وزير التخطيط : متوسط دخل الفرد المصري 7000 ج

[se_ Elsyed]

صباح الخير يا جماعة ....

تعالى يابني فرق على كل واحد هنا حباية الضغط مع بؤ ميه .. وجهز النقالة عشان الضحايا اللي هايسمعوا الخبر

الجمهورية 10/2/2004م ( كذبة فبراير )

وزير التخطيط:

متوسط دخل الفرد في مصر سبعة آلاف جنيه

حل مشكلة البطالة ليس بقرارات حكومية

أكد الدكتور عثمان محمد عثمان وزير التخطيط اهتمام الرئيس حسني مبارك بصفة دائمة بمحدودي الدخل حيث تم تخصيص مبلغ 5.102 مليار جنيه في موازنة هذا العام للدعم منها 26 مليارا للتعليم الجامعي وما قبل الجامعي و9 مليارات للصحة و4 مليارات و500 مليون للخدمات الاجتماعية والثقافية والرياضية.

جاء ذلك خلال محاضرة ألقاها وزير التخطيط بجامعة المنصورة في أسبوع شباب الجامعات الذي تستضيفه الجامعة حاليا وموضوعها "مستقبل التنمية في مصر".

أكد الوزير أن متوسط دخل الفرد المصري يبلغ 7 آلاف جنيه في السنة وهو يعادل 3200 دولار وأن معدل الفقر في مصر يصل إلي 12% وأن الحكومة وضعت استراتيجية لخفض هذه النسبة إلي 3%.

قال إن حل مشكلة البطالة ليس بصدور قرارات حكومية بل ان دور الحكومة هو تشجيع القطاع الخاص علي زيادة نشاطه الاقتصادي لاستيعاب فرص عمل جديدة... مشيراً إلي أن نسبة البطالة تصل إلي 10% والمستهدف خفضها إلي 3% في عام .2015

ما فيش أي تعليق ينفع هنا لا مؤخذه وسامحوني في اللفظ غير " آه يا ولاد الكددددددددددددددددددددددددددابه "

ده إيه النظريات الإقتصادية السكسونية دي ... بقى متوسط الدخل 7000 ج .. يعني 583 ج في الشهر ؟

طب وإيه جيوش العاطلين اللى عندنا دي ؟

وإزاي وفي احياء فقيرة وناس موظفين محترمين كل يوم رايح الشغل وجاي من الشغل ومرتبه 150 ج في الشهر ( ده لو قديم شويه ) ؟

على فكره نفس البؤين دول كان قالهم عاطف عبيد برضوا قبل ما يموت بالسكتة التغييرية الحكومية .. وسأله ساعتها الكاتب المحاور مستفيد فوزي .. فجاوبه إجابه ظريفة تحمل كل أفكار الصياعة الإقتصادية الهلامية .. اللي ماحدش هايسأله ويقوله إنت عملت كده ليه .. وإيه التخريف اللي إنت بتقوله ده ... فقال له إن الرقم بيطلع كبير شويه لإننا بنقسم الدخل القومي الإجمالي على عدد المواطنين اللي بيعملوا بالفعل "

يعني بتوع الحكومة والقطاع الخاص بس ... وباقي الشعب مش محسوب ويروحوا يشوفوا لهم دولة تانية .

[ahmedawad]

يظهر فعلا ان متوسط دخل الفرد في مصر 1500 دولار في السنة jmb-)

http://www.khayma.com/ramadan/arabischbotschaft.html#D

وفي لبيا 5400 دولار

وفي لبنان 4000 دولار

وبالطريقة دي ممكن نزود متوسط دخل الفرد عن طريق زيادة البطالة والمعاش المبكر

[سقراط المصري]

انا عندي توضيح للنقطه دي:

1- منذ عشر سنوات شغلت (ولازلت) وظيفه جامعيه محترمه :P ، المهم مرتبي اللي كنت بقبضه في يدى اول طلعه شمس كل شهر كان 230 جنيه مصري.

2- لسبب او لاخر عملت مفردات مرتب ، فكان اصل هذا المبلغ هو 48 جنيه.

3- وشويه بنود مثل بدل مسح السبوره ، وبدل صباح الخير يا جاري ، يصل المرتب الي 600 جنيه مصري :D

4- بعد ذلك كان بند الضرائب ، مثل ضريبه زنبه على جنبه ، ليصل بعد الضرائب الي مبلغ 230. jmb-)

5- اي ان الضريبه كانت اعلى من نصف المرتب اللي على الورق.

طبعا الوزير يقصد المرتب قبل الضرائب (ويمكن للوزير اثبات ذلك لانه كله على الورق)، ولايقصد المرتب الفعلي المقبوض في اليد.

ملحوظه اخيره، اعتقد انني اقبض الان في مصر مرتب سنوي 12000 جنيه

وعليه فسؤال للاذكياء، انا بقبض كام دلوقت في يدي شهرياً :blink: ؟

ههههههههههههههههههه ال دكتور جامعه ال

سقراط

[theblackpirate2005]

[]أكد الوزير أن متوسط دخل الفرد المصري يبلغ 7 آلاف جنيه في السنة وهو يعادل 3200 دولاراوأن معدل الفقر في مصر يصل إلي 12% وأن الحكومة وضعت استراتيجية لخفض هذه النسبة إلي 3%.

هو الوزير ده كان بيتكلم فين بالضبط

ده لو فى مستشفى المجانين كانوا المجانين لبسوه الجلبيه

هو الدولار بقى باتنين جنيه النهرده عشان يقول 3200 دولار فى السنه ودوا الوزير الحضانه تانى من اول وجديد عشان يتعلم الحساب

والفقر بقى 12 فى الميه الكلام ده انا مش عارف فين بالضبط لكن فى مصر يبقى الراجل ده اكيد فى مستشفى المجنين بيتكلم هو مش شايف اللى قاعدين على الرصيف قد ايه وااللى بيمسحوا عربيات قد ايه واللى كالين القهوى دوول قد ايه

من الاخر الراجل ده لعبيط لبيستعبط