(أحمد فوزي) مجرد وهم !!!

[ابو خليل]

اصل الحكاية .. ان الواد عبد الرحمن ابن اختي ...- وده عمره 5 سنوات بس بسم الله ماشاء الله ربنا (طول بعرض!) -

المهم ان عبد الرحمن مش عايز يروح الحضانة !

=ليه يا ابني ..

-اصل فيه واد مفتري اسمه ( احمد فوزي ) بيخوفني ! وبيقول لي هاضربك fsh:: !!!

= لا حول ولا قوة الا بالله ! طيب ما تقول للأبلة ؟

- ما هو بيقول ان الابلة قريبته !

=طيب والعمل مش هاتروح الحضانة يعني ؟

=هياضربني !

-يا خايب متخافش

= اصله بيلعب كراتية !!!

- يبلعب كراتيه ؟ خلاص بص يا عبد الرحمن انا هاعلمك كام حركة تضربه بيهم لو حب يكلمك !! خلاص ..

= لا هايضربني برضة ...

-هوه اكبر منك ؟؟

= لا اصغر بسنه !

-طيب يا ابني ما دام اصغر منك اضربه ؟

= لا ده قوي .. عارف يعني ايه قوي

- يا ابني طيب اعلمك الاول حركتين تدافع بيهم عن نفسك ؟؟

= يا عم ده جامد وممكن يضربك انت كمان [/color؟

( بصراحة انت ذهلت من رد عبد الرحمن ...واستعجبت ؟مين العيل اللي في حضانة ده اللي ممكن يضرب رجل مثلي ؟؟؟؟!!!ربما كان ابن هركليز !! )

وسألته :

= يضربني انا ؟ هوه عمره كام سنة بالضبط ؟؟

- اربع سنين ؟ بس جبار وبيلعب كراتيه ؟ وبيهدد حتي العيال الكبار قوي ؟؟

تركت عبد الرحمن وهم مرعوب ...

وحكيت لأمه فضحكت وقالت لي :

تعرف لو شفت الجبار ( أحمد فوزي ) ده هاتتعجب ..

ده طفل ( ضئيل ) لا يتعدى طوله نصف متر ... لو نفخت فيه يطير ... بس بيضحك علي العيال وبيقول لهم انا بلعب كراتيه .. أنا ابويا ضابط .. انا امي وكيلة نيابة ...

والعيال بيخافوا منه علشان كده ...

وعمره ما اتخانق ... لانه لو اتخانق هايتفعص !! بس عامل للعيال رعب رهيب ....

أفكر الان في هذا الوهم ( احمد فوزي )

وكيف استطاع أن يضحك علي كل اطفال الحضانة والحي ويصور لهم نفسه علي انه ( الوحش الذي يلا يقهر ) في حين أنه أضعفهم !!

وفكرت أيضا ... فيما يحيط بنا من ألاف ( احمد فوزي )

هم في أنفسهم في غاية الضعف ... في قمة الهشاشة !

ولكنهم استغلوا ما استغلوا ... لكي يسيطروا علينا ...

أنا عن نفسي اجدهم معي... يحيطون بي ... بل اراهم في نشرات الاخبار ... ينفعلون ويتوعدون ... ولا يملكون شيئا ...

حولهم هالة كاذبة من الاشاعات ..

لم يصنعوها هم .. بل صنعناهم نحن بجبننا وخوفنا منهم ...

هل استطعت أن اوصل فكرتي ؟؟

ان كان لا ..

فما عليكم ..

فـ ( عبد الرحمن ابن اختي ) prt: ايضا لم يقتنع بكلامي !!!

وتركني وهو يقول لي :

= اصل انت ما تعرفش أحمد فوزي !

[Cleo]

وما رأيك فى الدول (أحمد فوزى) والدول (عبد الرحمن) ؟؟؟ prt:

[se_ Elsyed]

يابو خليل ما تخبطش في الحلل ... بقى أنت تقصد احمد فوزي ولا مارينجوس الاول اللي بيتحامى وراء القوة الوهمية للبشمرجة والعسس والبصاصين والقلم السياسي ؟

بس بعيداً عن المعنى اللي في بطن الشاعر ... الواد احمد فوزي ده عاجبني .. بجد والله ..

يا عم إحنا في زمن إن لم تكن فيه أسداً أكلتك الضباع ..

وكل واحد لازم يدور له على طريقة يبقى فيها احمد فوزي .. أو فوزية لو كانت جنس لطيف ....

[ابو خليل]

وضعتني المصادفة وحدها منذ يومين أمام هذا الرهيب ..أحمد فوزي ..

والله ما رأيته من ضألته ..

عرفته من صوته بس ..

كان واقف أخر الشارع

وودت أن اضرب به الأرض أمام عبد الرحمن .

لكن الواد عبده أول ما شافه كأنه شاف عفريت ..

وقال لي : يا خبر اسود .. احمد فوزي في الشارع .. ياله نرجع ..

وسحبني ... بسرعة

طيب يا ابني اصبر .. هوه ماسك عليك ذله ..

- ده قوي أنت عارف يعني ايه قوي ...

= يا ابني ده زي الفتلة .. اصغر منك واضعف ..

( وللمرة الثانية يقول نفس الجملة الغريبة )

- ده ممكن يضربك . اصل انت متعرفش أحمد فوزي !!

[أسد]

واضح إنك فعلاً ماتعرفش أحمد فوزي

الموضوع ده حقيقي ..

عبقري ..

أنا معجب به جداً

[bibo]

انا اعرف مكان فيه 20-30الف

احمد فوزى بيتحكموا فى رقاب

72 مليون من عباد الرحمن

:blink: