6 أكتوبر أم التجمع الخامس والقاهرة الجديدة

[أسد]

الحقيقة أنا أرغب في شراء قطعة أرض لبناء فيلا للسكن ..

وأرغب في شراءها في 6 أكتوبر أو القاهرة الجديدة (التجمع الخامس) .. ومش عارف أقرر ..

يعني مش عارف ماهي معايير التقييم الموضوعية من حيث الخدمات المتوفرة والمستقبل .... الخ.

حالياً أنا ساكن في مصر الجديدة .. والقاهرة الجديدة تعتبر هي الأقرب لتفكيري .. لقربها من تلك المنطقة .

وإذا سألت أو إستشرت أحد...

إذا كان من سكان الجيزة فهو يرشح لي أكتوبر ..

وإذا كان من سكان مصر الجديدة ومدينة نصر فهو يرشح لي التجمع الخامس ..

وكل يعدد المميزات ...

والأسعار تقريباً متشابهة ..

ولست أدري على أساس يمكنني التقييم وإتخاذ القرار.

شاكر لكم تفضلكم بمعاونتي في هذا الموضوع

ومقدر لمشاركتكم سلفاً

[عبدوس الوزير]

الأستاذ أسد

معلش مش هقدر أساعدك ولكن اقتراحي إنك تشوف لواءات الشرطة بياخدو فين وتاخد جنبهم

والمثل بيقول من جاور السعيد يسعد

والسلام

[عبدوس الوزير]

والمثل بيقول من جاور السعيد يسعد

وبهذه المناسبة فأنا سمعت أن لواءات الشرطة لهم أراضي بالقرب من الجامعة الأمريكية الجديدة، ولذلك فهذه المنطقة مضمونة المرافق ولها أمل كبير في ارتفاع سعرها عندما تنتقل الجامعة هناك

كما أن هناك إشاعات أن وجود "كارفور" بالقرب يزيد من قيمة الأرض

ولكن كل هذا مبني على إشاعات الله أعلم بصحتها. كما أني الحقيقة أنا كمان كنت من سكان المعادي ولذلك ربما أكون متحيزا لخيار التجمع الخامس

والسلام

[أسد]

إخواني ...

أرجو إفادتي .. فالموضوع بالنسبة لي هام

شكراً

[se_ Elsyed]

إخواني ...

أرجو إفادتي .. فالموضوع بالنسبة لي هام

شكراً

أسد ... خدني في إيدك يابني الله لا يسيئك ..

كنت مكسوف أسأل أحسن حد ينفض لي ويطنش ..

فبقيت اعتمد على نفسي واجمع معلومات من الناس اللي عايشه في مصر لحد ما أنزل في الصيف ..

بس انا عكسك تماماً حيث أؤمن بالمثل اللي بيقول " شرا العبد ولا تربيته "

يعني لا أرض ولا طين ... إشترى جاهز وخلص نفسك ..

يا ناس يا بتوع التجمع .... يا كليو ياللي عايشه في النعيم ))))))))))))))))))

إفتينا يابنتي ربنا ما يرقد لك جته ... ..

وإنت يا أبن مصر ياللي عامل لي فيها شيخ غفر عموم مشايخ 6 اكتوبر وتقولي إنك بتنيمهم من المغرب وإنك الكل في الكل هناك ..

إدخل ورينا عضلاتك يا شقيق .

ده علشان خاطر أبو الأسود بس .. لإن 6 اكتوبر لا أفكر فيها ولا في الاحلام حيث إني بأعتبرها غُربه بالنسبة لي .

[هشام عبد الوهاب]

استاذ اسد

.... وسى السيد بالمرة .

انا من سكان الهرم .. بل من مواليده ولم اسكن غير فى الهرم ...

فكرت زيك اخد قطعة ارض وابنى عليها ... طبعا رحت اكتوبر ., لكن لغيت الفكرة تماما ... فكرت فى حدائق الاهرام ... وماعجبتنيش ...ليه ..مممممممم كدهو .

من 3 سنوات وبالصدفة ذهبت للتجمع الخامس ... والمفاجئة ..... عجبتنى جدااااااااااااااااااااا.

ليه ...

1- اكتوبر عبارة عن (محافظة) اكبر من مدن كثيرة جداا فى مصر وليست حى بأى حال من الأحوال ............ ويبعد عن اقرب نقطة حية داخل العاصمة حوالى 23 كيلومتر... ((شارع الهرم))

التجمع الخامس حى متميز مساحته معقولة جدا ......(لا يعتبر مدينة )

يبعد عن اقرب نقطة حية (6 كيلو متر) وهى مدينة نصر .

-----------------------------------------------------------

2- المناطق الراقية للفيلات فى اكتوبر شبه مهجورة .... حركة البناء ضعيفة جدا بالمقارنة ،،، والنمو العمرانى شبه يحبو ،،

المناطق الراقية للفيلات فى التجمع الخامس (3 احياء متجاورين ) تقريبا على وشك الأنتهاء من اتمام بناءهم بالكامل .. خاصة بعد صدور قرار الجهاز بأن تكون اخر مدة لبدء البناء هى شهر يونيو ..( اذا كنت مالك قديم )

النمو العمرانى يقفز ويوشك على الأتمام .

----------------------------------------------------------

3- نسبة الضوضاء فى التجمع اقل كثيراااااااا من اكتوبر .

4- مستوى الأسر اعلى من اكتوبر (بالنسبة)

5- مستوى خدمات جهاز المدينة فى التجمع افضل عشرات المرات من اكتوبر .

6- جميع المرافق تم الأنتهاء منها تماما عدا بعض خطوط التليفون (التى تستخدم الخط الهوائى مؤقتا .... لاحظ ان فى اكتوبر لا توجد انارة فى الشوارع الخاصة بالفيلات الا بعد السكن والطلب .

7- التراخيص بالنسبة للرسومات والمعاينات والتربة ......الخ اسهل نسبيا من اكتوبر .

8- حجم المخالفات بعد البناء يكاد يكون منعدم ... فى اكتوبر حجم المخالفات كبير والتعقيدات اكبر .... بمعنى : لو غيرت مكان شباك او مكان حمام عن الرسومات فى اكتوبر قبل المعاينة ((كارثة)) او دفع غرامات كبيرة نسبيا .

9- نوعية التربة فى التجمع افضل من مثيلتها فى اغلب مناطق اكتوبر وهى مهمه قليلا فى عملية الحفر حيث تأخذ فى اكتوبر وقت اطول واوراق اكثر .كما بالنسبة للزراعة اظنها افضل من اكتوبر ايضا .

10- فى التجمع .... هاتبنى وتسكن على طول ... فى اكتوبر .... انت ونصيبك ويحلها حلال لما حد يبنى ....

على فكرة * 3 من معارفى بعد انتهاء البناء فى اكتوبر .... تمنوا لو كانو اخدو فى التجمع ..

--------------------------------------

ولست أدري على أساس يمكنني التقييم وإتخاذ القرار.

اولا القرب من اماكن العمل والزيارات ..... الخ

اكتوبر اقرب الى ..... الهرم من ناحية الصحراوى.... المهندسين ... الدقى ... م لبنان . الزمالك . العجوزة .

التجمع اقرب الى ... الهرم من ناحية النفق . المعادى . المنيل . حلوان . المقطم . الجيزة . عن طريق الدائرى ... والى ... م نصر .. م الجديدة . رمسيس . العباسية عن طريق م نصر .

------------------------------------

جميع انواع المدارس موجودة داخل التجمع ( المانية ، فرنسية ، امريكية ، انجليزية ، كندية ، لغات مشتركة .....الخ)

جميع انواع الخدمات متاحة ولكن بعضها لم يعمل بكفاءة .... لعدم فتح مجموعة المولات .

الأمان والأمن متوافر جداااااااا فى التجمع فلى اصدقاء كثيرون يسكنون بها منذ عام .

****** خللى بالكم ..... لو محتاجين قطع متميزة يبقى اكتوبر ارخص فى الأسعار.

هناك ميزة اخرى ......... هاتبقوااااا جيرانى انت وسى السيد tot::

اى استفسار نحن فى الخدمة

هشام عبد الوهاب مدير العلاقات العامة بجهاز التجمع الخمس vmp:

[أسد]

الأستاذ / هشام عبد الوهاب ..

الحقيقة أنك .. كفيت ووفيت ..

معلوماتك قيمة وموضوعية .. ومع خالص شكري وتقديري لسردك المنطقي والمنهجي للميزات والعيوب ...

أعتقد إننا حنكون جيران ... بس ربنا يسهل في الصيف ونلاقي حاجة مناسبة

ألف شكر

[khaled]

الأستاذ / هشام عبد الوهاب ..

ألف شكر

...... لوممكن الأسعار فى التجمع ...المناطق الراقية للفيلات + البناء

مع خالص شكري

[Cleo]

[quote=هشام عبد الوهاب,Feb 27 2005, 08:27

هناك ميزة اخرى ......... هاتبقوااااا جيرانى انت وسى السيد

وأنا . و محبط.... mc:

بجد التجمع الخامس فى غاية الهدوء و مريح جدا للأعصاب...

عيبه الوحيد نقص الخدمات... وده بعوضه فى طريقى للعودة من الشغل يعنى بجيب طلات البيت وأنا راجعة من الشغل من مصر الجديدة و مدينة نصر...

أما بقى بالنسبة للخضروات و الفاكهة... فعندك فى المساكن الزلزال سوق للخضار و الفاكهة و فرن للعيش البلدى متقولش لعدوينك عليهم... بضاعة جيدة و بأسعار معقولة جدا...

هيفتح قريب 2 مول جديد... غير إن الفطيم شارى مساحة شاسعة جدا هيبنى فيها ملاهى و ملاعب جولف و أعتقد أرض سكنية وده هيعلى مستوى المنطقة جدا فى الفترة القادمة..

كمان فى 2 نادى اجتماعى و رياضى تحت الإنشاء.

الكثافة قليلة جدا لأن أقصى ارتفاع للبناء هو 3 أدوار فوق الأرضى..

أهلا بيك مقدما معانا فى التجمع الخامس tot::

تم تعديل 28 فبراير 2005 بواسطة Cleo

[عوف]

حتى الان لم نعرف سعر المتر كام، وكيفية الدفع، وهل هناك شركات مقاولات متخصصة في البناء، أم يتم الاتفاق مع مقاولي عشوائيات.

شكرا لتعاونكم.

[se_ Elsyed]

هناك ميزة اخرى ......... هاتبقوااااا جيرانى انت وسى السيد 

دي اهم ميزة ..

يعني لما أسكن جنب الأدمن والحيط في الحيط .. أقدر اطيح في الناس زي مانا عايز ولا يهمني ... tot:: me0: ax: ويا بخت من كان الادمن جاره ... mc:

طب عايز اخد رأيكم في حاجة ...

واحد من زملائي بفرع الشركة في مصر قال لي إنه أشترك ومجموعة من أصدقاءه في ما يشبه إتحاد المُلاك وأشتروا قطعة أرض في التجمع وبنوها شقق تحت إشراف جهاز البناء في التجمع الخامس وطبقاً لشروطه طبعاً يعني مش عشوائي .. وبعدين فرقوا الشقق على بعض وهم على وشك السكن فيها الآن .. وطلع سعر المتر عليهم بعد المباني والذي منه حوالي 750 ج ... في حين إنه قال لي إن سعر المتر لو أشتريته بره بيقف بحوالي 1150 ج ..

وهو على وشك بناء عمارة تانية ... والظاهر إنه أستحلى العملية ...

فقلت له لأ يا عم أنا ما أشتريش سمك في ميه .. انا أهم حاجة انزل أعاين وأشوف المكان على الطبيعة فقد يكون في التجمع الخامس اللي في أقاصي الصعيد وأشوف العينة اللي عندكوا وبعد كده أقرر وخصوصاً إني مش هابقى معاكوا في عملية البناء والتشطيب ..

[هشام عبد الوهاب]

لوممكن الأسعار فى التجمع ...المناطق الراقية للفيلات + البناء

بالنسبة للشقق ... اظن كليو هانم افنظم (اللى انا زعلان منها بس خللى العتاب بعدين ) معلوماتها اكبر .

بالنسبة للمناطف الراقية للفيلات ...

الأراضى تبدأ من 500 ج للمتر الى 700 ج للمتر ... حسب الموقع والمميزات وعرض الشارع ......الخ وتبلغ مساحة معظم القطع ... 600 متر مربع بواجهة 20 متر وطول 30 متر .

السعر يشمل : ثمن الأرض ............ مبلغ زيادة للمالك الأصلى (بيسموه هناك اوفر) .... نسبة التميز ... جميع الأوراق والرسوم فى الجهاز .

اسعار البناء متفاوته جدا من مكتب هندسى لآخر ... او عن طريق المقاولين .

وهناك اشياء كثيرة تتحكم فى تحديد السعر مثل:

مساحة البناء على الأرض واقصى مساحة مسموحة هى 50% للدور الأرضى والبدروم(300 م) ، و 55% للدور الأول (330م )ومثلها للدور الثانى ، 15% لدور ثالث ( شقة صغيرة 90 متر)

طريقة البناء نفسه ... مثال( بدون كامرات .. اعمدة قليلة فى الدواخل .. بدون اعمدة داخلية ...الخ )

الرسومات الهندسية والتصميمات .

تصميم الواجهات .

التشطيب.

متر البناء بعد التشطيب يتراوح مابين 700 ج : 1400 ج تقريبا .

وكيفية الدفع، وهل هناك شركات مقاولات متخصصة في البناء، أم يتم الاتفاق مع مقاولي عشوائيات.

الدفع كاش .. وحظك يبقى كويس لو لقيت قطعة ارض عليها باقى اقساط لم تستحق بعد وهى قليلة الوجود .

هناك شركات مقاولات بالطبع لكنها غالية جدا ... يمكن الأستعانة بمهندس تصميات واخر تنفيذى او مكتب هندسى بسعر معقول نسبيا .. كما يمكن الأستعانة بمقاول بعد موافقة الجهاز على الرسومات والتصميمات الهندسية ....

ولا توجد عشوائيات بالمرة فالمنطقة منظمة تماما وقوانينها صارمة.

========================================

يوجد فيلات للبيع .... كما يوجد ادوار منفصلة داخل فيلات للبيع .

كما يوجد شقق داخل فيلات للبيع ... هناك ايضا شقق كثيرة للبيع .

** منطقة العمارات تبعد عن منطقة الفيلات .

(( بعد كده الأستشارة اللى بجد بفلوس ... ده كان جر رجل بس ))

هشام عبد الوهاب

استشارى اراضى وفيلات وبناء وتشطيبات ورسومات و نصلح ترومايات من ابو سنجة . mc:

[عصام]

هشام عبد الوهاب .. حسسنى إنى ساكن فى العشش العشوائية اللى جنب السكة الحديد اللى بتعدى قدام بولاق الدكرور .. mc: tot:: مش فى 6 اكتوبر lo::

[Cleo]

وقال الملك كشمير لعبدوس الوزير آتني بألف بعير

قال الوزير عبدوس لملك المجوس : أيها الملك يا عالم الفلك، البعير هلك ..

على فكرة كان اسمه الملك هاموشير

[عصام]

وقال الملك كشمير لعبدوس الوزير آتني بألف بعير

قال الوزير عبدوس لملك المجوس : أيها الملك يا عالم الفلك، البعير هلك ..

على فكرة كان اسمه الملك هاموشير

يعنى ربنا حليم ستار ..

يعنى انتى لما كان توقيعك فيه "مُصيبة" مش غلطة .. tot:: بعت لك رسالة خاصة .. قوم انا لما اغلط فى إسم راجل ما تعرفيهوش تعملى لى فضيحة؟

حسبى الله ونعم الوكيل .. lo:: أنا ها الاقيها منك وللا من هشام؟ .. mc:

أففففففففففففف

[ابو الفنان]

الاخ العزيز هشام هنطلب منك اخر طلب مجاني وهو خاص بحي زيزنيا في التجمع الخامس فالحي مواصفاته واسعاره جيده وانا عايز اخذ رايك قبل ما اخذ حاجه هناك هل عليه اي خطوط حمراء ولا اتكل على الله واشتري

ولك كل التحية

[هشام عبد الوهاب]

طيب ليه الاحراج ده بقى .... :D

للأسف حتى الآن لا اعرف اين يوجد حى زيزينيا ... لكن هاحاول اسألك .

... عصام ... لما اقابلك ... استنى عليا ...

انا كنت باتكلم على منطقة الفيلات فى التجمع او الحى المتميز فى اكتوبر .. ولم اتطرق الى منطقة السكة الحديد متــــــــــــــــــــــــلقااااا. :)

[ابو الفنان]

اشكرك جدا يا استاذ هشام على الاهتمام واسف جدا لو كان فيه احراج لكن حي زيزنيا في التجمع الخامس امام الجامعه الاميركية الجديدة بعد عربية والمصرية.

واسف مره اخرى للاحراج

[ابو الفنان]

يا استاذ هشام مردتش لو في احراج قول وانا هعزرك بس اطمئن ولك التحيه

[هشام عبد الوهاب]

الاستاذ ابو الفنان

لم لحصل على اى معلومات سوى انه غالى شوية .