تطوير المناهج التعليمية لخدمة سوق العمل

[impossible]

نظام التعليم فى مصر كان له معنا مناقشة جيدة جدا لما له من تأثير شامل و كبير جدا على الفرد و تكوين شخصيته و بالتالى المجتمع ككل .

مازلنا فى موضوع التعليم ,حيث تحول حديثنا الى تطوير المناهج التعليمية لخدمة سوق العمل , و كانت لنا مع هذا الموضوع مناقشة طويلة التهمت معظم الوقت المتبقى ,...

ايوة لغاااااااية هناااااااااااااااا و استتتتوب

بيت القصيد مش بيقولوها كدة

تطوير المناهج لخدمة سوق العمل و نظام التعليم نفسة

اسلوب الامتحانات الذى لا يقيم مستوى الطالب

مش عارفة ان كنت افتح فى مهازل التعليم الطبى فى مصر

كفاية من الاخر انى اقول ان شهادة الدكتور المصرى مش معترف بيها غير لو عمل معادلة امريكاوى و لا زمالة بريطاانى

بس ازااى يتم تطوير العملية التعلمية والمناهج.................

بخطوات عملية و واقعية نقوم احنا(الطلبة)بيها؟؟؟؟؟؟؟؟؟؟؟؟؟؟؟؟؟؟؟ فالنظام و الحكومة لوحدهم ايدك منهم و الارض

و الى اللقاء فى محاولات اخرى فاشلة

كان معكم مراسلتكم من كلية الطب :blink: :D

جامعة المنصورة الشهيرة بارض الظلمات jmb-) :P

[عادل أبوزيد]

الفاضلة إمبوسيبل

سعدت للغاية بمشاركتك هذه و حرصت أن أكتب إليك فى وقتها.

بأناملك الرقيقة هذه و أنامل مجموعة صغيرة من زميلاتك و زملائك تستطيعون أن تغيروا الكثير .. إلى الأحسن

و لتكن البداية طلب إنشاء شعبة فى النقابة للطلبة و يمكن حتى يتم ذلك الإلحاح بإسترار على قضايا التعليم الطبى و سوق العمل و كذا ظروف عمل شباب الخريجين - من كليات الطب - و اللذين يطوفون البلاد طولا و عرضا بحثا عن عشرة جنيهات من هذا المستوصف و مثلها من ذاك المسجد و هكذا تما مثل الرجل الذى ينادى فى الطريق - أصلح بوابير جاز .. أصلح - و أرجو أن تعذرى الدعابة و هى فى الأصل على لسان أحد شباب الأطباء.

يمكن البدء بالمشاركة فى جمعية علمية بالكلية و لو لم تكن موجودة عليكم إيجادها.

نقطة أخيرة هناك الكثير من أساتذة الطب على أتم الإستعداد لتبنى قضيتكم - أقصد قضيتكم و قضية الوطن - و أرجو فى تعاملكم مع الأساتذة البدء بالود و أن الجميع - و أكرر الجميع فى كل الوطن - فى قارب واحد .

و كونوا على حذر ممن قد يحاول تسميم العلاقة بينكم و بين الجامعة أو الكلية أو النقابات.

أشد على يديك و أدعو لك بالتوفيق.

وطن فيه أمثالك ... له مستقبل لنا أن نزهو به

[محمد شلبى]

هناك الكثير من أساتذة الطب  على أتم الإستعداد  لتبنى قضيتكم - أقصد قضيتكم و قضية الوطن -  و أرجو فى تعاملكم مع الأساتذة البدء بالود و أن الجميع  - و أكرر الجميع فى كل الوطن - فى قارب واحد .

استاذ عادل

انا على أتم الاستعداد للمشاركة بايجابية فى هذا الموضوعوان كنت غير متاكد من هذه النقطة

[impossible]

[يمكن البدء بالمشاركة فى جمعية علمية بالكلية و لو لم تكن موجودة عليكم إيجادها.

شكراا على رد حضرتك جداااااااااااااا

فى عندنا فى الكلية جمعية علمية بس نشطاتطاها مختلفة شوية

المهم فى بداية السنة الدراسية كنت انا و زملائى ناوين ناسس اسرة ما هى دى المحاولات الفاشلة اللى انا كنت هحكى عنهاااااااااااا jmb-)

:P

بالمختصر كان اهدافها تغيير نظام و شكل التعليم و بالذات الكتاب الطبى يعنى عندهم ال text bookو الكتب الماستر اية لازمة القص و اللزق و اسمحلى و ان اسات التعبير قص و لصق بغبااااء بيفقد النص الاصلى هويتة و معناة

فى مقدمة برنامج طبى نزلتة من عالنت كان بيحكى عن تاريخ تطور الاسئلة فى الامتحانات الامتحانات الطبية

كانوا بيقولوا فى العصر الحجرى للطب كانت الاسئلة عبارة عن اسئلة مقال (يا سبحان اللة زى امتحاناتنا دلوقت) اكتب و سمع بس لقو ان الطريقة مش بتقيس مقدرة الطالب على التفكير ولا بتلم المنهج

فبقت الاسئلة اختيار من متعدد و صح و غلط بتعتمد على ال problem solving و بتعتمد اكتر على الاجابات الخطا لان اللى هيتخرج دة هيبقى فى ايدة حياة بنى ادم

نرجع تانى لمشروع الاسرة الفاشل تشكيل اسرة مش قضية 50 طالب فى شئون الطلاب بس

المشاكل

*الطلاب نفسهم ازاى نقنعهم ازاى نفهمهم الكل ياس من احداث اى تغيير و عندهم حق بس انا على الاقل احاااول فى اى حاجة

مثال(سبق و ان اعترضنا على مواعيد امتحانات و راحو و اتكلمو ولاااااااااااااااااا الهواااااااااااااا

اعترضنا على تصحيح مادة و درجاتهاااااااااا فى امتحانات اعمال السنة كانت النتيجة ان امتحانات اخر السنة كانت اسئلة فشر الفوازير ماركة ودنك منين التصحيح سهل و الكنترول سهل بس اللى يعرف يفك شفرات الاسئلة)

الطالب و انا عليا من دة كلة باية و انا عندى وقت اصلاا

واحنا نفسنا كان عددنا صغير جداا خصوصاا ان لما بدانا المشروع عالنت كان العدد كبيراو متوسط على ما نزلنا ارض الواقع كنا عدد صغير قوى

*مكنش فية خطة كويسة نمشى عليهاااااااااا مكنش فى leader

*

إقتباس (عادل أبوزيد @ Feb 11 2005, 06:10 PM)

هناك الكثير من أساتذة الطب على أتم الإستعداد لتبنى قضيتكم - أقصد قضيتكم و قضية الوطن - و أرجو فى تعاملكم مع الأساتذة البدء بالود و أن الجميع - و أكرر الجميع فى كل الوطن - فى قارب واحد .

استاذ عادل

انا على أتم الاستعداد للمشاركة بايجابية فى هذا الموضوعوان كنت غير متاكد من هذه النقطة

فعلا بالتجربة العملية يمكن فى دكاترة كتير على استعدلد للمساعدة بس دة ى عين شمس و القصر العينى الواحد يحس هناك بجد الكل عندة استعداد شوية عن هنا

هى اسمها ارض الظلمات من شوية مش عايزة ارغى و ادخل فى تفاصيل كتير

زمايلى فى مشروع الاسرة الفاشل كانو اتكلمو مع كام دكتور من القريبين للطلبة و حسينا انهم كمان على استعداد للتغير اللى قالوة الدكاترة نفسهم انهم حاولو كتيير بس فى عقول متحجرة رافضة كتير

كان كلامهم كفاية انهم يخلو بلد بحالها تياس

بس لسة :blink: :D mfb: اتعلمت يعنى ان الواحد ميحطش توقعات كتيرة

كفاية هنبدا مشروع حملات تبرع بالدم مع رسالة ممكن لو اتجمعنا و بقينا كتير و لقينا دكاترة نحاول مرة تانية aln:: aln::

عذراا للاطالة

[عادل أبوزيد]

الفاضلة إمبوسيبل

كنت إنتويت الكتابة إليك منذ لحظات لأنى شعرت أن ردى السابق أقرب إلى الرد المقتضب غير المشجع .

ما قصدته فى حديثى جمعية علمية و هى تختلف بالكامل عن الأسرة فالأخيرة تعطى إنطباعا بعمل شعبى ضد النظام أو بتعبير أكثر صراحة فهى فى نظر الجامعة و الأساتذة و الطلبة الجادين ليست إلا نوع من الغوغائية .... يمكننا مناقشة هذا المنظور و لكن بلا نتيجة مهما توافرت النوايا الطيبة

نحن نريد عملا جادا موضوعيا لا خلاف عليه و لأردد ما كنت أردده لأبنائى طوال رحلة الدراسة.

منذ دخولك الكلية و ربما من قبلها يجب أن يكون هدفنا التعليم و التعليم المميز الحصول على شهادة و تقدير لا تعنى إلا أننا إجتزنا إمتحانا و شتان بين إجتياز إمتحان و بين التعلم الحقيقى و الأصل أننا بعد الحصول على الدرجة العلمية ننطلق إلى سوق العمل .... تماما مثل دجاج ينطلق من "العشة " إلى شارع مزدحم بالسيارات المسرعة و عذرا فى التمثيل كل ما قصدته هو تصوير حجم الصدمة التى يلاقيها الخريج الذى يخرج غير مسلح بالمرة و غير معد بالمرة لسوق العمل.

و حقيقة أخرى صاحب العمل أيا كان لن يقوم بتقديم فرصة عمل ليحل لك مشكلتك و لكنه يقدمها لحل مشكلته هو كصاحب عمل و على هذا سيحكم على صلاحيتك لشغل عمل ما ليس على أساس ما إجتزته من إمتحانات و لكن على أساس المعلومات و المهارات التى تملكينها

الإشتراك فى جمعية علمية يفتح أمامك الباب لمعرفة الجديد فى ميدان المهنة و كذا يفتح العيون على حقائق و أعباء المهنة.

الخطوة الأولى زيارة لوحات الإعلانات فى كليتك و لن تعدمى طريقة للتوصل إلى الجمعيات العلمية فى كليتك أو جامعتك.

و لنأخذ بالأسوأ إذا لم تتوصلى لوجود واحدة - أشك فى ذلك كثيرا - عليك الإتصال و السؤال فى الجامعات الأخرى لتعرفى ما هو الموجود ... و فى نفس الوقت عليك بالبحث على شبكة المعلومات الدولية (الإنترنت) البحث عن الكليات المشابهة و الجمعيات العلمية المتعلقة بالطب مثلا.

طبعا وارد أن تجدى الجمعية و قد علاها التراب فغليك و الزملاء التحمس لها و المشاركة فيها فكثيرا ما تموت أفكار جيدة لا لشئ إلا إعراض الجمهور عنها.

و هناك خطوة موازية هى زيارة النقابة و مناقشة فكرة وجود شعبة للطلبة كما هو موجود فى الخارج.

قد يبدو لك أنها خطوات طويلة و صعبة و غير مؤكدة النتيجة هذا صحيح .... النجاح ليس سهلا و حلاوة النجاح و أقصد النجاح فى الحياة ذو مذاق رائع !!

إبن شقيقتى طالب فى صيدلة طنطا لقد خطا فى هذا الطريق و هو فى غاية السعادة ببذل الجهد و قد إلتحق فعلا بالجمعية العلمية فى كليته و قام بزيارة نقابة الصيادلة أكثر من مرة و هو يخطط الآن لطلب إنشاء شعبة للطلبة و هو يتصل بالجمعيات فى الخارج و أظن النقابات ليجمع المادة العلمية التى ستعضد طلبه بإنشاء شعبة للطلبة فى نقابة الصيادلة و ربما أطلب منه عرض جهوده هنا فى محاورات المصريين.

أترانى أطلت ؟

الفاضلة إمبوسيبل أنت تصنعين تاريخا و سيذكره لك كل شاب يتخرج و يجد صدمة الإلتقاء بسوق العمل أقل إيلاما

[impossible]

ا.عادل بجد رد حضرتك مشجع جداا

على الاقل شوية النور اللى جايين من بعيد اللى بلاقيهم

بس بعد اذن حضرتك عايزة اسال شوية اسئلة هو اية دور النقابات اصلا ؟للخريجين عشان نطالب بفرع للطلبة! الدور الفعلى مش اللى على الورق

دة سؤال استفهامى مش استنكارى

فى مشكلتين كباار جداا

1.محدش عايز يفكر خلاص كلنا عرفنا مشاكل الطب و الطلبة و بنشوفها و بنعانى منها كل يوم بس محدش عايز يفكر فى الحل او فى اى حاجة !!!!!!!!!!!!!!!!!!!!!!!!!

طيب حاول تفكر !!!!!!!!!!!!!!!

مفيش

شوفو انتو هتعملو اية و انا معاكو

ما احنا بنفكر و بنرتجل و بنخبط فى كل حاجة و فى حيطان كتير

حتى عالنت تلاقيها كلمة واحدة معكم ان شاء اللة

طيب فكر قول اكتب اللى انت عايزة

مخنا خلاص مش عارفيين ولا عايزيين نشغلة

2.تانى حاجة كمية من السلبية ملهاش حل

يعنى تيجى تكلم زمايلك دة لو مقالوش عليك مناخوليا و كانو معاك على الخط عقول مين اللى بتتخرب ؟مستقبل مين؟مين اللى هيتحاسب على دة كلة؟تلاقى زمايلاك ايوة دة كذا و كذا ................. و يقعد يتكلم عن السلبيات فى الكلية

نقولة طب اية رايك نطلع نكلم الكتور الفلانى

تلاقى الرد لاااااااااااااااااااااااااااااااااااااااااااااااااااااااااااا

اصلا اللى جمعنا فى الاول برنامج ا.عمرو خالد صناع الحياة اكسر السلبية و حطم القيود بس مش كتير اتعلمو الدرس لو الواجب العملى فى البرنامج عشان مكنش سلبى اعمل كذا و كذا

طيب فين انت كصانع الحياة فى مجالك مستنين مين يجى يحل لنا مشاكلنا!!!!!!!!!!!!!!!!!!!!!

الدكتور نفسة بيقول فى المحاضرة بيعترف محدش دلوقتى بقى يستخدم الطرق دى دلوقتى بقى فية كذا و كذا بس انتو بردة تذاكروها عشان موجودة فى الكتاب

و احنا ساكتين .....................................

رئيس قسم الفارما فى اول محاضرة فى السنة بيقول المنهج بتاعكو كبير فللاسف مضطريين نجرى . عشان تخلصو الفارما كان لازم تبداوها قبل دلوقتى ب 3 شهور ((دى اجازة اخر السنة كلها شهرين من 7---9))

طيب مادام حضرتك عارف ان المنهج طويل و عارف ان المشكلة دى بتتكرر كل سنة و بما انك دكتور و رئيس قسم يعنى بلغت من العلم و البتنجان المحشى القمة اية المانع انك و بسلطتك الغير محدودة ((رئيس القسم محدش بيقولة انت بتعمل اية لما بيحط الكتاب اللى هوة عايزة ولا بيجب الامتحان براحتة ولا ولا...............))

طب ما بايدك انت كمان تحل المشكلة

حاجة عجب

باقى الافكار اللى حضرتك طرحتها الجمعية العلمية و التواصل مع الدكاترة ان شاء اللة تكون موضع تنفيذ قريب ان شاء اللة و ربنا يستر

كنت بقرا يوميات فيولين كنج فى اسبوع شباب الجامعات لما كان بيتناقش مع واحد عشان يمشى فى طابور عرض جامعتة

فيولين كان بيتنافش معاة و يقولة لا

البعض بيعتبر اللى يناقش و يقول راية بمنتهى الادب يبقى قليل الادب و يتهزا عادى و ياخد على دماغة مفيش مشكلة

كل العالم بيتحرك من صفر لواحد اتنين ................للقمة

الا احنا من صفر لصفر لصفر