المياه في المنصورة.. بعيدة عن الصورة

[Sherief AbdelWahab]

بعض من رزئ بمشاهدة برنامج صباح الخير بالليل يا مصر سمع بأن هناك "شائعة" بتلوث مياه الشرب في بعض مراكز محافظتي الدقهلية ودمياط..

رئيس الشركة القابضة طبعاً طمأن الجماهير العريضة على الطريقة الشاذلية البرلمانية ، قائلاً أن هناك عينات قد فحصت من المقاهي أكدت نقاء مياه الشرب..

الواقع يقول أن المياه منذ حوالي ثلاث أسابيع أو أقل لوحظ عليها تغير واضح في رائحتها وفي طعمها..

بعض الناس علقوا على الوضع في عبارة قيلت لي قبل طرح هذا الموضوع بقليل: المية مفيدة!

مين اللي صح؟ هل شركة المياه مخطئة أم نحن مصابون بأنفلونزا تسونامية

آسيوية؟

خلص الكلام

[nouve]

الاستاذ شريف

ممكن اعرف ايه المشكلة لما تكون المياه ملوثة؟ ايه يعنى لما ييجى لنا شوية امراض كمان غير اللى عندنا؟

وبعدين المحافظ يعمل ايه ولا ايه؟ مش كفاية قعد يبايع الرئيس مبارك باسم خمسة مليون دقهلاوى؟ يعنى ياخدوا منه وقت طوييييييل.

rs: مش عاجبكو الميه اشربوا عصير.

[محمد شلبى]

امبارح الفجر صحيت على التيلفون والموبايل بيرنوا فى نفس الوقت ولقيت واحد صاحبى بيقولى اوعى تشرب لان المياه مسممة ومستشفى الطوارئ مليانة حالات وانهالت علينا المكلمات من مل الاقارب يحذرونا من شرب المياه,وبعدين بدات ميكروفونات الجوامع تنادى وتحذر من الشرب وفعلا كان طعم المياه لا يطاق من 3 ايام.

وبعدين نزلت الكلية وفوجئت باغرب مشهد فى حياتى, لقيت الناس واقفين طوابير امام المحلات والبقالات بيتخانقوا على المياه المعدنية ,فقررت انى اروح الطوارئ ولقيت فعلا 40 حالة تسمم جاءت كلها بالليل, وعلى الساعة 12 كانت عربيات المحافظة بتلف الشوارع وتقول للناس ان دى اشاعات والميه سليمة وكله تمام.

[Katamando]

في تصريح متأخر ليلة أمس صرح وزير الإسكان والمرافق العامة والمجتمعات العمرانية الجديدة بانه لا صحة لما سرى من إشاعات عن تسمم المياه وأن كل ما هناك هو تغير طفيف في رئحة المياه بسبب ورد النيل وإزالتة وقد جاء ذلك في برنامج القاهرة اليوم على قناة اليوم الفضائية التابعة لشبكة أوربت

وأكد الوزير إنزعاجه لما إنتشر من أن المياه مسمومة وأن كل من تناقل الاشاعة خاطئ يجب عقابه على حد قوله

[Sherief AbdelWahab]

هذه هي آخر الأخبار .. ولنا عليها تعليق:

في الأهرام ، الطبعة الورقية ، نشر بأن ما حدث كان "إشاعة" .. وإن كان لا دخان بلا نار!

في الدقهلية حملت المسئولية للبراميل التي كانت موضوعة لحجز ورد النيل ، والتي ثبت فيما بعد أنه كان فيها بواقي رائحة مبيدات!

يبقى أنه قيل أنه لا حالات تسمم بسبب المياه في مستشفى الطوارئ بالمدينة!

هذا ملخص ما نشرته الأهرام ، ولم أعثر عليه في الطبعة الإلكترونية!

التعليق:

1-لماذا لا تأخذ أمور كهذه الأهمية التي تستحقها لدى البكوات في الحكم المحلي؟

2-لماذا نشعر بقلة بل بانعدام دور الكيميائيين في مرافق كتلك تعج بالموظفين الذين لا نعرف كيف عينوا في الوقت الذي يتم الإلقاء بخريجي علوم قسم كيمياء في الشارع؟

3-لماذا انتظر المسئولون في محافظة الدقهلية بعد ثمانية عشر يوماً من بدء تغير رائحة المياه وطعمها؟

4-أيهم نصدق : من قالوا أن هناك خمسين حالة تسمم في المستشفى المذكور أم جريدة الأهرام؟

5-لا يسألني أحد عن القناة السكة!

خلص الكلام

[الأفوكاتو]

حماية حياة المواطن, و صحته, و حريته, ليست على قمة أولويات الحكومة.

فأين الجديد؟

[maha55]

انا عرفت السر في تسمم المياه في المنصوره rs:

البراميل اللي حطوها علشان تمنع ورد النيل كان فيها مناديل معطره

وبعدين المناديل زهقت من دخان مصنع السماد اللي منغص عيشه السكان في حي توريل وقسم ثان

قاموا راحوا قسم اول يشتكوا..

قسم اول ما عملش حاجه وقال عليكم وعلي المحافظ .. يعمل لكم صوان يحوش منكم السحابه اللي بكل الالوان والروايح..

مع ان الموضوع كله ان فلاتر مداخن مصنع السماد بيتسرق ثمنها والفلاتر الجديده اللي عندهم ..اذا كان عندهم..

بيحوشوها لما يجي ضيف زي الرئيس او رئيس الوزراء او وزير الحكم المحلي..

المفروض مراجعه هذه الفلاتر يوميا واستعواض القديم ..

وفيه فحم اسمه الفحم الكربوني بيستورد ويوضع مع الفلاتر

لكن مفيش ميزانيه؟؟

ولما جه اسبوع الجامعات ..

والتعلب في بعض شوارع المنصوره فات.. clp::

حطوا فلاتر جديده ولم يغيروها حتي الان