كيف تتعامل مع موقع انجاز

[magedshahen]

السلام عليكم ورحمة الله وبركاته

ده ان شاء الله هيكون مرجع لاى حد علشان يعرف يتعامل مع موقع انجاز لانى واجهت كذا تساؤل وانا بتعامل معاه فقلت انقل للناس اللى عرفتة

اولا دا موقع بتقدر تعرف منه بيانات النت تباعك كمان تتابع الشهادة الصحية وصدور التاشيرة

لينك الموقع هو :-

https://enjazit.com.sa/

ودى صورة منه

لو حبيت تشاهد النت بتاعك هتدخل على

1-طلب مدخل

2- تكتب رقم الطلب اللى اولة e

3- تكتب رقم الباسبور بتاعك اللى اوله a

4- تدخل الرمز اللى فى الصورة كما هوه موضح كدة

ودى صورة طبعا كلنا عارفينها لشكل النت

لو عاوز تتابع الشهادة الصحة بعد ما تعمل الكشف بيوم تقريبا تدخل على اللينك دا

https://enjazit.com.sa/VisaPerson/CheckMedicalResult

وتدخل بيناتك من رقم الطلب ورقم الجواز ولو طلع العبارة دى

يبقى كدة الشهادة الصحية وصلت للسفارة ومدام المستشفى اللى عملت فيها الكشف محدش اتصل بيك يبقى انت عديت لو لاقدر الله فى حاجة فى الكشف المستشفى هتتصل بيك علشان تعمل اعادة للكشف

بخصوص التحاليل فى المعامل المركزية للفيروسات دا لينك تعرف منه النتيجة

http://www.healthlabs.net/Default.aspx?uc=.%2fUI%2fCertificates%2fViewCertificate2

وبتدخل فيها رقم الجواز بدون حرف a0 اللى فى اول رقم الجواز

والنتيجة بتتأخر شوية عن الكشف يعنى بتطلع فى حدود 3 – 5 ايام

وبتظهر بالشكل لما تبقى خالى من الفيروسات باذن الله

كدة يبقى كل شئ تمام فاضل دخول الباسبور للسفارة واخد التأشيرة عليه

لو عاوز تتابع الباسبور داخل السفارة عن طريق مكتب السفريات او موقع انجاز هختار

1- تأشيرة باستخدام رقم الطلب

2- خلى بالك بقى لازم تكتب رقم الطلب من غير حرف e فى الاول

3- لازم تكتب رقم الجواز وحرف ال a فى الاول يكون صغير او small يعنى

انا ما طلعتش معايا غير لما كتبتهم بالشكل دا

طول ما الباسبور خارج السفارة او داخلها ومفيش اجراء اتاخد عليه هتظهر العبارة دى

وان شاء الله بعد اخذ التاشيرة على الباسبور هتطلع العبارة دى

فى النهاية الموضوع مجهود شخصى ارجوا من الاخوة الدعاء بظهر الغيب

[محمود العماوى]

طب ازاى اتأكد من ان الجواز دخل بالفعل السفاره ؟!!

[waaaf]

مش عارف أتعامل مع موقع إنجاز علشان أستفسر عن تأشيرة إستقدام الأسرة

بعض الأخوة قالو تكتب رقم الطلب إللي هو رقم تسجيل النت من غير حرف الـ E

والجواز لازم تكتب حرف الـ A سمول

عملت كدة وبتظهرلي العبارة المشهورة خطأ بالبيانات أو العبارة الأخرى خطأ في مدخلات البحث

حاجة تجيب الشلل بجد

[Scorpion]

ما هو إحتمال زي ما قال صاحب الموضوع الأستاذ magedshahen

طول ما الباسبور خارج السفارة او داخلها ومفيش اجراء اتاخد عليه هتظهر العبارة دى

ده اللي انا فهمته .. و ان كنت اتمني ان حد من الزملاء اللي ليهم تجربة يرد علي سؤال حضرتك

[محمود العماوى]

ايوه بس انا الباسبور من يوم الحد اللى فات
من الحد للخميس متاخدش فيه اجراء ؟؟!!

[Guest ashraf]

طيب فين رقم الطلب اللي بيبدأ بحرف e

[Guest ابو نصر]

ياجماعه الخير حد يفيدنى 

الباسبور دخل السفاره السعوديه من اسبوعين والاسبوع اللى فات كانت تظهر رساله الطلب تحت الاجراء

 اليوومين دول بتطلع لى رساله تاكد من البيانات المدخله

حد يشرح لى اعمل ايه

[Guest محمد سعيد محمد]

السلام عليكم

تقدمت تبع شركة للحصول على اقامة من شهر تقريبا

وحتى الان يظهر على الموقع انجاز ان الطلب تجت الاجراء ماذا يعنى هذا ...ارجو الافاده