فساد الأطباء

[Cleo]

كما فتحنا من قبل موضوعا كشفنا فيه من خلال تجاربنا الشخصة عن مدى الفساد الذى تنغمس فيه رجالات الشرطة.... فدعونا نفتح ههنا ملفا مماثلا عن فساد الأطباء...

فالطبيب مؤتمن على حياة المريض (أخيه الإنسان) وعلى تمام عافيته و جسده... فإن أهمل الطبيب عن عمد يكون قتل نفسا بغير الحق عن عمد...

سأورد لكم فى المادخلة التالية السبب الرئيسى فى فتح هذا الموضوع..

[Cleo]

كنت قد حكيت لكم منذ فترة عن عاملة نظافة شابة لا يتجاوز عمرها ال20 عاما تعمل بشركتنا... كانت تعانى من تشوه فى قدمها وبدأت مؤخرا تشعر بألم وطلبت المساعدة فى توفير علاج على نفقة الدولة لها.

بالفعل قام الأخوة الزملاء بمجهود جعله الله فى ميزان حسناتهم واستصدرنا القرار. وللكن للفجعية، إن القرار قد صدر فى حدود 2000 جنيه فقط.

المهم إن حالة البنت كانت تستدعى تركيب 4 شرائح معدنية فى رجلها، يبلغ ثمن الشريحة الواحدة 1000 جنيه.. يعنى المطلوب 4000 جنيه.

ما حد هو أن الجراح فتح و اشتغل على قد ال2000 جنيه وقفل ولم يذكر شيئا..!!! يعنى فتح ركب شريحتين بس على قد فلوسها و قفل... بغض النظر عن عواقب هذا الفعل..!!

المهم بدأت الفتاة فة الشعور بألم رهيب و عجز عن الوقوف على رجلها المصابة.

قررنا عرضها على طبيب من طبقة "السفاحين" يعنى طبيب استثمارى وجمعنا المال اللازم للكشف و الأشعات.

والنتيجة أن العظام بدأت تلتحم... ولككن بشكل خاطئ... وكل ما علينا هو أن نتركها تلتحم لمدة 3-4 أشهر ثم نقوم بعمل جراحة أخرى لها....

حسبنا الله ونعم الوكيل...!!!

[محمود تركى]

دعونا نسمع رأى أخوتنا الأطباء بالمنتدى فيما فعله الطبيب الذى أشارت إليه الفاضلة كليو.

ويا حبذا لو سرد لنا بعض الزملاء حالات مماثلة, و حالات أخرى مُشرفة, حتى يكون تقيمنا متوازنا.

[achnaton]

دعونا نسمع رأى أخوتنا الأطباء بالمنتدى فيما فعله الطبيب الذى أشارت إليه الفاضلة كليو.

ويا حبذا لو سرد لنا بعض الزملاء حالات مماثلة, و حالات أخرى مُشرفة, حتى يكون تقيمنا متوازنا.

بعد اذنك يا اخ متفرج .. وتقديرى العميق للأخت كليو ..

ونحكى ليه .. الحكايات تحتمل الواقع والخيال .. ما تخلونا كده فى الواقع .. ونقرأ سوا الوقائع .. ونتحسر على الأخلاق فى بلدنا الجميل .. ونبكى بحرقة على ما آل اليه الشعب الأصيل .. وعلى جدران معبد كوم امبو سجل اجدادنا قدماء المصريين .. أعمالهم فى الطب كجراحين ممتازين .. وعليك العوض يارب .. واقرأوا معى الوصلة دى من اخبار الحوادث فى جريدة الوفد " النعمانى " http://www.alwafd.org/front/detail.php?id=2963&cat=accident

taz:: taz:: taz:: :o

تم تعديل 12 فبراير 2005 بواسطة achnaton

[drhusseinali]

بسم الله الرحمن الرحيم

الاخوة الاعضاء

اولا اعرفكم بنفسي فانا طبيب اعمل في مجال الكبد

و اقضي الان 4 سنوات في اليابان لتحضير الدكتوراة في مجال زراعة الكبد

و قبل سفري قمت بالعمل في بعض الاماكن الستثمارية و الخاصة

و من اجل الامانة فاني اقول لكم ان الواقع سئ جدا

وذلك لكذا سبب

اولا الطبيب انسان كغيره يريد توفير لقمة العيش له و لاسرته

انا لا اعلم عدد كليات الطب في مصر و لكن لكم ان تعلموا ان عدد خريجي القصر العيني فقط لا يقل عن 1500 كل عام

فما بال باقي الكليات في القاهرة و الاقاليم?

فاين يذهب كل هؤلاء?

اولا العمل الخاص

لكم ان تعلموا ان سوق الرعاية الصحية مشبع تماما

بدئا من المستشفيات الخاصة الى المراكز في المناطق الشعبية

فلك ان تتمشى مثلا في اي منطقة شعبية وفقط قم بعد عد المستوصفات و العيادات في الشارع الواحد لتعلم ان الوضع مشبع تماما

فيكون من نصيب الطبيب حديث التخرج لو كان محظوظا العمل بنظام الشفتات في مستوصف او مركز بمرتب يتراوح من 5 الي 10 جنيه في الشفت حسب المكان

ثانيا العمل الحكومي

بعد التخرج يجد الطبيب نفسه ان لم يعين في الجامعة و كانه خسر كل جهده و عمره

حيث تتلقفه وزارة الصحة اولا بمصيبة التكليف

و لكم ان تتذكروا شعنونة و ماساتها في التكليف

و مع كل ما حدث لها فهي تعتبر من المحظوظين ممن عملوا في مستشفيات وليس في الوحدات الصحية في الارياف

حيث انني لاذهب لمكان عملي كنت استخدم 3 وسائل مواصلات فلك ان تخيل نفسك بعد كل هذا العمر و الجهد محشور في سيارة بيكاب

تحمل كرنبة على حجرك و اذا نظرت من الفتحة المخصوصة للشباك ترى شبشب مدلدل امامك لشخص جالس على سقف السيارة و عليك ان تكر ر هذه الماساة كل مرة تذهب للعمل

و يطلب منك البيات في الوحدة يوميا مع العلم و الله عدم وجود ماء واصل للسكن و الكهرباء لا تعمل الا في غرفة واحدة.

و لك ان تتخيل المنظر المزري لدورة المياه في عدم وجود المياه

والفئران العجالي و هي تمرح في السكن مرحبة بك.

و بعد كل هذا كم مربوط المرتب? 80 جنيها

و بعد الحوافز قد تصل للمائة و الخمسون

كيف بالله عليكم لهؤلاء ان يتزوجوا

لا لن اقول ليتزوجوا فقط ليعيشوا.

لقد رايت مخالفات لهؤلاء بعيني

فقد رايت من يبيع وسائل منع الحمل للصيدلي و يبلغ المديرية بانه حقق المستهدف لتوزيع هذه الوسائل علي المواطنين ليحصل على حوافز من المديرية نظير تحقيقه المستهدف

و منهم من يمتنع عن توزيع العلاج على المواطنين مجانا في الفترة الصباحية حتى يبيعه لهم في المساء حيث يستخدم الوحدة كعيادة خاصة

و لكني و الله لم اغضب منهم بقدر ما كنت اعذرهم فكيف لهم ان يعيشوا.

المشكلة ان كل منا لا يفكر الا بنفسه

اذا اردتم تحسين الخدمة الطبية في مصر فعليكم اولا اصلاح حال الاطباء و توفيق اوضاعهم.

و ان كنت قد دافعت عن صغار الاطباء

فاني لا استطيع الدفاع عن كبارهم فقد رايت بام عيني الطبيب الاستاذ الكبير و هو يامرني في المستشفى ال5نجوم حيث كنت اعمل نائبا, بتحصيل الفيزيتة من اهل مريض في غيبوبة و على شفى الوفاة قبل ان يراه و يرفض فحصه قبل الحصول على ثمن الكشف الذي لم يكن متوفرا معهم في هذا الوقت.

فقد تحول الطب عند هذا القطاع الى بيزنس. حتى ان استاذي هنا في اليابان قد ناداني في احد الايام و هو في غاية الغضب

و قال لي ان المستشفى اللتي يتعامل معها في مصر لا تريد منه ان يكمل تعاونه مع الحكومة المصرية لادخال زراعة الكبد في المستشفيات الجامعية و الحكومية لخدمة قطاع اوسع من المرضى. فقد كانوا يريدوا احتكاره لهم فقط.

هل تروا كم وصل الامر الى بيزينيس دون التفكير في مصلحة البلد و المواطنين غير القادرين.

و لكن كما يوجد مثل هؤلاء يوجدايضا من يراعي ضميره و يخاف ربه.

فالرجاء اولا عدم التعميم

ثانيا مراعاة ظروف قطاع كبير من الاطباء يجاهد من اجل الحصول على لقمة العيش الغير متوفرة اساسا

ثالثا حسنوا ظروف الاطباء قبل ان تشتكوا منهم

[Sherief AbdelWahab]

بداية ..كنت أقترح على العزيزة كليو تسمية الموضوع "أطباء ولكن"..بس حصل خير!

ثانياً..نحن هنا لا نعمم ، لكن في المقابل من الغباء بمكان أن نتجاهل فساد الأطباء كصورة من أبشع صور الفساد المهني التي نعيشها في مصر هذه الأيام.. وخطورته أنه فساد فكري مهني ..

مثلاً..

البيه الصغنن الذي تعطف علينا بالظهور الشرفي في مستوصف خيري ،بعد انتهائه من العمل في عيادته الخاصة ، وينتظره الغلابة كما لو كان صاحبنا سوبر ستار ، ويدلع الباشا نفسه كما ينبغي ويسوق الدلال كما لو كانت أرواح الكثيرين لعبة في يديه.. طالما اتطلب في أكتر من مكان يعني بقا ستار..والنجم يحب الدلع!

البكوات الكبار يتصارعون على المناصب في المراكز الطبية ، وبعضهم يدخل الصحافة في هذا النزاع ، وعندما تنص لوائح بعض تلك المراكز على الأطباء المتفرغين يهيجون ويميجون ، فالواحد منهم يريد أن يكون أستاذا جامعياً ، وطبيباً في عيادة خاصة ، ومستشفى خاص ، وبعد ذلك يفكر في المرضى البيئة!

خلص الكلام

[lالمطحون]

معلش يا جماعه مفيش حاجه اسمها 4 شرايح كل واحده بالف وافتح الرجل واعمل شريحتين لانى فتحت القدم خلاص وانا مسؤل عن العمليه وبدى المريض احسن فرصه متاحه بشريحه واحده او اتنين اوتلاته تبع الحاله واحتياجها فالكلام كده مش منطقى ولا معقول وبعدين الالم بعد العمليه متوقع وحكاية التئام العظام بتاخد وقت وعموما انا نازل مصر قريب واشوف الحاله وايه اللى ممكن يتعملها ومن غير فلوس ومن غير فساد مش ناقصه الخرابه عفاريت

[se_ Elsyed]

ويا حبذا لو سرد لنا بعض الزملاء حالات مماثلة, و حالات أخرى مُشرفة, حتى يكون تقيمنا متوازنا.

في حادث السيارة الذي حدث لي انا وأخي العام الماضي تقريباً في بداية شهر فبراير ... أخي الأصغر هو اللي تضرر بشكل كبير ولما وصلنا الرياض الإشاعات أثبتت إن هناك كسر في قصبة الساق وبقى العضمه فيها زي فجوه كده نتج عنها تباعد في العضم نفسه ... فقرروا تثبيت شريحة بلاتينية مع 9 مسامير ... وقعد الولد 4 شهور ما يتحركش في السرير .. وبعد تلك المده عملنا أشعة تانية وأثبتت إن الحمد لله العضم بيلتئم بشكل جيد .. وإنه ممكن يسير بشكل عادي ..

وهو الحمد لله لا يشكو من شيء الآن إلا إن البرد الشديد بيأثر عليه وبيحس إن فيه ألم شديد داخل ساقه ... كمان ساعات الواحد لو لمس مكان الجرح بيحس إن المسامير بارزة وملاصقة للجلد من الداخل .. ولما بيبذل مجهود جامد او يمشي على قدمه كثير نلاقي رجله ورمت ويبتدي يشعر بألم بعض الشيء .

لكن بإذن الله ناوي لما أنزل اجازة هذا الصيف أوديه لدكتور كويس ينزع له تلك الشريحة عشان يرتاح ..

[Cleo]

معلش يا جماعه مفيش حاجه اسمها 4 شرايح كل واحده بالف وافتح الرجل واعمل شريحتين لانى فتحت القدم خلاص وانا مسؤل عن العمليه وبدى المريض احسن فرصه متاحه بشريحه واحده او اتنين اوتلاته تبع الحاله واحتياجها فالكلام كده مش منطقى ولا معقول وبعدين الالم بعد العمليه متوقع وحكاية التئام العظام بتاخد وقت وعموما انا نازل مصر قريب واشوف الحاله وايه اللى ممكن يتعملها ومن غير فلوس ومن غير فساد مش ناقصه الخرابه عفاريت

الأخ الفاضل المطحون..

إحنا عرضنا البنت على طبيب أخر عندما بدأت تشكو من عدم قدرتها على لمس الأرض بأصابع قدمها.. فطلب أشعات... وبعد فحصها أكد أن العظام بدأت تلتأم ولكن بشكل غير صحيح... ونصح إنها تفك الجبس و "تحاول" تمشى على رجلها لمدة 3-4 شهور حتى لا تصاب بهشاشة العظام وحتى تمام التئام العظام... وعندها سوف يحدد إذا ما كانت تحتاج لعملية أخرى أو لدعامات خارجية "على حد فهمى"...

تضارب الأقوال بين الطبيبين يعنى أن أحدهما فاسد...!!

عموما جازاك الله خيرا على عرضك وجعله فى ميزان حسناتك..

[بنت شعنونة]

:D

طبعا انتوا عارفين ردي

لكن ها اكون غتيتة ومحددة :D

واحد ابن دكتور ذو سمعة وهمية هنا في الأسكندرية

" دكتور نساء"

المهم

ابنه دا انا عارفاه كويس

بلالالالالالالالالالاله :o

ولا بيفهم في البطيخ بقى نائب اساسي

لا والنكتة اني بلاقي صورة في كل حتة في الشوارع وانا رايحا الشغل

ليه بقى

مرشح نفسه في "انتخابات" اهم نادي في الاسكندرية

شفتوا الهنا والنعيم والفلوووووووووس و الوراثة و ال........

ماشي يا بلللللللللللللللللللد عاوزة الولد

انا رايحة اليمنننننننننننننننن :o

تم تعديل 14 فبراير 2005 بواسطة بنت شعنونة

[emmyyy]

شعنونه معلش انا اعرف طارق كويس اوىاصحاب جدا ولي موقف معاه ولانه عمل معايا معروف كبير لازم ارده له دلوقتي الست الي كانت بتشتغل عندنا كانت متجوزه بقلها 7 سنين و ماكنتش بتجيب اولاد جوزها هو السبب و داخوا علي الدكاتره و كانت بتجيب ادويه لجوزها باكتر من 300 جنيه في الشهر كل دخلها لما جات تشتغل عندنا انا كلمتوا علي حالتها و بعتها له لانه بيشتغل في التلقيح الصناعي والحمد الله حامل دلوقتي وكل ما اكلمها بتدعيله جامد

انتخبات انادي هو كان واخد مركز في بطوله الجمهوريه في الاسكواش و بقالوا سنتين بيدرب فريق النادي فمش عيب انه يرشح نفسه في انتخبات النادي عن الشباب

[se_ Elsyed]

شعنونه معلش انا اعرف طارق كويس اوىاصحاب جدا ولي موقف معاه ولانه عمل معايا معروف كبير لازم ارده له دلوقتي الست الي كانت بتشتغل عندنا كانت متجوزه بقلها 7 سنين و ماكنتش بتجيب اولاد جوزها هو السبب و داخوا علي الدكاتره و كانت بتجيب ادويه لجوزها باكتر من 300 جنيه في الشهر كل دخلها  لما جات تشتغل عندنا انا كلمتوا علي حالتها و بعتها له لانه بيشتغل في التلقيح الصناعي والحمد الله حامل دلوقتي وكل ما اكلمها بتدعيله جامد

انتخبات انادي هو كان واخد مركز في بطوله الجمهوريه في الاسكواش و بقالوا سنتين بيدرب فريق النادي فمش عيب انه يرشح نفسه في انتخبات النادي عن الشباب

شعنونه ... إيمي

لو سمحتوا روحوا صفوا الخلافات العائلية دي بعيد ... :D

بس أنا شايف إن موضوعكوا بتاع طبو زاده حمص اخضر مالوش علاقة بفساد الأطباء المهني . ولا إيه ؟

[kotoz9]

طب وليه يا جماعة الاحباط ده....ده انا لسة حتى ماتخرجتش من الكلية......طب اعمل ايه دلوقتى اخش تجارة ؟؟؟؟

[emmyyy]

ناسف لهذا الخطاء الغير مقصود :D

انا كنت بوضح حاجه عن شخصيه ذكر اسمها في الموضوع

[drhusseinali]

عزيزي قطز

مافيش احباط ولا حاجة

هو بس المشوار طويل و محتاج اولا توفيق من ربنا

وبعد كده صبر وشغل كتير و اهم حاجة الاصرر وعدم التسليم للامر الواقع و السعي الدؤب للوصول الى غايتك

و الله الموفق

[سقراط المصري]

برجاء التكرم بالبعد عن ذكر اسماء الدكاتره .

نحن نناقش افكار واراء وليس اشخاص بعينيهم.

الموضوع عامة شيق وحيوي.

تحياتي

سقراط

[بنت شعنونة]

سورري يا جماعا

بس بجد بكرههمممممممممممممممممممم

اي ابن خد مركز ب الكوسة مفروض يتنسف

بس عشان خاطركم نعدل المشاركة ونمسح الأسامي mfb:

تم تعديل 14 فبراير 2005 بواسطة بنت شعنونة

[سهيلة]

بصراحة يا جماعة كل وظيفة من الوظائف ممكن ان نتقبل الاهمال فيها والمتاجرة الا المتاجرة بارواح البشر

بصراحة انا مع الدكتور حسين ف كل اللى قالة من ان الدولة المفروض تحسن دخل الطبيب شوية

وهذا ليس معناة

ان الدكتور يخالف ضميرة لو احتاج المادة

انا اعرف دكاترة كبار جدا عشان يوصلو من غير ما يظلمو المريض او يخالف ضميرة اضطر للعمل مع الطب مهنة تانية خالص عشان يزود دخلة

واغلب الاطباء ف بداية حياتهم كانو كدة

لية لان الطب ف مصر ما بياكلش عيش

انا بقصد بكلامى دة الاطباء الصغار وليس الحيتان اللى واخدين الموضوع تجارة من الدرجة الاولى

الطب مهنة انسانية من الدرجة الاولى

اغرب الحاجات اللى بشوفها من فساد الاطباء

كنت اعمل بوحدة ريفية ف بداية تعينى التكليف يعنى

كان مدير الوحدة دكتور جراح فاتح عيادة خاصة

كان الدكتور دة يرفض شراء ابسط الادوات الجراحية ف الوحدة الصحية لاجراء

حتى ابسط العمليات بحجة عدم وجود اموال لشراءها

وكان ياخذ اموال صندوق تحسين الخدمة بالوحدة لة والباقى لتحسين المنظر العام

ودة كلة عشان المريض المطحون الفقير يذهب لعيادتة الخاصة

وويطالبنا انا وزملاءى بتحويل الحالات لة ف العيادة واذا رفض المريض نحولة لاقرب مستشفى عام

المهم اتفقنا انا وبعض الزملا بشراء الادوات الناقصة

واجرينا بعض العمليات الصغرى ف الوحدة على اكمل وجة

وكان مضايق منننا جدااااااااااااااااااااااااااااا

fsh::

[drhusseinali]

بالمناسبة

ايه رايكم بدل ما نتكلم عن فساد الاطباء كاشخاص نتكلم عن فساد المنظومة الطبية نفسها.

مثلا:

اذكر في احد المرات حيث كنت اعمل بالتكليف اطلق الوزير الحملة القومية للقضاء على مرض البلهارسيا فكان يجب علينا الخروج الى المدارس لتوزيع اقراص العلاج على التلاميذ وللعلم فان الجرعة تحدد حسب الوزن

فاذا بكاتب الصحة يطلعني على خطة العمل الا وهي ان نحسب عدد الاقراص حسب الوزن (قلت الحمد لله)

ثم ندون اننا قد صرفنا هذه الاقراص للتلميذ بينما في الحقيقة نقوم باقتطاع ربع قرص من كل تلميذ لزوم عدم حدوث عجز في عدد الاقراص المنصرفة و المتبقية في المخازن (للتامين يعني)

و عندمارفضت باعتبار ان الجرعة غير مؤثرة فاذا به يوضح لي ان هذا هو النظام وان لو حصل عجز هنروح في داهية و يتحقق معانا في النيابة الادارية.

و الحمد لله ربنا سهل و اتنقل تكليفي قبل الحملة و قبل ما كنت ارتكب فيهم جناية و اقتللي قتيل.

[عبدوس الوزير]

أود أن أوضح أن هناك فرق بين خطأ الطبيب وفساد ذمته

فالأخطاء الطبية شائعة جدا في أكثر البلاد تقدما، ويقدر عدد الوفيات (وليس الإصابات أو تدهور الحالة مثلا) بسبب الخطأ الطبي في كندا مثلا بخمسة إلى عشرة آلاف سنويا ولذلك تجد الأطباء يشتركون في تأمين ضد أخطائهم المهنية. ولأن الأطباء بشر فإذا فرضنا أن نسبة أخطائهم المميتة 0.001% من إجمالي معالجتهم فالرقم الناتج لا يزال كبيرا بسبب كبر عدد المعالجات السنوية وعلى ذلك فما من سبيل إلى القضاء نهائيا على الوفيات الناتجة عن الخطأ الطبي ولكن علينا العمل على تقليلها وتعويض المريض تعويضا مناسبا آدميا يتناسب مع فداحة الخطأ

أما فساد الذمم فأمر آخر تماما

رابط