إعلانات من الثمانينيات..

[pharaoh]

طبعا فاكرين اعلانات زهيري

رجعنا لايام الطفولة

وخد عندك

"

واحتكم الامر ... وهأتجوز

احتكم الامر

من عبد الرحيم عمرو

"

[أبو حميد]

في كمان سلسلة أعلانات "لحظة من فضلك" الخاصة بالدعوة للمحافظة على الأداب والتقاليد العامة في المعاملات وأشهرها أعلان يونس شلبي لما جري يرجع الشنطة اللي وقعت من العربية ولما وصل للعربية صاحبها شخط فيه وقال "دي زبالة يا جاهل"

وأعلان أحمد غانم عن الناس اللي بترمي زبالة من البلكونات

أنتم ياللي ساكنين فوق

يا شياكة يا ألاجة يا أنتليجينت يا ذوق

زبالتكم ليه يا زوات

ترموها من البلكونات

وأعلان محمد منير

لشعب عاوز يتقدم لازم يحطم "معلهش"

[last_Samurai]

وكان فيه اعلان البلهارسيا بتاع محمد رضا وعبد السلام محمد

اطلع يا واد يا عيد من الترعه

---

-

-

-

-

-

-

-مالك يا واد مالك بتهرش فى جتتك

دود البلهارسيا بياكل فى جتته

وطبعا تتر سينما الاطفال كل يوم جمعه الساعه 7

مع عفاف الهلاوى

وبقلظ وماما نجوى

اعلان المتور

ماكينه رى كبوتا احسن ماكينه رى

مسلسل سمير غانم ميزواااااااااااااااااااااااااااااااااااااااااااااااا

تتر مسلسل الايام

ايام !!!!!!!!!!!!!! ورا ايام

مسلسل الرجل والحصان لمحمود مرسى

هههههههههه دا اللى افتكرته

:unsure: :angry:

تم تعديل 18 فبراير 2006 بواسطة last_Samurai

[NoorJehan]

ياه يا جماعه، فكرتونا بالذى مضى

وكان فيه اعلان البلهارسيا بتاع محمد رضا وعبد السلام محمد

اطلع يا واد يا عيد من الترعه

-مالك يا واد مالك بتهرش فى جتتك

دود البلهارسيا بياكل فى جتته

وأضيف العباره الشهيره "طول ما تدى ضهرك للترعه،عمر البلهارسيا فى جتتك ما ترعى"

وهناك أيضا إعلانات محلول الجفاف لكريمه مختار

لا كتويل ... أي لايك إت

ياهههههه...

اللو 

كيمو اذيك يا

كيمو وحشتني انت فينك من زمان

فراوله او شيكولاته

فسدق بندق جوه كاساتا

كيمو انا مش هنسااااااااااااااك

مم ..غني ولذيذ

مش ده بتاع نغمه"يلا بينا يلا بينا على عزبه كيمو" :unsure:

أنا فاكره كنت أقعد أغنيها وأنا ساحبه أخويا من رقبته على عزبه كيمو :angry:

[MZohairy]

اللي حيفتكر الاعلان ده

ويقولي مين اللي بيغنيه

ليه جايزه 454 دولار

يا ايدين البنات يا محنيه

روحوا للمتاجر الشعبيه

بتمن قميص خد قميصين وبتمن البدله حتاخد اتنين

يابو العيال متشيلش الهم

شوف المتاجر ملو العين

افراح البنات ياااا!

[Reham]

فاطمة عيد

ها صح ياباشمهندس زهيري؟؟؟؟؟

الحقيقة انا مش فاكره....

السن بقي وأحكامه

الله يجازي الزهايمر وسنينه يابني

مافيهاش حاجه يعني لو تساعدني وينوبك ثواب في واحده قد الوالده

[Hammer]

كان في كمان إعلان " أولذزسبايس " اللي كان فيه أمواج و حركات .

و كان كمان إعلان السجاير بتاع عمر الشريف .

طبعا مش فاكر تفاصيلهم .. مجرد كهرباء متقطعه من المخ علي شكل فلاش بينور و يطفي ببعض لقطاتها .. mfb:

أصحاب الذاكره تكمل ...

[فــيــروز]

إعلانات الشركات الداعمه للفوازير

بدر للاستثمار

الهدى مصر !!

الريّان و السعد

ملاكو للإسكان الفاخر !!

وكمان

شاى الجوهره حتّة سكّره

و إعلان كريم الحلاقه "بالموليف تقريبا" بتاع "همّا الدول ال 3 أسباب اللى .. " mfb:

[Th!nk]

تذكرت هذا الجزء من أعلان البلهارسيا بتاع محمد رضا

بلهارسيا بلهارسيا

يعنى أيه يعنى أيه يعنى أيييييييه

دودة أسيّة دودة أسيّة

وأنتى يا ست يا قاعدة وناسية ناسية أن الدودة هنا راسية

دودة أيه

دودة موجودة تحتيكى فى المية

دودة موجودة والنية أسيّة

يا أختى أسم الله أسم الله علىّ

غسيل نزول هنا ممنوع

دا الدود بيشجى فى المنقوع

بدل الحالة بميزان حسّاس

أنفد بجلدك دا العلاج ببلاش

ولا عمرك تشكى وجيعتك للناس

هى كلمة

طول ما ندى ضهرنا للترعة

عمر البلهارسيا فى جتتنا ما ترعى

[MZohairy]

غلط يادكتوره ريهام!!!!!!!!

مش فاطمه عيد

فاطمه عيد مكانتش لسه ظهرت ساعتها mfb:

عايده الشاعر :D

على فكره انا قربت على اربعين سنه ........ لسه قد والدتي؟ :excl: :ninja:

وياريت ينوبك ثواب تقوليلي ازاي بتحطي الأنيميشنز الصفرا دي في المداخلات

شكرا

[Reham]

ماطلعتش فاطمة عيد

يا 454 مليون خساره

كنت حاطه امل تطلع صح وأفوز بالدولارز ياباشمهندس وانزل افرتكهم

ياله خيرها في غيرها..وطول مالنفس موجود لازم يبقي فيه أمل...وعمركمان

وايه يعني داخل عالاربعين .....ماهانخافش ..طب بلاش زي ماما ممكن تقوللي ياطنطا زي عمر الجزاوي في الفيلم بتاع شادية mfb:

بالنسبة للإيموشنات اللي كنت عايزها

انا آسفه جدا

لاااااااااااااازم تدفع......

اي حاجة ان شالله ريالين اروح اشتري بيهم شيكولاتايه ...شفت بقي انا طيبة ازاي

ياله عشان خاطر العويال يفرحوا بس

خد عندك

http://www.roro44.com/smilies/index.php

طبعا هتدخل وتختار اللي انت عايزه وتعمل كوبي وبيست و........جرين دايزااااار

انطلق

اي خدمة ياسعادة الباشمهندس

[عبدوس الوزير]

لأنها من أرقى أنواع الليمون في العالم (!!)

فهي تجلب لي ولك ... الانتعاش

كلونيا خمس خمسات ـ الانتعاش

كلونيا خمس خمسات ـ لنتعاش

ترارارارا

[back fire]

طاهر أبو زيد بيجيب أجوان

هوه و عماد متعب كمان

***********************************************************************

شبابنا فى مصر مش محتاجين الاساليب دي لان ايمانهم حاميهم

[se_ Elsyed]

إعلانات الشركات الداعمه للفوازير

mfb:

<{POST_SNAPBACK}>

لأ

لأ

لأ

حرام عليكو يا ناس تنسوا شركتي المُفضلة اللي كانت شايلة شهر رمضان على أكتافها :

ألو مصر للتأمين .. المسرسر إمتى ؟ ( كنت بأسمعها كده لحد ما كبرت وعقلت وعرفت إنها مسلسل مش مسرسر ) :D

هو الإعلان بتاع أميجو اللي بينور كان في الثمانينات ولا التسعينات ؟

[أبو حميد]

وفي كمان أعلان بونبون سيما بتاع مستر كوجاك اللي بيحط السماعات في المخازن ويعرف المجرم فين ويقبضوا على المجرم اللي يقعد يصرخ ويقول:

هو عرف ازاي هو عرف ازاي

يروح كوجاك ضارب البونبوناية ويقول:

صوت بونبون سيما مش غريب عليا

كانت عالم رايقة فعلا

[se_ Elsyed]

حرام عليكو

ونسيتوا الإعلان ده

-----

جبت الشبكة ؟

لأ .. لسه

طاخ ( زهرية ورد على دماغ الأرنوب اللي بيلعب دور العريس )

جبت الشقة ؟

لأ ... لسه

كمان عدد واحد زهرية ورد في النافوخ

جبت الملبس ؟

أيوه ..

من كوفرتينا ؟

أيوه

آمووووووووووووووووووووه ( بوسه من اللي بتطلع الخد معاها ويبقى عايز عملية تجميل بعدها )

----

وهكذا يا سادة يلعب الملبس والشكولاته دوره في الحاية الأسرية السعيدة .. يعني سيبك من الشقة والعفش والشبكة والكماليات دي .. أهم حاجة لما تروح تخطب تروح ضارب علبة الملبس على نص كيلو شوكولاته وتدخل على حماك بقلب جامد وتحدد ميعاد الفرح كمان :D

[الرافعي]

وفي كمان أعلان بونبون سيما بتاع مستر كوجاك اللي بيحط السماعات في المخازن ويعرف المجرم فين ويقبضوا على المجرم اللي يقعد يصرخ ويقول:

هو عرف ازاي هو عرف ازاي

يروح كوجاك ضارب البونبوناية ويقول:

صوت بونبون سيما مش غريب عليا

كانت عالم رايقة فعلا

<{POST_SNAPBACK}>

أوكي يا ولاد ... مخزن ستة

اسمه مصطفى الكواوي ، وهو كان منتج في التليفزيون، وأشهر دور عمله كان اسمه (زُربيح) تقريباً في مسلسل مش فاكر اسمه، لكن كان دايماً بيقول قولة مشهورة ((الفرخة اتكلمت)) ..

ما كانش عارف موضوع الأنفلونزا ..

[MZohairy]

والله تسلم ايديكي يا طنط ريهام على الانيميشنز

بس بعمل كوبي ومبترداش يتعملها بيست

المهم

اللي حيعرف دي له مني جايزه 963 دولار

بس أعتقد قديمه عليكوا شويه

واضح اني عجزت :D

وسع وسع للأختين

انا هناء ببرونه لطيفه كوبايتي تمنع الميكروبات

وانا شيرين بزازه لطيفه ومعاها التالت حلمات

اطلبنب من ماما

اطلبني من بابا

تلاقوهم في الاجزاخانات

الأختين الحلوين

هناء وشيرين

هناء وشيرين

[MZohairy]

لقيتها يا طنط ريهام لقيتها

[Sherief AbdelWahab]

نبقى مع فاطمة عيد .. إعلان من منتصف الثمانينيات يصنف ضمن كلاسيكياتها (والكلمات حسب ما أتذكرها):

فاطمة عيد :قالوا إيييييييييييييييه؟

المجموعة : إيه فيه إيه؟

فاطمة عيد : قالوا إيه يروي لنا الغيط .. يخضر الزرع ويسقيييييه؟

المجموعة : يا بوي يا بووووي..

فاطمة عيد : وإيه يجيب الخير للبيت .. وكل فلاح يفرح بييييه؟

المجموعة : يا بوي يا بوووووي..

فاطمة عيد : مواتير ري كوبوتا.. أقوى مواتير ري..

مواتير ري كوبوووووووووووووتا .. في العالم ما لها زي! :D :ninja:

خلص الكلام