عبدوس الوزير .. هل تسمعنى؟

[عصام]

شرفنا عضو جديد جدا .. لكن داخل حامى جدا ..

عبدوس الوزير .. شرفتنا

أهلا بيك .. ونتمنى لك إقامة سعيدة .. ومحاورات مفيدة

إتنين كركديه وتفاحة هنا يابنى .. mfb:

معلش يا سكوب .. عدت منك دى mf)

[عبدوس الوزير]

الله يخليك

الحقيقة أنا متابع للموقع بقالي فترة وحاولت أسجل كذا مرة بس كان فيه مشاكل في التسجيل مش عارف ليه؟

عاجبني ارتفاع مستوى المناقشة بما لم أعهده على الإنترنت في منتديات المصريين. أخيرا في ناس عقلاء مش آخر همها مين هيكسب في الماتش الفلاني ومين طلع آخر أغنية وأملي أن يستمر الموقع بنفس الهمة والمستوى

جزاكم الله خيرا والسلام

[mb14]

اهلا وسهلا بيك يا دكتور عبدوس فى المحاورات

ونحب نسمع ارائك ومشاركاتك المفيدة ان شاء الله

بس قولى عبدو وعرفناها بس s دى ايه للجمع

انتى مش داخل لوحدك بقى دى انتوا جماعة

mfb:

[Scorpion]

الواحد ما يلحقش يخش الحمام علشان يفك... البابيونة اللي حتخنقني الا و يسرقوا مني الزباين...ماشي يا عصام...

و ادي احلي كركديه لعضو جديد شرفنا... و مش اي عضو... ده وزيييير...

ما هو الكركديه شغال حلاوة اهو يا سي السيد... و الناس و لا منعوسة و لا حاجة... و عالعموم علشان تبقي مبسوط مع الكركديه حنبقي ننزل طبق فسدق لزوم الأزأزة ما بين مداخلة و التانية....

نورت يا عبدوس.... mfb:

[عبدوس الوزير]

السلام عليكم ورحمة الله

الاسم مقتبس من فيلم شادية و رشدي أباظة (أظن الزوجة 13) لما كان بيقول

وقال الملك كشمير لعبدوس الوزير آتني بألف بعير

قال الوزير عبدوس لملك المجوس : أيها الملك يا عالم الفلك، البعير هلك!

وهو الاسم اللي اتعرفت بيه في ثانوي

بس مش متأكد من اسم الملك بصراحة

والسلام

[عصام]

طيب كلمنى عن بُكره .. mf)

قصدى عن نفسك يا عبدوس ..

بتحب الملوخية؟

طب إنت تخين وللا رفيع؟

طويل وللا قصير؟

وقبل دا كله .. إنت مرطشابتش؟ :rolleyes:

mfb:

[حرفوش]

سوف أضم عبدوس الوزير إلى نادى الحرافيش, إذا وافق.

فالوزراء لا تقل لهم, بل تطلب منهم.

[عبدوس الوزير]

الإخوة الأعزاء

* يشرفني أن أكون حرفوشا

* أعتقد أني هستنى على موضوع الكركديه ده لحد ما يغسل الأخ سكوربيون إيده بعد ما فك .... البابيون

* أنا كنت رفيع جدا والله بس دلوقت بعد الزواج والأولاد تقدر تتصور الوضع

والسلام

[عصام]

* أعتقد أني هستنى على موضوع الكركديه ده لحد ما يغسل الأخ سكوربيون إيده بعد ما فك .... البابيون

mf) :rolleyes: <_< :angry:

mfb:

[se_ Elsyed]

. أخيرا في ناس عقلاء مش آخر همها مين هيكسب في الماتش الفلاني

طب بتخبط فيه ليه يا عبدوس ؟

ده انا كنت إبتديت احبك بعد الكام مداخله الحاميين بتوعك ؟

سكوب سك على الكركدية ...

وهاتلي سحلب وطاوله على حساب عبدوس ..

عشان لما يدفع الحساب ويغرمله قرشين حلوين ... يبقى يبطل يخبط في الناس بتاعت الكوره ..

وبالعند فيك يا عبدوس ... بيببببببببببب بيببببببببب اهلي

:rolleyes:

أنا بأهزر معاك يا مان

حللت اهلاً ونزلت سهلاُ وجُزيت خيراً وتزوجت بكراً .. وأقعد بالعافية

[عبدوس الوزير]

جزاكم الله خيرا

أنا برده أهلاوي أو كنت كذلك لما كنت أصغر شوية. دلوقت أفرح لو الأهلي كسب بس متفرقش معايا لو خسر. ولو كان الأمر بإيدي كنت خسفت بمرتبات اللعيبة والمدربين الأرض، أهلوية أو غيره

إنما كان قصدي على إن منتديات الأندية وصلت لحالة من التردي لدرجة مخزية وصار السباب عيني عينك كأن يقوم الفورم بتاع الأهلي بتحويل كلمة "زمالك" في أي مداخلة إلى كلمة أخرى بغير سؤال المشارك (والعكس صحيح) مما استفزني شخصيا وأبعدني عن منتدى الأهلي مع كوني أهلاوي كما أسلفت

وهذا مما يعكس حالة التردي والتحزب على حاجات تافهة في نظري (اعذرني) واحنا داخلين على أيام منيلة والشرق الأوسط الجديد والعولمة في غياب المضمون

كلام كبير مش كده! إيه الفتح ده! قول كمان!