استفسار من اهل الخبره

[محمد حسن الانور]

السلام عليكم....

لو سمحتوا عايز اعرف ايه الاوراق المهمه الي اخدها معايا علي اساس اني هعمل استقدام لمراتي وبنتي بعد السفر الي السعوديه..

بس ياريت توضحولي سواء اصل ولا صوره من الي هاخده معايا وانا مسافر..وربنا يكرمكوا

[مروان]

رغم ان الموضوع قتل بحثا وشنق عرضا هنا لكن لا باس من ذكره علشان محدش يقول المنتدى مبيساعدش حد

1- اصل المؤهل مصدق من الخارجية المصرية والملحقية الثقافية السعودية

2- اصل قسيمة الزوج مصدقة من الخارجية والقنصلية

3- اصل الاقامة لما تطلع باذن الله

4- خطاب تعريف معروف صيغته من الكفيل مصدق من الغرفة التجارية

5- طلب استقدام موجود ع النت وفي شركتك لما توصل باذن الله تملاه وتوثقه وتكتب فيه اسم الزوجة والاولاد مطابق لجوازات سفرهم

6- شهادات ميلاد الاولاد موثقة

وفيه قاعدة هنا في السعودية بتقول ان مفيش قاعدة

بمعنى ان الموضوع اولا واخرا يخضع لمزاج الموظف

ولما توصل بالسلامة هتفهم كلامى

بالتوفيق ان شاء الله

[محمد حسن الانور]

شكرا علي ردك..

بس القسيمه وشهاده ميلاد الاولاد (الاصل).مش بيحتاجوهم هنا في مصر لاستخراج التاشيره ولا استخرج اتنين من كل منهم؟؟؟

وايه الاوراق اللازمه الي تكون مع الزوجه هنا لاستكمال الاجراءات علي العلم انهفي جواز جديد للزوجه والبنت..انا عارف اني تعبتك معايا