المعلق الرياضى وزفة النفاق

[mohamed dahshan]

المعلق الرياضى وزفة النفاق

كنت أشاهد كغيرى من المصريين (فى الخارج) مباراة كرة القدم بين منتخبنا الوطنى المصرى ومنتخب بلجيكا .. وناهيك عما حدث قبل اللقاء من اعتراض لاعبى بلجيكا ومدربهم وادارييهم على سوء أرضية الملعب .. وناهيك عن أى شىء آخر حدث فى المباراة من نتيجة أو غيره .. فالذى نغص علينا المباراة وعكر مزاجنا فى الوقت الذى كنا نتصور أننا نستمتع به بعد عناء يوم من العمل فى بلاد الغربه .. هو ذلك المعلق الرياضى المتفزلك المتحزلق والذى أبى أن تفوته زفة النفاق الكبرى المقبله عليها مصر هذه الأيام .. فكلما جاءت الكاميرا التلفزيونية على مشجعى فريق بلجيكا تغنى مدحت شلبى على الفضائية المصرية بالأمن والأمان والرخاء والسعاده والهناء والاستقرار والعظمة والحضارة التى يعيشها الشعب المصرى فى ظل قيادته العظيمة ورئيسه المؤمن العادل الحكيم الذى لا يأتيه الباطل من بين يديه ولا من خلفه!!! .. تكرر هذا المشهد أكثر من مرة خلال المباراة !!.. ولا أعرف بالضبط فى الحقيقة ماهى علاقة حسنى مبارك بمباراة فى كرة القدم ودية بين فريقين .. أنها عادة كذابى الزفه اللذين يردون كل شىء يحدث فى مصر الى أفكار وتعليمات وتوجيهات وتخطيطات (خطط) .. وتنبيهات وايماءات وايحاءات فخامة الرئيس المفدى .. ان السيد شلبى أراد أن يزج بأسم فخامته متحدثا عن النعيم الذى تعيشة مصرنا الحبيبة ( وكأنه يتحدث عن بلد آخر ) ناسيا أن كل من كان يشاهد المباراة لعنه بل وربما سبه على كذبه ونفاقة .. الى متى أيها الأخوة ؟ .. أرحمونا يا ناس حرام عليكم .. كفاية كذب ونفاق .. نحن نشاهد مباريات فى أوروبا بل وفى آسيا واليابان وأمريكا كمان ولم نسمع قط المعلق يحشر أسم رئيس أو ملك أو رئيس الوزارة فيما يحدث فى المباراة أو فى المدرجات.. (ولا أعرف لماذا لم يتحدث عن سوء أرضية الملعب ويخاطب الرئيس ويسأله عنها أم أنه غير مسئول عن أى شىء سىء .. هو مسئول فقط عن الشىء الصالح).. وحسرتاه على مصر!!.

[se_ Elsyed]

بالمناسبة يا عم محمد يا دهشان ( معروف عن الدهاشنة إن جلبهم حامي )

مدحت شلبي لواء شرطة ... فلازم وحتماً ولابد يبقى مطبلاتي ومزمراتي ...

بس الي عجبني إمبارح في كلامه إنه كل شويه يكرر موضوع إنه بيقول الكلام د عن الرئيس القائد حسني مبارك " من قلبه مش من حته تانية " قالها بنفس النص كده يا جماعه وعمال يأكده على الحته التانية دي ...

والراجل كان عايز يُزيل أي لبس ممكن يحدث عند المستمعين في إنه بيتكلم من قلبه مش من حته تانيه :P jmb-) ومش عايزين نفسر اكثر من كده ...

حصل خير لأ حصل خير صحيح ...

يا عزيز دهشان إحنا في الهاي سيزون دلوقت ... واللي مش هايلحق نفسه ويبايع ويطبل ويتحزم ويرقص كمان .. ممكن يروح في الكازوزة ...

وخلي بالك التجديد المحسوم لفترة قادمة سوف يكون مقروناً بتغييرات وزارية وتغييرات محافظين وإنتخابات مجلس شعب جديدة ... فاللي مش هايكون معانا في تلك الفترة الحرجة .. هايركب الطفطف وهايلاقي نفسه في الشارع ....

وبعدين يا اخي إنت نسيت شعارنا ولا إيه ؟

" إبتسم أنت في نفاقستان "

[mizo1957]

أخي ألدهشان

أتفق معك تماما

لقد كان هذا ألمعلق مستفزبضوره غير عاديه

فبألاضافه ألي شويه ألنفاق ألمقززلا تنسي مصطلحاته ألسخيفه من عينه

يانهار أبيض يانهار ابيض

أيه ياواد ألأجرام ده

أخي س س

اضحكتني في زمن عز فيه ألضحك

[theblackpirate2005]

jmb-) :P :blink: :D mfb: mfb:

[kokowawa1979]

بعد مباراة مصر وبلجيكا : مدحت شلبي مرشح لوزارة الداخلية !!!!!

[R.M.G.]

هذا المعلق منافق وطبال بالسليقة كده من غير ما يقصد هو بينافق وخلاص ومنذ عدد ليس بالقليل من السنوات أوقف عن التعليق بعد فضيحة نفاقية عملها لما كان مش عارف مع منتخب ايه في دولة خليجية وجاء ليعلق على احدى المباريات ليصف صنوف الطعام التي قدمت له وكيف ان الخدمة كانت 5 نجوم وازاي اللحمة كانت مشوية وأنواع السلطات التي قدمت لسيادته والراجل كان ممتن جدا ليهم ومش عارف يودي جميلهم فين الا انه احتفظ لهم بهذا الجميل في قلبه وبصدق يعني ومش في اي حتة تانيه

عزيزي س س هو قال بالحرف أنه أحلى ما كان باللقطه اياها صورة الرئيس حسني مبارك دي اللي قال فيها ان الكلام ده من قلبه وحاشا لله أن يكون من القولون أو الطحال وكيف لا يفوز منتخبنا والرئيس رياضي بطبعه طب يا ابن ال....... البعيد ماهي الرياضه في مصر متنيله على عينها من ساعة ما وعينا ع الدنيا ايه اللي جد يعني ؟ كا ناقص يقول ان منتخبنا كسب بسبب التشكيلة الجديدة التي نصح الرئيس بها والخطة التي وضعها سيادته بجد يعني م القلب مش من اي حتة تانية

[se_ Elsyed]

بالمناسبة ..

بعد مباراة الأهلي والزمالك الاخيرة ..

والتي أستخدم فيها سيادة اللواء واء واء .. مدحت شلبي ألفاظ شوارعيه زي يا مجرم .. ويخرب بيت اهلك والكلام ده ..

أصدرت ست الحسن زينب سويدان رئيسة التليفزيون قرار يمنع المعلقين الرياضيين من إستخدام مثل هذه الالفاظ التي تصل إلى مسامع الناس في بيوتها .. وقالت إن اللي هايستخدم ألفاظ زي دي هاتكشف راسها وتدعي عليه دعوة وليه ساعة مغربية ...

ومع ذلك صاحبنا البلطجي لسه بيستخدم نفس الألفاظ واللي مش عاجبه يشرب من البحر ..

وبالتأكيد هو يرى نفسه اقوى من رئيسة التليفزيون وهايقول اللي هو عايزه ومش هاتقدر تفتح عينها فيه ....

واللي يغظيك بقى في البلد دي بصراحة مقولة شهيرة قوي للأخ الرئيس القائد محمد حسني مبارك وهي حكاية " التكويش على المناصب ) وللحق الرئيس بعيد عن كده تماماً

فتلاقي مدحت شلبي ده .. كان رئيس الحرس في جامعة عين شمس .... وعضو مجلس إدارة إتحاد الكوره ... ومدربكوره فاشل في نادي الشمس وكان كل مره يبقى على وشك إنه يخليهم ينزلوا درجة ثالثة ... ومعلق رياضي ... ومقدم برامج .... وحاجة تقرف ...

بس السؤال اللي نفسي أسأله بقى : مع العشروميت شغلانه اللي شغالينها ... الناس دي عايشه حياتها العائلية إزاي ؟.. يعني بيقعد مع أم أبراهيم مراته إمتى ويشوف هي عامله إيه وقبضت الجمعية ام 100 ج اللي مع الجيران ولا لسه ؟ ... ويشوف العيال راحوا الدرس الخصوصي ولا لأ؟ أو جايبين كحك في شهادة إمتحانات الشهر ليه ؟

سؤال لسه متظر إجابته