مهندس حديث التخرج باحث عن العمل في الامارات‎

[islam ali]

السلام عليكم تحية طيبة و بعد ,

طبعا انا فرحت جدا لما لقيت منتدي زي ده الصراحة حاجة رائعة ان المصريين يسعدوا بعض في الغربة و قلت اكيد حلاقي الرد عندكوا المهم عشان مااطولش علي حضرتكو

انا مهندس ميكانيكا خريج 2012 من جامعة الاسكندرية بتقدير جيد و قررت اسافر دبي عشان ادور علي شغل و عندي حد قريبي هناك حيسعدني في السكن و كده و انشاء الله طالع فيزا زيارة لمدة شهر و ممكن امدها كمان شهر و عندي كام سؤال لحضرتك و اتمني اتي الاقي ردهم عند حضرتكو

هل مدة شهر لشهرين كافية عشان الواحد يلاقي شغل هناك ؟

ايه هية الطريقة المناسبة للتدوير على شغل هناك ؟ هل مواقع الانترنت ومواقع التوظيف وجريدة غولف نيوز كافية عشان الواحد يحط ال CV بتاعو بيها ويتوكل على الله ويستنى بقى حد يتصل بيه ؟ ولا ممكن في حاجات تانية ممكن الواحد يعملها ؟

أنا مهندس جديد ماعنديش خبرة في مصر .. هل من الممكن يقبلوا فيني هناك ؟ مع العلم انكليزيتي جيدة جدا, في واحد من صحابي نصحني أحط في ال CV بتاعي اني عندي خبرة بسيطة في مصر في التكييف , هل ده ممكن يساعدني ؟ أنا قريت معظم مواقع النت دول بيطلبوا خبرة كم سنة وفي الخليج حصرا عشان الواحد يتقدم للوظيفة ... دي أهم نقطة لي بلمناسبة

إذا انشالله توفقت ولاقيت شغل ... ايه هو الراتب يلي لازم أطلبو وأقبل بيه باعتباري فريش؟؟؟؟؟

ايه هية أهم الحاجات يلي لازم أنتبه ليها عند توقيع العقد مع أي شركة عشان ما ينضحكش علي ؟ وحسب القانون الجديد سمعت اني لازم أرجع مصر عشان تحويل الفيزا لفيزة عمل

و شكرا مقدما لحضرتكو :)

[islam ali]

مفيش حد يرد علي اخوكو الصغير .............. افتكروا ايام ما كونتوا زي :)

[herohero]

اللي أنت قولته هو ده اللي بيتعمل وممكن تلف ع الشركات لكن مواقع التوظيف كويسة وبيكون فيها تجاوب واهم شئ انك تحل موضوع السكن لان ده أكثر شئ مكلف هناك انا معرفش السوق وضعه ايه حاليا

وعموما اهي تجربة وانت مش متاح ادمك شئ ف مصر ف ظل هذه الظروف فجرب والامور محتاجة وقت

[islam ali]

اللي أنت قولته هو ده اللي بيتعمل وممكن تلف ع الشركات لكن مواقع التوظيف كويسة وبيكون فيها تجاوب واهم شئ انك تحل موضوع السكن لان ده أكثر شئ مكلف هناك انا معرفش السوق وضعه ايه حاليا

وعموما اهي تجربة وانت مش متاح ادمك شئ ف مصر ف ظل هذه الظروف فجرب والامور محتاجة وقت

عند حضرتك حق البلد هنا حالها واقف خالص ............بس انا كان نفسي حد يقولي بشكل مفصل عشان الواحد ميطلعش علي الفاضي

[islam ali]

انا كل الي محتاجة واحد بس يرد علي اسئلتي مش اكتر :sad:

[islam ali]

مش معقولة مافيش حد فادر يساعد و حتي لو علي اجابة سؤال واحد بس :sad:

[herohero]

يابشمهندس اللي بتقول عليه هو الي الكل بيتبعه بيروح تأشيرة زيارة ويدور وهو ونصيبه وبعدين المنافسة ف دبي عاليه جدا وبالتالي اما يكون فيه عرض عمل مباشر لك او انك تبحث بنفسك باستخدام الطرق المتبعة واتمنى لو حد عنده طريقة يفيدك بيها أكثر بس ده اللي بيتعمل ف الامارات اما ف السعودية فبيدخل ف مغامرة أكثر انه بيشتري تأشيرة وبيروح يدور ع شغل فطبعا تكلفتها أكثر والكويت كذلك

more risk more gain

اما عن الحلول الامنة فهو انك تطلع من مصر ع عقد ووظيفة واضحه