الحكومة تسمح بتداول زيت مدمر للصحة

[egyption]

بدون تعليق :angry:

[love_casper]

يا راجل و دى حاجه جديده انا اتعودنا على كده من صفقة لحوم الهند و لنتهاء بالزيت المنيل ده .

حسبى الله و نعم الوكيل

[عبدوس الوزير]

لحظة واحدة

كانولا إيه إللي بيسبب الموت المحقق والعقم والعياذ بالله؟

الكانولا دا في كندا في كل رف في جميع المحلات الراقية منها والرخيصة وبيستخدمه كل بيت وبينصح بيه الأطباء لفوائده المتعددة ومنها على سبيل المثال تقليل مستوى الكولسترول في الدم واحتواؤه على أوميجا 3 وعلى أقل نسبة من الدهون المشبعة في أي زيت طعام آخر. لم يحدث أبدا أني سمعت عن أخطار للكانولا في النشرة وتأكدوا لو كان فيه أخطار كان الإعلام قلب الدنيا

وظني أن الصحفي الذي كتب المقال ليس أمينا وله منفعة في نشر هذا التشويش لأنه يدعي أن كندا تصدر الزيت مقابل استيراد زيوت آمنة لمواطنيها، مع أن الكنديين أكثر المستهلكين للكانولا وتحتل مبيعات الكانولا 70% من إجمالي مبيعات زيوت الطعام.

والسلام

[عبدوس الوزير]

هذه روابط لفوائد الكانولا

الروابط من مجلس مصنعي الكانولا في كندا ولكن بها مراجع لأبحاث في مجلات علمية متخصصة مستقلة

1

2

3

4

5

[emmyyy]

سبقتني يا عبدوس كنت لسه كتب الكلمتين دول لاني لما قرات الخبر مفهمتش ازاي مضر و ازاي لسه بيبعوه هنا في امريكا هو عموما يمكن الزيت ده له عيب في راي له رائحه غريبه

[عبدوس الوزير]

الحقيقة بعد ما الواحد فقد الأمل في الصحف القومية مستوى الصحف المعارضة انحدر أوي وبقى معظمه كلام للتهييج من غير تحقيق حقيقي (يمكن العربي أخفهم مع إني مش ناصري أصلا) والواحد بقى مش عارف يروح فين علشان يقرا صحافة كويسة

بيقولو ان الجرنال الجديد (المصري اليوم) فيه الرمق شوية بس مالوش موقع على الإنترنت

والسلام

[Masrawy Abroad]

أنا احترت في جريدة الوفد وكرهت إدارتها الفاشلة...

سقطة صحفية أسوأ من اللي قبلها...

كانيولا ايه اللي مدمرة دي؟!! على رأي الزملاء ...دي زيت موجود في كل مكان وبياكله الشعب الكندي الغني والفقير منهم... وأغلى من الزيت النباتي كمان

فعلا خبر مليان متناقضات وتهييج.

فكروني بالخبر اللي جابوه قبل كده عن اغتصاب العراقيات ولزقوا صور إباحية فاضحة في الصفحة الأولى وهي أساسا منقولة بالحرف من موقع إباحي

....

يرحمونا بقى..دي بقت جريدة صفرا بصحيح

تم تعديل 22 فبراير 2005 بواسطة Masrawy Abroad

[nano]

غريبة دة انادايما بشترية وفعلا في امريكا موجود دائما حتي في بعض الماكولات الجاهزة بتنعمل منة هنا في امريكل علي سبيل المثال البطاطس نصف المقلية وعجبي

[المصرى الاصيل]

أفضل شىء أن نحكم عقولنا فى أى شيىء يكتب ولا نفرق بين الصحف الحكومية و غيرها لأن كل يغنى على ليلاه vmp: vmp: vmp: vmp: vmp: vmp: rs: