عيد ميلاد ابو يوسف

[Scorpion]

النهارده العزيز ابو يوسف بيقفل في32 سنة.... بصراحة بقراية اللي بيكتبه كنت فاكر انه اكبر من كده يعني بيتبع مجموعة الاربعينات زي حالاتنا...

كل سنة و انت طيب يا ابو يوسف و ربنا يباركلك في سنين عمرك...

اتفضلوا الطورطة والجيلاتي ..

فين الببس

[أسد]

أبو يوسف ...

كل سنة و إنت طيب ...

الحقيقة انا كمان كنت فاكر إنك معانا ..

في الأربعين وفوق ..

:blink: :blink: :blink:

[عصام]

أبو يوسف .. (المفروض ارد اقول نعم .. :blink: :blink: )

كل عام وأنت بخير .. متعك الله بالصحة والسعادة كل سنوات عمرك القادمة .. انت وكل اللى اسمه يوسف :blink:

حبى واحترامى

:blink:

[Sherief AbdelWahab]

كل عام والعزيز أبو يوسف بألف خير وصحة وسعادة..

خلص الكلام

[achnaton]

الأول نقولك كل سنة وانت طيب .. متمتعا بالصحة والسعادة والخير ..

ثانيا .. ربنا معاك بقى .. يعينك ويقويك انت وامثالك فسوف يكون العبء ثقيل بعد التغيير .. وتعيش جمال الحكم :blink: :blink: :blink: :blink:

تم تعديل 20 فبراير 2005 بواسطة achnaton

[G.G]

يا أبا يوسف,, :blink:

كل عام و أنتم بخير,,

و يبارك لك الله في الصحة ,,و العمر,, و يوسف . :blink: :blink:

[ابو يوسف]

سكوربيون ...

أسد ...

عصام ...

اشكركم جميعا ..

بجد أحرجتونى !!

و بعدين يا سكوربيون ... صلح الكى بورد بتاعتك ...

انا تميت ... 23 مش 32 ... :blink:

مشيها بقى !!!

وبعدين اعذرونى علشان انا من بعد ما تميت التلاتين و انا بتجيلى حالة اكئتاب فى عيد ميلادى !!!

بيقولوا ان متوسط عمر الانسان المصرى من ستين لسبعين ...

يعنى ينفع اقول بعد التلاتين ان اللى جاى مش قد اللى رايح :blink:

:blink:

البسبسى ده لسكوربيون ... اوعوا حد يشربه

أحبكم جميعاً ... :blink: :blink: :blink:

[Scorpion]

و بعدين يا سكوربيون ... صلح الكى بورد بتاعتك ...

انا تميت ... 23 مش 32 ...

اقفش.... تزوير في اوراق رسمية...

اعضاء المجلس الكرام... العضو ابو يوسف زور عامدا متعمدا في توكيلات الحزب ... ( حزب ايه الله يخرب بيتك... اقرا الورقة كويس) ...

احمم ... عفوا ... زور عامدا متعمد في شهادة تاريخ ميلاده ... ملزقا التهمة بكيبوردي المسكين ... الذي يحمل تاريخا انصع بياضا ...

ايهاالاعضاء الموقرين... بعد طلب المساعدة من المخابرات الحوارية استطعنا الوصول الي شهادة تسجيل المدعو بو يوسف بالمحاورات حيث كتب بخط قلمه البيج تاريخ ميلاده: 18 فبراير 1973 مما يدل ان عمره 32 سنة فعلا و ليس 23 سنة فقط.كما يريد ان يقنعنا .. و بناء علي ذلك اطالب برفع الحصانة عن العضو المذكور و احالة اوراقه الي المفتي ( بس بعد ما اشرب الببس ) ..

او ان يتراجع المتهم عن محاولته الساذجة لتصغير نفسه... و تقديم اعتذار رسمي لكيبورد تم اتهامه بالزور مما اصابه بالاحباط الشديد ادي الي اللجوء الي طبيب نفسي للعلاج من هذه الحالة...

مشيها بقى !!!

لا مش حمشيها .. علشان يبقي عيدميلاد و تابيدة في يوم واحد...

كده يبقي سي السيد عداه العيب لما يطلعني ندل vmp: