سكوب مُشرف ترحيب

[se_ Elsyed]

بما إن سكوربيون ماسك اليومين دول رئاسة قسم التشريفات والمراحب وجايب حصيرة فارشها قدام باب المنتدى وجنبه سبرتاية القهوة والكنكة وعمال يقعد الناس جنبه ويديهم الهووم وورك بتاعهم ( واجبهم يعني :rolleyes: ) ...

ومعروف عننا من 25 سنة بإننا بناخد بإيد المشرفين الشبان جيل الطلائع ( عليه الطلائع مانا فاهم حاجة ) فهما دول هايبقوا حملة المشاعل وهما دول اللي هاينوروا للناس طريقهم في ظلمة الليل البهيم ..

فلقد فكرت وقررت وعقدت العزم على إني اهديه كام جملة ترحيبية يستخدمهم لما تلقيمة البُن تخلص منه ... اهو يلاقي حاجة يعملها ...

خد عندك يا سيدي

" اللي يحب ربنا .. ييجي يتحاور عندنا "

" لو كنت رفيع .. لو كنت تخين .. برضوا لك مكان في محاورات المصريين "

" لو جاي من دشنا .. او جاي من شبين ... مش هاتلاقي قدامك غير محاورات المصريين "

" بُص شمال ... بُص يمين .. إحنا وبس محاورات المصريين "

" تاكل دهون ... تاكل سمين .. لازم تهضم بمحاورات المصريين "

" دولا مين ... و دلاو مين .. دول محاورات المصريين "

[Scorpion]

بص بقي يا اسطي سي السيد .. احنا دورنا بس في تحضير الكركديه و الترحيب بالناس الحلوة .. و بعدين انا لابس البابيونة مضطرآ اليومين دول .. و لو بصيت احنا كنا ازاي قبل ما تيجي عقود العمل الخليجية .. كنت حتلاقي كل اللي بيرحبوا هم الأعضاء أهل البيت و اللي انا بعمله دلوقتي يسمي في الزمخشري بعملية الإحماااااااااااااااااااء ... واخدلي بالك ماااااااااااااء.. و ادي اهو فايولين كينج و عصام ذا جريت دخلوا في الدايرة و بيقوموا بدورهم ..

مش زي ناس... مش فالحة غير في التقطيم و الحلق...

و من باب العلم بالشيء احنا مش محتاجين شعارات .. لأن المحاورات زي مصر....

تتحدث نفسهاتتحدث عن نفسها

و زي ما قال اللمبي ..

وقف الخلق ..

وقف الخلق ...

و

و

وقف الخلق ....

و بعدين تعالوا هنا .. سيبك من الكلام ده كله ... ايه النظااااااااام سعادتك يعني ... انت خلعت ايدك من وزارة الأبتسامات .. قصدي باب الأبتسامات وهوبببااااااا دبستهولي كده سُكاتي ... هي ايه الأنصاص قامت ...الله يمسيه بالخير واحد حبيبي كان هيموت عالباب ده و في الآخر راح أشتغل مقاول أنفار في البحرين...

يعني عمالين نقول الوزارات بتتغير ... و العملية قفلت زي الشطرنج... و بعدين الاقيني في يوم و ليلة بقوم بقسم اليمين كده من غير ما اعرف...

آه يا بلد ....

ما تخليك معايا في الأبتسامات يا ابو السيد .. حنعمل دويتو رهيب..

[عصام]

...الله يمسيه بالخير واحد حبيبي كان هيموت عالباب ده و في الآخر راح أشتغل مقاول أنفار في البحرين...

وجون وجون وجوووووون ...

:blink: ty:) mc:

حلوة وملعوبة يا سكوب يابنى ..

:P

والله عسل .. fsh::