مظاهرات فى الجامعات ضد تمديد الولاية

[الأفوكاتو]

نشرت الجزيرة أخبار عن قيام الجامعات بمظاهرات ضد تمديد فترة خكم مبارك.

فهل عندكم أخبار؟

[مصرى]

الصور التى أوردتها قناة الجزيرة .. لجامعة القاهرة .. وظهر فيها ضابط شرطة شاب وجهه ينزف دماً بينما قوات الأمن المركزى تسد البوابة الرئيسية للجامعة لمنع خروج الطلاب

المظاهرة كان معلنا عنها منذ أيام

[عادل أبوزيد]

الخبر فى جريدة الوفد الصادرة غدا 22 فبراير سنة 2005 و فيه صورة للمظاهرة و يبدو فى الصورة كم كبيرمن رجال الأمن المركزى يحيطون بالمتظاهرين الصورة ليست واضحة بالقدر الكافى كما أن الخبر مقتضب.

[الأفوكاتو]

وصلة الخبر فى موقع الجزيرة

http://www.aljazeera.net/NR/exeres/6D558B7...77EABA6A310.htm

تم تعديل 21 فبراير 2005 بواسطة الأفوكاتو

[عادل أبوزيد]

تغطية أخرى من رويتر و فيها قدر من الإسهاب و الحوار.

[sha3ooor]

[sha3ooor]

[مصرى]

رويتر والفرنسية والجزيرة والعربية .. النظام وأحزاب المعارضة بقيت فضيحتهم بجلاجل

الحمدلله .. لسه فيه أمل .. تحية للحركة المصرية من أجل التغيير "كفاية"

[عادل أبوزيد]

رجاء تجاهل كل ما يشير إلى مظاهرات فى القاهرة يبدو أنها مؤامرة لتشويه صورة النظام ..... !!!

جريدتى الأهرام و الأخبار ليس فيها أى إشارة لما تردده الأقلام المأجورة عن وجود مظاهرات بالقاهرة !!

[Katamando]

إنها حرب الشائعات

فبعد اصلاح موضوع انقطاع المياء في مدينة نصر سرت إشاعة وبصورة سريعة بأنها ستنقطع مرة أخرى ولمدة 3 أيام ولم يحدث شيء

وكذلك إشاعة إلغاء البنزين 90 والحقيقة هي عدم إلغائه وإنما ما حدث كان تظيم للمعروض من قبل المحطات بشكل مختلف حيث ستعرض 36 محطة فقط في القاهرة من أصل أكثر من 200 محطة في المدينة نوعين من البنزين 80 و 92 فقط لا غير

أعتقد ان من يطلف الشائعات إما أنه غيرمدرك لخطورة ما يفعله او انه لا يحب بلده او أنه لا ينتمي لها من الأصل

[bodi]

عادل أبوزيد شارك في تاريخ Feb 22 2005, 09:53 AM

رجاء تجاهل كل ما يشير إلى مظاهرات فى القاهرة يبدو أنها مؤامرة لتشويه صورة النظام ..... !!!

جريدتى الأهرام و الأخبار ليس فيها أى إشارة لما تردده الأقلام المأجورة عن وجود مظاهرات بالقاهرة

استاذ عادل

ليه اقلام ماجورة

وبعدين حضرتك مع النظام ولا ضده

انا ضد النظام وفساده وفرحان علشان حدوث هذه المظاهرات قد تكون بدايه التغيير واعتقد ان قله عدد المتظاهرين يرجع الي منع الامن للمتظاهرين للوصول لمكان المظاهرة

وبعدين جريدتي الاهرام ولاخباردول تبع النظام يعني مبيكلموش الا لما يفيد النظام زي الاذاعة و التلفزيون ممنوع يجبوا اخبار الا اخبار الريس

[الأفوكاتو]

إذن , فما نشرته جريدة الوفد, و الجزيرة, و العربى , و رويتر, و بى بى سى, و بقية اوكالات الأنباء الدولية كان مجرد إشاعة؟؟

و كانت كل هذه الصور فبركة ؟.

شكرا لإخطارنا, فقد طننت أن الشعب قد استيقظ, و لكنى كنت حالما.!!!

(أنا أدرك أن مداخلة الأستاذ عادل أبو زيد كانت سخرية من موقف الصحف الحكومية, أى القومية, و بقية الصحف الحزبية, ولكن مداخلة أخى كاتاماندو قد بغبغت لخبطانى)

[الأفوكاتو]

الأخ بودى,

لو قرأت ما قاله الأستاذ عادل أبو زيد فى أماكن أخرى, لعلمت أن ما قاله لم يكن سوى السخرية من هذه الصحف المستأنسة.

كنت أظن أن هذا بديهيا, و لكن, من لا تعرفه. تجهله.

[achnaton]

عادل أبوزيد شارك في تاريخ Feb 22 2005, 09:53 AM

  رجاء تجاهل كل ما يشير إلى مظاهرات فى القاهرة يبدو أنها مؤامرة لتشويه صورة النظام ..... !!!

جريدتى الأهرام و الأخبار ليس فيها أى إشارة لما تردده الأقلام المأجورة عن وجود مظاهرات بالقاهرة 

استاذ عادل

ليه اقلام ماجورة

وبعدين حضرتك مع النظام ولا ضده

انا ضد النظام وفساده وفرحان علشان حدوث هذه المظاهرات قد تكون بدايه التغيير واعتقد ان قله عدد المتظاهرين يرجع الي منع الامن للمتظاهرين للوصول لمكان المظاهرة

وبعدين جريدتي الاهرام ولاخباردول تبع النظام يعني مبيكلموش الا لما يفيد النظام زي الاذاعة و التلفزيون ممنوع يجبوا اخبار الا اخبار الريس

السلام عليكم جميعا .. وصباح الخيرات والمظاهرات يا استاذنا الفاضل افوكاتو المنتدى ..

واقولك ايه يا أخ بودى ..؟؟؟ مادام أنت عارف اللى انت كتبته ده ليه بقى ما فهمتش ما يقصده اخونا الأستاذ عادل ؟؟ بقى ده أسمه كلام ؟؟

الأشاعة الحقيقية التى لا تقبل الجدل .. هى ماوردت اليوم فى جرائد" سمارة أبو زمارة " اللى بيتكلم عن مظاهرة ال مليون ونص فى بنى سويف .. والظاهر أنه كالعادة بيحب يتواجد فى موقع الأحداث قام بعت كل المحررين والمصورين .. حتى الناس اللى تحت التدريب عشان يصور المظاهرة الصاخبة فى بنى سويف وما كنش حد عنده يبعته للجامعة ويشوف الناس المارقين اللى بينادوا بحرية البلد ويقولو كفاية .. وقد تصور " ابو زماره " انهم بيقولوا كفاية لأحزاب المعارضة الجادة مش المستأنسة .. أما سيدى ابراهيم منافع فكان مشغول مع سيدى ابراهيم سعيده يابا .. فى مراجعة ديون المؤسستين عشان ياخدوا قرض جديد من حكومتنا الألكترونية .. ليكتبوا بحرارة عن مظاهرات الشعب فى بنى سويف والدقهلية ولسة يقى باق المحافظات .. منافع ده وزملائه الكرام .. بيعتبروا اللى حصل امام الجامعة حرام .. والكلام عن الحرام .. بيبقى حرام !! وعشان كده سابوا الكلام للكفرة بتوع وكالات الأنباء العالمية وبلاش نقول قناة الجزيرة ولا عربية .. الناس دى معرفه بالنفاق .. وبيصوروا ويتكلموا عن مطالب شعب جزيرة الواق واق .. أما عندنا فى مصر المحروسة فالأمن مستتب تمام .. وكل يوم تلاقى قصر جديد .. وزيادة فى المرتبات للموظفين ؟!! بس الكبار منهم فمثلا تلاقى غراب الخراب اللى باع مصر وخرج من الحكومة بعد ما خربها عينوه فى بنك بمليون جنيه فى الشهر .. وخبراء النفاق ومشايخ السجادة الاعلامية من سيدى ابراهيم منافع رضى الله عنه وارضاه الى سمارة ابو زمارة .. فلا يقل مرتب ومكافآت الواحد منهم الشهرية عن ربع مليون جنيه .. مقابل غنوه نفاقية .. او مغالطة فى احصائية ..

نقولك ايه تانى يا بودى .. الآستاذ عادل له حق.. يسخروالا يطق !!

النهاردة فى بلجيكا لما بوش قابل شيراك .. قاله احنا عاوزين نتعاون فى إعادة الديمقراطية للشرق الأوسط .. ونعطى للشعب السعودى حق تقرير مصيرة ..وكذلك شعب مصر ..

وبكرة مش بعيد .. وحنطت فى ايد اللصوص غوايش الحديد ..

chf:: :) taz::

[Shams100]

[yasser6666]

[yasser6666]

[maha55]

شوف بقي يا عم اخناتون

شر البليه ما يضحك..اسلوبك اللاذع اصابني بكريزه ضحك

حتي البكاء مثل اللي بتيجي في العزاء بعيد عنك وعنا جميعا.

من كتر ما انا زعلانه علينا وعلي اللي بيحصل فينا.

اصل مصر المحروسه باذن الله دي بلدي انا

ولو كانت بلدهم ما كانوش سرقوها ولابهدلوها..

هو فيه حد يسرق نفسه ويبهدلها بالشكل ده؟؟!!

الا اذا كان مجنون اواهبل بعيدعنك وعنا.

يا عمنا ده احنا بقينا شحاتين العالم بعد ما كنا اسيادهم..

عملنا زي اللي اخد 100 قلم علي قفاه علي سهوه..

لكن عندي سؤال:يا تري ها تلاقي غوايش حديد تكفي

واللا هايبقي فيها ازمه ؟

الواحد يلحق يحوش شويه قبل ما تغلي هي كمان؟

لا حول ولا قوه اللا بالله العلي العظيم.

انا ها اقوم اصلي وادعي الله القادر المقتدر

ان يرفع عنا الغمه

اللهم ارفع مقتك وغضبك عنا ولا تعاملنا بما فعل السفهاء بنا