مباراة الأهلي والزمالك القادمة 12/2/2005

[se_ Elsyed]

مما لا شك فيه بإن مباريات الأهلي والزمالك تحمل طابعاً خاصاً إن شالله لو كان الفائز هايكسب غطيان كازوز ...

وكذلك الحال في سائر البلاد المجنونة بكرة القدم ... فمثلاً في أسبانيا سنجد برشلونة وريال مدريد .. وإيطاليا الإنتر واليوفي ... وأنجلترا الأرسنال ومانشستر يونايتد ... إلخ

وبالرغم من إن الاهلي حسمها بدري بدري وفاز بالدوري ...

إلا إنه هايدفع ثمن سوء التخطيط غالي يوم السبت القادم .. حيث إنه لاعبيه هايبقوا عاملين زي الفسيخة المخلية من كثر الإرهاق ..

فعلى الأقل هناك 6 من لاعبي الفريق الأول واعمدته الرئيسية يلعبون في المنتخب الأول اللي لعب أول أمبارح أمام كوريا .... واللاعيبة دي هايطلعوا من كوريا هايروحوا الكويت عشان الأهلي هايلعب مباراة ودية غداً لتكريم اللاعب الكويتي خالد الجار الله بمناسبة إعتزاله والعملية فيها سبوبة حلوه ... وهايرجعوا من الكويت على القاهرة عشان يلعبوا امام منتخب بلجيكا في مباراة ودية أخرى قوية يوم الأربعاء .. وبعد كده يستعدوا للقاء القمة يوم السبت ...

طبعاً زي ماحنا شايفين فما شاء الله بقوا عاملين زي الرحالة اللي كل يوم في بلد ... وكفاية مشوار كوريا لوحده يهد الجبل ...

والأيام بيننا وبكره نشوف ... وبكره الاهلي يقول ياريت اللي جرى ما كان ... فماتش الكويت ما كنش له أي لازمه ... وما كانش في داعي يلعب باللاعبين المنضمين للمنتخب .

ده مش تسبيق عشان لو الزمالك كسب على فكره ... فحتى لو الاهلي جايب نجوم العالم فمن الممكن ان تحكم ظروف المباراة ويتهزم برضوا ..

لكن نتعشم أن تكون مباراة جيدة ويلعب اللعيبه من غير ضغط عصبي أو خشونة ... ويكون سلوك الجماهير فيها مثالي وفي إطار الأدب والاخلاق العامة ... وربنا يكفينا شر إتحاد الكوره ويبعد عن حكام تركيا وما يجيبلناش المره دي حكام من جزر المالديف ... وكمان يا ريت بالمرة يبعد عن المُعلقين الحمضانين اللي كلنا عارفين أساميهم إن شالله يستوردوا مُعلق من بره ونلم له غحنا اجرته .... أأأأأأأأأأأفففففففف

وبأستغرب جداً هذه الأيام من الإعلاميين المرتزقة اللي عمالين يكبوا نار على البنزين ويشعللوها بين الفريقين بحيث اللعيبة والجمهور يروحوا الماتش وكل واحد شايل خنجر مسموم وراء ظهره وينتظر اول فرصه عشان يطعن فيها خصمه ... !!!!!!! prt: me0: ax: s-:

وبأعيب على إدارة الناديين التي لا تحاول تهدأت الأمور بين الناديين بحيث يساعدوا على وجود روح رياضية بين أكبر جمهورين في كرة القدم ...

ولكن كلها سبابيب والكل بيسترزق حتى لو على جثث الأخرين .

[محمد شلبى]

إلا إنه هايدفع ثمن سوء التخطيط غالي يوم السبت القادم .. حيث إنه لاعبيه هايبقوا عاملين زي الفسيخة المخلية من كثر الإرهاق ..

سى السيد prt:

والنبى يا اخويا ما تبشرش فى وش الاهلى,فال الله ولا فالك يا شيخ

اكيد انت مش سى السيد,اكيد انت احمد رمزى و متخفى pmp::

[theblackpirate2005]

سى السيد بلاش شغل التمويه ده وتقولى تعب ودلع والواد صباع رجله وجعه والتانى نسى الجل بتاعه وكمان الكلام التعبان ده ومتغزيش العين عن الهنود الحمر انتوا كسبانين الماتش كسبانين هو انوا شايفين الزمالك عدل الايام دى

لا وكملتلك يا زمالك وائل عملك فيها متعور عشان يهرب ولغايه النهرده يا عالم ان كان تامر هيلعب ولا لا ونفس الكلام على جمال حمزه اللى شكله ناوى انه يكمل جلعه وميلعبش الماتش وزوكه اللى لعب يوم الحد عشان يلاقيلوا حجه ويقول جاله شد فى العضله الخلفيه الماميه ويهرب من الماتش

عم سى السيد مبروك مقدما عليكم الماتش

انا اللى صعبان عليا الواد ابراهيم سعيد كان نفسه يخلص حقه منكم لكن مش باين عليه هياخد منكم حق ولا باطل عشان اللعيبه الرجاله قوى اللى معاه tot::

[عصام]

إمبارح مجلس إدارة نادى الزمالك أعلن عن مكافأة مالية قدرها 10000 جنيه لكل لاعب فى حالة الفوز على الأهلى tot::

أنا فاكر إن آخر نادى عمل كدا كان السكة الحديد .. et:(

[theblackpirate2005]

دوول لو اتعدلوا بس مش كسبوا ولو حتى معدوش نص الملعب بس اتعدوا مع الهنود الحمر هيبقوا هما الابطال

حازم امام اخر امل لينا فى المباره اتعور وطلع بيعيط من التمرين عشان مش هيلعب الماتش وجمال من كام يوم وهو معروف انه مش هيلعب المباره والقبانى رجعوا تانى يقولو انه 75 فى الميه مش هيلعب الماتش

مفيش امل مفيش فايده انتوالسنادى حظكم بمب ولعه ومكتوبلكم السنادى نهيصوا

jmb-) :P :blink: :D mfb: mfb: