إعلانات من الثمانينيات..

[احمد هادي]

والحتتين دول بالمرة

هات الفينو ( طازج طازج)

خدلك نصه ( طازج طازج )

شيل اللبابه

متحط البيفي

وعدي يا وعدي

بيفي من بلدي

وعدي يا وعدي

بيفي من بلدي

ودي كمان عشان خاطر اولادنا الجداد اللي ما عاشوش المرحلة

شندوتش جبنه من غير زبدة

لا لا لاة لا لا لوووه

سندوتش عسل من غير زبده

لا لا لاه لا لا لووول

[احمد هادي]

مش عارف كل ما اقوم ضميري يأنبني

لازم الجماهير الصاعده متتحرمش من الفرصه التاريخيه دي

عن مرحله من تاريخنا المعاصر \

حتتين كمان اهم

شوفتي اللنشون ؟

دوقي كده حته

حاجه السطه

حته كمان :P

لا تشتري بقه :angry2:

عرفه العتبه ؟

ايوه العتبه اللي فيها السوق

اسم الله عليكي اهو قلب السوق

معرض مصر والسودان

طب حد فاكر الجمله دي ؟

اعهد بساعتك الثمينه الي ايد خبيرة

واسمع دي كمان

شهادات استثمار البنك الاهلي المصري

3 مجموعات ا و ب ج

المجموعه ج

ذات الجوائز

لكل فايز

اشتري زي مانتا عايز

وقيمة الشهادة خمسه جنيه

[احمد هادي]

خدو عندكوا الكام جمله دول بالمره

ليست قوة واحدة

ولا قوتان

بل ثلاث قوي كامله

ريد مبيد الصراصير

وده طبعا بيفكرنا - بمناسبه المبيدات الحشريه

بالاعلان بتاع

الصراصير اللي كانت بتغتي

الاغنيه المكسكية الشهيره

ياراراره ياراراراه

يا ريفا ياريفا

كامبا ..... يا قتوه

ودي كمان

هم دول الثلات اسباب اللي .........

( تيجي بنت صاروخ تقف جنبه )

...اربع اسباب

اللي يعرف ده كان اعلان ايه ليه مني مكافأه لا تخطر ليه علي بال

[se_ Elsyed]

أنا زعلت ... وكده هاقفل الموضوع ده لعد الإلتزام بالخط الردامي والحقبة - حلوه دي - التاريخية للإعلانات ...

يا ناس يا هو .. ده تاريخ .. وعيب علينا إننا نضلل الأجيال القدمة ..

يا عم أحمد يا هادي .. مجهودك طيب وبداية موفقة .. لكن لو سمحت إعلان اللانشون بتاعك ده تسعيناتي ... فخلي بالك عشان مساحة الإعلان لا تضيع هدر وتعمل زي واحد صاحبي إنت ماتعرفوش

هم دول الثلات اسباب اللي .........

( تيجي بنت صاروخ تقف جنبه )

...اربع اسباب

اللي يعرف ده كان اعلان ايه ليه مني مكافأه لا تخطر ليه علي بال

إيدك على المية دولار ( ده أحنا هانلم لم ) ده إعلان جيليت بلو تو المُعلد أبو رفارف ... صح ؟

[احمد هادي]

اوعو بقي يا جماعة

عندي شغل والله

طب خلاص آخر اعلان

وبقولها من دلوقتي

مش هجدد

بس بناء علي طلب الجماهير

اليكم هذا الاعلان

هناك ايام في حياة الانسان لا يرضي فيها عن نفسه

وعن الدنيا

( صوت سوسته طالعة نازله- وواحد شعره مفلفل لا مواخذه )

ويلا ستريت يحول الشعر المجعد الي موجات انسيابيه

ثم يعشق المرء صورته في المرآه

ويلا ستريت

من ويلا

ودي مجموعه من جمل التراث الاعلاني

الريان قلعة الصناعة وركيزة الانتاج :angry2: :P ( جايه علي الجرح دي )

املا منزلك بالجمال والجوده مع جرافينا

العربي بالموسكي وبورسعيد وشبرا

ماشيه معاك عندك ماك

شوف العقد شوف الشراشيب

رايحه افرش شقتي من عند كاربت سيتي

محمود اية ده يا محمود ؟؟؟

اوضت نوم كاربت سيتي يا عديله

وفضيله وجليله

شركة بيع المصنوعات فيها اتم الممنوعات ( معرفشايه هي المنوعات ) بس الاعلان كان بيقول كده

مرمر زماني دا زماني مرمر

جابلي الموبيليا من عند الاسمر

الصالون الاخضر معنا تصبح شقتك قصرا

هيلا هيلا هيلا ( اغنيه محمد منير ) وبعدين الجمله الخالده

لا مشاكل اسكان في هذا العصر حيث توجد هيديكو مصر

( يا تري هدي عبد المنعم صاحبه الشركه هربانه فين دلوقتي بعد ما لهفت فلوس الغلابه )

انا حاسس بيكم يا جماعه

عارف ايه اللي بتقولوه دلوقتي

كفاااااااااااااايه حراااااام

[احمد هادي]

لا يا بو السيد

اعلان الانشون من التمانينات

من 1986 بالتحديد

يمكن انت توعي علي النسخة المعدله

بس احب ااكد بمنتهي الشفافيه لجميع الاخوه المواطنين

ان جميع الاعلانات المذكوره

من التمانينات

ممكن يكون لها امتدادات

لفتره التسعينات

بس العبره دايما ...

بالبدايات

مع خالص التحيات

[احمد هادي]

سلام عشانه .. سافو

حافظ كيانه .... سافو

----

طبعاً كيانه اتبهدل بعد بروكتر آند جامبل ما غرقت الدنيا إيريال وبرسيل وتايد والحركات دي .. وسافو ورابسو اللي كان حافظين كيانهم عشان مافيش غيرهم في السوق .. إتشطفوا وبقوا آوت .

------

<{POST_SNAPBACK}>

شوف بقي يا بو السيد

مين بيجيب اعلانات من التسعينات

سلام عشانو شافو ده من 1990 وانت طالع

واللي كان عامله جيهان نصر

( ياتري انت فين يا جيهان )

ما علينا

انا بس حبيت انعنش ذاكره العواجيز اللي زي حالاتي

دي آخر مرة اشارك في الموضوع ( بس :angry2: عشان محدش يتعقد )

وبقولها تاني مش هجدد

[أبو حميد]

لا طبعا أعلان التلات أسباب اللي بقوا أربعة مش بتاع جيليت بلو تو خالص ده بتاع معجون حلاقة بالموليف

وإليكم النص الأصلي الكامل

أنا أسمي كامل

بس دقني طويلة قوي

علشان كده غيرت لبالموليف

رغوة بالموليف الرهيبة بتديني

واحد حلاقة ناعمة

أتنين حلاقة سريعة

و أحساس بانتعاش غرييييييييييييييب

هما دول التلات أسباب اللي ,,,,,

وبعد ظهور الصاروخ قصدي الفتاه يتضح أن كل ما قيل سابقا غير كافي

لذلك يضيف سريعا

أربع أسباب

[nemr111]

حد شاف اعلان مام (mum)

طبعا الاعلان فى ايامها كان عامل مشكلة كبيرة جدا .. لأن بداية سنوات الانفتاح و اللعب ع المكشوف و يعد هذا الاعلان بداية انطلاقة الفيديو كليب (المثير)

البداية تبداء من باب الفيلا

حيث يدخل الزوج و هو شاب بملامح ايطالية و يسمع ضحكات مثيرة تطلقها زوجته من غرفة النوم

فينطلق مسرعا متخطيا درجات السلم الى الدور الثانى و يفتح باب غرفة النوم على زوجته بطريقة فجائية فتنقطع ضحكاتها العالية و تخبئ يدها خلف ظهرها .. فيصرخ فيها :

توزابيلا و ات ايز زيس

فتظهر يديها فى دلال ممسكة بمزيل رائحة العرق و تقول له اتس مام mum

فينظر اليها ببلاهة .. mum ’فترد عليه يس أتس مم

بعد يطالع فى الشاشة كالاسد و يقول mum , أي لوف ماى وايف

و دى حكاية مام

[se_ Elsyed]

كابتن نايس يُحيكم وينقل لكم الوصف التفصيلي للمباراة الحامية بين زُهيري وأحمد هادي ..

زي ما حنا شايفين زُهيري كان نازل حامي وفارد عضلاته وطايح في الناس عشان الميموري عنده 256 .. لكن أحمد هادي كان مرقد له وسابه يطلع كل اللي في جوفه وراح نازل بالحتة الـ 2.5 جيجا على 512 ميموري إكستيندابل وفضل يديله لحد زُهيري ما بقاش عنده حاجة يقولها راح لامم ديول الهزيمة وساب له الميدان ...

يا ترى زُهيري هايرفع الفوطه الصفرا ويستسلم ؟

ويا ترى أحمد هادي هايفضل هادي ولا هايفتح على الرابع ويردم الموضوع إعلانات ؟

ويا ترى سين سين هايسيب الموضوع من غير شعلله ؟

إيه ده إيه ده ... أنا شايف كابتن ريهام رئيسة فريق التطريز بالمحاورات جايبه معاها بابور وبتسخن عشان تنزل الملعب ومعاها ييجي 50 لوحة إعلانات جديدة لانج من بتاعت الثمانينات وإنت نازل ...

لا لا ... ده الماتش هايحمى وكريم شانتي دكتور أوتكر هايبقى للرُكب ...

والآن أترككم مع الإعلان ....

يا هادي النفوس يارب

[MZohairy]

ZOHAIRY IS ENDLESS !!!!!!!

:)

ZOHAIRY HAS NO END

:D

انتظروا

سخنتها يا خويا؟ :)

[tarek_almeghallawy]

زهيري يا يعيش

زهيري زيه مفيش

ذاكر كويس يا زهيري ما تفضحناش

أحمد هادي دا شكله جامد أوي

أمال بس قاعد تقولي 193سم

الظاهر زيارة بولاق الدكرور أثرت عليك

[Reham]

وعندك واحد اعلان طازه ماحدش افتكره لسه

ماتوجعش دماغنا بقي ياس س وتقوللنا تمانينات وتسعينات

خللينا ننشط الذاكرة شويه

1

2

3

من ساعة ماتجوزنا ياجو

وآدي الفيديو وقال ياهوه

والتلاجه دي مابتتلجش

والغساله دي مابتغسلش

تليفزيوننا بياخد خبط

كل شوية بياخد خبط

وآدي جوازنا بقاله سنتين

قوللي ياجو هنصلح فين

...........................كلام مش فاكراه طبعا وبعدين يقول

2

4

38

9 إيه؟

21

وده طبعا تليفون شركة التصليح

ياتري فاكرينه؟؟؟؟؟

وعايزنا نرجع زي زمان قول للزمان ارجع يازمان

[MZohairy]

عمال اذاكر يا طارق :)

انشاءالله أكون عند حسن ظنكم :)

يارب....

رفعت ايدي والتجأت وقلتلها يام العواجز مدد حأيدلك عشر صوابع شمع خصيمك النبي

يقعد لعدويني في عينهم وعافيتهم يارب

أنا حاليا مستضيف الأستاذ المزيع محمود سلطان (عالم الحيوان)والمزيعتين فريال صالح(اخترنا لك) و أماني ناشد (كاميرا 9) والمزيع الفتوه سمير صبري (النادي الدولي) وعمالين نجيب اعلانات من التراث

ونصيحه لغريمي الصديق احمد هادي........( اللي سي السيد ولعها بيني وبينه)....

متعليش النار على الرز ليتحرق منك.....!!!!!!!!

الشرب بيبقى واحده واحده!!!!!!!

انتظروا مرشحكوا محمد زهيري

خير من يمثلكم

واللي يحب النبي يصقف.................................................

[Reham]

عاجبك كده ياسي س س

ولعتها.... طفيها بقي لحسن مش هنلاقي الجوز

معلش سماح النوبه دي ياأكسيلانس زهريري

اخوك الصغنن حلاوه كان بيناغشك

مناغشه بريئة

تم تعديل 22 فبراير 2006 بواسطة Reham

[MZohairy]

:) :)

ما أخذ بالقوه لا يسترد بغير القوه

وان مكانش عاجبهم البحر الأحمر يشربوا من البحر الابيض

لا

لا

لا

.

..

لأ مش أنا اللي ابكي

ولا انا اللي اجري

ان جار عليا هواك

ومش انا اللي اجري واقول عشان خاطري

وانا ليا حق معاك

باطل :D

باطل :D

باطل :P

[tarek_almeghallawy]

زهيري ياولداه نفساويته تعبانة أوي من صاحبه س س بعد ما باعه بثمن بخس

لازم نشوف له حل ..دا رجع يغني تاني ..حالته بقت تصعب على جورج بوش

لذلك أعلن من هذا المنبر عن إنشاء رابطة مشجعي زهيري

وأعلن أنا المؤسس والمشرف العام

عن فتح باب الانضمام للرابطة

فعلى من لديه الرغبة ويستوفي شروط الإنضمام

يتفضل بتسجيل اسمه وسنه وعنوانه ومقاس جزمته

والشروط هي كالتالي

1.الولاء التام للرابطة واللي مش معانا علينا

2.محدش يفتح بؤه إلا بإشارة مني شخصياً ..قمة الديمقراطية

3.للمشرف العام ..أنا يعني .. إلغاء أي تشجيع يخرج عن الروح الرياضية دون إبداء الأسباب

4.يمتنع إنضمام النساء للرابطة ..بصراحة احنا مجتمع ذكوري مفتري

5. من حق المشرف العام إضافة أي شروط وقت ما يحب وإلغاء ما يشاء وقت ما يحب

طقطق المطقطق

المؤسس والمشرف العام

لرابطة مشجعي زهيري

والله وبقيت مشرف عام

بس إيه بمزاجي

أنا طموح

[se_ Elsyed]

مش ملاحظين إن من ساعة زُهيري ما تحط في الكورنر وهو عمال يهذي بكلمات غير مفهومة مع ترديدة لبعض الأغاني الحزينة ...وما شوفناش منه أي إنتاج .. وإن الوحيدة اللي سخنت ونزلت الملعب وردت رد عملي هي كابتن ريهام أم برنيطة حمرا وواقفه على إيدنا اليمين لو إنت قاعد في المقصورة الرئيسية ...

أما زُهيري فأشترى طارق المغلاوي بالمال وقاعد يهيص له ويهتف له .. وهو أساساً مش هاينفعه وهايكون أول واحد يبيعه بثمن بخس ..

لإن هنا اللي بينفع هو العمل الصالح وعلاقتك الحلوه بالمشرفين .. فاهم ياللي باللي بالك ؟ :D :blush:

[MZohairy]

بالضغط على الرابط أعلاه...........

سيظهر لكم أقدم أعلان ممكن تشوفوه في حياتكم بالصوره

هكذا الرجال......

أفعال

لا أقوال

الى طارق

سأكون دائما عند حسن ظنكم بي

4500000 وظيفه جديده

4500000 مصنع جديد

4500000 شركه جديده

4500000 شقه جديده

4500000 عربيه جديده

.

.

.

.

كله جديد بس المهم مين حياخده؟؟؟؟؟؟؟؟؟؟؟؟

نصر من الله وفتح قريب :D

[Hammer]

ايزالو جالو

ريحلو بالوا

رجع لعيلتي كل النوم بتاع زمان

عشان ايزالو زي ماقالوا خليه معاك وافتح الشباك ونام

تيرارارارا....تيرارارارا....تيرارارارارارار

تن تن

إنت كدا فكرتيني بإعلان منافس إيزالو التقليدي ....

ناموس عمال يقرص ياخويا ..

مش عارف أنام منه ياخويا...

مش عارف أنام

من وقت ما حطيت كيتو ياخويا ...

مش لاقي ولا ناموسه ياخويا ..

و عارف أنام

أحلي حاجه كانت في الاعلان دا هو شعر أخوه و طناشه في نفس الوقت لشكوي أخوه