتب أيمن الحسيني:

أصبحت مياه الشرب مشكلة خطيرة في حياة سكان مناطق شرق القاهرة.. فهي مقطوعة تماماً في النهار.. وحين تأتي بالليل لا تصل إلي الأدوار العليا إلا نادراً وبشكل متقطع.. وحتي مواتير الرفع لم تعد مجدية في حل الأزمة.. وعلي وجه التحديد فإن سكان مدينة نصر وعين شمس والنهضة ومدينة السلام وأرض الجولف بمصر الجديدة يعيشون مأساة حقيقية بسبب مشكلة المياه التي صارت هم الليل والنهار.

وأخيراً أوجه رسالة شكر للرئيس القائد حسني مبارك بمناسبة مبايعته بفترة رئاسة خامسة وأقول لسعدته إني سمعت كثير عن سياسة الأرض المحروقة .. لكن دي اول مره أسمع عن سياسة الأرض العطشانة ..

عشت زخراً للبلاد يا سيادة الرئيس ...

[Sherief AbdelWahab]

هناك سياسة الأرض المحروقة وسياسة الأرض العطشانة وسياسة الأرض الملوثة.. وسلملي على البراميل!

خلص الكلام

[Guest Mohd Gramoun]

أنصح الجميع بدق طرمبات يدوية أسفل كل منزل... ولا حاجة للحكومة و ماءها

[se_ Elsyed]

أنصح الجميع بدق طرمبات يدوية أسفل كل منزل... ولا حاجة للحكومة و ماءها

بس كده ممكن الناس يجيلهم فشل كلوي يا مجرمون لإن المياه دي بتبقى ملوثة ..

طب لماذا أغفلت حل فعال جداً وهو إننا نعمل حنفية مياه عمومية في الشوارع الرئيسية والناس تجيب حلل وجرادل وبستلات وتملى منهما...

فعلى سبيل المثال ممكن نييجي جنب محطة بنزين كالتكس اللي في عباس العقاد اللي قدام محل جاد بتاع الفول ونقوم دقين حنفية جنب طرمبة البنزين الـ 92....

ممكن برضوا نييجي في مكرم عبيد قدام معرض احمد بهجت ونروح رازعين واحده تاني ...

أما في جسر السويس فعشان يبقى شكلنا حلو قدام الأجانب ونفكرهم بالفلكلور الأفريقي ودارفور ومجاعات اثيبوبيا ممكن نيجي قدام فندق السلام ونروح حطين حنفية عمومية برضوا بس بشكل شيك يعني نعملها في كشك لونه ظريف كده ونوقف حواليه بنتين حلوين ينظموا طوابير ملي المياه ونلبسهم تي شيرتات فوشيه مكتوب عليها " إنتجبوا مبارك وعائلته.. من اجل مستقبل أفضل " وعلى ضهر الفانلة نكتب " نقطة مياه = حياة .. لو سمحت إديني بؤ "