للدكتور محمد التهامي انت خذلت كثير من المصريين

[spain]

الاخ محمد التهامي

حبيت اقول لحضرتك ااني مصدومة من مداخلات كتير لك في الموضوع كندا التي رايتها

ان المصريين مش كده

وحاجات كتييييييير نفسي ارد عليها بس مش حاقدر اجيب وقت يكفي كمية الافكار والكلمات اللي كاتبها

بس عايزة اقولك ان احنا وكتيييييييييييير او زيي بنتعامل بمستوي متحضر اكتر من الكنديين اللي بتقول عليهم دول بس الظاهر انك ما شفتش حد واطلع بره الشرنقة اللي عايش فيها دول حتلاقي 80 % من المصريين كده خصوصا اللي بره مصر لانهم من الطبقة المثقفة المتوسطة اللي طفشها الفساد السابق

انت بالظبط بتفكرني بشاب السفارة مع احمد حلمي في مشهد المطار فيلم عسل اسود...مصر فيها عفار ..همج.. انت مثلت الشخص ده ببراعة

السؤال هو ليه المصريين بيفضلوا والعرب عموما يبروا اهلهم والاجانب من 16 سنة بيتخلوا عن قيم الاسرة ؟

عموما انت حر في كل اراءك

بس حبيت اقول ان كلامك كان مخزي جدا وخذلني .....لا رجالتنا بيعاكسوا الستات كده .....ولا امهاتنا بيربوا اولادهم كده....!!!!!!

احنا اضل في كتير والعرب افضل في كتير

انت جعلت شواذ الحالات في مجتمعاتنا تعبر ....عن هذا المجتمع!!!!!!!!

لماذا؟

ولعلمك انا عشت في مصر وفي مونتريال وفي الخبر وفي الامارات وراجعة تورونتو بعد كام شهر والله اعلم

عذرا علي قسوتي سامحني":بس مش حتيجي حاجة جنب طريقة تعامل الستات اللي عندك " اصحاب القلوب الرحمية راعي الكلاب الاول في العالم ومطلقات الازواج وبائعات الارحام !!!

بعض مما كتبت انت

حضرتك كتبت سابقا "نقطة تانية خاصة بتربية الأبناء طالما اتكلمنا فيها... الناس في مصر بتربي ولادها إنهم بتوعهم يعملوا فيهم اللي همّا عاوزينه ، بنظام إبني واناحر فيه ، أو بنتي وباربيها ومحدش ليه دعوة بيها! منظر معتاد جداً واد مزعج ماشي يعيّط في الشارع وأمه ساحباه ، ومن وقت للتاني تلطشة كام قلم على وشه عشان يخرس ، وطبعاً مفيش فايدة! واحدة جارتنا في ميت غمر سنجل ماذر كان ابنها مجننها برضه وهوّه في ابتدائي ، عارف كانت بتعاقبه إزاي؟ كانت بتسخن معلقة صغيّرة وبتكويه بيها! قلب الأم بقى انتا فاهم!

في كندا الحياة مختلفة... الإيذاء البدني مرفوض! أساس العقوبة هيه الحرمان من بعض المكافآت اللي الطفل متعوّد عليها ، زي الفسح في الويك إند ، أو أكلة بيحبها أو شوكولاتة أو متابعة مسلسل أو كارتون بيحبه أو خروج مع أصحابه ، وفي بعض الأحيان بيكون مسموح طبعاً ببعض العقاب البدني ، بس عقاب خفيف ، مش عقاب يسيب أثر وعلامات تعذيب على جسم الواد! لو حصل يا ريّس ممكن الحكومة تاخد منك الحضانة وتتحرم من رؤية ابنك لو ثبت إنك في أكتر من مناسبة كنت بتعذبه جسمانياً! ساعتها هما هيربوه في ملجأ حكومي (Shelter) ويتربى صح ، من غير ما يعذبوه أو يعملوله عقد نفسية أو كلاكيع في شخصيته! وتعرف إنك لو الواد أو البنت راحوا الشلتر ده عشان أبوه وأمه خنقوه وكفروه في عيشته ، هيستضيفوه بكل بساطة ؛ واكل شارب نايم ببلاش ، ومش بعيد يجيبوله هدوم لو محتاج ، ومش من حقك ساعتها تروح له الشلتر ده من أصله!

الواد تريستان زميلي في الشغل بيقول لي إنه من حيث المبدأ عمره ما عاقب حد من ولاده وهوّه متنرفز. بعد ما بيهدا بيدخل يمسك الواد يسبانك هِز بط (يعبطه يعني م الآخر)! وبعد كده يقول له دادي مش بيعاقبك عشان بيكرهك ، أنا عاقبتك عشان انتا عملت حاجة غلط ، تقدر تقوللي إنتا عملت إيه غلط؟ والواد يقول له عملت كذا ، يرد ويقول له مش بس كده عملتها 3 مرات ، وأنا حذرتك أكتر من مرة. بس بابا بيحبك ، وعاقبتك عشان عاوزك تكون إنسان كويس ومؤدب. الحوار ده مع طفل عنده 3 سنين حضرتك! الناس هنا بتتعامل مع الأطفال باعتبارهم كائنات عاقلة بتفهم!

حاجة تانية كندا بتشترطها في تربية الأطفال... ما ينفعش تسيب طفل صغيّر في البيت لوحده ، ممكن يعمل مصايب في البيت أو أقلها يؤذي نفسه! أعتقد بدءاً من سن 8 سنين ممكن تسيبه في البيت لوحده. وبدءاً من سن 13 سنة ممكن تخليه يراعي اخواته ويخلي عينه عليهم. المفروض لو الأم بتشتغل يبقى يا تودّي الطفل داي كير لغاية ميعاد خروجها ، يا تشترك له في برامج إضافيه في المدرسة أو الحضانة بتاعته بعد أوقات الدوام الرسمي ، وبفلوس إضافيه طبعاً ، يا إما تجيب له جليسة أطفال (Baby Sitter) تاخد بالها منه ، وتحاسبك بالساعة! النظام كده ، وكله بيصب أولاً وأخيراً في مصلحة الطفل!

تعرف إن من حق الزوجين أو الشريكين يحصلوا على أجازة وضع؟ يعني مش عجيبة لما الزوج يقدم على أجازة وضع عشان مراته هتولد ومحتاجاه يكون متفرغ لرعايتها ورعاية البيبي. أعتقد الأجازة دي مدفوعة حتى 6 شهور على ما أذكر. مش عارف بقى هل ممكن الأب ياخد له استثناء ساعة رضاعة زي مصر ولاّ لأ! وقبل ما تتريق بس ، لبن الأطفال الصناعي مرطرط في الصيدليات ، مش إفتكاسة يعني! صحيح... ما سمعتش ولا شفت هنا واحدة بترضع إبنها رضاعة طبيعية في مكان عام ، لا ع المكشوف ولا ع المتغطي!

كندا طبعاً جنة الأطفال ، والطفل ده مسؤوليته الأساسية إنه يلعب وينبسط ، عشان يطلع بعد كده إنسان سوي يقدر يخدم مجتمعه. في مصر الناس بيموتوا نفسهم وساعات بيسجلوا الواد في شهادة الميلاد بدري كام شهر عشان يلحق السن الرسمي للحضانة ، عشان يلحقوا الواد يدخلوه المدرسة بدري عشان يوفروا له سنة من عمره. هنا بقى في كندا بيقولولك الولد تحت السن القانوني ، ولو جيت تستغرب إنها ما جاتش من كام شهر ، يسألوك باستغراب وانتا مستعجل على إيه ، إيه المشكلة لما يدخل المدرسة متأخر شوية؟ هتشيّله الهم بدري ليه؟ سيبه يا راجل ، دي أحلى فترات العمر فترة الطفولة! وجهة نظر برضه!

حاجة تانية... أنا مش هافترض إني هاحتاج من أولادي مساعدة ولا معونة لما أكبر ، وبالتالي حياتهم يمشوها زي ما همّا عاوزين ، بدون ما يربطوا حياتهم ومستقبلهم بيّا. بتشوف دايماً في مصر إن الآباء بيمارسوا نوع من الضغط النفسي والمعنوي على أبناءهم ، إنهم من المفترض والمنتظر منهم يعيشوا بجوارالأهل عشان ياخدوا بالهم منهم في الكبر زي ما دول ربوهم في الصغر! وكتير جداً من الناس بيضيّعوا فرص مهنية ومعيشية قد لا تتكرر لمجرد بقائهم بجوار الأهل ، وده أناشايفه مبالغة لا داعي لها ، وتحميل للأمور فوق قدرها ، وخصوصاً مع وجود أبناء آخرين مستقرّين بجوار الأب أو الأم ، لكن هتعمل إيه في الضغط النفسي؟! ومن النادر جداً إنك تلاقي أب يقول لإبنه (إعتبر تربيتي ليك ده دين في رقبتك ، مطلوب منك تردّه ، مع إبنك ، مش لأبوك) زي ما حصل مع زميل لينا.

وأفتكر كان فيه حوار بيني وبين ماينارد جرين الآيرلندي اللي لسّه مكلّمك عنه من شوية... لما أخدنا فيزا الهجرة لكندا من سنتين ونص ، وقلتله إني محتار وحاسس بتأنيب الضمير إني هاسافر وأستقر في كندا ، وأسيب ماما لوحدها في مصر. الراجل قعد معايا وحب يفضفض في النقطة دي...

قاللي: ماي فريند... الأهل دايماً بيكون هدفهم الأول والأخير مصلحة الأبناء ، وبيقدّموها على مصلحتهم الشخصية ، وتبقى أنانية لو فضلوا مصلحتهم همّا على مصلحة الأبناء. إحنا ساكنين في ليفربول ، وإبني جاتله منحة للدراسة وتحضير الماچستير من جامعة سيدني في أستراليا ، وكانت فرصة لا تعوّض لمستقبل الولد المهني. ساعتها مراتي رفضت سفره ، وقالتلي ده الواد الوحيد اللي حيلتنا ، تقوم تشجّعه على إنه يسافر ويسيبنا ، واحنا مالناش غيره؟ وفضلت على رفضها ده... لغاية ما جات في يوم مع نفسها وقالت له لو مصلحتك يا ابني إنك تروح استراليا ، يبقى مش هنقف في طريقك. اللي حصل إنها قعدت تفكر مع نفسها ، وحسّت إنها هتكون أنانية لو وقفت في طريق مستقبله. المهم الواد راح هناك وأخد الماچستير ، ومن بعدها إتعرض عليه ياخد الدكتوراه كمان ، وارتبط ببنت استرالية زي العسل (الجيرل فريند بتاعته) ، وجات زارتنا في إنجلترا ، والبنت زي الفل ، وفرحنا بيها.

إنتا دلوقتي في التلاتين (كنت 31 سنة) ، وقدامك فرصة العمر إنك تستقر في بلد كويسة وأحسن من بلدك الأصلي ، وما زلت شباب ، وممكن تنجح في التأقلم مع مجتمع جديد مختلف تماماً عن المجتمع اللي تربيت ونشأت فيه ، في التلاتين هتتعب وتتبهدل على ما تستقر وتثبت نفسك هناك. في الأربعين هتكون صعبة جداً إنك تبدأ هناك من أول وجديد ، وتدرس وتشتغل وتبدأ من الصفر. في الخمسين مش هتعرف تندمج مع المجتمع هناك ، ولا هتعرف تتأقلم مع طباعهم وعاداتهم ، وتغيّر طباع عشت عليها خمسين سنة. في الستين مش هتطلع برّه بلدك من الأصل. صو... ماي فريند...هوّه ده الوقت اللي ممكن تستفيد بفرصتك دي ، ولو ضيّعتها عشان اعتبارات أنا شايفها مجاملات... الله أعلم إن كنت هتلاقيها تاني الفرصة دي ، وممكن ييجي اليوم اللي تندم فيه على ضياع الفرصة اللي جات لك في الوقت المناسب. والمفروض إن والدتك هيّا اللي تتقبّل اختيارك ، وقرارك في التخطيط لحياتك كما تراها مناسبة لك.

وبصراحة... كلام الراجل ده يساوي وزنه دهب ، وأبصم بالخمستاشر على كده. تعرف إني لمّا سألته (وليه ما تروحوش انتو تستقروا معاه في أستراليا ، خصوصاً وإن مراتك مش بتشتغل ، وانتا شغلتك حول العالم!) ، قاللي: (ونسيب ارتباطاتنا لمين؟ بص يا عزيزي... أولويات مراتي في الحياة بالترتيب التالي... الولد وبعده الحصان وبعده الكلب ، وبعدين أنا)

نتكلم على نقطة تانية المفروض توضع في الحسبان... المفروض تربي ولادك على إن دايماً ليهم جذور مصرية ، ويا ريت لو تنزل بيهم مصر شهر كل سنة ، ويفضلوا دايماً مرتبطين بالأهل في مصر ، وتزرع جوّاهم "بعض" التقاليد بتاعتنا (لإن فيه الكتير منها زي الزفت ويكسف بكل أسف)! واللغة العربية المفروض تكون لغة الحوار الرئيسية جوّه البيت. طبعاً مش هتقدر تمنع تداخل الكلمات الانجليزي وسط كلامهم ، لكن العربي ما يتنساش. أما لو كنت فرحان بإن ولادك بيرطنوا انجليزي زي الفل ، وعاجبك اللايف ستايل بتاعهم الويسترن ، ومش عاوزهم يلقطوا حاجة من ريحة مصر... يبقى ده قرارك وما تزعلش فيما بعد لو شفت منهم سلوك ويسترن لا يرضيك. وفيه ناس مبسوطة وسعيدة كده على فكرة... مش هاقول غير ربنا يديمها عليهم السعادة دي.

أفتكر لما كنت في إدمونتون ، وكنت بادردش مع الست العسولة ميمي صاحبة الـــ (VillaMaria Bed and Breakfast) اللي كنت نازل فيه ، ودار الحوار بيننا في النقطة دي ، وخلاصته إنها عايشة في كندا من ربع قرن ، واللغة المتداولة في البيت ده (مع جوزها وبنتها وابنها وأحفادها) هيّه الرومانية ، وإنها بتربي الأحفاد على أخلاقيات البلاد بتاعتهم ، والعادي إنك لو سبتهم يمشوا مع التيّار فهيدوبوا مع المجتمع المضيف ، وهيفقدوا الهويّة بتاعة بلادهم الأصلية. وإن لازم الولاد ما ينفصلوش عن جذورهم وأهلهم (باك هوم) ، والكلمة دي استعملتها كتير في كلامها على فكرة!

واللي باستغرب له بجد... مفيش أي نوع من القلق على الناس اللي عايشين عمرهم كلّه في الخليج على سبيل المثال ، وما بيشوفوش مصر غير شهر في السنة ، لكن تيجي على كندا ، والناس يبدؤوا يقلقوا! طب ماهو ده زي ده ، وممكن الأجازة السنوية تنزلها مصر برضه زيك زي ابن عمك اللي في الخليج! وكنت دايماً أسمع كلمة (أصل اللي بيروح الغرب ما بيرجعش ، لكن اللي بيروح الخليج مسيره يرجع إن عاجلاً أو آجلاً)! طيب محدّش سأل نفسه ليه؟! مش يمكن الحياة في الغرب أرقى وأنضف بمراحل من الحياة في الخليج؟

وكلمة تانية برضه كنت باسمعها وباقراها كتير... إنك مهما تلف وتروح وتيجي... مسيرك لمصر ، ولو محمولاً على الأعناق! واللي باستغرب له بجد... ليه فيه ناس شايفة إني لازم هارجع لبلدي لما أكبر ، ولو حتى إني أتدفن في ترابها؟! يفرق إيه ترابها عن تراب غيرها من البلاد؟! أنضف مثلاً لا سامح الله؟ ولاّ ربّنا بيسامح المدفونين فيها ، وبيعذب اللي برّاها؟ ولاّ هاحس بالونَس طول مانا مدفون فيها؟

تعرف حاجة يا احمد... أنا بجد مش عاوز ولا أتمنى أتدفن في مصر! أنا دخلت مع بابا القبر ، ومش هاقدر أبداً أوصفلك قبضة النفس ، والكآبة اللي حسّيتها هناك! ولا الحر ولا دبّان القبر هاقدر أوصفهولك! لدرجة إني باكره مجرّد تخيّلي إني هاكون جوّاه تاني! ويمكن عشان وضعي أنا مختلف شوية... مش موضوعنا، بس الخلاصة إني أنا نفسي ما اضمنش أتدفن وأكون مع بابا (ده لو كان فيه سوشيال لايف بعد الموت)! يبقى شكراً يا عم مش عاوز! المشكلة إن محدّش بيفكّر ولا شاغل باله بموقعه بعد الموت هيكون فين!

نقطةمهمة صحيح... لازم يكون ليك وصية بتوزيع ميراثك بعد الوفاة في كندا. لو ما لكشوصية ، الحكومة هياخد كل ميراثك لحسابها! وبالتالي المفروض تكتب وصيتك وتسجلها معمحامي ، وخصوصاً لو أهلك مستقرين أوفر سيز. هنا مفيش ميراث شرعي افتراضي ، كل واحدمن حقه يوصي بتوزيع ثروته زي ما يحب ، خصوصاً مع اختلاف الأعراق والثقافاتوالعقائد... حرية بقى وكده!

في كندا بقى لازم تتعاقد مع مؤسسة وتشتري قبر ليك ،وبتدفعه على أقساط بسيطة ، وإلاّ هيكون ده أول حاجة تتخصم من ميراثك (بنتكلم في حدود 10 تلاف دولار) ، وبالمناسبة صحيح... تورونتو اتملت خلاص ، ما بقاش فيه مقابر فاضية في تورونتو ، يعني قدامك تشتري قبر في أي مكان خارج تورونتو ، يا تشتري قبر بتاع حد من الورثة بتوعه! والقانون الكندي بيشترط إن المتوفي يكون في تابوت قبل دفنه تحت الأرض ، وده طبعاً حتى لا تختلط الرفات ، فقد تحدث في المستقبل الحاجة لإعادة فحص الجثة لو ظهرت – مثلاً – شبهة جنائية ، ولو بعد 100 سنة! هوّه طبعاً إحنا عندنا لازم تدفن ويُهال عليك التراب ، لكن العلماء هناك – والكلام لديبو –أجازوا إنك تدفن في تابوت ، ويُهال عليه التراب ، على اعتبار إن التابوت هيكون بمثابة الكفن ، بس طبعاً بدأ المسلمين يتحايلوا على الموضوع ده... إن التابوت يعملوه من أردأ أنواع الخشب ، وبالتالي بعد فترة قصيرة بينهار ويتدغدغ ، وتبقى مدفون ومنك للتراب! ساعتها قلت لديبو... لا يا عم أنا مش عاوزه يتدغدغ على وشي وانا ميت! طالما قلنا إن التابوت هيعتبر كأنه كفن... يبقى شكراً... أنا عاوز أكون مدفون باحترام يا عم الحاج!

وسمعت من الباشمهندس أشرف بتاع كالجاري إن مقابرالمسلمين هناك في ألبيرتا بيسمحولهم يحفروها تحت الأرض ويهيلوا التراب ع الكفن ، وبدون تابوت ، من مُنطلق الحرية الدينية وكده. لا يا سيدي... نظام تورونتو أرحم!

كان الواد ديبو حكالي حكاية دمها خفيف موت... على ما يبدو إن بعض المقابر في أمريكا بتكون مالتي لاير (يعني كذا مستوى فوق بعض). المهم فيه واحد كان شاري المستوى اللي فوق تابوت مارلين مونرو ، ومستعد يتنازل عنه لو حد عرض عليه سعر مغري! واتباع بمبلغ معتبر على فكرة ، والحتة اللي دمّها خفيف بقى إن اللي اشتراه وصّي لما يتدفن في التابوت ده... يدفنوه على وشه!

تعرف... ساعات كتير بافكّر لما الواحد يكبر في السن ، ياترى هتكون حياته ازاي؟!

وأفتكر في جنوب أفريقيا لمّا كنت باخد الكورس بتاع الشغل في پريتوريا ، مرة رحنا مستشفى ننقل نزيلة هناك لدار المسنين. ونزلت في أوضة فيها سريرين تانيين ، بس الأوضة كانت كبيرة ومحترمة ومشمسة وزي الفل الصراحة. وكمان لاحظت إن الستاف التمريض اللي هناك زي الفل ، وخبرة وتعاملهم راقي جداً مع النزلاء ، وعندهم صبر لأبعد الحدود. كانت بنت جاية تاخد الست العجوزة عشان ممارسة المشي اليومي لآخر الطرقة ، وتخيل بقى مشي بسرعة 10 متر/س ، والبنت ما عندهاش أي مشاكل ولا بتتنرفز على الست العجوزة! سألتهم على سعر الإقامة في المكان ده ، وقالولي التكلفة اليومية 700 راند (حوالي 500 جنيه) ، ودي بيتكفل بيها التأمين الصحي بالكامل!

ساعتها برضه حسيت إن هناك فيه عناية بالنزيل من كبار السن ، رعاية طبية وصحية وفي كل نواحي الحياة ، بس برضه المشاعر مفتقدة! النقطة دي هتلاقيها في دور المسنين في كل مكان ، سواء جنوب أفريقيا أو كندا أومصر!

فيه ناس كلامها عاطفي أكتر من اللازم في النقطة دي ، وتقول لك إنها خايفة تموت وتعفن في شقتها ومحدّش يحس بيها! طب وإيه المشكلة؟ هوه الواحد لما جثته تعفن بيبقى مش مستريّح وهوّه ميت؟! وهل يضير الشاة سلخها بعد ذبحها؟

وبالنسبة لموضوع الدفء في الشرق ، وبلاد الشرق التي تفيض لبناً وعسلاً... كلام رومانسي جميل بنحاول نصبّر نفسنا بيه على حياتنا عشان مانتقهرش! نرجع لمثال الواد فرانك عن الفرق بين الريف والحضر. في المدن والكبرى منها بالذات هتلاقي هامش الخصوصية مرتفع ، والإنعزالية كمان ، وكل واحد هتلاقيه في حاله ، على عكس الريف ، واللي بتلاقي فيه العلاقات الإنسانية فيها شوية زيادة من الحميمية ، وانحسار هامش الخصوصية بطبيعة الحال.

أنا يابني لما كنا بنروح البلد في العيد ، كنت بأفاجأ ببنت الجيران اللي طالعة متشعبطة في الشباك تبحلق وانا في أوضتي! حاجة تقرف بجد! ده طبعاً بخلاف الأسئلة اللي بيسألوها الناس العاديين ، من تفاصيل حياتك ، ومش شايفين اي نوع من العيب فيها... راجع موضوع الأسئلة على الخلفة و(إنتو ما خلّفتوش ليه لغاية دلوقتي؟)

لكن خد عندك مثال... أنا مثلاً بقالي أصدقاء وحبايب مصريين في كندا كما لو إننا عشرة سنين ، سواء معارف عن طريق الواد ديبو ، أو شلة المنتدى بتاعنا اللي باتلكك عشان نتقابل كما لو إننا متربيين مع بعض. الناس دول – أتخيل – في كبر السن هنبقى على تزاور ، وبيننا علاقات طيبة مستمرة ، وهنكون أسرة لبعض تشعرك بالدفء حتى ولو لم تكن لك أسرة فعلية!

أما بالنسبة للصورة اللي شفتها بتاعة الست العجوزة الوحيدة اللي معاهاش فلوس تجيب أكل ، فدي لا عملِت حساب اليوم ده واشتركت في مشروع إدخاري لتأمين الحياة بعد المعاش ، ولا كان ليها أصحاب على مدار سنين العمر تأتنس بيهم في مرحلة أرذل العمر! ورغم ده ، فالحكومة الكندية لا تتخلى عن كبار السن ، وليهم مشاريع رعاية صحية واجتماعية وغذائية رائعة. لكن فيه ناس عاجبها حالها كده ،وترفض تعيش في دار مسنين عشان ممنوع فيها الخمور ، و م الواضح إن فيه ناس عندها مزاجها أهم من إنها تعيش باحترام!

تعرف إنه مع صعوبة الطقس ، وأثناء هبوب عاصفة ثلجية بيمروا بعربيات في الشوارع يندهوا ع الناس الهومليس والمشردين ، ويجمعوهم في ملاجئ تحميهم من الجوع والبرد اللي ممكن يموتوا بسببه؟

رحت مرة بيت مسنين في هاي براري في شمال ألبيرتا في كندا أيام الشغل في الإسعاف... المكان عامل زي فندق أو منتجع محترم وكبير. كان راجل فوق الـ 80 سنة ، وداخل في نوبة هذيان من بتوع الزهايمر. رحنا إحنا رجالات الإسعاف عشان نشوفوه. المهم ، لفت نظري نضافة المكان ورقيه واتساعه ، وتقسيمته لأجنحة ، صالة الأكل وقاعة التليفزيون والجنينة الملحقة بالدار وقسم الاستقبال وجناح غرف النوم... إلخ. لما دخلنا أوضة الراجل ده لقينا مراته هناك (نزيلة برضه في نفس المكان ، بس ليها أوضتها المستقلة). والأوضة عبارة عن جناح متكامل بحمام مستقل ومساحته مريحة جداً. الراجل كان عنده شوية عنف ورافض ييجي معانا ، واتفضلوا اطلعوابره أوضتي! مش عاوز أوصف لك طريقة تعامل موظفات المكان معاه ، وأسلوب كلامهم معاه بكل هدوء وصبر ورقي ، والكل بيحاول يقنعه إنه ييجي معانا ع المستشفى ، حتى الواد راسل زميلي عشان يقنعه ييجي معانا قال له إنه محتاج طبيب يبص عليه ، وإنه في مقام أبوه ، وإن لو أبوه في نفس الحالة دي ما كانش هيرتاح غير لما يكشف عليه دكتور ويطمنه عليه ، وإنه ما يرضاش للراجل ده بأقل من كده. الراجل اتثبت طبعاً ولانت شكيمته ووافق ييجي معانا. طبعاً كل ده ومعانا ظابط بوليس موجود لتأمين المكان وضمان لأداء الخدمة كما ينبغي ، وطبعاً تأمين لفريق الإسعاف في حالة إن بدأ المريض يكون عنيف (Combative) ، أو احتجنا حد يدينا الإذن ناخده رغم إرادته! ورغم كده كان تعاملنا وتعامل الإداريين معاه قمة في الاحترام.

أفتكر أولويات الحياة هنا في كندا... الأطفال ، يليهم كبار السن (السنيورز) ، تليهم الستات ، يليهم الرجالة ، تليهم الحيوانات. وأحب أقول لك إن الحيوانات هنا واخدة اهتمام يفوق الاهتمام بالأطفال في مصر! أيام حرايق الغابات في شمال ألبيرتا في صيف 2011 ده ، تم إجلاء المناطق السكنية اللي بالقرب من الغابات المشتعلة. طبعاً كان من ضمنها أتيكاميج اللي هيه محمية هنود حمر ، واللي كان فيها وحدة الإسعاف بتاعتي. طبعاً الهنود الحمر دول بيربوا كلاب بصورة أساسية بره بيوتهم. البهوات مشيوا وسابوا الكلاب ، ولا فارقة معاهم ياكش يولعوا!

المهم ، لما رجعنا بعد هدوء الحرايق والسيطرة عليها وعودة فريق الإسعاف من قبل عودة الناس لبيوتها ، لقيت البوليس الفيدرالي (RCMP) بيمر علينا يتطمن إن الأحوال مستقرة. لمح إن فيه كلبين موجودين قدام وحدة الإسعاف بتاعتنا ، وكنا بنقدم لهم الأكل (كنا بنشتريه احنا عشان حرام الكلاب دي جعانة). المهم ، بعد كام ساعة لقيتهم راجعين لنا بالعربية النص نقل (Pickup truck) بتاعة البوليس مليانة من ورا باكتات أكل كلاب وقطط. وهيلفوا على البلد كلها يحاولوا يوزعوا الأكل ده ع الكلاب يا عيني اللي طلعت عينيهم الأسبوعين بتوع الإخلاء! ساعتها قعدت أضحك وأقول لهم إيه الفراغ ده ، إنتو ما عندكوش حاجة أهم تعملوها؟ وهوه انتو يا جدعان شغالين إيه دلوقتي؟ أنيمال بوليس؟ والكل يضحك!

أفتكر كلمة لواحد صاحبي عن إن اقتصاد كندا متشال على أكتاف اللي زيه وزيي ، واللي بيتنعم بيه المجتمع كله. بس ما عندوش أي مشكلة في البلد اللي تستهلكه في شبابه ، بس تشيله على كفوف الراحة في شيخوخته. إحساس إن اللي بتقدمه بتلاقيه ، وإن الخير اللي بتعمله ما بيروحش ، ولا بلدك بتتنكر ليك بعد ما تمص دمك!

أفتكر اللي حصل مع بابا الله يرحمه بعد المعاش ، وخدمة 36 سنة في الوزارة... ألاقي وزارة الصحة الميمونة مدياله 12 ألف جنيه ، ومعاش 600 جنيه شهرياً ، ونقابة الأطباء بتديله 8 تلاف جنيه ، و200 جنيه في الشهر ، ومش هاتكلم على بهدلة الإجراءات اللي لازم تعملها عشان يبدأ صرف المعاش ، سواء معاش التقاعد أو بعد الوفاة! دا لو كان عامل بدبلوم في السنترال أو شركة الكهربا كان أخد ع الأقل أضعاف أضعاف المبالغ دي!

واللي هيجنني بقى الناس اللي بتموت نفسها عشان تتثبت في الحكومة ، ونظام إن فاتك الميري إتمرّغ في ترابه ، ويقول لك عشان تضمن لك معاش ودخل لبيتك لما تتقاعد! لأ فعلاً معاش يستاهل!

تعرف إني كنت سألت على مبدأ لو فضلت أدفع نفس المبلغ اللي بيتخصم من مرتبي في مصر بتاع وزارة الصحة ، أو بعد ما اشتغلت في السعودية وبقيت مضطر أدفع لهم إشتراك التأمين بتاعي سنوياً بالدولار ، عشان أقدر أطلّع البلطجة المسمّاة بتصريح العمل... نفس المبلغ ده لو دفعته لشركة أليانز تبع البنك بتاعي (HSBC) ، من سن التلاتين بس مش هنقول بداية تعييني في الحكومة ، على سن المعاش أو إصابة تقعدني عن العمل ، هاخد مكافأة نهاية الخدمة على ما أذكر 460 ألف جنيه ، ما يقارب النص مليون جنيه! يبقى التأمين الحكومي ده نصب وسرقة رسمي! وما زال الناس في مصر هتموت على التعيين في الحكومة! وعجبي!

هوّه أنا حرقت مراكبي كلها قبل ما أمشي من مصر ، وقدمت استقالتي من شوية يا عم الحاج؟"

[moheltohamy]

:blink:

هوه فيه إيه؟؟؟

حضرتك بتلومي عليا إني عندي قناعات معينة؟!

الحياة نفسها عبارة عن مجموعة تجارب شخصية فردية ، وكل واحد بيشوفها من منظوره الشخصي!

ولو تفتكري في بداية التوبيك بتاعي ، قلت إن ده عبارة عن تجميعة لانطباعاتي الشخصية عن تجربتي الشخصية مع رحلة الهجرة لكندا... تقدري تعتبريها حدوتة باحكيها مسلية أو مش مسلية دي حرية لكل قارئ! ولو شايفاها مهينة للمصريين ، تقدري تراسلي الإدارة يحذفوا التوبيك بكامله لو شايفينه زي ما بتقولي!

تعرفي اللي باستغرب له فعلاً... ناس زي سعادتك كده شايفين كندا بلد زبالة وناسها مقرفين ، ومع ذلك رايحين تورونتو زي ما هتعملي كده! بلد مش عاجباهم ، ومع ذلك يعيشوا فيها وياخدوا جنسيتها ويرجعوا للخليج حيث الفلوس ويفتخروا بالباسبور الكندي اللي يحميهم في بلاد العالم ، واللي لما الحال في مصر يلطّش بيهم يرجعوا لحضنها!

في كلامك بجد فيه حاجات كتير مش عارف أرد عليها إزاي...

الرجالة في مصر ما بيعاكسوش ستاتها؟ مش عارف سعادتك بتروحي مصر اللي أعرفها ولاّ بتتكلمي عن بلد تانية ما اعرفهاش؟!

وبتقولي إن الشواذ أو الاستثناءات في مصر اللي ركزت عليها ، وبعدها تقولي إن ستات كندا بائعات أرحام!

وحكاية مطلقات الرجال... مش فاهم يعني إيه!!! يعني واحدة مش سعيدة مع جوزها وطلقته ، المطلوب منها عشان تكون كويسة إنها تستحمل ضل الراجل ولا ضل الحيطة عشان تربي العيال وما تبقاش ست كسر أو سكند هاند؟؟؟

بصي يا مدام spain...

كل اللي حكيته مريت بيه أو اتحكالي من ناس مروا بيه ، وأنا نقلته زي ما وصلني... كون إنك ما شفتيش ده ، فده بيفكرني بصديقة كانت عايشة في كيبيك سيتي ، وكرهت كندا واللي فيها ، ورجعت مصر وفي قمة سعادتها دلوقتي ، وشايفة مصر أجمل مكان في الدنيا... Good for her! الست دي لا اشتغلت ولا احتكت بالكنديين وفضلت قاعدة بين 4 حيطان ، وكرهت كندا واللي فيها! قلتلها إنتي قاعدة في ولاية أهلها نفسهم طفشوا منها ، وطلعتي منها بانطباع عام عن كندا كلها!

كل واحد حر... شايفة مصر حلوة ، تقدري تقولي كده ، أنا شايف مصر وحشة ، أنا حر أقول ده... كلامي لا مخزي ولا ليه علاقة بحضرتك لا من قريب ولا من بعيد! فيه مصريين حبايبي هنا في كندا ، وأقرب ناس ليّا ، وهمه نفسهم شايفين الحياة في مصر مأساة إنسانية بكل المقاييس ، وإن مشكلة مصر الأساسية في أهلها... مش عاوز أتكلم كتير في الموضوع ده ، بس في النهاية... كل واحد حر في آرائه ، واللي شفته من المصريين والعرب كفاية أوي!

كل كلامي أراء شخصية ، ما بافرضهاش على حد! كونك شايفاني بالتفاهة إني سبت مصر عشان فيها تراب والناس اللي فيها شعرهم كركور... يبقى يا ستي كتر خيرك!

أرجع تاني وأتساءل... الهدف من التوبيك بتاعك ده إيه؟ تقنعيني إن كندا وحشة والكنديين وحشين ، وإن العيشة في مصر أحسن من كندا ، وإني خسران بقعدتي هنا؟؟؟

سيبيني خسران يا ستي صحبة المصريين الأنقياء ، وتمنياتي ليكي بالمتعة والرخاء وسط مصر والعرب...

[Princesse]

استاذة Spain

أنا فاهمة مشاعر حضرتك..ساعات اراء الدكتور محمد بتكون صادمة احيانا

لكن هو حر في اراءه

الوم عليكم انتم الاتنين

حضرتك شايفة المصريين والعرب ملايكة واحسن ناس

ودكتور محمد ليل نهار بيكلمنا عن كندا جنة الله على الارض وناسها الملايكة

انتم الاتنين نسيتوا ان لكل بلد ليها عيوب ومميزات

ولا كندا جنة ولا مصر جحيم

ولا فيه ملائكة على الارض

مشكلتنا في مصر انه كان عندنا مبادئ جميلة بدأت مع تدهور الحالة الاقتصادية والسياسية تختفي

المبادئ الجميلة دي مفيش زيها في الغرب عموما

احنا بنفقد اجمل ما يميز الشعب المصري

دكتور محمد...مش قادرة انسي اول يوم ليا في فرنسا في باريس وانا واقفة تايهة وشنطة الاكل في ايدي الشمال و الخريطة في ايدي اليمين

وبعيط من الخوف والتلج ولا حد فكر يسألني مالك

مش قادرة انسي وانا بجر شنطة السفر في المترو ومحدش فكر يساعدني

وفجاءة حسيت حد بشيل مني الشنطة وطلع راجل عربي

ساعتها عرفت يعني ايه شهامة العرب ويعني ايه ان الراجل العربي بألف راجل اوروبي

استاذة spain

مش قادرة انسي كمان في مصر حوادث التحرش الي اي بنت بتتعرض ليها

مش قادرة انسي لما اكون واقفة في طبور وواحد يجي يأخد مكاني

من خلال تجربتي والشهر الي عيشت فيه في باريس اقدر اقول

احنا في الشرق عندنا دفئ غريب..دمنا اخف..ومشاعرنا مبالغ فيها..محب اوي ونكره اوي

فيه عندنا شهامة..والراجل بيحس انه مسؤول عن حماية الست الي جيعرفها

عندنا الامهات احن بكتير..وعندنا علاقات اسرية افضل

هم مثلا في فرنسا..عندهم احترام للقانون والنظام احنا بنفتقده

عندهم امانة وثقة في المواطن الفرنسي فيه احترام للخصوصية واحترام لحرية الاخر

شعب بيعرف يحافظ على تاريخه وعارف يخطط للمستقبل

المشكلة انكم بتبحثوا عن المدينة الفاضلة

الفلوس+البسبور الاجنبي+التعليم +الصحة+دفئ الاهل+والوطن

محدش بياخد كل حاجة

من كلامكم انتم الاتنين اقدر اقول اني حاسة مفيش حد فيكم سعيد باختياره

لكن انتم الاتنين مضطرين تكلموا

وبداروا عندم ساعدتكم بكلامكم دا

والله مش اقصد اي اساءة بكلامي دا..وممكن يكون احساسي غلط

على العموم لابد ان نتعلم ان نقبل وجهة النظر الاخري

[atef yamani]

الي الاخ الحبيب د / محمد :انا فرحان من رؤيه مشاركتك الحديثة ولكن ما كنتش متوقع الموضوع اللي يبدأ برد علي كلامك السابق انا معاك في وجهة نظرك وان دي انطباعاتك الشخصية اللي عاوز يستفيد يقرا واللي مش عاوز يشوف موضوعاتك يفتح موضوع جديد ويحكي وجهة نظرة لا داعي للمنازعات الالكترونية تمنياتي لك بالتوفيق

[atef yamani]

الي الاخ الحبيب د / محمد :انا فرحان من رؤيه مشاركتك الحديثة ولكن ما كنتش متوقع الموضوع اللي يبدأ برد علي كلامك السابق انا معاك في وجهة نظرك وان دي انطباعاتك الشخصية اللي عاوز يستفيد يقرا واللي مش عاوز يشوف موضوعاتك يفتح موضوع جديد ويحكي وجهة نظرة لا داعي للمنازعات الالكترونية تمنياتي لك بالتوفيق

[jamalpody]

كل الحب والاحترام والتقدير الي الرائع الدكتور محمد التهامي

[jamalpody]

كل الحب والاحترام والتقدير الي الرائع الدكتور محمد التهامي

تم تعديل 15 مارس 2013 بواسطة jamalpody

[elmadysm]

الاخ العزيز د محمد التهامى

انى احبك فى الله

انت والمهندس ايهاب سالم

والاخ الغالى الشامى

و المهندس ياسر

و الدكتور قناوى

واخرون

رغم اختلافنا فى بعض الموضوعات سواء الاساسية او الفرعية

عندما كنا فى مصر

كانت كندا بالنسبة لنا عبارة عن مجهول وكان ذلك فى 2008 عندما اشتركت فى هذا المنتدى

وكنتم انتم من يسرد ويقص تجربته الشخصيه وانطباعاته عنها وكان ذلك اول المعلومات عن كندا

وعندما وصلت الى كندا فى اكتوبر 2009 وجدت ان الحقيقه ليست كما كنتم تقصونها

وجدت اختلافات كثيرة ووجدت حقائق كثيرة ايضا

ففهمك ان وجهة النظر مختلفة ويرجع ذلك الى مجموعة اسباب

اهمها مجموعة التجارب قبل الوصول الى كندا

فاللى جاى من مصر ذى حالاتى مثلا شايف كل حاجة هنا جميله

اللى جاى من الخليج شايف الصورة بشكل محتلف

اللى سافر اوروبا وامريكا شايفها بشكل ثالث

و افتكر انى كتبت موضوع بعد وصولى كندا بشهر "الاعضاءاللى فى تورنتو .... ياريت نتعرف على بعض"

وكان فى تخيلى اننا ممكن نكون بداية طيبه لتجمع اكبر

وكنت انت المشرف وقتها

وكنت رافض الفكرة من اساسها واستمريت تحارب الفكرة الى ان وصل الامر الى ابعد من كونه مجرد اقتراح او رد بوجهة نظر معارضة

وانفسم الاعضاء الى مؤيد ومعارض

وتم غلق المنتدى لمدة اسبوع تقريبا مما ادى الى تحول الاعضاء الى منتدى المطاريد وتم حذف الموضوع

الخلاصة احيانا بيكون كلامك تعبيراته كما انها حقائق مؤكدة اكثر من اعتبارها تجربة شخصية

مع خالص تحياتى

يوسف الماضى

تم تعديل 19 مارس 2013 بواسطة elmadysm

[egyptawy]

الاخ العزيز د محمد التهامى

انى احبك فى الله

انت والمهندس ايهاب سالم

والاخ الغالى الشامى

و المهندس ياسر

و الدكتور قناوى

واخرون

رغم اختلافنا فى بعض الموضوعات سواء الاساسية او الفرعية

عندما كنا فى مصر

كانت كندا بالنسبة لنا عبارة عن مجهول وكان ذلك فى 2008 عندما اشتركت فى هذا المنتدى

وكنتم انتم من يسرد ويقص تجربته الشخصيه وانطباعاته عنها وكان ذلك اول المعلومات عن كندا

وعندما وصلت الى كندا فى اكتوبر 2009 وجدت ان الحقيقه ليست كما كنتم تقصونها

وجدت اختلافات كثيرة ووجدت حقائق كثيرة ايضا

ففهمك ان وجهة النظر مختلفة ويرجع ذلك الى مجموعة اسباب

اهمها مجموعة التجارب قبل الوصول الى كندا

فاللى جاى من مصر ذى حالاتى مثلا شايف كل حاجة هنا جميله

اللى جاى من الخليج شايف الصورة بشكل محتلف

اللى سافر اوروبا وامريكا شايفها بشكل ثالث

و افتكر انى كتبت موضوع بعد وصولى كندا بشهر "الاعضاءاللى فى تورنتو .... ياريت نتعرف على بعض"

وكان فى تخيلى اننا ممكن نكون بداية طيبه لتجمع اكبر

وكنت انت المشرف وقتها

وكنت رافض الفكرة من اساسها واستمريت تحارب الفكرة الى ان وصل الامر الى ابعد من كونه مجرد اقتراح او رد بوجهة نظر معارضة

وانفسم الاعضاء الى مؤيد ومعارض

وتم غلق المنتدى لمدة اسبوع تقريبا مما ادى الى تحول الاعضاء الى منتدى المطاريد وتم حذف الموضوع

الخلاصة احيانا بيكون كلامك تعبيراته كما انها حقائق مؤكدة اكثر من اعتبارها تجربة شخصية

مع خالص تحياتى

يوسف الماضى

معلش بعيد عن الموضوع واضح انى حضرتك شغال فى ال IT

ممكن تقولنا ايه رايك فى سوق ال IT فى كندا وسهل تشتغل بمرتب كويس وتحوش كمان ولا ايه

وياترى ايه الطريقة الا ممكن تهاجر بها وانت IT

[elmadysm]

الاخ العزيز د محمد التهامى

انى احبك فى الله

انت والمهندس ايهاب سالم

والاخ الغالى الشامى

و المهندس ياسر

و الدكتور قناوى

واخرون

رغم اختلافنا فى بعض الموضوعات سواء الاساسية او الفرعية

عندما كنا فى مصر

كانت كندا بالنسبة لنا عبارة عن مجهول وكان ذلك فى 2008 عندما اشتركت فى هذا المنتدى

وكنتم انتم من يسرد ويقص تجربته الشخصيه وانطباعاته عنها وكان ذلك اول المعلومات عن كندا

وعندما وصلت الى كندا فى اكتوبر 2009 وجدت ان الحقيقه ليست كما كنتم تقصونها

وجدت اختلافات كثيرة ووجدت حقائق كثيرة ايضا

ففهمك ان وجهة النظر مختلفة ويرجع ذلك الى مجموعة اسباب

اهمها مجموعة التجارب قبل الوصول الى كندا

فاللى جاى من مصر ذى حالاتى مثلا شايف كل حاجة هنا جميله

اللى جاى من الخليج شايف الصورة بشكل محتلف

اللى سافر اوروبا وامريكا شايفها بشكل ثالث

و افتكر انى كتبت موضوع بعد وصولى كندا بشهر "الاعضاءاللى فى تورنتو .... ياريت نتعرف على بعض"

وكان فى تخيلى اننا ممكن نكون بداية طيبه لتجمع اكبر

وكنت انت المشرف وقتها

وكنت رافض الفكرة من اساسها واستمريت تحارب الفكرة الى ان وصل الامر الى ابعد من كونه مجرد اقتراح او رد بوجهة نظر معارضة

وانفسم الاعضاء الى مؤيد ومعارض

وتم غلق المنتدى لمدة اسبوع تقريبا مما ادى الى تحول الاعضاء الى منتدى المطاريد وتم حذف الموضوع

الخلاصة احيانا بيكون كلامك تعبيراته كما انها حقائق مؤكدة اكثر من اعتبارها تجربة شخصية

مع خالص تحياتى

يوسف الماضى

معلش بعيد عن الموضوع واضح انى حضرتك شغال فى ال IT

ممكن تقولنا ايه رايك فى سوق ال IT فى كندا وسهل تشتغل بمرتب كويس وتحوش كمان ولا ايه

وياترى ايه الطريقة الا ممكن تهاجر بها وانت IT

انا ما لحقتش اشتغل لا فى ال IT ولا فى غرها

الحمد لله ربنا رزقنى بمرض العظماء باركنسون

وبالتالى خرجت مبكرا من سوق العمل

اما سافرت ازاى

احنا قدمنا فى 2004 كانت الظروف مختلفة

[egyptawy]

الاخ العزيز د محمد التهامى

انى احبك فى الله

انت والمهندس ايهاب سالم

والاخ الغالى الشامى

و المهندس ياسر

و الدكتور قناوى

واخرون

رغم اختلافنا فى بعض الموضوعات سواء الاساسية او الفرعية

عندما كنا فى مصر

كانت كندا بالنسبة لنا عبارة عن مجهول وكان ذلك فى 2008 عندما اشتركت فى هذا المنتدى

وكنتم انتم من يسرد ويقص تجربته الشخصيه وانطباعاته عنها وكان ذلك اول المعلومات عن كندا

وعندما وصلت الى كندا فى اكتوبر 2009 وجدت ان الحقيقه ليست كما كنتم تقصونها

وجدت اختلافات كثيرة ووجدت حقائق كثيرة ايضا

ففهمك ان وجهة النظر مختلفة ويرجع ذلك الى مجموعة اسباب

اهمها مجموعة التجارب قبل الوصول الى كندا

فاللى جاى من مصر ذى حالاتى مثلا شايف كل حاجة هنا جميله

اللى جاى من الخليج شايف الصورة بشكل محتلف

اللى سافر اوروبا وامريكا شايفها بشكل ثالث

و افتكر انى كتبت موضوع بعد وصولى كندا بشهر "الاعضاءاللى فى تورنتو .... ياريت نتعرف على بعض"

وكان فى تخيلى اننا ممكن نكون بداية طيبه لتجمع اكبر

وكنت انت المشرف وقتها

وكنت رافض الفكرة من اساسها واستمريت تحارب الفكرة الى ان وصل الامر الى ابعد من كونه مجرد اقتراح او رد بوجهة نظر معارضة

وانفسم الاعضاء الى مؤيد ومعارض

وتم غلق المنتدى لمدة اسبوع تقريبا مما ادى الى تحول الاعضاء الى منتدى المطاريد وتم حذف الموضوع

الخلاصة احيانا بيكون كلامك تعبيراته كما انها حقائق مؤكدة اكثر من اعتبارها تجربة شخصية

مع خالص تحياتى

يوسف الماضى

معلش بعيد عن الموضوع واضح انى حضرتك شغال فى ال IT

ممكن تقولنا ايه رايك فى سوق ال IT فى كندا وسهل تشتغل بمرتب كويس وتحوش كمان ولا ايه

وياترى ايه الطريقة الا ممكن تهاجر بها وانت IT

انا ما لحقتش اشتغل لا فى ال IT ولا فى غرها

الحمد لله ربنا رزقنى بمرض العظماء باركنسون

وبالتالى خرجت مبكرا من سوق العمل

اما سافرت ازاى

احنا قدمنا فى 2004 كانت الظروف مختلفة

اخى الكريم ان شاء الله ربنا يشفيك ويعفو عنك

[herohero]

الدكتور محمد اخ فاضل وانا اتعرفت عليه ف مصر ف كورس ف المركز الثقافي البريطاني زماااااااااااان كان هو ف السعودية وبينزل مصر وكنت انا ماشي ف مشوار الهجرة ولكن الظروف غيرت ف خطط الواحد وللاسف بعد حلم الهجرة

المهم الدكتور محمد يمكن اسلوب تعبيره عن افكاره ممكن فيه اللي يعترضوا عليه يمكن انا كنت مستوعب كلامه وفاهمه لان احنا بصراحة كمصريين اوقات بحس اننا مش بنحب نصارح نفسنا بالحقيقة وده يمكن اكثر عيب بيضايقني لدرجه ان مرة ف المنتدى اتهمت بان معنديش ولاء لمصر وان انا تربية الخليج منذ الطفولة ومش بحب مصر لمجرد اني قولت هو احنا بنحن لحاجات ف مصر وتصرفات بتتعمل بس ع فكرة هي مش تصرفات صح ولا راقية ولا حاجه

وساعتها كان الكلام ع الاكل ع عربية الفول !!!!!!!!

كنت بقول اه هو شعور جميل بس لو اتكلمنا بواقعيه فهو شئ معفن مش بيراعي اي اصول من النظافة وضربت امثلة كثيرة من هذا القبيل وتعرضت لهجوم شديدجدااااااااااااااا

الخلاصة :

قد يكون لكل منا اسلوبه ف عرض وجهة نظره وعرض ما يراه سلبي او له اسلوبه ف النقد ويمكن كثير مننا يختلف مع العرض الواضح والصريح وده كمان عيب خطير فينا مش بنحب اللي يصارحنا بعيوبنا بوضوح

[ViralMind]

السلام عليكم..

اكبر عيوبنا اننا دايما بنحب نبين قد ايه احنا عظماء و كويسين و بنينا الاهرامات.. و عمرنا ما بنعترف بالكوارث اللى عندنا.

بغض النظر بقى عن انى مبيعجبنيش حاجات معاينة فى كلام الدكتور تهامى, الا ان الجزئية الخاصة بانتقاد طبائع المصريين.. انا متفق معاه فيها بنسبة كبيرة.

انزلى الشارع و انتى تشوفى الحمير اللى سايقين عربيات و باصين فى يمين و شمال و ورا.. الا انهم يبصوا فى الطريق اللى قدامهم..

انزلى شوفى الناس اللى بتخبط فى بعض فى الشارع.. انزلى شوفى التحرش.. انزلى شوفى البلاوى اللى موجودة.

الفقر و الجهل للاسف ولاد كلب و يعملوا اكتر من كده.

حتى اللى عاملين فيها طبقة متوسطة يعنى.. و انا بتكلم عن الطبقة المتوسطة بجد.. اللى ساكنة فى مدينة نصر و الدقى و المهندسين.. اسلوب حياتهم بقى بايظ برضه.. الا اللى بيختار انه ينعزل عن الحياة الوسخة اللى فى مصر.

انا قعدت افكر كتير قوى ايه سبب الهمجية دى اللى موجودة فى مصر, و اللى تتعدى كونها مجرد ظاهرة, بل اصبحت فيروس و ميكروب لازم نتخلص منه..

وصلت لان الجهل هو السبب.. تلات تربع اللى متخرجين من الجامعة مبيعرفوش يكتبوا لغة عربية صحيحة اصلا, و تلاقيهم بدل ما يقولوا ثانك يو, يقولوا سانك يو sank you... هغرقك يعنى

طول ما فيه فقر و بطالة و جهل.. البلد دى عمرها ما هتنضف.

لما اكتر من 40 مليون مواطن يبقوا عايشين بأقل من 400 جنيه فى الشهر, يبقى ازاى متوقعة منهم اصلا انهم يكونوا فاهمين اى حاجة و لا فى دماغهم اى حاجة؟

خير خير.. اروح اكمل نوم بقى.

[medou]

Eah ya gama3a ely betetklmo feeh bs ?!!!!! kol makan feeh el koyes we el wa7esh we Canada leeha momyzatha we masr bardo leeha momozytha

Dont Waste your time , ye3ny el 3alem kolo bytla3 le odaaam we e7na bs nag7een enana nefaker beshakl salbyy ...sorry

A5oookom el so3yer , Medo mn Agmal el modon Montreal

[AbuZeyad]

انا غير مهاجر حالياوان كنت بفكر في الهجرة

بس منكرش ان موضوع د التهامي ود الشامي فتحوا عينيا على حاجات كتير قوي مكنتش عارف انها موجودة في العالم

ومكنتش متخيل ان د التهامي لسة بيزور المحاورات خصوصا بعد ما أغلق موضوعه وانقطعت اخباره فرصة سعيدة يا دكتور gra:-

وبعدين من اللى قال انه خذل المصريين؟؟ هما المصريين كانوا مستنيين منه انه يفوز في الاولمبياد؟؟ دا موضوع شخصي والراجل كان صريح في أوله ان دي آرائه الشخصية ورؤيته لهجرته لكندا وبالعكس كان مساعد لمصريين كتير لان موضوعه غنى فعلاً حتى لو كان فيه بعض الآراء الصادمة للبعض

بالتوفيق يا دكتور ويا ريت تطمنا على اخبارك