6 أكتوبر أم التجمع الخامس والقاهرة الجديدة

[bo ghareeb]

أشكركم جدا على هذه المعلومات و شكلي كدة باخد في التجمع الخامس ...بس أنا كان طلبي شقق مش متشطبة لأني عايز أعمل في الشقة حاجات خاصة custom made فهل هناك شقق على المحارة أو طوب بس؟ و شكرا

[amostafa]

استاذ هشام , جزاك الله خير على هذه المعلومات القيمه ....

هل يتسع صدرك لسؤال اخر مجانى :P ؟ السؤال خاص بحي اليسمين ( منطقة الفيلات ) في التجمع الخامس ,عايز اخذ رأيك فى الموقع العام , العيوب , متوسط سعر المتر , هل هذه المنطقه تعتبر من الاماكن الراقيه ؟ ,,,,

وهل عندك فكره عن النسبه اللتى يأخذها الجهاذ لنقل ملكيه الاراضى من ثمن البيع؟, و هل مع شراء ارض من اهالى هل المشترى الجديد بياخد فتره سماح جديده (اعتقد 5 سنين) و لا هى فتره سماح وحده للأرض بغض النظر اتباعت كام مره؟

وهل فى اراضى جديده فى مناطق جديده يعرضها الجهاز للبيع و لا خلاص كله الاراضى بقت كلها اهالى؟ اصلى سمعت ان اللى بيشترى من الجهاز مباشره ده حاجه من اتنين ليه وسطه جامده فى الجهاز او شغال فى الجهاز :wub: ..

متر البناء بعد التشطيب يتراوح مابين 700 ج : 1400 ج تقريبا .

هل السعر ده عباره عن سعر الاساسات ؟ و لا الدور الواحد ؟ يعنى لو ارض مساحتها 600 متر ارض و عايز ابنى فلا 3 ادوار مثلا كام تتكلف (متوسط) بالتشطيب؟

شكرا مقدما ....

تم تعديل 30 أبريل 2005 بواسطة amostafa

[Cleo]

أشكركم جدا على هذه المعلومات و شكلي كدة باخد في التجمع الخامس ...بس أنا كان طلبي شقق مش متشطبة لأني عايز أعمل في الشقة حاجات خاصة custom made فهل هناك شقق على المحارة أو طوب بس؟ و شكرا

<{POST_SNAPBACK}>

فيه طبعا... خصوصا فى بنايات الأهالى... يعنى البنايات المللوكة لأفراد و ليست مملوكة لبنك أو شركة أو كذا...

[bo ghareeb]

أشكرك على الرد Cleo ممكن سؤال أخر؟ أيه المواصلات اللي متوفرة هناك؟ أنا أهم شيء عندي التاكسيات متوفرة و لا لأ؟ المشكلة أنه ما عندي سيارة بعد لأني بقعد في مصر شهرين بس في السنة و بقضيها تاكسيات.

[نينا]

ربما يكون الرد متأخرا قليلا ، و لكن لم اقرأ الموضوع الا الان و لم اكن عضوه و سجلت للرد عليك

أخي انا من سكان المعادي و من مواليدها وراثة عن الأهل و الاجداد ، و أ÷ل المعادي الاصليون اعتادوا الهدوء و نشأوا فيه ، الى ان اصبحت الان من ازحم احياء القاهره فقررت فجأه ان انقل حياتي كلها الى القاهره الجديده حتى مدارس اولادي ، ربما حنينا للهدوء الذي اعتدته قديما. خاصة انني وجدت العديد من صديقاتي و عائلات كثيره من المعادي اشتروا اراضي و منهم من بنى بالفعل و انتقل الى هناك و البعض لا زال في مرحلة الانشاء و سألت قبل اتخاذ القرار و كان الرد واحدا ان منطقة التجمع الخامس و القاهره الجديده بوجه عام منطقة واعده و خصوصا ان شركات بترول كثيره فتحت هناك و ان الوليد بن طلال اشترى مجمع التحرير لينشئ مكانه فندقا كبيرا و ان المجمع سوف يتم نقله للقاهره الجديده و ان سفارة الاردن و غيرهم سوف تنتقل الى هناك و الجامعه الامريكيه و غيرها و غيرها الخ

اخذت القرار بعد نصيحة الجميع بأن هذا هو القرار الصائب و فعلا قمت بشراء شقة في كومباوند ناحية الجامعه الامريكية على ان جميع الخدمات موجوده و ان في الكومباوند مول به محلات و سوبرماركت و سينيما و صيدلية و غيره و ان افتتاح المحلات و المول و النادي سيتم في خلال شهر و ان خدمة التليفونات موجوده و كله تمام جدا.

اكتشفت بعد شقتين و دفع ثمنهما بالكامل كاش انه لا يوجد تليفونات ولا غاز طبيعي ولا حد اشترى حاجه في المول ولا سوبر ماركت ولا اي حاجه و المنطقه مقطوعه تماما لا تصلها اي وسائل مواصلات . الحمد لله انا املك سياره و لكن اذا عطلت بالليل في الضلمه و المنطقه دي اي وقت الحل يكون ايه؟؟؟

الشغاله حتوصل عندي ازاي من غير مواصلات؟؟

اعمل ايه في التليفونات و ابني دراسته كلها كمبيوتر و نت؟؟؟

اكتشفت بعد كده لما سألت ان منطقة القاهره الجديده كلها ما دخلهاش غاز طبيعي و التليفونات دخلت جزء بسيط جدا بس في المنطقه اللي فيها شيخ الازهر و اماكن بسيطه جدا تانيه قريبة منه.

اغلب الأراضي اللي استلمها الناس من الجهاز لم تدخلها كهرباء ولا ماء ولا تليفونات طبعا ولا غاز و لما سألوا قالوا لهم لسه بدري

يعني القاهره الجديده منطقة سوف تكون جيده و لكن بعد 10 سنوات و ليس الان

فان كنت تريدها لابنائك مثلا او للمستقبل او تريد شراء ارض للتجاره فطبعا سيكون مناسبا جدا و قرار جيد

و لكن ان كنت تريد العيش فيها الان فتمهل فلا توجد خدمات و المسافات من منطقه لأخرى بعيده ولا توجد نوادي رياضيه و جميعها تحت الانشاء

نادي القاهره الجديده فتحوا باب الحجز و سوف يبدأ افتتاحه بعد 5 سنوات كنادي اجتماعي و حمام سباحه فقط ثم بعد ثلاث سنوات اخرى سيكون فيه تراك خيل

هذا ما قيل لي من ادارة النادي.

اما بالنسبة لأكتوبر فربما يكون الوضع مختلف نوعا فأنا اعرف اصدقاء اشتروا فيلات في الشيخ زايد عن حسن دره و الان فيه هناك هايبر وان و كارفور و فيه ملاهي و نادي دريم لاند .. يعني افضل شويه

المهم اختيارك لابد ان يكون حسب احتياجاتك بمعنى ان كنت من سكان مصر الجديده و لك اشتراك في نادي رياضي و عائلتك ساكنين هناك و اصدقائك و مكان شغلك مثلا هناك فالافضل القاهره الجديده و المعاناه ستكون لفتره ، اما ان لم تكن لديك ارتباطات بمصر الجديده من اي ناحيه من النواحي فربما اكتوبر ستكون افضل.

على اية حال اخر اخبار عن القاهره الجديده سعر متر الارض كان في الجهاز 250 جنيه و سيتم فتح الحجز قريبا حسب ما سمعت للإسكان العائلي يعني مساحات 250 و 300 متر على اساس سعر المتر حاليا 400 او 450 للمتر. مع العلم انه يوجد حظر شديد على بيع الأراضي المحجوزه للإسكان العائلي من الشخص المتعاقد مع الجهاز لأي شخص اخر حتى لا يحتكرها تجار الاراضي لأن فيه تجار متخصصين يحجزوا الارض بكام الف و يبيعوا ورقة الحجز و ياخدوا فرق و ده رفع سعر الارض في التجمع.

ارجوا ان اكون اعطيتك فكره واضحه و ربنا معاك و اتمنى لك اختيار سليم

[أسد]

اخذت القرار بعد نصيحة الجميع بأن هذا هو القرار الصائب و فعلا قمت بشراء شقة في كومباوند ناحية الجامعه الامريكية على ان جميع الخدمات موجوده و ان في الكومباوند مول به محلات و سوبرماركت و سينيما و صيدلية و غيره و ان افتتاح المحلات و المول و النادي سيتم في خلال شهر و ان خدمة التليفونات موجوده و كله تمام جدا.

اكتشفت بعد شقتين و دفع ثمنهما بالكامل كاش انه لا يوجد تليفونات ولا غاز طبيعي ولا حد اشترى حاجه في المول ولا سوبر ماركت ولا اي حاجه و المنطقه مقطوعه تماما لا تصلها اي وسائل مواصلات .

الشئ الهام جداً قبل الشراء .. وقبل التعاقد .. وقبل أن تأخذ قرار .. أن تشاهد الموقع بعينيك .. وتقف عليه ..

وإذا كان مشروع تحت الإنشاء .. يجب دراسة الموقع كله . بالمناطق التي حوله .. ومستقبله القريب والبعيد ..

وعند شراؤك في مشروع تحت الإنشاء . يجب الأخذ في الإعتبار الشركة المنفذة . والسؤال عنهم .. وعن مشروعاتهم السابقة ..

كثير من الناس يتوهمون أن الوضع رائع عندما يقال لهم أن المشروع بالقرب من لاجامعة الأمريكية الجديدة .. ثم يفاجأ بأن المنطقة هناك صحراء جرداء لا شئ فيها .. إلا السلعوة ..

والكلام كله عن مشروعات تنتهي بعد سنوات طويلة ..

السكن في التجمع الخامس .. يجب أن يكون في منطقة قريبة (هذا حالياً) وبها عمران ..

الرحاب .. رائعة .. وفكرة ممتازة للشراء فيها .. ولكن أسعارها مرتفعة نسبياً .. وعندما تقارنها بالخدمات .. فهي مناسبة ..

أما الشيخ زايد .. فهي منطقة رائعة .. وكما أشرت سلفاً .. فقد إشتريت فيلا في أحد المشروعات الجديدة (كمبوند). وسأتسلمها بعد ثلاث سنوات إن شاء الله.

6 أكتوبر .. هائلة .. في معظم مناطقها .. والوصول إليها سهل ..

[ayman74]

أحبائي الكرام

:lol:

هل هناك كمبوندات تحت الإنشاء في التجمع الخامس و بها فيلات بمساحات صغيرة نسبيا؟

هل هناك عناوين و مواقع لهذه الكمبوندات على الإنترنت لمشاهدة النماذج مثلا؟

علما بأني مقيم بالخبر بالسعودية و إن شاء الله هذه الأجازة أود شراء فيلا تقسيط

تحياتي

[بنت النيل]

اعتقد او فى رأى الشخصى

منطقة التجمع الخامس اصبحت منطقة جميلة جدا وايضا مستواها راقى جدا من حيث المكان والسكان :)

وكمان فيها مجموعة من الفيلل المبنية من طريق الذهاب اليها تجنن

كلها منطقة للفلل ده اللى شفته من اخر زيارة ليا هناك اصل لنا شقة هناك بالتجمع الخامس :rolleyes:

ووصلنى ان المنطقة اصبحت فى منتهى الروعة

[سيزيف]

من واقع تجربتى الشخصية

انا كان عندى حته ارض 600 متر فى الشروق

و بعتها من كام شهر بتراب الفلوس - حوالى 250 جنيه المتر

فى الحى الاول المجاوره الاولى - التى يطلق عليها تقسيم الوزراء

و الحقيقه هى منطقه راقيه جدا

و الفيللات اللى هناك ف منتهى الشياكه

بس للاسف انا اضطريت ابيع لان مكنش عندى النيه انى ابنى و كان ميعاد سحب الارض قرب

الشروق ابعد قليلا من التجمع

بس فى رايى انها منطقه جميله جدا

و ارخص ثمنا من التجمع الذى اصبح محط انظار الجميع

تحياتى

[بنت الشاطئ1]

استاذ سيزيف

مش بدل ما تبيع الارض بتراب الفلوس علشان ميعاد السحب قرب

مش كان مثلا بعتها لحد من اقاربك باسم اخوك مثلا بيع على ورق يعنى وبعدين تشتريها منه تانى بعد فترة او بعد ما تكون مستعد للبناء ده كان ينفع واللا لا ؟

[قديم]

راي عام

طبعا هذه قناعه شخصيــه . حاولت تطبيقها .على مدن كثيره وطعلت النتيجه . اظنها ممكن ترتقي لتكون نظريه .. !!!

لكن الحقيقه لا اعرف كيف .؟. ولم اجد لها تفسيـــر وطبعا لكل قاعده شواذ

.. يمكن غيري يقدر يفســر ها

المهم النظريه

الشمال الشمال .. ( نورث )

شمال الكره الارضيه اكثر تقدما من جنوبها

شمال مديتنك اجمل واغلي من جنوبها

شمال افريقيا اجمل من جنوبها

احياء الشمال ( نــــورث) اغلي من الجنوب

ياتي بعد ذلك الشرق..

وياتي بعدها الغرب . . وفي الاخير ياتي الجنـــوب

هل من مبرر لذلك .

المطارات تكون في الشمال .. شمال المدينه .... المصانع تكون في جنــوبها ..

هل لهذه النتيجه مبرر لدي المهندسين .. او اصحاب العقار .

لذا قبل ان تشتري ارض هل تريد شراءها للاستثمار . بعد كم سنه .. ؟؟

او للسكن لضروف معينه . تحتلف حسب ضروف كل انسان .. قربها من اهله او من عمله او .... او......

على هذا الاساس يمكن تفيدك النظريه

وشكرا

تم تعديل 10 مارس 2007 بواسطة قديم

[safwat]

ها يا جماعة الموضوع دة من خمس سنين تقريبا

يا ترى دلوقتى مين بقى احسن التجمع ولا 6 اكتوبر

[مان وان]

ها يا جماعة الموضوع دة من خمس سنين تقريبا

يا ترى دلوقتى مين بقى احسن التجمع ولا 6 اكتوبر

عند حقق فمحافظة 6اكتوبر احسن بكثير

فى عام 2003 حاولت اشترى ارض فى التجمع الخامس كان سعر المتر 250ج للمساحات الصغيرة ام المساحات الكبيرة كان سعر المتر 160ج

اما فى 6اكتوبر كان سعر المتر 380ج بدون اى نسب تميز

[raouf]

تخدوا بقى خلاصة الموضوع من واحد دايس فى المواضيع دى ومن الاخر ونجدش يقول لى ايه الاسباب لانها كثير واللى عايز يعرفها يكلمنى على جوالى فى السعودية وانا هاقوله وهاقسمهم كالتالى :

1- افضل مكان للسكن فى مصر : التجمع الخامس وخاصة النرجس وتليها البنفسج ثم الياسمين

2- افضل استثمار براس مال مبير 5 مليون وفوق محل فى شارع ال 90 بالتجمع المتر بيعمل 50 الف وطالع

3- افضل استثمار على مدى 5 سنين عمارة بمدينة بدر او برج العرب

4- افضل استثمار يجيب عائد شهرى نصف البلد فى القاهرة

مستقبل مصر هو التجمع مستقبل التجارة واستثمار الشركات هو شارع ال90 والسبعين

اللى محتاج حاجة من الناس اللى فى السعودية يرسل لى خاص وهارسله جوالى وهاقوله الاسباب

[dewdrop]

السلام عليكم

ممكن حد يفيدني عن منطقة جنوب الاكاديمة والنرجس عمارات ايه مميزات وعيوب كل منطقة ؟

[مصري أصيل]

السلام عليكم

ممكن حد يفيدني عن منطقة جنوب الاكاديمة والنرجس عمارات ايه مميزات وعيوب كل منطقة ؟

الموضوع ده مفتوح من خمس سنين و سعر متر الارض في التجمع الخامس كان 500 جنيه حالياً سعر المتر 3000 جنيه و ممكن يوصل ل 5000

جنيه يعني من ست أضعاف ل 10 أضعاف يعني الاستثمار في العقارات و خصوصاً الاراضي بالفعل أفضل استثمار

بمعني ان الاحتفاظ بالفلوس في صورة نقديه حتي لو كانت بالبنوك هو إختيار خاطيء ميه في الميه بس للأسف انا من الناس اللي عرفت الحقيقه دي متأخر جداً الحمد لله علي كل حال

[عطر الجنة]

يعنى كده المتر فى القاهرة الجديدة اعلى من اكتوبر

و طبعا سعر المتر العالى لان بيقابله مميزات اكثر

و النتيجة ان القاهرة الجديدة افضل سكنا لمن قضى معظم عمره فى المناطق المجاورة لها لانه اكيد مرتبط بمصالح قريبة منها

و كذلك اكتوبر

لكن هل ياترى اخونا اسد اشترى فين ؟

[أسد]

يعنى كده المتر فى القاهرة الجديدة اعلى من اكتوبر

و طبعا سعر المتر العالى لان بيقابله مميزات اكثر

و النتيجة ان القاهرة الجديدة افضل سكنا لمن قضى معظم عمره فى المناطق المجاورة لها لانه اكيد مرتبط بمصالح قريبة منها

و كذلك اكتوبر

لكن هل ياترى اخونا اسد اشترى فين ؟

كما أشرت من قبل

فقد اشتريت في الشيخ زايد

واستلمت .. وشطبت .. وبافرش .. وحانقل هناك الصيف الجاي ان شاء الله

[pedosamra]

يامسهل الحال يارب :)