الفطير المصرى

[بارق]

ارجو منكم ايجاد طريقة عمل الفطير المصرى ( المشلتت) لو سمحتم

من يعرف الطريقة يضيفها

[عادل أبوزيد]

أرسل لى عنوانك و سأحاول أن أرسل فطيرة مع الملحقات (عسل أبيض و مش ) أنا جاد فى عرضى هذا

[nano]

بس كدة انت تأمر انا كنت اجازة في مصر ثلاث الشهور اللي فاتت وصممت اتعلمة وعندك واحد فطير مشلتت وصلحة :P

المقادير : علي حسب الكمية تقريبا تعمل 3 فطاير متوسطة

3 كوب دقيق - ملعقة صغيرة ملح - ملعقة سكر+ملعقتين زيت+ الماء علي حسب العجينة ما تاخد وتكون لينة دي العجينة

الباقي الي جي بقي لفرد الفطيرة

كمية محترمة من السمن البقرة الحلوب موجودة كتير في المحلات العربية وكمية من الزيت

الطريقة :

:) عجن المقادير الاولي" الدقيق الماء السكر الملح معلقتين الزيت" جيدا حتي الحصول علي عجينة لينة

:) ثم تقسم الي ثلاث كورات وتترك نصف ساعة لترتاح العجينة

ثم بعد كدة نيجي للشغل الي علي اصولة

chf::تقولشي شيف يعني وانا اصلة لسة متعلمها طبعا الشغل كلة يبقي علي مية بيضة؟؟؟؟؟؟؟ قصدي علي تربيزة نظيفة أو"رخامة كبيرة "

:) تدهن الترابيزة او ارخامة بكمية من السمن والزيت السائح علي النار ومبرد ثم تحضر كورة من العجينة

ونبدء الفرد بالنشابة او باليد ونرش خليط السمن علي العجينة علي ان يتكون العجينة مفرودة بشكل جيد وتكون شفافة مثل ورقة السيجار

:) ثم بعد الفرد نرش كمية من السمن عليها وهناك طريقتين لفرد العجينة

:) اما ان تكور العجينة علي بعضها ونتضعها في صينية وتترك مدة نصف ساعة وبعد كدة تفردها في الصينية كويس

:) او انك تطوي العجينة المفرودة زي الاسطوانة وبعد كدة تلفها دوائر شكلها صعبة بس هي سهلة

وبردة تتحط في الصينية وبعد كدة تتفرد فيها

واخيرا تدخل فرن حار لحد ما تتحمر من الوجة

وبالهنا والشفا

عارفة انها طويلة وتحس انها صعبة علشان كدة بيتهيألي تنزل تاكلة في مصر احسن بيقي بخيرة

اي سؤال انا موجودة ;)

[بارق]

s-: يااااااااة دى خناقة دى ولا اكلة كل دة علشان فطير دا انا من وصفك كدة بس شبعت

عموما شكرا جزيلا هو الفطير دة مش لى انا فية ناس سالونى عنة وانا هاصدمهم وهاضطر احكى لهم على الطريقة واقولهم لو شاطرين بقى اعملوة

شكرا جزيلا لكل من اهتم وشارك فى المساعدة .......ادى المصررين ولا بلاش

[بارق]

شكرا لك استاذ عادل ابو زيد انت كلك ذوق بارك اللة فيك