الفائزون فى ترشيحات المنسقين

[هشام عبد الوهاب]

بعد اتمام عملية الفرز لكل الأصوات المشاركة فى الأستفتاء عن طريق التصويت والمداخلات و الرسائل الخاصة تعلن الأدارة عن فوز الأخوة الآتى اسمائهم حسب اعلى الأصوات:

1- سكوربيون ..... 31صوت

2- ابو خليل ....... 18صوت

3- سنايبر.......... 14 صوت

4- كاتاماندو ...... 11 صوت

=========================

ولم يحالف الحظ الاخوة : داركر وحصل على 9 اصوات وفلفل وحصل على 5 اصوات.

ونرحب بالمشرفين الجدد فى فريق الأشراف كمشرفى ابواب .

كما سيتم الأعلان عن التشكيل الجديد لكامل الأدارة فى موضوع منفصل .

[se_ Elsyed]

الف الف مبروك للمتطوعين الجُدد ....

تعالي لي بقى يا دُفعه منك له عشان أحلق لكم زلبطه ... وستيلم المخله والشدة بتاعتك منك له ....

مخالي شِل ...

صفا ..

إنتباه ...

جندي مجند نفر عاده إبن مصر ... تعالى خد المستجدين دول ودورهم مكتب وإدي كل واحد 3 أيام سجن إنفرادي .... كعربون محبه tot::

[إبن مصر]

جميع المستجدين اجمع هنا بالخطوه السريعه......!!!!!!!

انتبااااااااااااااااااااااااااااااه

تمام يا فاندم كلهم .....غياب

اديهم 7-14 ولا اديهم 14-21 ؟؟؟؟؟؟؟

مبروك علينا وربنا معاكم فى الى جاى...

شرفت بمعرفتكم والان مزاملتكم...

سكوب خش جوه انا عايزك!!!!!!

[عصام]

اديهم 7-14 ولا اديهم 14-21 ؟؟؟؟؟؟؟

mc:

يعنى إيه دى؟!!

أصلى ما دخلتش جيش .. أمى ما رضيتش تودينى .. tot::

سكوب خش جوه انا عايزك!!!!!!

إبجى اتوصى بأخينا ديه .. mc: .. أصله معرفة جديييييمة .. B)

[bibo]

أصلى ما دخلتش جيش .. أمى ما رضيتش تودينى .. 

ايه يا عم الحاج؟؟؟؟؟؟؟؟؟؟؟؟ tot::

هو الجيش على ايامك كان بالمزاج ولا ايه؟؟؟؟؟؟؟؟؟؟؟؟

me0: me0:

[ماجد]

مبروك لكل الناجحين فى انتخابات المحاورات

سكوربين و أبو خليل...سنيابر و كتماندو ...

و الى الأمام دائما

[Scorpion]

ربنا يخليك يا اينشتاين زمانك... طول عمرك صاحب واجب tot:: .. بس معلهش يا ماجد... السبحة و الطاقية لسه ما وصلوليش... و لا دي كانت وعود انتخابية لزوم الاصوات يا حاج......

اما انت يا سي السيد ... فنظام صفا و انتباه ده ما ينفعش معانا... يعني احنا كنا مشاة... يعني .... اللي اكلوا التراب... يعني... اللي شربوا الميه من صهاريج البنزين مباشرة... ده لو كنا بنلاقي الميه من اساسه...

يعني حتشتغللي في الازرق حشتغللك في الاخضر... و انت واحد.. و احنا اربعة.... و ابن مصر خليه علي جنب لا يروح في الرجلين من تحت راسك....

و فتح عينيك تاكل ملبن...

عايز عشرة يكتفوني.....

ال مخالي شل ال

نياهاهاهاهاااااااااا

[محمود تركى]

مبروك للأخ سكوربيون, و نتمنى له نجاحا باهرا فى هذا المنصب.

و مبروك أيضا لبقية الفائزين,الأخوة:

أبو خليل

سنايبر

و كتاماندوا.

أتمنى لهم دوام الرفعة,

[وليد صفوت]

الف مبروك لسكوب على هذا المنصب الذى يستحقه عن جدارة ,...و ألف مبروك لسنايبر ( كنت واثق من نجاحه ) , و الف مبروك لأبو خليل و كتاماندو,....

و إلى الامام ,..

تم تعديل 11 فبراير 2005 بواسطة Violinking

[SnipeR]

احم......

اخجلتم تواضعنا - وش واحد محرج -

وفعلا بجد شكرا علي التهنئة يارب نكون قد ثقتك

الف مبروك لسنايبر على هذا المنصب الذى يستحقه عن جدارة ,...و ألف مبروك لسنايبر ( كنت واثق من نجاحه ) , ,....

اشمعني؟انا شخصيا كنت مكتفي بالتمثيل المشرف jmb-)

اما انت يا سي السيد ... فنظام صفا و انتباه ده ما ينفعش معانا... يعني احنا كنا مشاة... يعني .... اللي اكلوا التراب... يعني... اللي شربوا الميه من صهاريج البنزين مباشرة... ده لو كنا بنلاقي الميه من اساسه...

احطه ف وسط الكروس يامعلمي وصباعي ع الزناد :P - وش واحد سنايبر قديم -

[وليد صفوت]

إحم .... على فكرة أنا أتلخبطت و كتبت سنايبر مرتين .......... المفروض تبقى أول مرة ( سكوب ) بدل سنايبر و تانى مرة سنايبر بحق و حقيقى ,...........

معلش يا سكوب جت فيك المرة دى ,........ سنايبر .......... كفاية عليك مرة واحدة بس !!!!!!!!!!!!!!!

[Scorpion]

عزيزي متفرج.. شكرآ علي أمنياتك الرقيقة.. و سنصير دائمآ جميعآ في المقدمة بمساعدتك أنت و جميع أعضاء المحاورات..

ماشي يا عم فايولين... و لا يهمك أنا و سنايبر واحد.. و انا برضه كنت فاهم كده.. بس معلهش بعد المنصورة و العزف المنفرد قدام الشخصيات الكبيرة ... خلاص بقي يا عم ..وصلنا...

[ماجد]

ربنا يخليك يا اينشتاين زمانك... طول عمرك صاحب واجب .. بس معلهش يا ماجد... السبحة و الطاقية لسه ما وصلوليش... و لا دي كانت وعود انتخابية لزوم الاصوات يا حاج......

امممممممممممم ....

مش معقول اللى بتقوله ده :o

طيب دور هنا ولا هنا .... :o

لو مالقيتهمش يبقى عليك و على قرية البضايع اللى عندكو

و اغمز عم مانولى اللى على البوابه ب 3-4 يورو هايطلعوا على طول

روح انت بس كده و بعدين قابلنى

:D

[darker19]

الله الله يعني أغيب شوية في الإمتحانات تقومو تتخلوا عني قوام, ماشي بس خليكم فاكرينها

على العموم مبروك لكا الفائزين