فضيحة استاد المقاولون على الهوا فى بلجيكا

[محمد شلبى]

والله العظيم حرام اللى بنعمله فى نفسنا ده cbyb: .

رغم الفوز الكبير والمباراة الرائعة التى اداها المنتخب بالامس, الا انى كنت مضايق جدا من اللى حصل لانه فضيحة عالمية بكل المقاييس.

اقروا معايا المقال ده واحكموا بنفسكوا

شفتوا الملاعب بره عاملة ازاى؟

هل عجزنا عن انشاء ملعب واحد محترم يشرفنا امام العالم فى مثل هذه المناسبات؟ jmb-)

كنت باتفرج على الماتش على دبى الرياضية وكان المعلق مصمم طول الماتش ان سبب الاداء البلجيكى الضعيف هو خوف اللاعبين من الاصابة لسوء ارضية الملعب الذى لا يصلح للعب كرة القدم من وجهة نظره هو كمان.

الرحمة يا رب.

[se_ Elsyed]

الله يسامحك يا دكتور محمد ... سديت نفسي .. وكنت داخل اكتب كلمتين حلوين واتغاضى عن منظر الملعب اللي شبه الجُرن اللي كنا بنلعب فيه لما بأسافر البلد وانا صغير ...

روح يا شيخ ... ربنا ما يغلب لك فريق .

[se_ Elsyed]

لا أزعم إني بأفهم في الزرع أو النجيلة أو أرضيات الملاعب ...

ولكن منظر أرضية الملعب المرعبة بتاعت إمبارح اللي شبه ملاعب دول أفريقيا الي كانت ورانا بمية سنة ( ودلوقت سبقونا على فكره ده انا بأشوف ملاعب هناك تجنن ) فده خلاني أسأل نفسي سؤال : هي عدم اللامؤخذه إمبراطورية المقاولين العرب بجلالة قدرها ما عندهمش واحد جنايني ومعاه خرطوم يرش بها الأرض البور دي اللي من الواضح إنه ما أنضربش فيها فأس من أيام العدوان الثلاثي ...

مش هاتكلم عن نجيله صناعي أو ترتان أو فلان أو علان ... ولكن الأرض طينية و100 % وشويه ميه في الطراوه يخلوا حشائش السفانا تنمو فيها مش النجيلة العادية ...

وعلى رأي المثل ... قال كانوا عايزين ينظموا كأس العالم قال .. إنت راخر خدنا على دماغنا وأعطونا ما نستحق وهو الصفر المتين ... وفعلاً لو في حاجة تحت الصفر 0( درجة التجمد ) كنا نستحقها ...

وأراهن إن ماكنش القائمين على الإستاد بتتصرف لهم ميزانية بالملايين وبيصرفوها على كروشهم تحت بنود تطوير الإستاذ ..

وبمناسبة الإستاد ... فاكرين كان يا ما كان يا سعد يا إكرام ولا يحلى الكلام إلا بذكر النبي عليه الصلاة والسلام .. كان زمان في عندنا إستاد إسمه إستاد القاهرة ... وكان سعتة 80 ألف مُشجع غير اللي كانوا بينطوا من فوق السور ( عملتها مره في ماتش زيمبابوي بتاع الطوبة .. مع إن كان معايا تذكرة .. بس ماريضيوش يدخلوني والامن المركزي جري ورانا بالخيول وضربونا ) هذا الإستاد دخل دلوقت في اكثر من سنة وإختفى وزي ما يكون الواد ديفيد كوبر فيلد خفاه وحطه في منديل وبعته في مكان غير معلوم ...

طبعاً بيخرج علينا الأشاوس وبيقولك إن إحنا أنفقنا لحد دلوقت العديد من الملايين عشان يبقى منظره حلو في كأس الأمم الأفريقية اللي ناقص لها سنة ....

وإبقى قابلني لإن قديماً قالوا " إيش تعمل الماشطه في الوش العِكر "

وبدل عشرات الملايين اللي إتصرفت على بناء متهالك ويقع في منطقة من أشد المناطق زحاماً في القاهرة ..

كنا ممكن ببضع ملايين أنشأنا إستاد جديد في أي منطقة صحراوي خارج القاهرة بحيث الناس تلاقي مواقف لسيارتها ولا تُعاني الأمرين لو غلطت ورحت إتفرجت على ماتش كوره ...

لكن تقول لمين وتعيد لمين ... دي عقول عجالي يا عم ...

[theblackpirate2005]

احنا نلخص الكلام ده فى 3 نقط

الاولى دى نتيجه طبيعيه للوضع اللى بلد ماشيه فيه هو فى حاجه فيها عدله لشمعنى الملاعب اللى هتبقى عدل

التانيه الاتحاد ليه مصمم انه يخلى المباريات تتلعب على ملعب المقاولون

معنده دلوقتى ملعب واحد عدل يتيم فيكى يا مصر

الملعب بتاع حرس الحدود فى الاسكندريه مش لازم ان المباريات تتلعب كلها فى القاهره مهما لعبوا قبل كده فى بورسعيد

التالته الملعب لعب دور كبير فى فوزنا امبارح احنا مشفناش لعيبه بلجيكا بيتزحلقوا على الكوره زى مبيحصل فى مبارات بره اللى بتتلعب فى اوروبا عشان خايفين على رجليهم

انا شفت شويه فى ماتش اليونان والدنمارك اللى اتلعب امبارح فى نفس الوقت وكان فى اليونان اتعقدت بجد دول بيلعبوا على بساط اخضر بجد واحنا بنلعب على اسفلت مش ملعب

وقال ايه ننظم كاس العالم ده كمان 10000سنه ان شاء الله me0:

[MKG]

فاكرين كان يا ما كان يا سعد يا إكرام ولا يحلى الكلام إلا بذكر النبي عليه الصلاة والسلام .. كان زمان في عندنا إستاد إسمه إستاد القاهرة

و الله يا اخ سى السيد حسب ما سمعنا ان فيه تجديدات مهولة بتجرى الان فى الاستاد و على العموم الزمن يكدب الهجاس

[egyption]

احنا اتفضحنا فضيحة بجلاجل بصراحة انا لما شفت الماتش تصورت انهم بيلعبوا في احدي الحدائق العامة مش استاد وكمان المذيع المنافق الي كان بيتكلم بيقولوا وزراء ومسئولين ومش عارف مين .. كانوا حاضرين والنبي متكسفوش انهم يحضروا متش في استاد زي ده .. فعلا ناس معندهاش دم :rolleyes:

الله يستر علينا في كأس الامم وميلعبوش الفرق المردة دي علي ارض اسفلتية :rolleyes:

تم تعديل 15 فبراير 2005 بواسطة egyption