إعلانات من الثمانينيات..

[se_ Elsyed]

دائماً نتواصل نحن وأياكم مع فاطمة عيد :

حسنين ومحمدين ... زينة الشباب الإثنين .. بص وشوفهم يابوي .. حسنين ومحمدين ...

مش فاكر الباقي ..

لكن ده كان إعلان لتسليت النحل ( تحديد النسل ) أو زي ما بيدلعوه وبيقولوا عليه تنظيم الأسرة ..

حسنين كان سايب الموضوع على البحري وعمال يخلف لحد مراته ما بقت شبه الموميا وعياله إترموا في الشارع من غير تعليم وشكلهم بقى عفش وعيال مش مستحميين أساساً ... ومحمدين كان هو ومراته أواريب ( جمع أروبه ) وجاب واد وبت وعلمهم أحسن علام وحماهم أحسن حما - بالليفه والصابونة - ومراته كانت بتتزوق له ومستتاه ومهنياه .....

وأدي أخرة اللي ما يسمعش كلام فاطمة عيد .

--------

دقائق مع الإعلان

ياكلوا حلاوه ياكلوا جاتوه

( الكورال ) والتسويس .. والتسويس

أرتيف بالبفلورين ( يا حلاوه ... ده موسيقى تصويرية من عندي )

معجون المعاجين ( يا حلولي )

معجون أسنان أرتيف بالفلورين ...

( الكورال ) بالفلورين

معجون أسنان بتحبه الملايين ...

( الكورال ) الملايين

-----

نلتقي بعد هذا الفاصل

بنك القرية ضمان وأمان .. تزيد فلوسنا مع الأيام

مش فاكر برضوا الباقي

-----

وبعد هذه الإعلانات .. الآن مع الإعلان التالي

نسمه ... م الشبراويشي ... نسمه

قسمه ... م الشراويسي .... قسمه

ده نوعين من الكلونيا بتاعت الميتين .. إنما جنان ... ( فينك يابو صلاح ... خسرناه في شربة ميه الراجل ده )

---------

بعد الإعلانات دي كلها .. نتكلم جد بقى ..

وأترككم مع هذا الإعلان

المطرب الشعبي عبد العزيز محمود في أواخر أيامه شكله أفتقر فضرب كام إعلان لبسكوت الشمعدان كسروا الدنيا

بسكوت شمعدان يا هدية الحبيب ... ( يا حلاوه ... برضوا موسيقى )

يا محلي بالشكولاته واللبن الحليب .. ( يا حليله )

بسكوت شمعدان .. بسكوت شمعدان

( طبعاً على وزن اغنية يا تاكس الغرام يا مقرب البعيد) ...

---------

كفاية بقى أحسن تعبت

CUT ... فركش ...

[MZohairy]

اكملك حسنين ومحمدين يا دوبل سين باشا

بص وشوفهم يابوي

حسنين ومحمدين

آه يابوي

يابوي يابوي يابوي ( المنظر العام اتنين صعايده بيحطبوا مع بعض وفرحانين خالص مش عارف ليه؟)

ويجيبوا بعدين المنظر على حسنين و مراته...ويغنوا

أول ولد جابوه...... نصبوا الأفراح شهور

وتاني ولد زادوه..... فرحم يادوب سبوع

وتنقلب الموسيقى الى مقام الصبا الحزين

وتالت ولد معاه.... الفرح عاد يومين

ورابع ولد كمان ....يفرح الجلبين

وخامس ولد يا خال .....كل الحمل ماتشال

وسادس ولد الاتنين ... صبحت حياتهم ويل

المنظر لحسنين وهو يأخذ ضربه قويه من شومة محمدين ويسقط ارضا

وتنقلب الموسيقى الى مقام البياتي المبهج.....ويستمر الغناء

لكين محمدين

بالعقل قال ياخال

الولد يبقى اتنين

ويعيشوا عال العال

ومرته عاجله وزين

جالت كفايه اتنين

واديكو اهم شايفين

الاتنين مزجططين

الاتنين مزجططين

الاتنين مزجططين والزغاريط تنبعث من كل صوب

......تمت.......

[IUnkown]

اعتقد من الظلم اغفال برامج عالم البحار وجولة الكاميراو العلم والايمان

البرامج دي كان لها دور قوي جدا في بناء ثقافتي وتشجيعي على القراءة في سن مبكرة

وكان فيه برنامج كنت بكرهه:ninja: :D مووووووووووووووت اسمه على الطريق كانت بتقدمه مذيعة اسمها ملك اسماعيل

مش عرف ليه دايما بحس ان الفترة دي كات سوداوية يمكن لانها ارتبطت عندي تكرار انقطاع لكهرباء :D :D

[Reham]

بم بم

بيقدم جواايز ...بيقدم جوايز

بم بم

الجايزه الاولي الاولي الاولي عربيه.....انا كنت بقولها كده

عربيه عربيه....ده الكورال

وجوايز تانيه كتيرة كتيرة لو ماكسيبش العربيه......وطبعا عمر ماحد كسبها

عربيه عربيه

كون البوم وابعتهولنا وحفله ..........

ومش فاكره الباقي

الشمعدان زي مابتحبه بيحبك كمان وكمان وكمان

وإعلان احتكم الامر من عبد الرحيم عمرو

وهتجوز..... هتجوز

ومعنا تصبح شكتك كسرا(شقتك قصرا) :ninja:

وبس :D

وعمار يامصر في كل حاجه

[khedr]

يا .....

لعييييييييييييييييييييييييييييييييييب

حسن شحاته

فاروق جعفر

مصطفي عبده.......................وال

الخطيب

انجرام

اعتذرعن تكرار الاعلان حيث لم اكن شاهدته

تم تعديل 20 فبراير 2006 بواسطة medeokhedr

[سقراط المصري]

يا عواجيز هههههههه

طيب حد فاكر فيكم فوازير نيلي بتاع

السفينه تمبوكي او تمبوكتي او كابوكي

شكلكم من جيل العقيد الملازم اول فطوطه

هروح اتفرج على على الكسار وارجع تاني بعدييييييييييين

سقراط

:D :D :D :D :D :ninja: :D :D

[khedr]

شكرا... ...شكرا... ...شكرا

للاخت الكريمهReham علي الموقع الجميل

شكرا

[أبو حميد]

مش معقول محمد زهيري ذاكرة بسم الله ما شاء الله مش عاوز أحسد موال حسنين ومحمدين ده كنت حافظه صم بس نسيت وكنت هاكتبه بس معرفتش اظبطه بس انت جيبته بالمللي ما شاء الله تاني ياعم علشان الحسد.

نيلي طبعا 4 سنين فوازير أواخر السبعينات وأوائل التمانينات أول واحدة عن الشخصيات النسائية والتانية عن الصفات وهي دي فوازير تمبوكة اللي كانت بتنقلها بين الكواكب وبعدين "فوازير عروستي" عن الأشياء وفوازير "الخاطبة" عن الوظائف والأربعة روعة من كلمات العظيم صلاح جاهين وأخراج فهمي عبد الحميد كانت فعلا تجنن زي الحتة دي من "فوازير عروستي":

كده نرجع بالفوازير للأصل

لكن مش نسخة طبق الأصل

وبدل سطرين هانقدم فصل

زجل وأغاني وعرض موسيقي

و"فوازير الخاطبة"

وماعلهشي ما علهشي

أيه يعني ما عرفتهشي

هانزل أجيبلك سيد سيده

فستاني ما تشيديهشي

أيوة كده أخرج زي بقيت الناس

أكل دره مشوي وجلاس

أخرج وأقفل بالترباس

حقي ولافرط فيهشي وما علهشي

[MZohairy]

الى اخواني عواجيز الفرح اهدي هذا الاعلان

على باب اللوق

مناحيادي

والناحيادي

عبد الهادي

الحلواني

الحلو ياناس

بتحبه الناس

وبتاخد منه وبتهادي

عبد الهادييييييييييييي

ده غير طبعا بتاع النضارات....

محمد سعد شعار معروف.......يخلي اللي مبيشوفش يشووف

[se_ Elsyed]

إخص عليك يا زهيري

ونسيت

خضر العطار .. خضر العطار ...

أسعاره ... أحسن أسعار

وفي جمله وقعت مني

وبعدين الكورال يردوا يقولوا

ده في الصاغة .. والحُسين

خضر العطار .. خضر العطار

[MZohairy]

سلام عشان خضر العطار

معروف كمان وزباينه كتار

والجار يقول للجار

اسعاره

ارخص اسعار

من اسوان لراس التين

عارفين طبعا عارفين

فيه عنده قمر الدين

وافزدق ويا التين

واشمر والينسون

والفلفل والكمون

وعرفنا

العنوان فين

في الصاغه

والحسين

خضر خضر خضر العطار

خضر العطار

<{POST_SNAPBACK}>

لماذا لا تقرأ المداخلات السابقة ياأخا العرب؟

الا تقرأها البته؟ :angry:

أواه منك ثم أواه ثم أواه

:D

[tarek_almeghallawy]

سلام عشان خضر العطار

معروف كمان وزباينه كتار

والجار يقول للجار

اسعاره

ارخص اسعار

من اسوان لراس التين

عارفين طبعا عارفين

فيه عنده قمر الدين

وافزدق ويا التين

واشمر والينسون

والفلفل والكمون

وعرفنا

العنوان فين

في الصاغه

والحسين

خضر خضر خضر العطار

خضر العطار

<{POST_SNAPBACK}>

لماذا لا تقرأ المداخلات السابقة ياأخا العرب؟

الا تقرأها البته؟ :angry:

أواه منك ثم أواه ثم أواه

:D

<{POST_SNAPBACK}>

كده بس يا عم زهيري

لو كان س س مسك عليك الغلطة دي

كان عمل عليها فيلم ورواية

أنت باين عليك قلبك طيب ومتسامح

أنا مش باسخن حد والعياذ بالله

أنا بس بانفخ في النار

[MZohairy]

المسامح كريم يا طارق كلنا برنسات زي بعض ومفيش فرق :D

نرجع لموضوعنا

اتحدى

ثم اتحدى

ثم اتحدى

ان حد يفتكر اللي جايه دي ....واضح ان ناس كتير هنا من جيل عمرو دياب :angry:

مسلسل وليد و رنده في الفضاء

بتاع مييييييين ؟؟؟؟؟؟

و جه سنة كاااام؟

اللي حيعرف له عندي 12 دولار

ورونا بقى يا جيل نانسي عجرم.....

[Katamando]

مسلسل وليد ورنده في الفضاء

بطولة : ليلي علوي وممدوح عبدالعليم

إنتاج سنة: 1972

أي خدمة

حد فاكر إعلان الشرق للتأمين اللي كان كله كارتون وبنات راكبة القطار (طبعاً كان قبل حادث قطار الصعيد بكثير)

[se_ Elsyed]

كده بس يا عم زهيري

لو كان س س مسك عليك الغلطة دي

كان عمل عليها فيلم ورواية

أنت باين عليك قلبك طيب ومتسامح

أنا مش باسخن حد والعياذ بالله

أنا بس بانفخ في النار

يا سلام ... صحيح يا ولاد .. يا بخت من وفق راسين في الحلال .. قصدي يا بخت من هدى النفوس ..

شكراً يا طارق ( يابو طموح )

ماشي يا طارق إن ما وريتك القرد بيخبي إبنه فيه

..

[se_ Elsyed]

مسلسل وليد ورنده في الفضاء

بطولة : ليلي علوي وممدوح عبدالعليم

إنتاج سنة: 1972

أي خدمة

إيه يا عم إنت ... في إيه ؟

أي خدمة إيه وواخد بعضك وماشي .. إحنا لازم نسلخ جلده وناخد منه 12 دولار عداً ونقداً ...

وبصفتي مُشرف .. وكمان موجود على مرمى حجر من زُهيري فهاتكفل - جايه من كفيل - بإني أحصل لك الفلوس دي .. وهاخليهم معايا في الحفظ والصون يا كوتو مو ندو ... لحد ما أنزل في الصيف ... والكام شهر دول ممكن أشغلهم لك في البورصة وأخليهم لك يولدوا ...

زُهيري : أنا ما بأهرجش ... تجيب الـ 12 دولار بالتي هي أحسن بدل ما أجرسك ... أنا في الفلوس ما أعرفش أبويا ... قصدي بابي الباشا ..

[se_ Elsyed]

إبني حبيبي الغالي عليه

كان هايضيع ياخواتي من إيدي

المحلول الله يخليه

نشف جسمه .. يسلم إسمه :angry:

وبعد كده تظهر ماما كريمة مختار وقدامها شوية بطاطس مقلية ونص لمون وعلبتين محلول جفاف وتدينا مُحاضرة محترمة ..

[MZohairy]

رجال أقوال لا أفعال

رقم حسابك يا كاتاموندو بسرعه :angry:

متفرقش مع اللعيبه وخصوصا لما يكونوا كبار :D

[Katamando]

أنا ح أسنتى لما أخونا الكبير س س ياخدهم منك ويجي مصر في الأجازة

وأعزم المنتدى بيهم كلهم

ألا هم ح يطلعوا كام بعد ما تشغلهم في البورصة يا أستاذ س س (وش واحد فلاح بيتخابث)

[khedr]

كليوباترا... حكايتها حكايه

كتبوها في شعر وروايه

كان مره شافها انطونيو

بقي حبه اكتر من روميو

روح هات لك علبه.واشربها

واتهني وعيش مع الذكري