إحنا شعب و إنتو شعب

[عادل أبوزيد]

بين تلال الملل و الإحباط و الحيرة ألاحظ أن صحنا في الأخيرة تفرد صفحات عديدة لعرض المنتج الثقافي

ما سبق كان إستهلالا لابد منه

بالأمس قرأت قصيدة في جريدة المصري اليوم في الصفحة الأخيرة للدكتور مدحت العدل رأيت أن أشارككم إياها إنها نوع من السهل الممتنع:

إحنا شعب وإنتو شعب

بقلم د. مدحت العدل 1/ 4/ 2013

إحنا شعب وإنتو شعب

واللى هز القلب منا

عمره ماهزلكو قلب

رغم إن الرب واحد..

لينا رب... وليكو رب

......................

وردة برية وبراءة..

إحنا بنشوف الطفولة

وإنتو شايفينها سبايا

تثبتوا بيها الفحولة

إحنا يسعدنا خيالها..

لما ترسم ف الكتاب

وإنتو لو عدى خيالها

يطلعلكوا فى ثانية ناب

إنتو بتحبوا الجهامة

وإحنا بنحب ابتسامة

إحنا حرية وكرامة

وإنتو سجن وشرع غاب

إحنا شعب وإنتو شعب

........................

مصر بالنسبه لنا ثومة

والا ناصر.. أو حليم

مصر بالنسبه لكو خيمة

أو إمارة أو حريم

إحنا نفديها بحياتنا

ونحبها ونرضى بقليلها

وإنتو عايزين تنهبوها

وتسرقوا خيرها ونيلها

إحنا يسقط منا شهدا

زينة الدنيا وشبابها

وإنتوا قلتوا كنتوا سعدا

لما داسوا فوق ترابها

إحنا أقرب وإنتوا بعدا

إحنا ثورة وإنتو ردة

ياطابور خامس وقاعدة

للعدو الواقف ببابها

إحنا شعب وإنتو شعب

.............................

إحنا بنشوف ربنا

رحمة للعبد اللى تاه

عفو عن مخطئ مسىء

توبة أو طوق للنجاة

وإنتو تِعبان القبور

والمقارع للحريم

سد باب الرحمة غية

واللى يغلط ف الجحيم

واللى يضحك يبقى كافر

والعبوس آخره النعيم

إحنا بنحب الحياة

وإنتو أعداء الحياة

إحنا شعب وإنتو شعب

............................

إحنا بنشوف الحقيقة

والعقيدة ف أى دين

كنت قبطى أو يهودى

والا ضمن المسلمين

رب واحد... معنى واحد

الرسالة يا مؤمنين

ماتكدبوش ماتغيروش

ف النوايا والوشوش

حب جارك زى أهلك

احفظه ولا تخونوش

وإنتو تيجو تخونوه

يختلف ف الرأى عنكو

تحلوا دمه وتقتلوه

وتقولوا ديننا قالنا

أى دين يا أدعيا

والا نبى م الأنبيا

يأمر بكافر تصلبوه

والا بوذى تبهدلوه

والا شيعى تكفروه

واللى بيفكر دا ضال

وتحرموا حتى الحلال

وتحللوا فكر الضلال

وتحكمونا يا أغبيا

إحنا شعب وإنتو شعب

...........................

إحنا شايفين الرسول

رحمة مهداة للبشر

سعى من أجل الوصول

للكمال المنتظر

إحنا شايفين إن ديننا

دعوة للنور والحضارة

وإنتوا حاصرينه ف حكاية

توب قصير أو ستارة

إحنا شايفين ابن سينا

وابن رشد والحسين

وإنتوا شايفين ابن لادن

والكهوف المظلمين

إحنا عشاق الإرادة

والحقيقة واليقين

وإنتو تجار المنابر

والبخور والمجذوبين

الخادعين للخاضعين

والآكلين الشاربين

النازلين الصاعدين

للمصالح والمناصب

وأما أمريكا بتأمر

تصرخوا بقولة آمين

إحنا شعب وإنتو شعب

.............................

إحنا مصرى بسيط وراضى

عسكرى جاى م النجوع

يسمع الراديو الصغير

الأدان يملاه خشوع

يدعى ف الليل للى خلقه

يحمى عيلته يزيد ف رزقه

ف الدعا تنزل دموع

عند رب العالمين

صادقة من غير فلسفة

لا صوت جهورى ف ميكروفون

يصرخ يهدد بالوعيد

وكأنه واخد م السما

توكيل يكفر بعضنا

يهدينا نرجع مسلمين

يا عم مااحنا مسلمين

ومؤمنين وموحدين

من قبل حتى ما تتولد

وإحنا اللى وحدنا الإله

قبل الديانة ما تتوجد

ولإن مصر المؤمنة

قبل التاريخ فى دمنا

عمرنا ما حنبقى زيك

ولا أنت حتكون زينا

لِمّ غنمك أو جمالك

أو مباخرك أو عيالك

والمشانق من حبالك

والعشيرة والخيام

خد زعيقك خد صريخك

خد فتاويك واللجام

خد حرام حرام حرام

حلال عليك يا مسيلمة

اللى سرقته مننا

وإبعد بعيد عن أرضنا

لأنكوا... ولإننا

إحنا شعب......وإنتو شعب

رابط القصيدة هو :

http://today.almasryalyoum.com/article2.aspx?ArticleID=377154

[أبو محمد]

على نفس المنوال كتب جمال بخيت

قصيده دين ابوهم اسمه ايه

دين أبونا يا مسلمين

في يقيني

أعز دين

كلمة النور الأمين

كلمة الحق المبين

حكمة يكتبها الإله

فوق جبين الطيبين

دين أبونا يا محمد

انت سره

ومبتداه

انت إحساسه ومداه

دقة عارفينها في قلوبنا

لما نخشع للإله

لما نطلب يوم رضاه

لما نركع

لما نسجد

لما نفرح بالحياة

دين أبونا إبراهيم

رش جمر النار حنين

ع الخرايط والأماكن

اتولدنا طوافين

ذاكرين

دين أبويا لو مسيحي

رحمة لاجل العالمين

نصرة لاجل المظلومين

كلمة الحب اللي بايس

الصليب جوه الكنايس

ندهة الأجراس لمريم

والأمان للمجدلية

رحمة ليكو

ورحمة ليا

المسيح شايل آلامنا

لاجل يهدينا السلامة

خد أيمن

خد أيسر

العبادة مهيش كلام

عيش بإسم الإنسانية

وانسى نية

تدفعك للانتقام

دين أبويا دين إلهي

أينما كان اتجاهي

حتى لو كان دين يهودي

احنا مش ضد اليهود

موسى في القرآن وليد

يحضنه نيل الخلود

بين إيديه

تسعى عصاته

حية

وجدودنا شهود

سحرة آمنوا برب موسى

انقسم له بحر عاتي والجبل عرف السجود

رجعت الحية عصاية

حضنت التوراة وصايا

إوعى تقتل

إوعى تسرق

إوعى تزني

إوعى تقبل بالخضوع

بحر خير االكون يواتي

لما نفرد له القلوع

والجحيم ياكل سنينكم

لو فقير فيكم يجوع

الوصايا هي هي

أرتضيها زي ما هي

في ضميري وفوق شفاهي

دين أبويا دين إلهي

أينما كان اتجاهي

حتى لو كان مش إلهي

المجوسي يترعب من النار ويعبد

الإله اللي في خياله

ليه حرامه وليه حلاله

تسمعه في معبد دعاء

تلهمة رعشة رجاء

للبقر ناس يعبدوه

ويدينوله بالولاء

مش غباء

تعرفوا في البقرة إيه بيقدسوه ؟

العطاء

دين أبويا

أي دين

فيه عصاة أو مخطئين

بس في نهاية المطاف

فيه ملايكة ومؤمنين

ولرضا للصالحين

والهنا للصابرين

فيه مالاذ للعابدين الشاكرين

المشتاقين رغم الضياع

لليقين

دين أبويا

أي دين

اللي انا بقى معرفوش

الوحوش

الكروش

اللي لو طالوا رقابينا

بينهشوا مبيرحموش

دين أبوهم إسمه إيه ؟

اللي داسوا فوق رؤوسنا بالبيادة

اللي مشيوا بالبلاد للبلادة

اللي فتاويهم فساد للعقل

يقضى على العبادة

اللي مسحوا من الآيات معنى الشهادة

دين أبوهم اسمه إيه؟

لوثوا الدم في عروقنا

سدوا عين الشمس فوقنا

سرقوا ضوئنا

صادروا نيلنا

ودفعونا تمن وضؤنا

دين أبوهم اسمه إيه؟

اللي باع وطن بحاله

خضرته وصفرة رماله

نسوته وشهوة رجاله

بهجته ودمه وعياله

خطوته وسنين نضاله

ثورته ضد احتلاله

دين أبوهم اسمه إيه؟

مين إلهه ؟

مين رسوله؟

فين كتابه؟

فيه ملايكة وللا غابوا؟

فيه شياطين وللا تابوا ؟

لما شافوا التابعين

شرهم زاد عن جهنم شر لا يمكن حسابه

دين أبوهم اسمه إيه؟

حتى فرعون اللي صدق

انه من نسل الإله

واللي قال انه الإله

كان بيبني الأهرامات للممات قبل الحياة

كان له بعث ويوم حساب

كان له دولة

حضور

إدارة

كان منارة ترشد الكون للحضارة

كان له جيش فارض وجوده

كان محارب بين جنود

واما يتجاوز حدوده

كان له رب يغرقه وينقذ يهوده

حتى فرعون اللي صدق

انه من نسل الإله

واللي قال انه الإله

كان له كهنة في العلوم

يقروا في كتاب الكواكب

يرصدوا سير النجوم

يفتحوا له سكك بيبان

في سراديب الزمان

ويقولولو ازاي يدوم

حنطوه

خلدوه

بالمعاني والمباني والرسوم

كانوا كهنة مؤمنين

خلوا كلمة مصر دين

حاضرة في العهد القديم

حاضرة في العهد الجديد

حاضرة في القرآن حضور

الآيات فيها تدور

مفردة عز وجلال

معلنة وبين السطور

تخترع

ثانية وشهور

تخترع شعر وبحور

حتى فلاحها الفصيح

شكوته بتشع نور

إيه يا مصر

إيه يا أرض الطيبين

اللي حكموا في الزمان ده يبقوا مين ؟

دين أبوهم اسمه إيه؟

حد يعرف فيكوا دين

كل أتباعه لصوص أو قوادين ؟

في المعاصي مولودين

في الكراسي مأبدين

في التفاهة معدودين

في السفاهة مفرودين

ع البلاهة مسنودين

للشراهة مجندين

ع القرف متعودين

ع الشرف متمردين

ع الوطن متنمردين

بالخيانة موحدين

اللي يعرف دين كده يقوللي عليه

دين أبوهم اسمه إيه؟

[أبو محمد]

وترد عليه الشاعرة إيمان بكرى

بقصيدة "ديك" أبوهم

http://www.youtube.com/watch?v=F7C-jn63ltY

[ابا فاطمة]

اللهم ارفع عنا مابتليتنا به من عصبة من المكفرين والكذابين ومعدومى الضمير والاخلاق

رغم ان الرب واحد

لينا رب--- وليكو رب

وانه واحد فيهم احق بالعبودية وانهى واحد فينا كافر

الطفولة بقت سبايا

ليه حد اتجوز يامولانا مش اغتصب واحدة عندها تسع سنين

يراجل لو ربك نبيه محمد هتعرف انه تزوجها وعندها تسع سنين ومع ذلك محدش عملها بعده لاقديما ولا حديثا

باقى الكلام كله كذب وتلفيق وهجايص انت بقالك ياوحيد ياحامد اكثر من ستين سنة فين بقى النور والحرية والتقدم والحياة اللى مش ظلامية مين اللى سرقك يامصر من ايام البكباشى لغاية مبارك

إيه يا أرض الطيبين

اللي حكموا في الزمان ده يبقوا مين ؟

دين أبوهم اسمه إيه؟

حد يعرف فيكوا دين

كل أتباعه لصوص أو قوادين ؟

في المعاصي مولودين

في الكراسي مأبدين

في التفاهة معدودين

في السفاهة مفرودين

ع البلاهة مسنودين

للشراهة مجندين

ع القرف متعودين

ع الشرف متمردين

ع الوطن متنمردين

بالخيانة موحدين

اللي يعرف دين كده يقوللي عليه

دين أبوهم اسمه إيه؟

كلهم حرامية او قوادين يكرم اصل اللى جابوك اما دول قوادين انت واشكالك ايه بتبيعوا سبح

ديك ابوهم فى واحدة ست تقول كده هى دى الحرية والابداع هى دى الستات اللى عايزنها

اه انا بهاجم وبانتقد كلام الجهال الكذابين والدجالين

وزى تيمور اخويا لما بيقول فناقل الكفر ليس بكافر

مع احترامنا للافاضل عادل ابو زيد وابو محمد

اللهم صبرنا على ماابتلينا بهم

وأن ينصرنا على من يكيد لنا

[eslam elmasre]

اللهم ارفع عنا مابتليتنا به من عصبة من المكفرين والكذابين ومعدومى الضمير والاخلاق

رغم ان الرب واحد

لينا رب--- وليكو رب

وانه واحد فيهم احق بالعبودية وانهى واحد فينا كافر

الطفولة بقت سبايا

ليه حد اتجوز يامولانا مش اغتصب واحدة عندها تسع سنين

يراجل لو ربك نبيه محمد هتعرف انه تزوجها وعندها تسع سنين ومع ذلك محدش عملها بعده لاقديما ولا حديثا

باقى الكلام كله كذب وتلفيق وهجايص انت بقالك ياوحيد ياحامد اكثر من ستين سنة فين بقى النور والحرية والتقدم والحياة اللى مش ظلامية مين اللى سرقك يامصر من ايام البكباشى لغاية مبارك

إيه يا أرض الطيبين

اللي حكموا في الزمان ده يبقوا مين ؟

دين أبوهم اسمه إيه؟

حد يعرف فيكوا دين

كل أتباعه لصوص أو قوادين ؟

في المعاصي مولودين

في الكراسي مأبدين

في التفاهة معدودين

في السفاهة مفرودين

ع البلاهة مسنودين

للشراهة مجندين

ع القرف متعودين

ع الشرف متمردين

ع الوطن متنمردين

بالخيانة موحدين

اللي يعرف دين كده يقوللي عليه

دين أبوهم اسمه إيه؟

كلهم حرامية او قوادين يكرم اصل اللى جابوك اما دول قوادين انت واشكالك ايه بتبيعوا سبح

ديك ابوهم فى واحدة ست تقول كده هى دى الحرية والابداع هى دى الستات اللى عايزنها

اه انا بهاجم وبانتقد كلام الجهال الكذابين والدجالين

وزى تيمور اخويا لما بيقول فناقل الكفر ليس بكافر

مع احترامنا للافاضل عادل ابو زيد وابو محمد

اللهم صبرنا على ماابتلينا بهم

وأن ينصرنا على من يكيد لنا

دي بتتكلم عن ديك ابوهم

ماتبأش سيء النية يا ابا فاطمة

[ابا فاطمة]

اللهم ارفع عنا مابتليتنا به من عصبة من المكفرين والكذابين ومعدومى الضمير والاخلاق

رغم ان الرب واحد

لينا رب--- وليكو رب

وانه واحد فيهم احق بالعبودية وانهى واحد فينا كافر

الطفولة بقت سبايا

ليه حد اتجوز يامولانا مش اغتصب واحدة عندها تسع سنين

يراجل لو ربك نبيه محمد هتعرف انه تزوجها وعندها تسع سنين ومع ذلك محدش عملها بعده لاقديما ولا حديثا

باقى الكلام كله كذب وتلفيق وهجايص انت بقالك ياوحيد ياحامد اكثر من ستين سنة فين بقى النور والحرية والتقدم والحياة اللى مش ظلامية مين اللى سرقك يامصر من ايام البكباشى لغاية مبارك

إيه يا أرض الطيبين

اللي حكموا في الزمان ده يبقوا مين ؟

دين أبوهم اسمه إيه؟

حد يعرف فيكوا دين

كل أتباعه لصوص أو قوادين ؟

في المعاصي مولودين

في الكراسي مأبدين

في التفاهة معدودين

في السفاهة مفرودين

ع البلاهة مسنودين

للشراهة مجندين

ع القرف متعودين

ع الشرف متمردين

ع الوطن متنمردين

بالخيانة موحدين

اللي يعرف دين كده يقوللي عليه

دين أبوهم اسمه إيه؟

كلهم حرامية او قوادين يكرم اصل اللى جابوك اما دول قوادين انت واشكالك ايه بتبيعوا سبح

ديك ابوهم فى واحدة ست تقول كده هى دى الحرية والابداع هى دى الستات اللى عايزنها

اه انا بهاجم وبانتقد كلام الجهال الكذابين والدجالين

وزى تيمور اخويا لما بيقول فناقل الكفر ليس بكافر

مع احترامنا للافاضل عادل ابو زيد وابو محمد

اللهم صبرنا على ماابتلينا بهم

وأن ينصرنا على من يكيد لنا

دي بتتكلم عن ديك ابوهم

ماتبأش سيء النية يا ابا فاطمة

ياصحبى احنا كنا شباب وعارفين كويس ايه المقصود بالكلمة ديك وانت عارف وانا عارف

واى عيل واقف على نصية او قمة حارتهم يعرف معناها

زى بالظبط موضوع صوابع الريس

[أبو محمد]

لأخينا الفاضل "محمد" موضوع من مداخلة واحدة

والموضوع بعنوان "سفينة الفضاء .. وسفينة الصحراء"

هناك مناسبات كلما مرت علىَّ تذكرت ذلك الموضوع

:)

فالموضوع عبارة عن نكتة مشهورة -أصبحت فولكلور - تقفز إلى السطح

كلما حدث ما يذكرنا بها

[أشرف حسين]

واحة -الهدوء- الوحيدة المتبقية تحت سماء المحاورات

عدوى النزاع انتقلت إليها .. !

في زمان قريب

كان المكان هنا (مع اختلاف التوجهات)

محافظ على شكلة كـ صالون أدبي

مش أكتر..

حدود الصراعات السياسية خارج الـ (أدب و شعر و قراءات) وسيعة

و تساع من المخالب ألف !

يعني نِلمّ آخر هدمتين و نمشي زي غيرنا :)

[أبو محمد]

يعني نِلمّ آخر هدمتين و نمشي زي غيرنا :)

إوعى يا ريحة الحبايب

بكره راح ييجى اللى غايب

[أشرف حسين]

بوركت .. و اشكر لطفك أ / ابو محمد

و الله يا أستاذنا الفاضل الحبايب اللي انا من -ريحتهم- معتقدش ان ليهم رجوع !

بعضهم تعب و هرب .. و البعض الآخر صعب علية الفراق

بحكم -العشرة و الأعتياد-

فـ أختار الجلوس و الاستماع من على كرسي صامت .. !

و غيرهم و -الدوام للة- ربك نفسة هو اللي اختارُة

لكن دة مـ يمنعش(رغم انعدام مشاركاتي خارج هذا باب)

ان لسة في حبايب كتير هنا

الفرق بس انهم من بعد (25 يناير) الشِلالية قطّعت أوصارهم

فـ التواصل معاهم اصبح -بشكل منفصل- خارج المحاورات للاسف

طولت عليك .. ربك يديم المحبة يا راجل يا طيب :)