''دراجة وتي شيرت'' البرنس تثيران غضب أهالي بالإسكندرية

[eslam elmasre]

اثار تجاهل المستشار محمد عطا عباس، محافظ الإسكندرية، ونائبه الدكتور حسن البرنس لمأساة عشرات الأسر المتضررة من تصدع وانهيار 5 عقارات بكرموز بسبب قيام أحد الأشخاص بالتنقيب عن الآثار، صباح أمس الخميس، مما جعلهم يفترشون الشارع بعد أن فقدوا مساكنهم، فى حالة من الغضب والاحتقان بين أهالي الإسكندرية.وظهر البرنس أمس يقود دراجة ويرتدى ''تى شيرت'' أبيض مطبوع عليه علم مصر وسط مجموعة من شباب حزب الحرية والعدالة في ماراثون احتفالا بعيد تحرير سيناء وإفتتاح المرحلة الأولى من تطوير كوبرى أبيس.

وقال البرنس فى تدوينة له على صفحته الرسمية بموقع التواصل الاجتماعي '' فيسبوك'': ''في الصباح تجمع الشباب بالدراجات على كوبرى ابيس احتفالا بتحرير سيناء وسعادة بافتتاح المرحلة الاساسية من كوبرى ابيس و بداية العمل فى المرحلة الاخيرة وجدت سعادة أن أركب دراجة بين الشباب فهم الحاضر و القادة و المستقبل الواعد''.

عجلة ايه ونيلة ايه

اتلهي على عينك ونضف البلد اللي بقت عبارة عن كوم زبالة

انا مش عارف هل كل محافظات مصر بهذا المنظر المؤذي والمشين

انا بشوف اسكندرية بمنظر ماشفتوش قبل كده في حياتي من ايام الماحي ومعاذ

حتى في ايامهم ماكنتش اسكندرية بهذه القذارة

انتم بتموتو في المهرجانات والدعاية الكذابة وخيبتكم ماوردتش على حد

وعشان نقول كلام ويبقى الفضل مايتنسبش لحد جاء وحصد دون ان يفعل

المشروع ده تم الشروع فيه بعد الثورة مباشرة ولم يكن ساعتها البرنس موجود في المحافظة يبقى الصح انك تورينا شغلك انت وهي متمثلة في تنظيف البلد في الاساس اللي اصبحت عبارة عن كوم زبالة بحجم محافظة كانت تسمى سابقا عروس البحر المتوسط

للاسف الشديد وفي غضون اسبوع سنسمع خبرا يسر الجميع وهو تعين البرنس محافظا للاسكندرية ولا ادري على ايه سيتم تعينه محافظا لهذه المدينة الكبيرة عليه وعليهم كلهم

وبعدين انا ملاحظ ان كل المحافظات التي لم تعطي الاخوان او مرسي يتم تعيين محافظين من الاخوان لها

من المؤكد انها خطة مدروسة لتجميل صورة الاخوان في هذه المحافظات ونسو ان ما في القلب في القلب وهايفضل كارهوكم كما هم ولو عملتم الحنة بردو مكروهين مكروهين

[tarek hassan]

من المؤكد انها خطة مدروسة لتجميل صورة الاخوان في هذه المحافظات

تجميل إيه يا حاج إسلام هو دا اللي هيجمل .... وعلى رأي المثل .....وإيش تعمل الماشطة في الوجه ......

[eslam elmasre]

من المؤكد انها خطة مدروسة لتجميل صورة الاخوان في هذه المحافظات

تجميل إيه يا حاج إسلام هو دا اللي هيجمل .... وعلى رأي المثل .....وإيش تعمل الماشطة في الوجه ......

هما مفكرين يعني انهم لما يعملو شوية الاونطة زي ما يروح البرنس بتاع الاشعة يقابل الصيادين يقوم لابس لبس الصيادين ولما يروح الاستاد يلبس ترننج ولما يروح للمزارعين يلبس البنش ولما يروح مصنع يلبس العفريته

مفكرين شوية الاونطة دول هايخيلو على الشعب

كنت قاعد مع شوية ناس من الجماعة دي من كام يوم عمالين يمجدو ويشكرو في البرنس ويقولو الله ينور عليك يا دكتور حسن كل ما تتعمل حاجة ولو كانت تافهة في البلد انا من غيظي ماستحملتش كمية الجندلة والتبخير دي قمت طالع فيهم من غيظي قلت لهم ايه دكتور حسن ده كمان وبيفهم ايه في المحليات ده راجل جابوه من على جهاز الاشعة ومسكوه نائب محافظ ومن ساعة ما مسك المحافظة والبلد ماشفتش خير وكل يوم اسوأ حتى لما العمارة وقعت على الناس تبرأ من مسؤوليتها وقال انه البناء مش مسؤوليته ومسؤولية المحافظ يعني انت جاي تقش بدون مسؤولية والفرح مدعية والهم منسية وتبيع الدنيا عشان مصلحتك

ده واحد جاي يجرب فينا واحنا ورزقنا بأه وضربو الاعور على عينه

[eslam elmasre]

قطع عدد من أهالي منطقة كرموز بالإسكندرية، السبت، الطريق احتجاجا على تجاهل الجهات التنفيذية لهم، بعد انهيار العقارات الـ 3 ، التي كانوا يقطنون بها الخميس الماضي، إثر قيام أحد العاطلين بالتنقيب عن الآثار.

وتسبب قطع الطريق في حالة من الشلل المروري التام بالطريق الرابط بين منطقة العجمي ومنطقة محطة مصر، والذي يعتبر أحد الطرق الرئيسية بوسط المدينة، حيث حضر عدد من القيادات الأمنية التابعة لقسم شرطة كرموز في محاولة لتهدئة الأهالي، لإعادة فتح الطريق.

واتهم أهالي شارع القطبي بمنطقة كرموز، المستشار محمد عطا عباس، محافظ الإسكندرية، ونائبه الدكتور حسن البرنس، والأجهزة التنفيذية، بالتخاذل في التعامل مع الكارثة التي تعرضوا لها، مؤكدين عدم حضور أي من قوات الحماية المدنية أو أحد المسئولين منذ وقوع الحادث.

فالح بس تركبلي عجلة وتظهر بيها ادام الناس عشان المهرجانات وسايب الغلابة دول

اه

اصل الغلابة دول ماورهمش فرقعة اعلامية وممكن يكون وراهم ضرب بالقفيان او الشلاليت ولو حصل تستاهل

قلي يا برنس امتى اقول انك شغال

ولو قلت انك مش شغال ابقى وحش ولو قلت انك شغال ابقى كداب

العيب مش عليك

العيب على اللي عينك وفرضك على الناس وانت مالكش في اللعبة

[eslam elmasre]

محافظ الإسكندرية ينقلب على البرنس.. ويوجه له اتهامات بـ"نسب إنجازات المحافظة لنفسه وللحرية والعدالة"

فجر محافظ الاسكندريه، المستشار محمد عطا عباس، مفاجاه معلنا خلالها، انتهاء شهر العسل في التصريحات، التي كانت توصف بانها ورديه منه بشان نائبه الدكتور حسن البرنس القيادي الاخواني السابق، حيث وجه له انتقادات لاذعه، متهما اياه بنسب اي انجاز بمحافظة الأسكندرية لنفسه، ولحزب الحريه والعداله.

واشار المحافظ خلال مؤتمر صحفي عقده بمقر محافظه الاسكندريه اليوم الإثنين الي انه قد فوجئ بالبرنس يقوم باسناد عمليه توزيع الخبز علي المنازل لجمعيه اهليه تابعه لجماعة الاخوان المسلمين، الامر الذي اعتبره المحافظ تجاوزا غير مقبول.

وكشف المحافظ عن انه ايضا قد فوجئ بالبرنس يقوم باستبعاد سكرتير عام المحافظه السابق احمد الادكاوي، وتعيين رؤساء الاحياء جميعهم دون اخذ رايه.

واشار المحافظ الي انه قد رفع الامر بما وصفه بتجاوزات الدكتور حسن البرنس الي رئاسة الجمهورية، مشيرا الي انه لا يقبل ان يحول البرنس محافظه الاسكندريه الي دور المروّج لاي فصيل سياسي، لافتا الي انه -البرنس - قد قام بتسخير كل امكانيات المحافظه لخدمه جماعة الإخوان المسلمون.

جات متأخرة شوية يا محمد عطا

انا عاتب عليك انك تشتكي البرنس لمرسي

يعني ينفع تشتكي البلطجي لزعيم العصابة

اكيد هايقف جنب رجله

اما انت فاستمارة 6 مستنياك يا جميل لان قرار تعين البرنس محافظ جاهز على التوقيع

حسن البرنس تلاقيه لما يفتتحو كوبري او مسجد او طريق

اما البيوت لما تقع والكباري لما تهيل واكوام الزبالة فوجوده فيها معدوم

[tarek hassan]

صورني و انا مش واخد بالي .. بس بسرعة يا ابني علشان الخشبة تقيلة قوي

[egyptawy]

صورني و انا مش واخد بالي .. بس بسرعة يا ابني علشان الخشبة تقيلة قوي

اخد بالك انى كل الا حواليه واقفين ولا فى دماغهم

يعنى هو الوحيد الا شايل والناس التانية واقفة تتفرج

الجماعة ده مش هاتعمر ابدا طول هما متخيلين انى كل الناس من عينة مويدين الزيت والسكر ومن عينة لو رشحنا كلب هينتخبوه

[tarek hassan]

اخد بالك انى كل الا حواليه واقفين ولا فى دماغهم

يعنى هو الوحيد الا شايل والناس التانية واقفة تتفرج

الجماعة ده مش هاتعمر ابدا طول هما متخيلين انى كل الناس من عينة مويدين الزيت والسكر ومن عينة لو رشحنا كلب هينتخبوه

يا سيدي السيارة قدامك عليها أجولة مش خشب وهو بيصور بخشبة مش بجوال ... وكمان مش لابس عدة الشغل على البدلة

[eslam elmasre]

صورني و انا مش واخد بالي .. بس بسرعة يا ابني علشان الخشبة تقيلة قوي

معلش يا حاج طارق عندي سؤال ومزنوء فيه اوي

ايه الفرق بين الاخلاص والنفاق

ايه الفرق انك تعمل لوجه الله تعالى وبين ان تبين دائما وابدا كل ما تفعله للناس حتى ولو كان تافها ثم تعظمه وكأنك تفعل المعجزات

هل هذا الرجل نيته خالصة لله تعالى مع العلم ان ما يفعله الانسان لوجه الله تعالى له علامات واشارات يستشفها المنصفون وايضا الرياء لن يخيل عليهم

علمت ما يفعله باسم عودة وزير التموين واثنيت عليه فهو يستحق هذا في هذا التوقيت الحرج رغم ما يعتريه من مصاعب جمة فكان من الحتمي ان نقول له انت على الحق وامضي في طريقك فكلنا معك نؤيدك وندعمك

الفرق بين باسم عودة وحسن البرنس كالفرق بين الاخلاص والنفاق