تعالوا نقول ~~~~ كفاية حرام ~~~~

[se_ Elsyed]

بجد والله انا حاسس إن من هنا لحد أكتوبر الأسود هايحصلي حاجة من كثر اللي الواحد بيقرأه في جرايدنا الزبالة دي او الاخبار الهلامية اللي بنسمعها في قنواتنا المصرية الحكومية العبيطة ... والتي تزيد قناعة الواحد وتخليه متشبث بقول لا .. لا لمبارك ولا للظلم ولا للتجديد ... وحرام بقى عليكوا ..

عينة من اللي قرأته النهاردة وجابلي أسقربوط :

طبعاً المساء ... وخلوا بالكم ده في صفحة الرياضة ( شوفتوا الظلم وصل لحد فين ؟.. يعني وراك وراك وهانشربهولكوا بالمعلقة حتى لو روحت صفحة الوفيات ممكن تلاقي خبر بيقول : ( المرحوم سيد برعي ومعه لفيف من أموات تُرب المجاورين ومقابر الغفير يبايعون السيد الرئيس لفترة ولاية خامسة .. وبيقولوا له إحنا منتظرينك تشرفنا هناك يا ريس )

طلبة وطالبات الجامعات..يبايعون الرئيس مبارك

المنصورة "بريمو" في السباحة.. ومنافسات ساخنة في التنس والطائرة وألعاب القوي

مصطفي عزت

نادر عمارة

محمد سلامة

أعلن طلاب وطالبات الجامعات المشاركون في فعاليات أسبوع الشباب مبايعتهم للقائد والزعيم الرئيس حسني مبارك لفترة رئاسة جديدة لاستمرار مسيرة الديمقراطية والتنمية والاستقرار الذي تعيشه مصر.. أكد د. أحمد منصور الأستاذ بكلية الأطفال بجامعة المنصورة ان جميع هيئة التدريس والطلاب يشعرون بسعادة كبيرة لتشريف الرئيس مبارك ليكتب شهادة ميلاد جديدة لفعاليات الاسبوع الشبابي ويعطي دافعاً قوياً للجامعات لمزيد من المنافسة الشريفة.

..والزمالك..يبايع مبارك

رئيس النادي: الديمقراطية التي نعيشها في عهد الرئيس دعم لمسيرة العمل في الأندية بحرية تامة

كتب جابر أبوالنجا:

أعلن الدكتور كمال درويش رئيس نادي الزمالك مبايعة أعضاء وجماهير النادي للرئيس حسني مبارك لفترة رئاسة جديدة لأنه أرسي قواعد الديمقراطية التي يتمتع بها المجتمع المصري حاليا. جاء ذلك خلال مؤتمر عقده لإعلان قائمته التي سيخوض بها انتخابات النادي التي ستجري في أول إبريل القادم.

أضاف: لولا الديمقراطية التي نعيشها في عهد الرئيس مبارك ما كنا نستطيع إجراء انتخابات في الأندية بهذه الحرية التي نتمتع بها الآن.. ودعمت مسيرة العمل في الأندية بحرية تامة.

تعالى يا محبط ومعاك الزملكاوية شوفوا رئيسكم بيعمل إيه

وعشان البؤين بتوع كمال درويش دول .. إيه رأيكم هانلبكوا 10 يوم السبت الجاي .. وإبقى أفتكر .. فمافيش حد مشي في الطريق ده وفلح يابني ..

[lالمطحون]

كفايه حرام الرحمه يارب ده والله الموت افضل من الهبل اللى احنا فيه وعلى فكره كمال درويش حط اخر مسمار فى نعشه ويبقى يشم رئاشة الزمالك ولو ان الوزير ممكن يمسكه مركز شباب القللى اه على اده ومستواه كانها نقصاه سى زفت درويش راخر 00000

الرحمه يا رب ------------------------------ كفاىىىىىىىىىىىىىىىىىىىىىىىىىىىىىىىىىىىىىىىىىىىىىه

[Salwa]

انا من كام يوم عندما رأيت بالصدفة البحتة ....مهرجان المنصورة

اللى حضره ...السيد الرئيس..

وتأملت (( الجمهور المحتشد ))...

وتفكرت ....فى مشاكل الشعب والمشاكل الخارجية ..

ورأيت مجموعة الوزراء ورئيس الوزارة وهو ياحرام ..ظهره وجعه من كتر الانحناء ...كل شوية ...حتى لاتفوته كلمة او همسة تخرج من فم الرئيس ..

صعبت على نفسى قوى ..........

كان نفسى ابكى .بس اللى جالى بالضحك ...ضحك هستيرى ...

الله؟؟؟

طيب مانا كمان والله العظيم ممكن اعمل رئيس ....واكون اجدع من اى رئيس....قصدى رئيسة ..

هو بس ناقصنى ......دولة ....(( يكون ناسها طيبين برضه ))..

عاوزة ادور لى على دولة علشان اترأسها ..

يعنى هى مهمتى حاتكون صعبة ؟؟؟؟؟؟؟؟؟؟؟

لالالالا.............

كل يوم حايكون برنامجى كالآتى ....

افتتاح افتتاح افتتاح ........ثم.....استقبالات استقبالات استقبالات

ثم.........شجب....شجب.....ثم...تعاطف تعاطف...ثم....

منح منح منح ...وسام الصداقة ووسام السلام ووسام السكوت ..

ثم من وقت لآخر .نظرة للاطفال اللى ياحرام بيمشوا حافيين نروح نعمل لهم حفلة يسمعوا شوية اغانى علشان يفرحوا ..

ثم نزور ملجأ او دار ايتام او مركز تطريز ......ونرسم بسمة وقت التصوير .............بس خلاصصصصصصصصصصصصصص.

[Shams100]

والله عندي نفس الاكتئاب بس لازم نعمل حاجه علشان ربنا يكرمنا اسعىيا عبد وانااسعى معاك وعندى استفسار كيف رغم كل المسئوليات والحرمان الذى يعانى منه الرئيس لدرجه انه لا يستطيع ان يذهب الى اي رستوران ولذللك يضطر الى الذهاب الى شرم الشيخ او الى اى استراحه ورغم كل هذا الالم الا ان ما شاء الله ليس عنده شعره بيضاء سبحان الله

[مصرى]

ليس عنده شعره بيضاء سبحان الله

الباشمهندس بيصبغ tot::

[ابو حلاوه]

كفاية نقول كفاية ......... كفاية محتاجة ان تصنع لا ان تقال

[محمود تركى]

كل ديكتاتورى العالم ثبت أنهم مصابون بجنون العظمة ( و ليس العظمة بسكون الظاء) .

و المجنون, يعمل ما يعجبه. و ليس عليه حرج.

[أسد]

كفاية ...

كفاية ..

كفاية ..

كفاية ...

كفاية ..