إحنا مكنش لينا ثورة

[ehabmohmmed]

الشعب اللى أكتر من نصه يا أما ميعرفش يقرا يا أما بيقرا عشان يشوف اسم الشوارع ويعرفها مطلبوش بثورة

الشباب المساكين اللى بيتخرجوا من مدارس وجامعات وأكتر حاجه أستفادوها من سنوات تعليمهم طريقة وضع الجل ومعاكسة البنات مطلبوش بثورة

الجوعانين وما أكثرهم اللي بيتمنوا يعموا وميشوفوش غيرهم بياكل ويتفسح مطلبوش بثورة

لأن كل دول قرفانين من حياتهم كلها ومش طايقين حد بس يقول لواحد فيهم مالك لأن ببساطه اللى ميشوفش من الغربال يبقى بيستهبل

اللى الواحد أكتشفوا بعد مرور أكتر من سنتين على ثورتنا اننا مكنش لينا ثوره أو بشكل أدق منعرفش يعنى أيه ثوره

الثوره يعنى تقول لاء لأبنك لما يبقى عارف انك محدود الدخل ومبيبطلش طلبات سخيفه ملهاش أى قيمه غير في المظاهر الكدابه والشكليات الفارغه

الثوره يعنى متبقاش مجرد حمار في ساقيه وأى حاجه يقولك اللى فوقك عليها تنفذها وهى غلط

الثوره يعنى اننا نفتكر ان كل هدفنا في الحياه اننا نكون مجرد أداه بالنسبه لزوجاتنا وابنائنا عشان يتمردوا على واقع مش حبين يعيشوه

الثوره كانت لازم متبدأش ألا داخل كل واحد فينا عارف كويس أيه الصح وأيه الغلط ... والعزم على عدم الاستمرار في الغلط ورا الغلط بحجة أننا هنعمل أيه طالما كل اللى حوالينا كلاب مسعوره

الثوره مش معناها اننا نطلب طلب ولما يتحقق نلف حوالين نفسينا مش عارفين أيه اللى المفروض يحصل بعد ما يتنفذ طلبنا الاول مش زى عادتنا القبيحه اننا بنصدر دماغنا عشان حاجه لازم تحصل

وبعد كده يحصل اللى يحصل

الثوره مش معناها أبدا أننا نتحول من عبيد لأرجوزات بيحركها رشيد بيعرف يستخدم أسلحته كويس مش زينا بيلف سلاحه فى وشه وبغباء يدوس عالزنات ويقولك مش هتيجى فيا

الثورة اللى تجيب مرسى رئيسا تبقى ثوره عوره مبتعرفش تميز بين حلقة تحفيظ قرآن فى مسجد نفرح أوى لما ولادنا يحفظوا فيها الفاتحه عشان نخليهم يسمعوها قدام قرايبنا بس بداعى اننا نفرسهم

وبين بلد مليانه تروس مصديه محتاجه عشان تتعشق وتدور تتنضف وتتزيت وتترتب لأنها مبعككه على الأخر

الله يرحم اللى ماتوا لأنهم بأختصار أطهر حاجه فى الثوره المنيله بنيله اللى جاتنا قبل الأوان

||

تم تعديل 9 مايو 2013 بواسطة ehabmohmmed

[حورية الجنة]

يارب ارحم شعب مصر شعب تعب كتير من حقنا نرتاح

[ehabmohmmed]

يارب يسمع منك

[متعب]

لاتحاكم الربيع العربى . بل حاكم المنظومه الصهيونيه التى حولته الى جحيم عربى

[herohero]

تمام احنا لا نستحق الثورة ولا نستحق الديموقراطية ولا نستحق الحياة الادمية
عادي ماهي اتقالت قبل كده اننا غير مؤهلين للديموقراطية

عموما يعني بالمنظر ده مفيش امل !!!!