قال ايه .. انهيار اسرائيل على النت

[pink rose]

من امبارح شغالة حالة غريبة من الطبل و الزمر على الفيس بوك

كل الصفحات بتتلكم عن انهيار مواقع اسرائيلية مهمة على النت و اختراقها من قبل هاكرز ( عرب و مسلمين ) استغربت اوي التصنيف دا حقيقي

و طبعا اشتغلت الصفحات كما العادة في التافهة و نشر كاريكاتيرات عن الموضوع

ممكن حد يفهمي اللي حصل ؟؟ هل فعلا تم اختراق مواقع ذات اهمية سيادية للكيان الصهيوني

اتذاعت الحاجات دي في قنوات الاخبار لاني و لله الحمد قافلة التليفزيون بالضبة و المفتاح و لا دا هبل عيال ع النت و دمتم

طيب لو حصل فعلا ليه توصيف عرب و مسلمين هل دا بيرمز لحاجه معينة ؟؟

طيب كمان لو دا حصل فعلا ايه النتائج و العواقب المترتبة عليه ؟؟

[التونسى]

الحسنه الوحيده فى الموضوع ده انه بيوضح اننا عندنا شباب عبقرى ونابغ عنده القدره على خوض الحروب البارده ((الالكترونيه البرمجيه)) ..بل والانتصار فى معاركها .. المشكله بس اللى بتنغص على الواحد ان الاسرائليين ومن ولاهم من الدول الكبرى هما اللى معاهم مفاتيح القفل والفتح .. وصكوك المنح والمنع .. وممكن يضلموها علينا اصلا ((انترنتيا وتكنولوجيا)) لو يعنى حبوا يسكتونا ويعلمونا الادب .. طول ما هما يملكون ناصية العلم والتكنولوجيا والانتاج .. حنفضل احنا ((محشورين)) فى نطاق ووادى بطشهم وردعهم وجبروتهم

[طارق مصرى]

الاخبار بتقول منظمة اسمها 'أنونيموس' مخصصة فى الهاكر قررت تتضامن مع القضية الفلسطينية و استجاب لدعوتها كتير من خبراء الهاك فى اكثر من دولة اسلامية زى مصر و تركيا و المغرب و غيرهم , طبعا الهجمات دى لها خسائر اقتصادية و طبعا الكيان الصهيونى مع الوقت هيستعيد مواقعه و امريكا هتقوم بالتعويض لكن ده ما يمنعش اننا نفرح باى مصيبة تيجى على دماغهم حتى و ان كانت طفيفة .. مش احسن من مافيش؟!

[pink rose]

ما تفرحوش اوي كده

من ساعة ما شوفت الحوار دا امبارح و انا مش فاهمة مش داخل دماغي بصراحة

و اهي اسرائيل ردت بحملة اعتقالات واسعة في الضفة