انت بتحب مبارك ليه ؟ .. و انت بتكرهه ليه ؟

[alnoobi]

يا اخواننا الريس بالنسبه لنا هو تلخيص لكل الحكم بأشخاصه و قوانينه و أدواته ... الخ بمعنى انه لو أنا مبسوط و راضى عن الحكم حأعتبر ان الريس فى النهايه هو سبب سعادتى و رضائى و أكيد بالتالى حلاقى نفسى باحب الراجل ده .

و لو كنت على العكس مش مبسوط و غير راضى عن الحكم أكيد حلاقى نفسى كاره الريس و مستنى لما سيدنا عزرائيل يدلى بصوته بحكم انه الوحيد اللى له حق التصويت ( بجد ) فى البلد دى !!

طيب ماتيجوا كل واحد مننا اللى بيحب الريس يقول لنا بيحبه ليه و يختار سبب واحد .. أهم سبب عنده .

و اللى مش عاوزه يقول لنا برضه ليه و يختار سبب واحد .. برضه أهم سبب فى رأيه .

أنا مش باحب الريس لأننا فى القرن 21 و بلدنا لسه فيها خيار و فاقوس و القوانين بتتعمل علشان تمشى على الصغيرين بس .

أنا نفسى ف بلد القانون فيها يمشى على الكل .... بس خلاص !

[مصرى]

إدارة عشوائية لشئون الدولة تسببت فى الضعف والتدهور وسيطرة عصابات المنتفعين على مقدرات الأمور

24 سنة من الحكم الواحد كثيرة جدا .. يجب التغيير

تزوير الانتخابات والاستفتاءات ليس له سوى معنى واحد هو اغتصاب السلطة والشرعية .. يجب أن يتوقف .. فلا يمكن أن نعيش هكذا مدى الحياه .. العالم يتطور من حولنا كفانا تخلف

[lالمطحون]

لى فكره لايحب الريس الا مجموعة الارزقيه والمنتفعيين اللى حواليه واللى حواليهم وهما بيدافعوا دفاع الابطال عن مصالحهم مش عن مبارك ولا غيره دى سبوبه بس ايه مش اى كلام مليارات وبعد كده نقول ديموقراطيه بلا نيله