العلاقات الزوجية الخاصة

[بنت شعنونة]

من فترة وجيزة اجتمعت انا وبعض الزميت من جنسيات مختلفة

وكالعادة لازم يتصدر الرجل حوارنا مش فاهما ليه لحد دلوقتي؟ prt:

المهم كل واحدا قعدت تتكلم عن الجهاز و الأستعداد للزواج عشان نعرف اهم حاجا نشتريها ايه!

تصوروا كان اييييييه اهم حاجا؟

بدلة رقص!!!!

اجتمعت المجموعة كلها انه اهم شيء لازمنجيه هوا بدلة الرقص!!

ولما ابديت اندهاشي ردت عليا صديقة سورية وقالت

انه من زمان جداااااااا و التقليد دا عندهم وانه بيكون مهم جدا لدرجة انهم بيشتروا اكتر من واحدا واكتر من شكل!

اما الزملات المصريا فقد امنوا على كلامها وقالوا

ام الراجل برا شايف العجب العجاب يبقى لازم هيا كمان تعمل العجب في نفسها عشان تعجبه

عندهم حق وعجبني المنطق جدا

منطق الحفاظ على الزوج من الفتنة بكل السبل " المباحة"

المهم بقى دخلت علينا والدة احداهم وسمعت الكلام ولكم ان تتخيلوا كمية التهزيق اللي اتهزقناها جميعا

لآنها شافت ان دا قلة ادب ومسخرة وان الزواج مش كدا خالص

ومش ضروري عشان تحافظ الواحدا على زوجها انها تحافظ عليه ب " بدلة رقص"؟؟

اوكي

عندها حق بالنسبة لجيلها

مين الصح ومين الغلط

الحياة اتغيرت و المتطلبات اتغيرت في كل حاجا

هل تحافظ البنت على زوجها ب اي حاجا يبقى كدا عيب؟

والا تبقى متحفظة و بالمعقول و تبقى باردة وراجل تاني؟

[بنت شعنونة]

كنت اكل في مرة في مطعم وفيه في الترابيزة اللي قدامي ولد وبنت مخطوبين او متجوزين مش عارفا

المهم هما كانوا قايمين

الولد وقف وجه عشان ياخد الجاكيت بتاعه ف البنت مسكنه ولبسته ليه وبعدين شالت شنطتها ومشيت

عجبتني جدا البنت وبجد احترمتها

في حين ترابيزة جنبي فيها شباب هروهم تريقة وبصوت عااااااالي جداااا جداااااا لدرجة انهم سمعوا و الولد كان ها يرجع يتخانق معاهم لولا انها رفضت دا ومشيوا

!!!

ليه اتريقوا؟

هل هوا حقد

حسد

ضغينه

استغراب؟

والا ايه بالضبط؟ prt:

[Cleo]

ليه اتريقوا؟

هل هوا حقد

حسد

ضغينه

استغراب؟

والا ايه بالضبط؟ prt: 

أصل ده كان واجب على حضرته... مش واجب عليها هى...

[بنت شعنونة]

امسسسسسسسسسسسسسك

هوا دا اللي انا كنت عاوزاه تماااااااماااااااااااا

ليه بقىىىىىىى

ليه "واجب عليه"

وليه :" مش واجب:" عليها هيا كمان؟ prt:

[Tamsite]

ليه اتريقوا؟

هل هوا حقد

حسد

ضغينه

استغراب؟

والا ايه بالضبط؟ prt: 

أديكي جاوبتي على أسباب التريقة

تصرف البنت كان غاية في الرقي و الأدب و التحضر ، و عشان الحاجات دي بقت عملة نادرة ، فالشباب الغوغائيين دول (هروهم تريقة ) و كل واحد منهم بيقول في سره يا بخته المحظوظ ده في المعاملة دي من الانسانة دي

و مع الأسف ان مبدأ ( التريقة ) منتشر عموما في مجتمعنا على كل حاجة سواء حلوة أو وحشة أو حتى هايفة ، لإن الناس متحبش تسيب حد في حاله و ده طبع سئ من طباع شعبنا

[Tamsite]

ليه اتريقوا؟

هل هوا حقد

حسد

ضغينه

استغراب؟

والا ايه بالضبط؟ prt: 

أصل ده كان واجب على حضرته... مش واجب عليها هى...

في دي بقى انا مش معاكي يا كليو ،

الواجب على الاتنين سوا انهم يعاملوا بعض معاملة حسنة ، و أكيد ان الشاب ده لو كان بيعاملها معاملة سيئة ما كانتش تعامله المعاملة دي

ده رقي و تحضر و احترام و تقدير و حب و كل حاجة حلوة متبادلة بين الطرفين

يبقى هنا مش واجب عليه و خلاص زي ما انتي قلتي

الواجب عليه فعلا انه يكون بيبادلها نفس المعاملة ان لم يكن أحسن ys):

تم تعديل 6 فبراير 2005 بواسطة Tamsite

[سقراط المصري]

اهلاً شانا

ندخل في الموضوع

اولاً موضوع بدله الرقص

عادل امام في مسرحيه شاهد مشافش حاجه قال للظابط " ياباشا لو كل واحد عزل عشان الشقه اللي تحته فيها واحده رقاصه ، البلد كلها هتنام في الشارع"

طبعاً اللي اقصده من المثل ده ان لو كان تفكير البنات ان بدلة الرقص هي الزواج او هي اللي هتحمي الزوج من انه يبص بره ، ماكنش حد غلب.

طبعاً انا مع السيده والده احداهن في رأيها ان الزواج اعقد واكثر من ذلك بكثير.

وعشان اختصر والخص القصه هقول رأي في كلمتين ومثال.

1- كل مابني على اشباع غريزه او دافع بيولوجي فطريقه الي الزوال ، وينتهي بتحقيق اشباع الدافع او انقضاء الحاجه.

مثال: انا لما بكون جعان ببص لساندوتش الفول بنظرات مريبه همجيه متوحشه (سامحني يا رب)، المهم باكله واشبع ، امشي خطوتين الاقي واحد صاحبي بينادي علي عشان اكل كباب سخن (طبعاً دا مثلاً ههههههه).

في الحاله دي الكباب بيكون ليس له مكان وارفض لإمتلاء معدتي واشباع دافع الجوع.

سؤال: هل تاني يوم هتذكر ساندوتش الفول واحكي عنه قصص وحكايات واشكر في محاسنه؟

الاجابه: لا ، لانه كان هدف مؤقت، وبيخرج من الذاكره بعد انتهاء اشباع الدافع.

2-كل مابني على اشباع دافع اجتماعي فطريقه الي الدوام ، ولاينتهي بتحقيق اشباع الدافع او انقضاء الحاجه ، ويستمر قوي ونشط في الذاكره.

مثال: انت مثلاً كنت في مطروح مشتاقه لأهلك ، هب نزلتي تزوريهم ، سهرتم مع بعض ووالدك حكى حكايات كتيره ونكتم (المصدر: نكته) مع بعض، وكانت ليله جميله عوضتك عن حرمان البعد عنهم شهر في مطروح.

سؤال: هل نستي الليله دي بعد رجوعك لعملك في مطروح.

الاجابه: لا، لانها استمرت معك في الذاكره ، ولما بتشتاقي للاهل تاني ، تخدي ركن مع نفسك وتعيدي تنشيط الذاكره كإشباع مؤقت للدافع.

الخلاصه: بدلة الرقص عامله زي ساندوتش الفول، والعشره والموده ، عامله زي ليله حلوه مع الاهل.

سقراط

[محمود تركى]

العيب ليس على المرأة التى تبحث عن زوج, أو تريد الإحتفاظ به.

العيب فى الرجال المرضى, الذين يتصورون أن الغرض الوحيد من الزواج هو الجنس, و أنه إذا لم يحصل على الإثارة مع زوجته, سيجدها مع راقصة أو داعرة.

لقد رأيت مواقف جعلتنى أعذر المرأة التى تريد أن ترقص لإمتاع زوجها,

فى حفل عرس, و أثناء فقرة الرقص البلدى, أو فقرة الدعارة المقنعة, رأيت رجالا كان يبدوا عليهم الوقار وهم جالسون بجانب زوجاتهم , اللاتى تمتعن بجمال باهر,

رأيت هؤلاء الرجال يفقدون وقارهم عندما بدأت الراقصات هز بطونهن, فى حركات خليعة لا فن فيها و لا حياء.

و أصبح كل زوج, دكتور جيكل, قبل الرقص, و مستر هايد, أثناء الرقص.

فقد هؤلاء الأشاوس وقارهم, فمنهم من خلع جاكتته, وهات يا هز, بطن , ووسط, و أرجل, , و منهم من ركع على ركبيتيه أمام الراقصة العارية, مصفقا بحماس على نغمة الموسيقى المزعجة, و التى لا فن فيها و لا ذوق .

و كانت الطامة الكبرى, عندما صعدت إحدى الراقصات أعلى مائدة الطعام, و سرعان ما إنضم اليها فحلين آخرين, مما أدى إلى إنهيار المائدة تحت ثقلهم, ووقعوا جميعا على الأرض.

ما غاظنى أكثر, أن جميع ضيوف هذا الفرح( رجالا و نساءً) قد أغرقوا فى الضحك, فى الوقت الذى كان سكب الدموع هو الواجب.

سكب الدموع على الكرامة الضائعة, و الشرف المسلوب, و الرجولة التى أخذت أجازة.

هل نتعجب بعد ذلك أن تلجأ المرأة إلى بدلة الرقص لكى تحتفظ بزوجها؟

العيب ليس فى المرأة, العيب فى الرجل عديم الرجولة.

[بنت شعنونة]

mc:

الموضوع سخن اوييييييييييي B)

تامسيت

انا معاك في كل كلامك

انما للأسف المجتمع بيستهجن الحاجات دي

واوقات الزوج نفسه او الزوجة بيحرج انه يعمل حاجا نفسه فيها مع انه عاوز يعملها؟!!

اتذكر كنت مرة مع صديقة ليا متزوجة حديثا وكانت عندنا في مطروح بتشتري حاجات هيا وجوزها

ف جوزها كان بيقيس شوز وقلع الشوز بتاعته وبعدين لبسها ونسي يربط الحزام

بتلقائية تحسد عليه البنت نزلت على الأرض تربطله الرباط بتاع الشوز لدرجة انه هوا نفسه اتخض ورفض تماااااااااما دا وقالها بالحرف" احنا قدام النااس"

سعادتها انا انبسطت جدا منهم هما الأتنين

ورغم انه تصرفه كان بدافع الخوف عليها الا انه احرجها شوية!

سقراط

يا عيني عليك لما بتتكلم ;) :P

طب ايه رايك لو كنت مع بابا وكلت سندوتش فول؟

يعني اجمع الحسنيين!

مش كدا احسن برضه؟

علميا يقال ان الرجل نصفه شهوة و النصف الأخر عقل

والمرأة فقط هي التى تستطيع ان تجعل احد نصفيه يتغلب على الأخر.

مش عارفا الكلام دا صح والا لا؟ mc:

ايه رايك؟

متفرج

بدل الرقص كترت

وكلنا بنرقص سواء لفظيا او معنويا

ايه المشكلة اني اكون " متاع" لزوجي حلالي!

بدل ما اخليه يفقد وقاره زي ما انت قلت ويبقى زي الناس اللي انت حكيت عليهم اللي " لعابها " يسيل قدام اي حتة لحمة بيضاء اللون! tot::

[Sherief AbdelWahab]

فيه حاجة والله أعلم اسمها "الاحترام المتبادل" دي كدة تقدروا تقولوا انها انقرضت وانتهت صلاحيتها وبقت اكسبايرد..مش بس بين الشبان والفتيات ، بل بين الناس وبعضها بشكل عام ..كل التعامل بقى بالشتايم والإهانات تقريباً..الإنسان دلوقت بيتهزأ وبيهزأ ..فاعل ومفعول به ..والمفعول بيه بيدور على شخص يفعل فيه!

تخيلوا ان الناس اللي بتهزأ بعضها البعض مجبرين-أكرر : مجبرين - على إنهم يشتغلوا مع بعض ، ويتاجروا مع بعض ، ويناسبوا بعض..

في كل بيت أصبح من العادي سب بيت النسايب فرداً فرداً ، والتريقة على زوجة الابن أو زوج البنت لأتفه الأسباب ..ما بقى من البتوع والبتاتيع بتوع الصحاف! tot:: ..

دي حاجة..

الحاجة التانية..واللي أشار إليها الأفاضل.. الفرق بين ما هو غريزي وما هو غير غريزي .. كنت أتناقش مع أصدقاء قبل أشهر عن إحجامي عن الزواج ..وكلمتهم عن التفاهم والحب والصداقة ..واتهموني جميعاً بأني لاسع ومجنون ومختل عقلياً بالثلث!..

يعني اللي بقى بيتكلم عن الصداقة والحب مع اللي يفترض بيها إنها مراته بقى مجنون..كدة اتعدلت في رأيي..طالما المجتمع كله بيفكر في كدة..

والحمد لله الرحمن الرحيم الذي أبقى علينا أحياء دون أن نمسك المطاوي ونسن السكاكين لبعضنا البعض!

حاجة تقرف!

خلص الكلام

[Cleo]

شريف جاب المفيد....

يعنى بصراحة مش فاهمة إزاى واحد يبقى طول الليل شايف مراته لابسة بدلة رقص و بترقص زيها زى أى واحدة (عفوا.. tot:: ) وتانى يوم الصبح يبقى بيعاملها باحترام قدام الأولاد واحترام قدام الأهل واحترام قدام الأغراب..!!!

لى صديقة واحد بس كان جوزها الحقيقة هو اللى جايبلها البدلة بنفسه..!!! وهى كانت تفتخر بكدة وإنها يعنى (مش مخلية فى نفسه حاجة).... حاليا الشركة كلها بتسألهم عن قضية الطلاق اتحكم فيها ولا لأ...!!! عارفين ليه؟؟؟ لأنها اعتبرت نفسها زى ما شعنونة قالت "متاع" لزوجها... فكانت دى نظرته ليها... هى وكل ما تملك متاع ليه... والواحد بعد ما يتمتع "بالشىء" بعد فترة بيزهده و يبتدى "يتنمرد" عليه... يا إما يدور على متاع جديد ألذ ألذ ألذ أو إنه يبدأ فى إساءة معاملة المتاع ده..

مثلا... سيارتك الجديدة... تحافظ عليهاو ماتطيقش تشوف عليها تراباية واحدة ولو ده حصل تخرب بيت البواب أو سايس الجراج..

بعد خمس سنين استخدام... تخش بيها فى أى مطب، تهمل فى صيانتها... كدة... لأن اللى بيربطك بيها "المتعة" وليس التقدير ولا الحترام...

[بنت شعنونة]

كليو

كلامك فيه وجهة نظر قوية

بس خليني اسألك سؤال مهم

طب تفتكري ليه السوري والا اللبناني "الرجل" مش بيزهق من مراته مع انهم بيستعملوا مبدأ بدلة الرقص دا!!

ومحدش يقولي عشان زي القمرررررررررر tot:: mc: mc:

[se_ Elsyed]

يعنى بصراحة مش فاهمة إزاى واحد يبقى طول الليل شايف مراته لابسة بدلة رقص و بترقص زيها زى أى واحدة (عفوا..  tot:: ) وتانى يوم الصبح يبقى بيعاملها باحترام قدام الأولاد واحترام قدام الأهل واحترام قدام الأغراب..!!!

لى صديقة واحد بس كان جوزها الحقيقة هو اللى جايبلها البدلة بنفسه..!!! وهى كانت تفتخر بكدة وإنها يعنى (مش مخلية فى نفسه حاجة).... حاليا الشركة كلها بتسألهم عن قضية الطلاق اتحكم فيها ولا لأ...!!! عارفين ليه؟؟؟ لأنها اعتبرت نفسها زى ما شعنونة قالت "متاع" لزوجها... فكانت دى نظرته ليها... هى وكل ما تملك متاع ليه... والواحد بعد ما يتمتع "بالشىء" بعد فترة بيزهده و يبتدى "يتنمرد" عليه... يا إما يدور على متاع جديد ألذ ألذ ألذ أو إنه يبدأ فى إساءة معاملة المتاع ده..

فكرتك غلط يا كليو ...

إيه علاقة الإحترام بالعلاقة الخاصة بين الرجل وزوجته ... اللي هي أقوى علاقة في الوجود وأقوى من علاقة الزوجة باهلها اللي هي من لحمهم ودمهم ؟

أنا كنت هاتكلم على المثال اللي إنتي حكيت عليه في الشركة عندكم ...

يا أختنا العزيزة ... حكاية الرقص والطبل والزمر دي المفروض إنها تندرج تحت بند العلاقة الخاصة جداً جداً بين الواحد وزوجته ...

وبالتالي إذا واحده ست هانم محترمه .. أو أفندي عليه القيمه راح إتكلم / أتكلمت أمام زملاءه أو حتى إخوته عن بدلة الرقص ولبس الأراجوزات وما يحدث خلف الأبواب المغلقة بقفل معنوي اللي هو الستر .. يبقى كده يستاهل اللي يجرى له أو تستاهل اللي يجرى لها ... ولا نستبعد ان يقوم الأخرون والمقربون منهم بإنهم يطلبوا منها تؤدي وصلة رقص وممكن يقوموا ينقطوها كمان ...

- الإفراط او التفريط غير مطلوبين في حياتنا ... واحد عايز زوجته ترقص له أو هي عايزه ترقص أمام زوجته ، ما هو المانع الشرعي أو الإجتماعي في كده ؟ لا هو عيب ولا حرام ...

- شخص تاني يراها قلة قيمة وعيب وهو متفاهم على كده مع زوجته ... خلاص هما حرين ، إن شالله يلبسوا سموكن جوه الشقة ويكلموا بعض باللغة العربية الفصحى ...

- لكن أن يطلع حد يحرم ويحلل رسمي تلك العلاقات .. يبقى أسفين ونقول له إركن على جنب شويه لما نحتاجك ...

- كنت وانا في مصر أُتابع إصدارات جريدة اللواء الإسلامي لإني تعلقت بها أيام ما كان المرحوم عبد الحميد كشك بيكتب فيها ... فمن ضمن أسئله الفتاوى واحده ست باعته تسأل وتقول إن زوجها بيطلب منها إنها ترقص له .. فهل ده حرام أم حلال ؟ يقوم شيخ الشيوخ يقوها إن ده لا يجوز والمفروض بدل اللهو ده يقعدوا يقراوا قرأن ويذكروا الله !!!!!!!!!!.........

ده بقى إسمه إفراط من غير أي تعليق .

- اما التفريط فمثال عليه سؤال واحد من سلطنة عُمان سأله للشيخ القرضاوي في برنامج الشريعة والحياة وبيقوله إنه متزوج إثنين فما حكم الدين في ان يجمعهم جميعاً فراش واحد ؟ طبعاً القرضاوي كان هايطبق في زمارة رقبته ويديله بوكس عبر الأثير ...

الحياه سهلة يا جماعة بس البشر هما اللي بيكلكعوها وهما اللي بيجيبوا المشاكل لنفسهم ..

ده أحنا عندنا أيه قرأنية صغيرة لو تدبرنا معانيها ماكناش سألنا وإحتارنا وتقول هذه الأيه " نساؤكم حرثٌ لكم فأتوا حرثكم أنى شئتم "

[mizo1957]

موضوعك جرئ يادكتوره

فهناك ألعديد من ألزيجات ألتي تفشل نتيجه لعدم توضيح

لأبعاد و طبيعه ألعلاقه ألحاصه بين ألزوجين

فليس هناك ما يمنع أن يكون هناك اشباع عاطفي علي اعلي مستوي طالماه  في حدود ألشرع و برضا ألطرفين

و أن يكون هناك أحترام و موده في نفس ألوقت

ثم لماذا نفترض أن ألزوج وحده هو ألدي يزهد في ألزوجه

أو ألمتاع كما يقولون أذا ما أستمرت ألعلاقه

بينهما علي نفس ألوتيره لسنوات و لماذا لا يحق للزوجه

أن تذهد هيا ألاحري في متاعها أي ألزوج و تتحول لعلاقه

بينهم ألي شئ روتيني ممل بدعوي أن أي تغير أو تجديد

سوف يندرح تحت بند ألعيب

انا أري ان ألعلاقه بين ألزوجين يجب

ان تتم في اطار من الصراحه وتفهم كل طرف لرعبات ألطرف ألاحر في حدود ألشرع

فالصراحه بين الزوجين هي السبيل ألأمثل لتلافي اي مشكله في مهدها

فالموضوع اكبر من مجرد بدله رقص

 

[omtmam]

واوقات الزوج نفسه او الزوجة بيحرج انه يعمل حاجا نفسه فيها مع انه عاوز يعملها؟!!

هى دى الاساس يا شانا ان الواحدة او الواحد يكون بطبيعته امام الطرف التانى صدقينى بيوت كتير كانت حتتخرب بسبب ان الست بترفض تعمل حاجات تندرج تحت العلاقات الخاصة بينهم و من بينها الرقص و اتباعا لمبدا كليو ازاى اعمل كده و ارفع عينى فى وشه تانى ازاى و حاجات من دى الحكاية ان اهالينا بتربى بمبدا الستينات بس ازواجنا مش همه رجالة الستينات و شايفين بلاوى الدنيا حواليهم فى كل حتة يبقى الشطارة ان الواحدة تحافظ على طيرها حلالها بكل وسيلة

[بنت شعنونة]

يا عيني عليك يا س س

في الجووووووووووون والله الكلام

ميزو

كلامك مظبوط

بس معظم النار من مستصغر الشرر

حظي الظريف اني حضرت امبارح حلقة برنامج الحقيقة ل منى الحسيني على دريم وكانت تقريبا على نفس الموضوع " مع انها كانت عن ضرب الزوجات " مش عارفا ازاي!!

المهم الشيخ قال

اول المشاكل كلمة لا

وبجد بجد عنده حق

اصلا لا انا وكيل وزارة ولا انا ها اكون رئيسة بتصور على الهواء مباشرة لو قبلت يد زوجي كل يوم صباحا!

مش زلة يعني! زي بدلة الرقص تماااااام

مدام ابوا تمام انا اتفق مع كلامك جدا

وازيد عليه

تصوري انا دايما لما اشوف والدي او اخواتي اسلم عليهم واقبلهم سواء جوا البيت او براه "روتين يعني"

مرة شفت بابا بالصدفة برة ف سلمت عليه عادي جدا زي ما بعمل في البيت فوجئت براجل كبير معدي جنبي بيقول

" استغفر الله العظيم"

!!!!!!!!!!!!!!!!

كنت ها انط في بطنه من كتر نرفزتي لولا بابا حاشني عنه

[عادل أبوزيد]

بداءة أشد على أيدى كل من شارك فى هذا الموضوع ... حقيقة أمكنكم تغطية موضوع أبسط ما يقال عنه أنه موضوع شائك أو قل حساس ... لقد عرضتم الموضوع و ناقشتموه بقدر عالى جدا من الرقى و الحرفية و الإحترام ... فعلا تستحقون وسام الإحترام أو دعونى أفخر و أتيه زهوا بنخبة من أرقى مثقفى مصر أدامكم الله لوطنكم.

ما سبق كان إستهلالا لابد منه

أستسمحكم فى تغيير العنوان إلى "عن العلاقات الزوجية الخاصة" أو عنوان ترونه معبرا عن الموضوع و نقله إلى باب الأسرة .

لا أعتقد أننا فى مصر نشترى مع جهاز البنت بدلة رقص اللهم إلا إذا كان من مستجدات الأيام الأخيرة.

و دعونى أشير إلى إنطباع أتصوره صحيحا و هو أنه فى المجتمعات المغلقة يصبح الوجه مكشوفا بين النساء و بعضهن و بين الرجال و بعضهم و يدور الحديث و يتكرر عن الجنس الآخر مع الكثير من المغالاة و التهويل .

و قد تكون هذا الإنطباع لدى عقب زيارة لى للسعودية و كنت ضيفا أنا و زوجتى عند أسرة من أفاضل الناس (عند وصولى و زوجتى المطار جاء من يسهل خروجنا من المطار على إعتبار أننا ضيوف الملك) ... و بعد أيام فى حوار بينى و بين زوجتى تأكد لدى هذا الإنطباع و ربما يكون ذلك نتيجة المجتمع المنغلق.

و نفس الشئ تجدونه - أقصد المغالاة و التهويل فى الحديث عن العلاقة الخاصة - فى أحاديث المراهقين و المراهقات.

و حتى أكون أمينا فى مداخلتى أذكر فى سنة 1957 و كنت فى زيارة أحد أصدقائى ودار الحديث بينى و بين أم صديقى هذا عن المرحوم زوجها الذى كان من أغنياء التجار فى المنيا و ذكرت لى السيدة الفاضلة أن زوجها لم يكن حريصا على المال و كان صاحب مزاج و أظن أنها قالت أنه كان عندها بدلة رقص ...

و من هذا لا أستبعد أن حيازة بدلة رقص ليست بالضرورة شيئا مستهجنا.

لا نستطيع أن نقنن ما ينبغى أن تكون عليه شكل العلاقة بين الزوجين فهناك بيوت يكون للطعام الأولوية و تجد موائدهم مزدحمة بأطايب الطعام - و لو بالسلف و الدين - هناك بيوت أخرى يكون إسرافها فى الملابس مثلا ... و هلم جرا

[love_casper]

ابدا اولا بالسلام عليكم

انا بصراحه معجب بالجراءه الى الجماعه هنا بيتكلمو بيها لكن انا معا الراى المنادى بان العلاقه الخاصه ما يحدد ملامحها هم الزوجين نفسهم و لا دخل لاحد فيها ما دامت فى الإطار المحدد من الدين و هنا بقى مربط الفرس بينى و بينكم الشاب دلوقتى بقى هايطلع من هدومه ;) من الى بيشوفه فلازم برده مراته تعوض :D عن الموضوع ده فا ايه المانع ان مراته تحميه من الهباب ده على العموم لحواز مش علاقات خاصه بس لكن تفاهم و ازاى كل واحد يحافظ على الطرف الأخر و التفاهم هنا انهم يوصلوا لحل يرضى الطرفين صح ولا انا غلطان

[بنت شعنونة]

كلام الأستاذ عادل صح جدا

العلاقة يتحكم فيها الطرفين

بس المشكلة انهم ما بقوش اتنين يا جماعا

بقى مجتمع غريب جدا بيبص للبنت اللي تقبل يد والدها على انها عبيطة

وعلى الزوجة اللي تغسل رجلين زوجها على انها عبدة!!

فاهمين قصدي من الموضوع

دا حتى الطرفين نفسهم بقوا بيشكوا في بعض

مثال..

البنت لو حاولت ترضي زوجها عشان ما يبصش برا بحيث انها تبقى "دلوعة" ..." حاولوا تفهموني يعني"

بعض الأزواج بيفهم غلط ويبتدي يشك فيها!!!

نفس الكلام لو زوج مش متعود يبقى كويس لو اشترى وردة فجأة مراته ها تشك فيه!!!!

عالم عجيب! mfb: mf)

[Sherief AbdelWahab]

نونة الشعنونة قالتها .. بكل بلاغة: نظرة مجتمع..

فيه فرق ضخم من بين ما يقوله المجتمع ، ونظرة المجتمع..

في الوقت الذي توجه فيه البنات أنفسهن انتقادات عنيفة جداً لأي ولد أو بنت معه أو معها سيجارة ، أو يتحدث أو تتحدث بعنف ، نجد منهن من تعتبر أن الحياة أصلها الندية التامة ، وأن أي رجل هو عدو مستبد هدفه استعباد المرأة وإذلالها ، سواء أكان أبوها أو أخوها أو زوجها.. حتى زوجها التي تختاره هي تتهمه بأنه مستبد!..

وعليه .. علشان تتعامل مع عدوك حلو .. حاول ما تبينلهوش إنك أضعف منه ..

لهذا رأينا من تسترجل ، وتشوح ، وتشرشح ، وتعتبر احترام الرجل الذي تختاره عيباً..وأن الغرض من الزواج هو أن يظل الرجل مثل رئيس الدولة في أوروبا الغربية : سلطات شرفية وبس ، طول ما رئاسة الوزارة في إيدها!..

منطق مريض..

خلص الكلام