العادلي يمنح الجنسية المصرية لـ 202 شخص

[se_ Elsyed]

أثار هذا الخبر غضبي عندما قرأته :P

إذا أنه مرتبط بشخص ما ... حتى لو كان وزير الداخلية ...

ولا مؤخذه يعني هو اللي بيمنح الوزير ولا الدولة ؟

وهل لما شخص بيقدم على الجنسية وأوراقه بتبقى كاملة وبعدين تترفع للوزير .. فهل ممكن يرفض لمجرد الرفض ؟ ام أن العملية مرتبطة بمؤسسات دولة وبقوانين واضحة ؟

ولا هانعمل زي الدول الملكية اللي بتمنح الجنسية على من تتفضل عليهم وتسحبها ممن تغضب منهم ويبقوا مجرد نكرات او بدون زي الكويت كده ؟!!!!

إيه الكلام الفاضي ده ؟

آه ممكن واحد يقول طب ما الوزير بيمثل مصر .. ومصر هي اللي معينه الوزير ...

لكن ما أقصده بإن الخبر لابد ان يُصاغ بطريقة أرقى من كده ....

أنا عمري ما قرأت خبر بيقول إن الوزير مايكل دوجلاس الأمريكاني ولا فرانسو عبد الستار الفرنساوي قام بمنح الجنسية لعدد من المتقدمين عليها....

ولكن الدولة وقوانينها هي التي تمنح وهي التي تمنع ....

العادلي يمنح الجنسية المصرية لـ 202 ..

من أبناء الأم المصرية .. والأب الأجنبي

كتبت انتصار النمر :

أصدر حبيب العادلي وزير الداخلية قراراً بمنح الجنسية ل 202 من أبناء الأم المصرية والأب الأجنبي.. يتضمن 68 سودانياً و16 سورياً و15 من كل من الأردن وليبيا و9 من كل من اليمن والعراق ولبنان.. و6 بريطانيين و4 كنديين و5 باكستانيين.. وفيما يلي الأسماء:

الخبر

[egyption]

يعني هي جات علي دي

[مهيب]

لا ... بصراحة س س عنده حق طبعا ... المفروض ان مصر دولة ... مش مملكة ولا امارة ولا تكية ... الجنسية فى مصر ليها شروط و نظام لمن تمنح له و من لا تمنح ...

وبعدين هى ليه من الأساس تبقى الجنسية عندنا بموافقة من الوزير ... أنا مثلا مش موافق على الكلام ده ... المصرية اللى تسمح لنفسها تتجوز غير مصرى لازم تبقى عارفة ان أولادها مش هيبقوا مصريين ... ولا تبقى العملية بطاطس .. لازم يبقى فى نظام ... و بعدين اللى أعرفه ان القانون بيقول ان من شروط الجنسية المصرية أن يكون الأب مصريا على الأقل ...

الجنسية حق من حقوق المصريين .. واذا كان الوزير فعلا رأى أن هؤلاء المتقدمين من حقهم الجنسية المصرية طبقا لما يمليه القانون ... يبقى صياغة الخبر خطأ فادح ...

[Ahmed Mohsen]

لا ... بصراحة س س عنده حق طبعا ... المفروض ان مصر دولة ... مش مملكة  ولا امارة ولا تكية ... الجنسية فى مصر ليها شروط و نظام لمن تمنح له و من لا تمنح ...

وبعدين هى ليه من الأساس تبقى الجنسية عندنا بموافقة من الوزير ... أنا مثلا مش موافق على الكلام ده ... المصرية اللى تسمح لنفسها تتجوز غير مصرى لازم تبقى عارفة ان أولادها مش هيبقوا مصريين ... ولا تبقى العملية بطاطس .. لازم يبقى فى نظام ... و بعدين اللى أعرفه ان القانون بيقول ان من شروط الجنسية المصرية أن يكون الأب مصريا على الأقل ...

الجنسية حق من حقوق المصريين .. واذا كان الوزير فعلا رأى أن هؤلاء المتقدمين من حقهم الجنسية المصرية طبقا لما يمليه القانون ... يبقى صياغة الخبر خطأ فادح ...

يا مهيب ......

علي حد علمي قانون الجنسية اتغير من فترة بسيطة وأصبح من حق أبناء الأم المصرية والأب الأجتبي إنهم يحصلوا علي الجنسية المصرية ....

وأنا شخصيا أتفق تماما مع هذا التغيير ......

وأنا أيضا مع سي السيد في إعتراضه علي صياغة الخبر وليس مضمونه ......

ولكن هذه الصياغة تتماشي مع سياسة النفاق التي تتبعها وسائل الإعلام مع كل من وما هو مسئول في البلد ......

سياسة النفاق التي تجعل من كل مسئول إله (العياذ بالله) في موقعه ... يشعرونه كأنه هو الذي بيده كل شيئ .....

ربنا يتوب علينا من النفاق والمنافقين

[Shams100]

اعتقد ان العادلى هو اهم شخصيه لمبارك وعائلته فبفضله كل امن مصر مخصص لحمايتهم وهو يلعب هذا الدور باتقان شديد واكيد الثمن كبير من خير البلد المتبقى فهو من هذا المنطلق يتعامل كالامر الناهى وان شاء الله لكل وضع نهايه ودوام الحال من المحال

[Shams100]