استفسار عن عقد عمل بالسعوديه

[mohamedahmedabdelmonem]

السلام عليكم اخواني في المنتدى الكبير محاوات المصريين المغتربيين بالسعوديه

بداية انا خريج بكالريوس تجاره 2008 ومعايا اوراكل وشهادتها الأمريكيه بس كل خبرتي في المحاسبه وكنت سافرت السعوديه سنه ونص كمحاسب عام وسبتها طبعا لأن الراتب مكنش ملائم لحجم العمل وكمان كان حصلت شوية زروف والمفروض اني حاليا كبير محاسبين وخبرتي في المجال ده خمس سنين ، ديلوقتي انا معروض عليا عقد عمل مبرمج اوراكل بشركه كبيره في السعوديه وفي منطقه كويسه بس على 2500 ريال طبعا عشان انا مش خبره في المجال ، وانا شايف ان الراتب قليل بس انا لما اخد خبره في المجال ده الراتب هيضاعف خمس مرات عالأقل بعدها ، رأيكم اوافق ولا ارفض

[خالد شحاته]

الراتب ضعيف جدااااااا

[AbuZeyad]

راتب ضعيف جدا

ولو بتضحي وبتاخد مبلغ قليل مقابل الخبرة طيب ما تعمل كدا في مصر

حاول تاخد الخبرة دى في مصر وتسافر بعد كدا مستريح اهو على الاقل لو بتاخد مبلغ قليل في مصر هاتكون وسط اهلك مش سفر وتعب على مفيش!

[mohamedahmedabdelmonem]

اشكركم اخواني على الرد السريع ، وهو منطقي جدا ، ولكن افيدكم بأنني لم اجد سابقاً عمل بمصر كمبرمج اوراكل لأنهم يريدون حالياً الخبره ، ولذلك فإني انظر للأمر على المدى البعيد ، فأنتم تعرفون جيداً ان مجال الاوراكل الخبره بدول الخليج راتبهم يقترب من راتب الدكاتره ، ولذلك اعتبرها بداية عمل جيده ولا تنسون انني (Starting New Career)، مع كامل ووافر احترامي لردكم السريع واهتمامكم بالموضوع ، وشكراً جزيلاً أسرة المنتدى.

[احمد اشرف]

قل ظروف ولا تقل زروف .......

[mohamedahmedabdelmonem]

قل ظروف ولا تقل زروف .......

انا اكتشفتها بعد مابعت وكنت واخد بالي ... بص عالكيبورد هتلاقي الحرفين جمب بعض .. خطأ مطبعي وليس خطأ تعليمي ... وشكراً عالتنبيه

[احمد اشرف]

دى هزرايه كده على الماشى

وشكرا لزوقك وادبك فى الحوار

[Nileman]

اشكركم اخواني على الرد السريع ، وهو منطقي جدا ، ولكن افيدكم بأنني لم اجد سابقاً عمل بمصر كمبرمج اوراكل لأنهم يريدون حالياً الخبره ، ولذلك فإني انظر للأمر على المدى البعيد ، فأنتم تعرفون جيداً ان مجال الاوراكل الخبره بدول الخليج راتبهم يقترب من راتب الدكاتره ، ولذلك اعتبرها بداية عمل جيده ولا تنسون انني (Starting New Career)، مع كامل ووافر احترامي لردكم السريع واهتمامكم بالموضوع ، وشكراً جزيلاً أسرة المنتدى.

الراتب قليل حتى مع عدم وجود خبرة و بعدين مع انظمة العمل الجديد في السعودية الأحسن إنك تطلع على عقد كويس من الأول

[mohamedahmedabdelmonem]

أشكرك على اهتمامك ياأح نايل مان والله الموفق ان شاء الله خير

الراتب قليل حتى مع عدم وجود خبرة و بعدين مع انظمة العمل الجديد في السعودية الأحسن إنك تطلع على عقد كويس من الأول